我個仔前排都痾咗3個星期呀，夾夾埋埋都用咗千幾蚊睇醫生，最後一次睇咗qe以前個兒科顧問醫生，醫生解釋bb過咗6個月冇咗媽咪嘅抗體，身體容易受到細菌感染，就會病病，例如發燒感冒，最常見係腸胃變得敏感，對牛奶奶粉裡面嘅乳糖變得敏感，一日痾3-4次係可以接受嘅次數嚟嘅，只要食得、瞓得、玩得就唔係大問題喎!! 肚痾會失去水份較多，記得比bb飲番多啲水水，佢話其實家長都冇乜嘢可以做到，唯有等佢腸胃變得強壯自然會好番，期間佢建議我哋幫bb轉食無乳糖嘅奶粉或者豆奶奶粉，都可以幫輕吓bb肚痾嘅情況，因為無乳糖就唔會產生敏感，就唔會痾肚子，但係無乳糖嘅奶粉或者豆奶奶粉味道一般較淡，大多bb都唔肯飲，所以我哋兩溝囉，同埋醫生開咗隻調理腸胃藥粉比我哋，而家叫做好番好多喇!! 睇吓我嘅經驗可唔可以幫到你啦。
另一提，痾肚會痾瘦bb架，煲啲粥水比bb用嚟開奶，會飽肚啲，如果bb已經開始咗食固體食物，媽咪可以用果皮煲粥比bb食，果皮有驅風作用，果皮浸軟之後，刮去內壁啲囊先放入啲粥度一齊煲，因為果皮內壁啲囊好濕熱架，對bb唔好架!! 另外百合、淮山都係清腸胃嘅食物，可以煲蜜棗百合粥或者淮山瘦肉粥比bb食吖，不過，醫生話暫停食含纖維嘅嘢，例如瓜菜水果等，因為纖維會促進便便呀!! 睇吓我嘅經驗可唔可以幫到你啦。
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
發表於 
返回列表
