懷孕前後 今日: 3 | 主題: 330108

積分: 266

1^#

發表於 14-5-4 01:43 |只看該作者 |倒序瀏覽 |打印

本帖最後由 michellelili 於 14-5-4 01:44 編輯

自從有咗，公司，奶奶老爺，老公都有俾壓力我!

公司覺得白出人工俾我，日日同事都黑我面，因為我請假佢地要分擔我嘅工作，想我自動離職！

奶奶唔俾我做這個，唔俾我食那個，唔去得那處……，又話我唔剪頭髮，唔又話我唔食野，bb唔長肉，會好瘦，唔得肥肥白白等等等等，咁我嘔，你想我点？

老爺係咁話我無拜神，無去掃墓，所以日嘔夜嘔，又暈，成日唔舒服……之前還有作小產，又其係我去覆診後無返工成日係屋企，話得重勁！
成日問我係仔定女，又話係女要生多個仔！

我老公成日同我因小小事又炒起上黎！我明佢都有壓力，但我又嘔又暈，食又唔多，一日一日係咁輕，休息又唔夠，咁又有邊個理我？我都有壓力的！

我覺得有咗bb之後，所有都變哂，我真係唔想要個bb，想要個時又好想生,現在有又覺得好辛苦唔想要，生出黎大家都好辛苦！

我話座月請倍月，我奶奶等一個就出聽，“我生完個時都無倍月，自己一個人做哂，最多叫阿媽幫下手！“
大老呀！當年你呀媽唔洗返工，我呀媽同你都要返工，咁邊個幫我呀？

我好辛苦呀？我可以点做！

0 0 0

私人傳訊

Mrs·Cheung

伯爵府

積分: 19072

2^#

發表於 14-5-4 02:03 |只看該作者

回覆：好想做終止懷孕手術 (好辛苦，文字好長)

咩都唔好理，專心安胎

bb可以來到你度，係你咖福氣，日後佢先係你一家人。佢會帶給你快樂幸福

工作上，盡自己所能，能做就做，經濟允許未唔做囉。唔允許，可能起公司都好過翻屋企日夜對住你6299。如果工作上為難你，就拿證據去告佢歧視。

6299，當佢唱歌，真係受不了，就爆翻佢地，話搞到你產前抑鬱「真係會嘅

c6方面，同佢講或寫信俾佢，講出你嘅唔開心，有無作用都好，起碼講佐，你會好過。盡量唔好吵架，多個b，甘大變化，唔好話女人，男人一樣有情緒的

BB你來咗啦？

私人傳訊

吉妹

積分: 1750

3^#

發表於 14-5-4 02:13 |只看該作者

回覆：好想做終止懷孕手術 (好辛苦，文字好長)

當佢地唱歌啦，千奇吳好為左咁而放棄啊，我都成日比屋企人日哦夜哦，話我吳食野，話我吳行多啲，啲親戚見親面就研究個肚係仔定女，我初初都接受吳到成日自己一個係到喊，但係慢慢習慣左就會好好多架啦。
總之一於當佢地唱歌啦!!!!!

私人傳訊

積分: 266

4^#

發表於 14-5-4 02:20 |只看該作者

我現在成日都喊呀！覺得好辛苦，又唔知可以点做！好似無咗自己空間！出街行下，又行唔得耐，又唔敢同媽咪話，又怕佢擔心我嫁得唔好，又無乜朋友同6299住，佢地無咁嘅問題！
我都唔知可以点做……

點評

smallwing0225 我陪你啦。我遲啲都同6299 住。有咩可以揾我傾喔發表於 14-5-6 14:48

私人傳訊

積分: 266

5^#

發表於 14-5-4 02:25 |只看該作者

我都明白，有bb唔係一件容易事，有好多想要都難有，但我就黎要爆啦！
覺得現在唔想再住係倒，無一日係可以俾我靜下！

私人傳訊

beth222

男爵府

積分: 7015

6^#

發表於 14-5-4 02:32 |只看該作者

回覆：好想做終止懷孕手術 (好辛苦，文字好長)

唔好鑽牛角尖諗埋一邊呀，生命得來不易，要做媽媽啦，點可以輕言放棄呢，堅強d呀！

改變一下心態呀，唔使理人講咩，尤其老人家，唔好指意佢地會改，你要學下唔好對佢地事事上心，有時要借下聾耳陳隻耳！陪月想請就請啦，唔使同6299商量(除非要佢地出錢或者係99家坐月另計)

公司方面無辦法架，你做到幾多得幾多啦！生完會唔會做ftm？能力許可既，咪辭左份工做ftm，想繼續返工既，唯有頂硬上！

老公方面你要多d同佢溝通，要好聲氣d，我有左初期好忟憎，因為又嘔又暈，覺得老公唔明白自己，對住佢講野不自覺粗聲粗氣，又成日喊，情緖好低落，去到四個幾月先好d，係荷爾蒙影響呀！佢可能一時未適應到你有左之後既變化，大家都有壓力，互相體諒下，搵個機會同佢講下心底話！

祝你一切順利，關關難過關關過

私人傳訊

AA20

積分: 926

7^#

發表於 14-5-4 02:34 |只看該作者

千祁唔好咁唔開心, 同埋諗埋一邊, 唔好唔要佢呀! BB係自己的, 身邊所有人講什麼都唔需要介意. 一切都係以BB行先.
生BB係一件好神奇的事情, 當BB在你身體入面慢慢長大, 遲D你感覺到佢的存在, 24小時與你一起, 係好開心架.
雖然BB生出來之後, 開頭真係好辛苦架, 頭一個月簡直係非人生活但當佢慢慢長大, 三兩個月之後便會好好玩同好好笑, 之前D辛苦, 完全唔記得晒LU. 如果你冇生佢出來, 你一世都唔會感受到呢種開心.
公司, 工作, 同事, 老爺, 奶奶, 通通都唔需要去理佢地, 現在呢一刻, BB係最重要的, 千萬不要影響自己的心情.
至於老公, 2個坐低傾下, 始終教育&養育小朋友係你2個人的事, 需要好好傾下.
如果經濟許可, 請陪月係好嘅, 最好請夠2個月tim, 因為我坐月時, 我媽媽只是日日幫手三兩個小時, 送飯及幫BB沖涼, 其餘時間得我一個人同BB單打獨鬥, 又要做家務, 日間冇乜時間休息, 晚上又要喂奶, 係好辛苦的.
如果你打算做全人奶媽媽, 就更加要請陪月, 等你日間可以休息一下, 晚上才有精力同你個BB角力, 因為所有初生BB晚上係唔瞓覺架.

總之一句, 生兒育女係一件開心的事情及偉大的使命, 生仔生女都不需要同別人交代. 仔女都係自己的骨肉, 只要健康就是好了! 既然上天送給你呢份咁珍貴的禮物, 便不可以輕易放棄, 一定要堅持到底.
加油!!!!

私人傳訊

bobo022184

積分: 2367

8^#

發表於 14-5-4 02:53 |只看該作者

回覆 michellelili 的帖子

我同你一樣'同6299同住'我c6又本身有時有d情緒問題'不嬲都有'咁我之前害喜嚴重'自己遲左工'c6之後成日都好大男人話'你有左大晒咩'唔洗做就就下d老人家'就下我啦'因為佢地重爆過你個邊'62覺得我舒服過頭'一朝早專登吹笛嘈醒我唔比我訓'99成日好小事鬧我'又或者屈我'3個都真係本身有d精神病'我以前邊會喊家姐'一有左成日喊'直到我同佢地逐個發爛揸'發左好多次'同佢地講我真係產前抑鬱'你唔想我生完入青山'一係你地去睇精神科醫反好自己'一係等我生完仔半年後'd荷爾蒙退晒先來逐個玩死我'先叫做肯就下我'呢個幾月舒服小小'我6299同你99思想一樣，覺得唔洗對我地咁好'你講個d陪月'對你99簡直係放屁'跟本佢地唔知陪月幾緊要'總之'萬事以護住呀b行先'唔可以唔要呀b'第時佢可能係你最重要'最錫你個個人'放心啦'你c6應該遲d都會明白大肚幾辛苦'要就你'你不斷灌輸比佢'上網搵多D產前後抑鬱資料send whatapps比佢'佢會同佢d朋友聚會'朋友又分享下'最好係有生仔經驗既女性朋友同佢講'我c6都係鍾意聽出面d人講多過聽我講'就係上次佢有個舊女同學'同佢講完後'立即茅塞頓開。慢慢來'佢實有一刻開竅既。反工個邊'佢更係想你遲工啦'唔洗陪比你'唔洗中計。

私人傳訊

積分: 266

9^#

發表於 14-5-4 02:59 |只看該作者

多謝你地咁夜都覆我，

我會再努力試下，其實我有bb個時都好開心好高興，人人都祝賀我！

但過了一段日子，好多野·我都已經唔係我控制內，連我早午晚三餐我都控制唔到，我老公又聽奶奶話，又話佢都係為我好等等等等……

但我都想有自己嘅生活，現在我好似俾人控制住，我食粒魚油丸，99都話無益，係咁住魚俾我食，一聞到魚又嘔，食唔到又話我唔食野，我同老公講不如出去食飯，又話出面d晚餐無乜營養，都係返屋企飲湯好d.....

我都明bb係我的，但6299日日係屋企一齊住，真係好難處理，因為我老公話真係出唔到去租屋住！

其實結婚後，同住生活真的無問題，但有咗bb就真係困難咗！

私人傳訊

bobo022184

積分: 2367

10^#

發表於 14-5-4 03:32 |只看該作者

回覆 michellelili 的帖子

好明顯你99跟本同我99同一類人'跟本跟唔上現代人既節奏'魚油丸都話唔好'我99係鄉下人'以前有bb咩都冇得食'只會一路陀仔一路耕田'佢生左3件都唔知孕婦咩食得咩唔食得'重要問我呢個藥才你食得嗎'一係最鐘意擺下99款'聽人講朱骨好'就以為除左朱骨'就冇其他高鈣既食物'我話我有食黑之麻同媽媽奶家'佢話你識個屁'有時就係咁激死你。成日話我出街食點唔好'但佢煮個D我真係食唔落'又唔知自己煮得難食'有時咪扮野爬2啖'再嘔比佢睇'跟著自己出街再食過啦。魚油丸你咪放公司食啦'食左冇人知'頭3個月係食唔落野家'咪放工自己填包個肚先反去'之後扮野每樣食小小'最好自己煲定粥'同買定面包'夜晚肚餓有野食。呀'頭3個月朝早食麥皮'得就撈隻蛋落去'快靓正'又有營養。

私人傳訊

KEUNGKEUNGBOBO

禁止訪問

積分: 1155

11^#

發表於 14-5-4 03:36 |只看該作者

提示: 作者被禁止或刪除內容自動屏蔽

私人傳訊

積分: 266

12^#

發表於 14-5-4 03:53 |只看該作者

回覆 bobo022184 的帖子

係呀，我奶奶就係咁，人地講乜佢信乜，我講就係唔好嘅

，要信佢個隻！
還有我現有十四週還在嘔，但俾起頭三個月已好了好多！

現有都少食多餐為主，希望快d唔好嘔，真係好辛苦！

私人傳訊

Vivinana0202

積分: 520

13^#

發表於 14-5-4 05:17 |只看該作者

回覆：好想做終止懷孕手術 (好辛苦，文字好長)

媽媽係吾可以喊，好傷自己同bb。
為左bb, 堅強d!

私人傳訊

winifredwin

珍珠宮

積分: 40237

14^#

發表於 14-5-4 06:03 |只看該作者

回覆：好想做終止懷孕手術 (好辛苦，文字好長)

9962講嘅野你覺得唔啱嘅話聽完就算不用理會，陀b最緊要係開心唔好有壓力，食咩做咩自己鍾意就得佢地奈你唔何

私人傳訊

lovemisha

伯爵府

積分: 18041

2024年龍年勳章虎到金來勳章牛年勳章

15^#

發表於 14-5-4 06:27 |只看該作者

michellelili 發表於 14-5-4 01:43
自從有咗，公司，奶奶老爺，老公都有俾壓力我!

公司覺得白出人工俾我，日日同事都黑我面，因為我請假佢地 ...

如果你老公能夠負擔到往後開支直到你生完坐月的話，媽媽不如辭左份工，這樣你可以減輕在公司受到既壓力。如果老公本身負擔夠大，你只可以當佢地唔存在，繼續做自己野，有時……哩個世界你無辦法令身邊周圍既人識得體諒你，因為佢地可能未經歷過或根本不可能經歷到又或者佢地本來就係自私自利，所以佢地唔會因為你表現得有壓力或唔開心而遷就你，職埸上就係咁，你只可以加油令自己無視哂所有BLACK FACE，心入面要諗我為左BB要加油，我唔開心，BB都感受到。

食野方面，每個女人懷孕期間孕吐各有輕重，你奶奶當時可能無咁嚴重，佢未必會明你感受，但你自己最清楚自己需要啲咩，係你奶奶面前咪醒定啲避免食啲俾佢阿吱阿左既野，係佢背後就搵啲自己見到唔會想嘔，又易消化既食物，總之自己覺得食完飽肚舒服又唔會傷害到ＢＢ既食物就可以。肚係你的，ＢＢ都係你的，心情都係你自己的，唔好為左唔明白自己感受既人怒氣，傷身又傷心。

老爺果度更加唔洗諗，根本無謂。初初懷孕已經唔適應又唔舒服，仲去拜神掃墓吸香煙。你奶奶唔明你，更不用期望你老爺會理解你。生仔生女更唔係你自己可以話事，生完今次，往後生唔生亦係由你自己決定，路係自己既，唔由得人地控制你，你又唔係豬拿，咁叻叫佢自己自己陀下ＢＢ，生到可以陀個仔出黎啊笨！

老公方面要彼此理解對方，有時要諗下會唔會係你有左後，脾氣大了令老公都燥底埋，我記得我初初有左，我覺得隻貓好嘈，日叫夜叫，叫到我會成日大叫發爛渣叫佢收聲，哩啲脾氣發得多會影響身邊既人，終於有一日我老公忍唔住同我嘈起上黎，佢話不如掉隻貓落街一了百了啦！果刻，我即刻醒左，其實我一直以來都為左好小事影響自己情緒不至，仲影響埋身邊既人容易鬧情緒，因為我老公平時係非常有耐性同唔易發脾氣的。自此，我開始檢討自己，不論怒氣定唔開心，我一定會選擇心平氣和方式同老公講同傾訴，避免大家係自己懷孕期間傷到感情。老公就係你後半世人最親最了解你既枕邊人，但有Ｄ男人係未必能夠理解到老婆有左ＢＢ時既辛酸，就算理解到佢都幫唔到你，如果哩個時候你仲同佢鬧脾氣，你只會令自己踏入死胡同，要有輕鬆和諧既氣氛，最重要係你先控制好自己情緒再期望老公體諒你。

請陪月係你看個人需要，佢當時無咁既需要唔代你而家冇，何必聽哩啲唔識得體諒你既人既說話，坐月係女人最重要既時期，如果坐月坐得唔好，將來會好多病痛架！所以唔好理，你覺得有咁既需要就要請，陪月就係為左有需要既媽咪存在！佢又幫唔到手，冇資格出聲！

最後，有ＢＢ是否計劃中事？如果係計劃過有ＢＢ，想返轉頭，當初你地應該有齊心理準備架？再者，初初有Ｂ時，一定好辛苦，但挨過了早期的時間，其實身體適應了，你就會一切好轉，並唔會成個孕期都咁辛苦咁情緒化。如果唔係計劃有ＢＢ，係咪應該諗下ＢＢ誕生係你肚入面，係代表哩個ＢＢ選擇左你做佢媽媽？咁諗你會唔會覺得高興？我唔會話你聽ＢＢ出世後只有高興，唔會有辛苦難過既日子，但有啲想有都冇機會，既然個天俾左哩個機會你，俾你學習做一個媽媽，不妨加油，不要逃避，努力解決面對所有困難，再說…有咩困難，身邊人唔明你，你都可以上黎FORUM，好多媽媽願意教你，開解你或者聽你訴苦架，唔係只有你一個獨自面對，所以唔會諗得太悲觀。

私人傳訊

小丸123

積分: 2611

畀面勳章

16^#

發表於 14-5-4 06:37 |只看該作者

引用：自從有咗，公司，奶奶老爺，老公都有俾壓力

原帖由 michellelili 於 14-05-04 發表
本帖最後由 michellelili 於 14-5-4 01:44 編輯

自從有咗，公司，奶奶老爺，老公都有俾壓力我!

唔好放棄啊，可唔可以返娘家休息下？

私人傳訊

kkmrsfu

積分: 787

17^#

發表於 14-5-4 06:53 |只看該作者

回覆：好想做終止懷孕手術 (好辛苦，文字好長)

我都係咁架喎
我差在冇公司壓力
我又係嘔到勁輕
6299成日話我唔食野但又好多都唔食得
我有左之後又係成日同c6嘈交
不過我覺得可能係自己汗爾蒙問題
所以自己情緒先會咁崩潰
但我無論點嘔點辛苦點大壓力
我一諗起bb出世我就覺得自己要捱落去
唔係個個都咁有緣可以有個小生命架
你自己要諗得開懷啲

私人傳訊

mumusaisai

積分: 944

18^#

發表於 14-5-4 07:11 |只看該作者

回覆：好想做終止懷孕手術 (好辛苦，文字好長)

放開d唔好唔開心。過多幾個月見到bb就唔同晒唔，到時咩都唔記得。
佢地唔係自己係唔會明白現在你嘅辛苦架，講咩當聽唔到囉。我都係咁。99成日覺得佢地以前咩都無，懷孕前後都係咁過無人幫手又無咩特別食咩。無話補唔補。我有左咁耐佢都無話煮過咩我啱食嘅餸同煲過咩湯我飲。見我去照阿b又話唔駛成日照。有左後聞到油煙都想嘔我無煮飯好耐，都係老公煮比我食咋。成日叫我唔好形住，你唔係我點知我辛苦喎。有時老公返夜班99都唔會返黎煮飯我食，感覺好似避開咁。有時覺得佢唔中意我阿b，不過我唔諗咁多阿b係我嘅，見到開始有d見肚個人開心左好多。我知第日坐月都只能靠自己。好彩嘅係老公話會幫我。
你都唔好放棄呀！我地一齊加油。

私人傳訊

fox11147313

積分: 1882

19^#

發表於 14-5-4 07:12 |只看該作者

有BB係開心嘅事,我個BB剛剛走左
希望你留返BB
一係返去你媽咪度住

私人傳訊

canditam