大仔大女媽媽會

收藏本版
發帖
返回列表
跳至頁

首頁
1

尾頁
   0
BBrianma


大宅

積分: 1535


1#
發表於 07-10-11 20:47 |只看該作者
今日同阿b坐巴士,阿b愈來愈"百厭",
要捉住條"柱",而家仲要"禁"鐘!!!!
我好嬲,我唔比佢咁做,佢發脾氣大叫.....!!!!!!!!
我不停話佢(唔係大聲),佢都係咁,我打佢隻手,佢仲要抓我個面.

跟住坐在我隔離個"阿姨"....話我"煩"又不停"摺"我,
搞到我仲"滾"...........呢個時候我開始有說話比佢聽.

佢竟然話我"應該比佢禁",2歲半後先教都未遲!!!!!
咁細個係咁ga啦!話我唔識教!!!!
佢仲要話自己係分工係要對住成千個小朋友.

我係咪真係太心急??小朋友到2歲之後先教都未遲!
我心情好差呀,好想喊!我真係唔識教佢呀!:-( :-( :-( :-(
私人傳訊

runleiyu


大宅

積分: 2382


2#
發表於 07-10-11 21:47 |只看該作者
唔好唔開心啦~慢慢黎啦
我覺得你叫BB唔好襟係岩架
唔通站站停比司機鬧咩
2歲半先教~我覺太遲
BB一路一路大~開始測試爸爸媽媽既底線
係都要攪~咪用其他野分散注意力
小齊依家都係咁架
想要個樣野~唔比佢佢訓地扭架
我行開由佢喊~等佢喊夠我先同佢講
須然未明~不過等佢習慣
我唔想小齊開拍我的野蠻BB
個個亞姨講乜~你唔好放係心
始終亞B係你~唔係佢
仲有漫漫長路~加油呀:loveliness:
齊bu Blog
私人傳訊

patpat234


水晶宮

積分: 64078

好媽媽勳章


3#
發表於 07-10-11 22:28 |只看該作者
通常我唔會理d人點講.
有次响地鐵,曉敏喊要抱,跟住有個阿嬸同我講,bb要抱呀,抱下佢啦.
我即刻就回敬佢"佢話要抱就抱,我咪周身唔得閒"個阿嬸即刻唔敢出聲.
小朋友2歲先教戾唔係唔得...不過會教得好辛苦.
我會選擇呢個時教,因為有d野佢地其實已經明架.

原文章由 runleiyu 於 07-10-11 21:47 發表
唔好唔開心啦~慢慢黎啦
我覺得你叫BB唔好襟係岩架
唔通站站停比司機鬧咩
2歲半先教~我覺太遲
BB一路一路大~開始測試爸爸媽媽既底線
係都要攪~咪用其他野分散注意力
小齊依家都係咁架
想要個樣野~唔比佢佢訓地扭架
我 ...
「知足者，常樂也；不知足者，富亦憂。」
私人傳訊

BigPig阿花


伯爵府

積分: 18061

好媽媽勳章 醒目開學勳章 畀面勳章 環保接龍勳章


4#
發表於 07-10-11 23:31 |只看該作者
我都選擇而家開始教,我覺得兩歲太遲了,好同意小朋友係不斷試緊我地底線架,而家d小朋友咁精,早d教好過遲d教,有時佢地精到一個地步係,知道係街,好似知道大人會怕尷尬咁,佢地會得逞,所以d百厭野千其唔可以比佢地有第1次,好似阿仔好想按lift掣,我會比佢按,之後同佢講,只可以按1次架,已經按左la,佢當然想繼續,不過我就不停同佢重覆按左就可以的message。

人地可能唔明,因為年代都唔同左,千其唔好為左怕尷尬同d"姨姨"講的說話而唔開心,我覺得你的做法冇問題呢!而且我已經括左出去,預左係"re"爤塊面。下次你個bb再想按鐘,到站時你比佢一次,然後同佢講落車先按1次架,慢慢bb便會知,我地真係重有慢慢長路,可能今次只係冰山一角架咋,所以我地要加油呀!

你唔好唔開心la!

[ 本文章最後由 BigPig阿花 於 07-10-11 23:33 編輯 ]

我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 ． 所 懷 的 胎 、 是 他 所 給 的 賞 賜 。詩 127:3
私人傳訊

agneslai206


大宅

積分: 2446


5#
發表於 07-10-12 01:07 |只看該作者
有次自己第一次推晴坐ＭＴＲ。　晴扭眼訓要抱。　我得一個。抱起左會好難放番落去，所以我比野佢揸手，飲下水安撫佢。那刻邊理得人地點諗。　好彩身邊無阿嬸之類的人。　　

我會從中學習別人的野。但好怕Ｄ人多多意見。要我跟佢個套。湊仔煮飯每人都有自己ＳＴＹＬＥ啦。　
]My Melody[/url]
私人傳訊

stbb06


大宅

積分: 1241


6#
發表於 07-10-12 02:03 |只看該作者
其實而家佢地係知道好多野,亦知道有d野係唔可以攪!
不過佢地而家係同我地探索緊睇下佢咁做你可唔可行
正如有d bb發脾氣時發哂癲又爬地又踢腳,我個大仔
以前就係咁,我唔理佢由得佢自己喊飽先,之後佢死死地
氣走埋黎,當時仲喊緊要我抱佢...我同佢講:你要抱就即
刻同我收聲,唔係就行開!佢初時都唔理我照喊,喊到攰
咪自己收聲囉,試多幾次佢就聽得明。3歲前你控制唔到
個小朋友,3歲後就好難教,好似我老公成日都話個女咁細
佢邊識啫,我話佢醒過你呀!唔識~你一攞d佢鐘意嘅野
出黎就笑笑口走埋黎,你話佢識唔識!?

原文章由 agneslai206 於 07-10-12 01:07 發表
有次自己第一次推晴坐ＭＴＲ。　晴扭眼訓要抱。　我得一個。抱起左會好難放番落去，所以我比野佢揸手，飲下水安撫佢。那刻邊理得人地點諗。　好彩身邊無阿嬸之類的人。　　

我會從中學習別人的野。但好怕Ｄ人多多意見。要我跟佢 ...

vana b kids wear<---click
私人傳訊

BBrianma


大宅

積分: 1535


7#
發表於 07-10-12 08:31 |只看該作者
我都好明白,bb而家呢個時間係什麼都好奇,
在屋企時,我都盡量比佢搞,唔想過份say no,
但有一d野係唔準佢搞ge,
例如:電掣,fax機等一d危險及污漕ge,我會好堅持.
我知道最好的方法係用其他野分散佢的注意力,
但有時d bb好"性格",亦好堅持.........

屋企時,呢個臭b......我唔比佢搞,佢唔會喊ga,
我不停話佢,佢就不停搞,"搬"走佢,睇見你唔覺意,
又走返轉頭,當我忍唔住打佢手仔,佢會望下手仔......
再搞過.

什麼時候可以"整喊"佢呢,
就係肚餓時,見到有得睇冇得食既時候.

但近日,佢的脾氣愈來愈"臭",一唔滿意就"叫",
婆婆話佢可能打左一歲支針所以有d"忟"........
但我仲"忟"lor!!!!!!
私人傳訊

Dinomine


大宅

積分: 1104


8#
發表於 07-10-12 11:31 |只看該作者
唔好唔開心啦!坐巴士都試過亞嬸話個牙膠有珠仔係入面,唔好比bb玩,我都咬唔到d珠仔啦!
我亞囡鐘意咬巴士梳化背,由得佢囉喎.個"阿姨"的態度好冇品,唔駛理佢喎.:tongue:笑返啦!
我覺得而家要開始教,bb識聽我們講的說話架!問佢餅餅/爸爸/媽媽/波波喺邊到,佢識指住.
之前bb成日篤鼻哥,朋友見到,叫我同佢講好醜怪,撥開佢隻手,係有成效的.2歲半後先教死得啦!
唔想成日no no no,我都係用分散方法,坐巴士太耐,亞囡唔耐煩,我咪指住個窗,車車呀...紅色的士...數數仲有幾多個站落車...數123...唱歌...運身解數,我唔理人架,咪當我係傻婆囉,哈哈.:mrgreen:
勿以善小而不為,勿以惡小而為之!
私人傳訊

stone940828


大宅

積分: 1214


9#
發表於 07-10-12 12:51 |只看該作者
有時真係針唔到肉唔知痛.
睇見人地d bb咁,有時都會想"打"佢 唔好嬲呀!
我唔係話打你個b.
而係想話在咁既情況下,
如果你"打"阿b隻手,
我唔會怪你,做媽咪係要有耐性,
但人都有"極限"時候,
呢d錯誤,要多d留意,小心控制,
現在是重新學習的時候了.

但過份壓抑,你可能重大件事呀!
遇到呢d問題,上來bk講下會舒服好多.

反而我對你身邊的"阿姨"話你"煩"
又不停"摺"你,我更唔開心喎.

我自己覺得,阿姨:你有話直說,唔好做d咁既小動作,
好討人厭!!!!
私人傳訊

貪靚媽咪


複式洋房

積分: 449


10#
發表於 07-10-12 13:34 |只看該作者
我都會選擇係呢個時候教我既仔,我覺得兩嵗too late,我亞仔而家d脾氣都出咗黎,佢想攞d野或者想搞d野,如果你唔比佢做,佢就會係度發爛渣,係度劲踼脚,瞓地,有時喊下仲會跌親(個頭向後跌).我會坐係度等佢喊完之後爬過黎我度,我先至同佢講道理,雖然佢而家仲未明白佢做錯咗乜野,但我會堅持咁做.
我覺得個亞姨唔應該咁樣講野,人地教仔自然有人地既一套方法,唔可以攞你既果套 叫人地跟住做.
私人傳訊

qk6919


洋房

積分: 101


11#
發表於 07-10-12 14:14 |只看該作者
我系每日早上都用背帶帶bb坐巴士，車程為一小時，開始時bb都會上車睡，但到了1year 時候，就不睡，還在車上叫你抱，已經用背帶抱但都要你用手抱，這時我用了不同方法另bb不要叫，所以我手袋內一定有不同玩具比bb玩的，這個方很好的。
私人傳訊

carfoon


大宅

積分: 2613


12#
發表於 07-10-12 14:22 |只看該作者
BBrianma,
妳唔好太唔開心啦!我覺得個個人都有自己一套嘅方法, 我地可以將人地嘅意見當參考,啱自己嘅就吸取意見,唔適合嘅咪算囉.... 人人都有唔同性格,所以一定係有唔同方法去教,無一定標準架! 即使睇十個所謂專家教嘅理論, 都唔代表一定適合自己~ 唔需要太俾人影響囉...
我覺得bb依家開始教係正常架,佢地肯定聽得明我地所講架,只係未識講咋.... 好似我個小澄咁, 我地問佢自己間房嘅物件,差唔多6成都會指俾妳睇, 問佢枕頭呢?佢就會訓落去表示... 另外佢次次去到廚房門口就會望住我地,然後行開, 因為我地 warning 過佢, 至今佢一次都無入過.... 而佢俾電視櫃撞親過個頭,有時行過佢都會對住我地拍拍個頭表示痛痛.... 其實小朋友嘅理解能力真係唔可以低估架... 我相信妳個仔都一定聽得明, 唔會好似個阿嬸所講, 要到兩歲後先教得囉....
大家都一齊加油啦~~!!!

原文章由 BBrianma 於 07-10-12 08:31 發表
我都好明白,bb而家呢個時間係什麼都好奇,
在屋企時,我都盡量比佢搞,唔想過份say no,
但有一d野係唔準佢搞ge,
例如:電掣,fax機等一d危險及污漕ge,我會好堅持.
我知道最好的方法係用其他野分散佢的注意力,
但有時d bb ...
私人傳訊

yoyoko


大宅

積分: 1412


13#
發表於 07-10-12 18:33 |只看該作者
BBrianma:
唔好唔開心,做人首先要自己開心,別人的思想和行為,我們無法干預,佢覺得2歲才教,咁咪等佢自己2歲才教佢自己的小朋友囉,但我們的BB是我們自己,我們要怎樣教,幾時教,別人都無法干預的,就算親如麻麻爺爺都無法干預我怎樣教仔喇,更可況一個三唔識七的人~
BB現在都特別好奇,這是正常,難道你想佢甚麼都不覺得好奇,只是安安靜靜咁坐著,如果是這樣,你那時才覺得更驚呀~所以現在可能為人母辛苦一些,但這只是個階段,很快會過的,到時你會懷念那段日子~
私人傳訊

朱小B


洋房

積分: 152


14#
發表於 07-10-12 23:20 |只看該作者
唔好唔開心啦! 人地講乜駛乜理佢喎. 2歲半先教? 遲唔遲D 呀?

我講得小朋友係明架. 只不過係咁挑戰你底線. 好似軒軒咁. 成日都
"蝦" 公公婆婆. 俾我見到我一定話佢. 如果過份我會打佢. 今晚先俾我打到佢有手指印. 我個仔最鍾意就係撞頭. 總之唔順佢意佢就撞俾你睇. 我咪打佢話唔准撞囉... ....
私人傳訊

柔柔mami


大宅

積分: 2254


15#
發表於 07-10-13 23:51 |只看該作者
緊係依家開始教la, 我唔理人點睇, 就算係婆婆都係, 柔柔一喊要扭計, 婆婆就問佢係咪眼瞓想食d奶先, 我就話未夠鐘由佢喊, 佢坐係地唔願行, 我就行遠少少打開手叫佢過黎, 至於係巴士又真係會嘈住人, 所以佢一想搞野我就會同佢講唔好, 佢一開始忟就俾餅佢食, 不過因為長途佢通常都會瞓覺! 其實柔柔都係呢兩個星期先開始發爛尖叫, 我依家唯有少d自己帶佢去人多既地方, 因為都幾難搞!
私人傳訊

virgobb


大宅

積分: 2240


16#
發表於 07-10-14 00:08 |只看該作者
唔洗理人, 最梗要自己有原則, follow 自己果套.

有個 article 幾好 ... 關於自由和規則. 講得幾好. 我地應該盡量 set 一 d 規則, 比 bb 知道同 follow. 咁佢先可以有自由既空間. 唔 set 規則反而係暴力, 因為完全睇媽咪心情而定 (或者睇 bb 點同媽咪 "角力" 而定 ...). 好似一個社會梗係法治好過人治啦.

http://blog.sina.com.cn/s/blog_4cc2b98301000ani.html

我係清林.歡迎來看看清林誌
私人傳訊

BBrianma


大宅

積分: 1535


17#
發表於 07-10-14 10:36 |只看該作者
多謝咁多位媽咪既安慰同意見,
當日真係好唔開心,不過瞓醒之後冇事了,
阿b平日係十分活潑,玩唔停,講唔停,
但並唔係失控!!!!!
所以果日真係覺得好失敗.

今次的經驗,令我更清楚要小心自己的"情緒",
自己一"忟",就樣樣更唔易控制.

至於"體罰"(打下手仔patpat)問題,
其實對每個小朋友的反應都不一.
有Work有唔work,
我隔離屋的小朋友就"表面"WORK la.

我希望我可以做到"o"體罰,但實行時相信唔易.
每個小朋友都唔同,每個方法都冇絕對正確與否,
係咪講道理......bb就係會好?
怕"駡"......bb就唔再做?
打過......bb會"記得"
(記得......所以唔再做?還是記得......變成暴力?)

而家的小朋友完全唔同比以前的......聰明多了,
出黎的反應亦完全唔同.
所以我要重新學習同佢地"相處之道".

呢兩日總覺得自己對阿b "惡"左d
所以抽多左時間,人釘人咁陪住佢,
連開電腦既時間都沒有了,
所以今日先同各位媽咪講聲:多謝呀!

好彩有bk,可以比我上黎問咁多野,
始終唔可以全部用返晒"以前果套",
睇書都好,但未必對自己的bb係最適合,
反而喺度,咁多媽咪既意見集合一齊,更好!

我好同意你地所講:-
教方既法無一定標準!
即使睇十個所謂專家教嘅理論,
都唔代表一定適合自己
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy