吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 622 加入新題目,目的何在???

時政擂台今日: 0|主題: 60299

收藏本版

發帖

返回列表

跳至頁

查看: 162 | 回覆: 12

622 加入新題目,目的何在??? [複製鏈接]

catkate

大宅

積分: 1099

1^#

發表於 14-5-28 08:48 |只看該作者 |倒序瀏覽 |打印

蘋果日報

2014-05-28

http://hk.apple.nextmedia.com/news/art/20140528/18735250

陳健民會議後表示，經過長時間爭論之後，在各方「諒解」同意下加入新題目，「大家諒解我哋（佔中）要做呢件事情，因為好重要、要去提高投票率」，所以決定就要求符合國際標準的真普選方案加入新題目。

……………..

真普聯成員之一的民主黨單仲偕稱尊重佔中決定，「當然係有少少改變咗原先嘅遊戲規則，但為咗推高投票率，令唔同人士都有得揀，民主黨會配合同支持」。他續指，為呼籲市民參與6.22全民投票，民主黨在投票前數天起，會於全港多區擺放數十個街站拉票。

東方日報

2014-05-28

http://orientaldaily.on.cc/cnt/news/20140528/00184_001.html

真普聯的六二二全民投票只是一場政治鬧劇，連他們也擔心投票不足而要同時搞民調，另查其他方案的民眾意見。全民投票不是政治團體所可自編自演，要投票結果有代表性，需嚴守許多標準規則。真普聯的成員枉為參與普選的政黨與教政治學的學者，竟然不顧這些標準規則，隨便胡亂地搞一個投票，為了甚麼目的呢？

1.提高投票率:假如市民只對新題目投票,對622的"所選定"的題目不投票或投票率低,會否將兩個投票結果分開公佈?避免有混淆?

2.決定就要求符合國際標準的真普選方案加入新題目:乜唔係一直都做到符合國際標準嗎?(越描越黑)

3.少少改變咗原先嘅遊戲規則:算唔算"搬龍門"?還是另有所圖(息事寧人)?只為投票率高便假借民意?

4.令唔同人士都有得揀:乜之前無得揀咩?會唔會再次自編自演呢?

5.胡亂地搞一個投票:希望唔好比人講中?

總結真普聯成員近日的言論,622相信是最後的聚餐!!

0 0 0

私人傳訊

csdenis

子爵府

積分: 13501

2^#

發表於 14-5-28 13:14 |只看該作者

回覆：622 加入新題目,目的何在

其實呢D投票相當有誤導性，你問人想揀邊個方案，先唔講嗰三個選擇都已經係經過篩選，最大問題係你嘅選擇係無端端被"endorse"左去佔中。即係(假設)我投左方案一，只代表我支持此方案，但同我認同"如果無此方案我就支持佔中"，係完全兩個概念，但此班人就將呢兩樣野捆綁埋一齊，偷換概念同騎刦民意。

私人傳訊

c6william

伯爵府

積分: 18491

3^#

發表於 14-5-29 08:28 |只看該作者

引用：其實呢D投票相當有誤導性，你問人想揀邊個

原帖由 csdenis 於 14-05-28 發表
其實呢D投票相當有誤導性，你問人想揀邊個方案，先唔講嗰三個選擇都已經係經過篩選，最大問題係你嘅選擇係 ...

港式民主

私人傳訊

tinlong22

珍珠宮

積分: 47095

2024年龍年勳章畀面勳章 BK Milk勳章

4^#

發表於 14-5-29 09:53 |只看該作者

尋日戴生放出佢地既目標
希望有23萬人投票
如果少過10萬人佢地就會道歉

睇下佢地呢個龍門日後會唔會再搬

天朗氣清

私人傳訊

jonwu

男爵府

積分: 6714

5^#

發表於 14-5-29 10:35 |只看該作者

好奇一問，
所謂『全民投票』是如何進行，須不須要拿身分證親身出席投票? 如用電子方式，如何確保不是重複投票，如何確保投票人是合資格選民？如果不能確保，基本上係要幾多有幾多，五十萬都無難度。

私人傳訊

catkate

大宅

積分: 1099

6^#

發表於 14-5-29 17:06 |只看該作者

jonwu 發表於 14-5-29 10:35
好奇一問，
所謂『全民投票』是如何進行，須不須要拿身分證親身出席投票? 如用電子方式，如何確保不是重複 ...

我估應該有7百95萬人投票.
多過全香港市民.

私人傳訊

csdenis

子爵府

積分: 13501

7^#

發表於 14-5-29 23:10 |只看該作者

東方日報政情新聞 :
「佔領中環」行動（佔中）鐵定下月二十二日進行電子投票，被泛民主派視為整個行動成敗嘅關鍵，而佔中三子為推高投票率，不惜要從三個均含公民提名元素嘅方案之上，「僭建」一條是非題畀市民就普選表態。不過，呢條「阿媽係女人」嘅是非題，根本「自打嘴巴」，佔中三子分分鐘贏咗投票率，輸咗佔中名聲，更將當日有份投票支持公民提名方案嘅市民擺上枱，最終令整個佔中運動淪為「雙輸」。
*****************************************
政情：投票騷「自閹」佔中勢雙輸
東方日報 2014年5月29日新聞
「佔領中環」行動（佔中）鐵定下月二十二日進行電子投票，被泛民主派視為整個行動成敗嘅關鍵，而佔中三子為推高投票率，不惜要從三個均含公民提名元素嘅方案之上，「僭建」一條是非題畀市民就普選表態。不過，呢條「阿媽係女人」嘅是非題，根本「自打嘴巴」，佔中三子分分鐘贏咗投票率，輸咗佔中名聲，更將當日有份投票支持公民提名方案嘅市民擺上枱，最終令整個佔中運動淪為「雙輸」。
出苦肉計谷投票數
佔中三子尋日宣布，六二二投票日會要求市民喺原有三個普選方案外，另就一條是非題表態，入圍候選是非題包括係咪贊同特首普選需符合國際標準，以及如果政府提交嘅政改方案唔符合國際標準，立法會係咪應該予以否決。佔中發起人之一陳健民更公開承諾，若果最終唔夠十萬人投票就反映佔中行動失敗，屆時佔中三子一定鞠躬道歉、退下火線。
不過，根據泛民往績，香港大學前年就特首選舉進行嘅三二三民間全民投票，講緊都有二十二萬人投票，一○年「五區公投」投票人數低極都有近五十八萬人，根本要湊夠十萬人投票係「濕濕碎」，所以今次佢哋開出十萬人投票嘅下限，等於大大降低門檻，等自己搵到下台階，而所謂嘅鞠躬道歉，都係借苦肉計谷高投票數嘅戲碼。
至於佢哋「僭建」嘅「阿媽係女人」是非題，講到尾都係為咗箍實唔堅持公民提名嘅選民，希望推高投票率，呢樣嘢連佔中發起人之一戴耀廷都親口承認咗。呢個第四選項，分明將當日有份投票支持公民提名方案嘅市民擺上枱，懶理佢哋民意，亦變相自我否定公民提名，率先「自閹」，令投票結果毫無殺傷力可言。
自打嘴巴遲早收檔
有官場中人直指，佔中三子行呢條路根本自打嘴巴，所謂「符合國際標準」可以各說各話，任何提交嘅方案都總有方法證明係符合所謂嘅國際標準，即使政府都可以證明自己嘅方案符合國際標準。講到尾，隨着泛民撕裂，整場佔中運動已經淪為一場投票騷，當年話要反映港人民意嘅宏願已經名存實亡，遲早「收檔」。