夫婦情感

跳至

首頁
12

尾頁
   1


複式洋房

積分: 227


發表於 14-4-13 23:15 |顯示全部帖子
老婆有咗8個月第一胎係女今胎係仔,唔知點解成日鬧交,小弟唔賭錢唔食煙,只係鍾意飲啤酒,工作關係我和太太都算聚小離,大女太太和工人湊,因為太太做零售有時好夜先返工,好小收早多數返下午,浄低我和大女工人一齊食飯,本身自己都返shift 早中夜三更都要返,有時老婆收早或者放假,但我都陪完家人先去出去飲o下啤酒減o下壓力,但Lee幾個月可能多咗,但係太太都經常責怪我常常出去飲酒只係去玩,但其實我又時出去飲酒都出去傾o下其他野做,等自己搵多d錢和家人將來生活過得舒服,但係和我太太好小傾o下自己野,因為我太太係一個唔支持我既人,一次一次潑我冷水,所以近年好多事情我都不會興她分享,但今早我們再次為此問題吵鬧,所以我決定搬出去幾日,俾大家冷靜.........




大宅

積分: 3052


發表於 14-4-13 23:47 |顯示全部帖子
成曰飲酒已經好唔岩,冇一個老婆會鍾意


大宅

積分: 4076


發表於 14-4-14 00:28 |顯示全部帖子

回覆:成日家吵屋閉

你太太有左,幫你陀住個b好辛苦的,唔好搬出去啦,你當就下佢在這個懷孕期戒啤酒,事事遷就老婆。

我自己都係大住肚,情緒起伏好大,小小事可以唔開心,同埋喊,皮氣係臭左好多。加上你老婆又要返工,回家又要照顧大女,真係好辛苦,希望你體諒一下老婆,十月懷胎幫你生仔,真係唔容易。


珍珠宮

積分: 35436

2021勳章 醒目開學勳章 畀面勳章


發表於 14-4-14 00:39 |顯示全部帖子
回覆 waiki1017 的帖子

你有計劃,唔同老婆傾,有乜野又唔同老婆分享,
你老婆又點會了解你?
好多野係雙向的,
試試和老婆多d溝通,
佢次次潑你冷水是不對,
但你可以心平氣和地同佢講,大家改善下

你放假要出去飲酒relax,
我係人地老婆,
覺得relax有好多方法,
飲酒的地方比較複雜,
我估你老婆擔心你識豬朋狗友吧。
你就咁走,太傷佢心呀!

點評

weib1121  agree  發表於 14-4-14 09:57


翡翠宮

積分: 92886

2018復活節勳章 開心吸收勳章 我的育兒心得勳章 玩具勳章 畀面勳章 BK Milk勳章


發表於 14-4-14 00:42 |顯示全部帖子

回覆:成日家吵屋閉

搬左出去無補於事呀,佢仲傷心,傷心會影響個胎架,返屋企傾吓好啲


大宅

積分: 1560


發表於 14-4-14 00:47 |顯示全部帖子

回覆:成日家吵屋閉

唉,明白你感受,但不支持你搬出去冷靜,因為大肚女人好易唔開心及抑鬱,我覺得你可以嘅話,飲少啲同出少啲啦,唔通等老婆有病先來後悔自己做太少咩,
你老婆都八個月啦,就快生㗎啦,呢排又熱咗,情緒波動會大啲或燥啲,
再加上佢大住肚仲要返工同你一齊撐頭家,唔通叫你就下佢呢段日子都算過分嗎?
生仔真係好辛苦㗎,體諒下佢啦,
當然你都有苦衷,你都想有自己空間,但兩夫妻唔係應該互相扶持及體諒嗎?
而家你一時火上心啫,下咗火就主動道歉兼哄下老婆啦(為咗擁有一個幸福家庭,你做到嘅^^),
孕婦八個月至十個月係最辛苦的,個肚又大,腳又易水腫 ,個人真係會好燥同辛苦㗎,如果身邊人能多體諒嘅話,媽媽心情又好啲,肚入面個bb都會易照顧啲㗎!

好爸爸好丈夫,為咗頭家,你有責任令家庭成員開心快樂的,加油丫!!!


大宅

積分: 1479


發表於 14-4-14 00:59 |顯示全部帖子
其實搬出去幾日有咩用,只會令件事更複雜,佢又會擔心又會唔開心,一陣佢太激動早產仲大件事。


公爵府

積分: 27059

好媽媽勳章


發表於 14-4-14 01:01 |顯示全部帖子

回覆:成日家吵屋閉

你搬出去,就以為可以冷靜到和解決到?

最佳辦法其實係兩個坐底慢慢去溝通和了解成件事去解決。
加上你太太有左,是否順下她意不可?

甘樣她和bb心情發展都好唔健康,為頭家錢之於,
往往忽略最重要係大家相處\"相親相愛\"心𤫊態度生活

其實女人好易氹




別墅

積分: 903


發表於 14-4-14 01:09 |顯示全部帖子

回覆:成日家吵屋閉

比著我陀住8個月大既肚 個老公走左去 一定傷心加嬲死 我勸你都係快d返屋企 你自己就話冷靜咋 你老婆有咩可能冷靜到 只會愈搞愈大獲 比d風度出來啦!

點評

[email protected]  同意  發表於 14-4-14 14:40


珊瑚宮

積分: 115332

2021勳章


發表於 14-4-14 01:41 |顯示全部帖子
飲酒傷身, 唔飲唔得?


翡翠宮

積分: 79216


發表於 14-4-14 08:56 |顯示全部帖子
有人鐘意食煙有人鐘意飲酒
有人鐘意shopping, 有人鐘意打牌
好難講O岩唔O岩; 強制要對方介亦好唔人道
大人大姐; 又唔係小學生

最緊要係你鐘意既野, 要維持係一個雙方都可以接受既水平
一星期5晚太多; 咁一星期2晚; 大家要遷就下


男爵府

積分: 8112


發表於 14-4-14 10:02 |顯示全部帖子
多d溝通與關懷啦,講真,我都唔係咁鐘意我老公出去飲酒,一個月兩三次可以接受,但係個心都唔係咁舒服,因為一飲就飲到三四點先返黎,第二日仲要返工,我宜家都係陀住bb,我都想他陪我多d,將心比心,如果她去成日去飲酒應酬傾生意,你係屋企湊仔,你個心舒服嗎?或者多d溝通,多d換位思考,矛盾就會減少。
做人,5好難为自己


男爵府

積分: 8112


發表於 14-4-14 10:02 |顯示全部帖子
多d溝通與關懷啦,講真,我都唔係咁鐘意我老公出去飲酒,一個月兩三次可以接受,但係個心都唔係咁舒服,因為一飲就飲到三四點先返黎,第二日仲要返工,我宜家都係陀住bb,我都想他陪我多d,將心比心,如果她去成日去飲酒應酬傾生意,你係屋企湊仔,你個心舒服嗎?或者多d溝通,多d換位思考,矛盾就會減少。
做人,5好難为自己


大宅

積分: 2445


發表於 14-4-14 10:27 |顯示全部帖子
嘩!你咩人來呀?講到自己冇錯咁.我現在陀住27W都要照顧小朋友同番工,已經累到不得了.陀住BB辛苦吃力你又會明白嗎?講到老婆潑你冷水,咁你有冇諗下佢既感受呀?
仲要話搬出冷靜下,如我是你老婆我會好好考慮是否值得和你共度餘生.
請體諒下老婆,小生命將來臨應是開開心心.不要做D唔成熟既行為傷害大家既感情.

點評

blythe0824  十分認同,大肚婆真的很辛苦,還要返工,做老公竟然想逃避,唉,而家的男人點解變成咁  發表於 14-4-14 13:38


大宅

積分: 4483


發表於 14-4-14 10:29 |顯示全部帖子
你一個人搬出去冷靜下 , 咁咪令你老婆更加嬲 , 更加亂諗野囉 ~你老婆都 8個月啦 ! 有咩事咁點 ? 逃避不是辦法 , 你點都要解決問題

我宜家都陀緊第二個 BB , 情緒起伏真係可以好大 , 你知唔知女人陀 BB 真係好辛苦 ? 陀十個月又辛苦 , 生又辛苦 , 生完傷口痛又要湊 B 係極度痛苦 ~ 我成日同我老公講 , 下世我做男人, 佢做女人 , 等佢感受吓 , 佢都話佢下世要做男人呀 !! 所以我老公好體諒我成日向佢發脾四

你有大計 , 就算老婆潑冷水又如何 ? 但起碼你會同佢傾下心事 , 兩個人相處要多 D 溝通 , 你都話同你老婆相聚時間少 , 有時間可以試下 whatsapp 吓傾下計 , 出去飲野唔係唔好 , 不過真係唔好太過份囉 ! 你老婆大緊肚 , 想你有時間都陪下佢 , 可能你出發點係好想搵多 d 錢 , 但係女人心目中 , 如果宜家己經夠用 , 佢又大緊肚 , 關心佢先係最重要囉 !!


子爵府

積分: 10518

畀面勳章


發表於 14-4-14 10:31 |顯示全部帖子

回覆:成日家吵屋閉

傾下搵野做只係籍口,老婆唔鐘意就係唔鐘意,你仲搬走,識唔識做人爸爸同老公呀?


侯爵府

積分: 22614


發表於 14-4-14 10:39 |顯示全部帖子

引用:老婆有咗8個月第一胎係女今胎係仔,唔知點

原帖由 waiki1017 於 14-04-13 發表
老婆有咗8個月第一胎係女今胎係仔,唔知點解成日鬧交,小弟唔賭錢唔食煙,只係鍾意飲啤酒,工作關係我和太 ...
你搬咗出去,更加令老婆亂諗野,佢更加側埋一邊,到時恨錯難返架喇 搵個機會好好傾下啦 ,陪佢一齊產檢,睇下會唔會有抑鬱,有時連你老婆自己都唔知架


大宅

積分: 1823


發表於 14-4-14 11:00 |顯示全部帖子
老婆就生啦, 仲逃避, 應該好好面對, 同佢慢慢再傾下啦, 唔係好容易有產後抑鬱架。


複式洋房

積分: 227


發表於 14-4-14 13:58 |顯示全部帖子

回覆:成日家吵屋閉

多謝各位媽媽留言,琴晚收工返屋企已經和太太講好了和講對唔住,我問佢陀BB好辛苦是否大壓力,太太話無野無嬲,太太只想我陪佢多d已經足夠......



點評

yoyobb1019  辛苦曬  發表於 14-4-15 06:47


珍珠宮

積分: 35436

2021勳章 醒目開學勳章 畀面勳章


發表於 14-4-15 01:37 |顯示全部帖子
waiki1017 發表於 14-4-14 13:58
多謝各位媽媽留言,琴晚收工返屋企已經和太太講好了和講對唔住,我問佢陀BB好辛苦是否大壓力,太太話無野無 ...
珍惜!

首頁
12

尾頁

跳至