本帖最後由 chkaki19 於 14-5-21 23:50 編輯
我好重視髮質 如果知道電完係變草 一定唔會去電！！！
唔會明知爛髮都仲堅持曬＄搞爛自己把頭髮 ！！！
電完頭髮接近唔捲
但似粟米鬚咁！
去左 hair de home 電頭髮 見到間salon個網站整得幾好 又見到網上有好評 諗住應該就唔差啦
我朋友就先去既，係另一個髮型師 強烈唔建議我朋友電 因為髮質唔岩電 電左會爛
另外兩個朋友染髮 都好睇
所以對間salon既人好有信心 覺得佢地會好注重“髮質〞公道講句 其他髮型師會比到好既advice...... 唔會收收埋埋 玩語言偽術！！
到左我book既時段，等左成個半鐘先有人serve我
問左我幾句野就話搽野護下髮先 係呢個鐘入面係冇人理！！
唔知發生咩事 冇人交代過
到個髮型師問我想點搞個頭 我話想電 比左幾張相佢睇 （下面回覆有圖）
佢摸完我d頭髮 問我有冇漂過頭之類既問題
我老實講話有 冇隱瞞任何野
咁佢問完之後指住其中一張相（下面回覆有圖） 話：得啦 exactly係呢個頭
我問：會唔會好似師奶架？會唔會變左稻草頭架？
佢答：得啦 同張相一模一樣 exactly 不過頭髮一定會乾少少
我好重視個髮質 如果電完係變草 一定唔會去電！！！！！！
我唔放心 （起碼）問多兩次 乾少少會唔會真係變左稻草頭 頭髮爛哂架
佢仍然都話 電髮個頭髮一定會乾少少 係乾少少 真係少少，我會盡量令佢唔好咁乾
我見佢語氣強調「少少」，又promise會令頭髮唔咁乾
當下就話：咁好啦，就電啦 千其唔好變師奶/稻草頭
佢話：得啦 唔會師奶頭既 我盡量令佢冇咁乾 不過我唔擔保架播！
佢搽藥水前問 係咪真係電呀？搽左就返唔到轉頭架
基於岩岩既對話，佢冇明顯唔同意我電髮，所以我好都放心咁比佢電
電髮既時候 部機中途響左3次 頭兩次都隔好耐先過黎搞我個頭
就咁拆完再夾就走左 雖然我完全唔明咩事幹 但信佢係專業
到拆捲果下 佢係到笑 笑得好高音 個tone戲弄緊我咁
將所有責任推哂落我到
佢話：拿 我話左會好乾架 唔建議你電 你堅持我冇辦法啦 實電架
類似呢句說話佢請左幾次 條條fing咁講 我由腳指凍到上菠蘿蓋
佢後尾仲扮記者，採訪問我點解咁堅持電
我頭髮已經係偏少 佢仲剪都碎哂薄哂 d髮量得返好細既一束仔！！
又要再留過！！！！！真係好灰心 留左d頭髮半年 就咁比人電爛左！！
最後 我個頭爛哂死哂咁行出門
同佢話會exactly一樣既髮型完全唔似
個頭好似海格咁 似係訓醒好毛躁 兼且天生髮質差
似係粟米d鬚咁 打哂kick 我出世到而家都未咁kick過
個髮型師1d 都唔覺有問題咁收我錢 我質疑佢做髮型師既資格！！！
同佢答應過既「乾少少」同「exactly一模一樣」完全都唔係果回事
頭髮燶哂爛哂，而且個捲度完全唔夠 接近唔捲，頭髮修到薄哂冇幾多條剩！
態度唔好、晾客人一兩個鐘都已經濕濕碎
最大問題係：一個髮型師搞爛客人頭髮不突止 仲可以笑嘻嘻唔覺自己有問題！
-----------------------------------------------------------------
染完一日 我個頭kick到一個唔可以忍受既點
頭髮不停咁甩不停咁斷 我個心都灰左 聽日就去剪左d天線佢
唉 下面有圖 唔想睇噁心野就碌走佢。。。。灰！！
把梳都kick左d塵 你地睇到，有d頭髮好短好曲 電到脆哂
－
－
－
－
－
－
－
－
－
－
發表於 
返回列表
