吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 一個上天給我既玩笑

想生BB 今日: 0|主題: 109585

收藏本版

發帖

返回列表

跳至頁

查看: 9110 | 回覆: 78

一個上天給我既玩笑 [複製鏈接]

12 3 4

carycary804

大宅

積分: 2468

1^#

發表於 07-11-16 19:19 |只看該作者 |倒序瀏覽 |打印

經過三年既努力,終於有左BB....真係不敢相信,雖然本身唔係基督徒,但這刻好感謝主,帶左個最好願望給我,我的眼淚不停流下,係因為開心,感激!!!

每星期如常去醫務所檢查,照超聲波,雖然醫生話BB size 比較細,不過醫生話不用擔心,只要好好休息加食安胎藥就唔會有問題,只好聽從醫生說話好好休息,好彩我是不用返工,所以可以安心食同訓!!

但好景不常,星期二再去覆診,醫生話仲未照到BB心跳,當時我已經8週,真係好擔心,經醫生耐心地再照,發現有兩個似胎襄,佢話應該係孖胎,不過只可能保留一個,因為實在太弱喇,另外一個心跳依然未能照到,當然我真係唔知有咩反應,腦海一空白,醫生即刻寫紙我去另一間醫務所檢查,那處有最先進設備,可以照到BB心跳...個刻又擔心又驚,唯有希望有奇蹟,心裡不斷同自己講BB size 細,所以照唔到心跳...終於去到另一間醫務所等候, 姑娘叫左我入房,見過醫生,再去到床上等候,不知為何我等左差不多十分鐘,但好似好耐好耐咁,當醫生開始檢查,佢好快話我知唔係孖胎,只係一大包血塊,看上去好似但唔係,而另一個真係胎兒的沒有心跳,所以可以做手術........真係晴天霹靂,不敢相信由最初有左,直到話係孖胎,再到只係誤會,最後係連唯一一個真正胎兒都沒有了....好想搵個地方好好咁喊一場!! 當老公知道後十分難過,更擔心我情緒出現問題!!

晚上不能入睡, 眼淚不停流,亦不斷不斷唸中間有咩出錯,又唔知點同奶奶,朋友講...點解上天要同我開咁大玩笑!!!:-(

再次去到醫務所,跟醫生商量用塞藥定係做流產手術,我選擇塞藥,因為我唔想係手術床上睇住BB出來後的一刻!! 不過當醫生跟我講,當你塞藥後,隔一天可能會自然流出黎,你記得將胎兒留起,帶番黎比我睇.....下下下,有冇攪錯,我已經好傷心,仲要我親手留起胎兒,自問真係做唔到!!! 所以最後決定做手術,還安排了下星期,不過醫院係St Paul,係我三歲囡囡l出世既地方,上天又再跟我開玩笑,三年前的一天比左一個好可愛既囡囡給我,今天要係同一間醫院帶走我另一個BB,係咪我做錯D咩:-( :-( :-(

上黎睇過你地唔同既case,知道有更多既人比我痛苦十倍,我同自己講,我已經擁有一個囡囡,唔係已經好幸福喇咩,只要好好休養身體,三個月後咪又可以努力囉......我以為我可以挨過,不過原來唔得,當我一個人既時候,我既眼淚不停流不停流,我唔甘心,唔想見任何人,唔想聽任何電話,更加唔想出街....我真係好希望時間可以快D過去!!!

衷心祝福各位曾經小產過後既你,可以努力計劃另一個小生命,過著幸福快樂既日子, 而已經努力成功既你,希望BB身體健康,快高長大!!!!

0 1 0

私人傳訊

Julibe

複式洋房

積分: 286

2^#

發表於 07-11-16 20:12 |只看該作者

原文章由 carycary804 於 07-11-16 19:19 發表
經過三年既努力,終於有左BB....真係不敢相信,雖然本身唔係基督徒,但這刻好感謝主,帶左個最好願望給我,我的眼淚不停流下,係因為開心,感激!!!

每星期如常去醫務所檢查,照超聲波,雖然醫生話BB size 比較細,不過醫生話 ...

carycary804,

我真係身同感受！

我之前try咗2個月就bingo，我開心之餘亦非常感恩可以咁快就有bb，我感謝神賜給我最想要既禮物，因我實在太開心，我立刻將這個好消息同所有屋企人講，而bb既預產期更係我結婚週年前1天，當我覺得一切一切都好美好的時候，一次產檢中醫生照到bb心跳唔係好規律而且比較慢，佢同我講有d唔樂觀，但會盡力幫我，我之後要打安胎針，同埋要塞藥。2日後覆診，醫生話bb心跳非常微弱，差不多睇唔到，仲差過之前，我當時呆晒，因為我媽咪同我一齊睇醫生，我唔敢喊，驚令佢擔心！醫生當時叫我1星期後再覆診。

我媽咪因接受唔到，係翌日帶咗我去睇另一個醫生，take second advice，點知原來係提早判刑，入到去醫生房，醫生立即同我照u/s，照咗成5分鐘，都搵唔到bb既心跳，這一刻我終於崩潰，不斷流淚，個醫生係咁問我喊 "mug"鬼，叫我成熟d面對。大佬！唔喊唔通笑咩！我個bb有心跳架，係有生命！

跟住個日我再搵番自己個醫生double check，confirm無咗，翌日即刻做手術(10月初)。

正所謂血濃於水，到而家我仲不時諗起第1次係u/s見到bb心跳既畫面及醫生用喇叭放大bb心跳聲比我聽既情形。

雖然小產咗，但我仍然非常感謝神讓我體驗做媽媽既心情(雖然只係短短既1個月-- 由我發現有咗到confirm bb 無咗心跳)，我深信所有係我身上發生既事都係神允許的，是祂計劃之一；我會繼續努力去 "造人"，結果就交比神！

你都要加油啊！

私人傳訊

Rome

別墅

積分: 979

3^#

發表於 07-11-16 22:02 |只看該作者

carycary804 & Julibe,

I'm so sorry to hear that.........:-( :-( :-( :-( :-( :-( :-(

私人傳訊

Tamama118

複式洋房

積分: 441

4^#

發表於 07-11-16 22:45 |只看該作者

替你難過,希望你與老公早日走出這個傷心的時間,要努力!互相支持呀!

私人傳訊

baaaby

民房

積分: 12

5^#

發表於 07-11-16 22:47 |只看該作者

原文章由 carycary804 於 07-11-16 19:19 發表
經過三年既努力,終於有左BB....真係不敢相信,雖然本身唔係基督徒,但這刻好感謝主,帶左個最好願望給我,我的眼淚不停流下,係因為開心,感激!!!

每星期如常去醫務所檢查,照超聲波,雖然醫生話BB size 比較細,不過醫生話 ...

:-( :-( :-( :-( :-( :-( :-( :-( :-( :-( :-( 再難行的路總會走過的, 再黑暗的隧道總會有出口的, 不開心的事情不要再想了, 由它隨落葉飄走吧.

我亞嫂她有一個5 years old的女，跟住計劃生多個，　即有了，　到了３個月先話無心跳，　她哭得很厲害，　我都不敢安慰她，　費事越安慰越傷心，　做手術後，好快就有了ｂｂ，　現在８個月大了，　我覺她比我好呀，　一子一女，　想有就有，　我等了三年都有一個　＜桔＞呀！　

私人傳訊

Jasmine1

子爵府

積分: 10732

6^#

發表於 07-11-16 23:12 |只看該作者

Carycary,

睇睇你o既post, 我都不禁流淚....其實我之前睇倒電視, 又一藝人有4個月....心諗如果自己唔係小產 (BB no heartbeat at 9-10 weeks), 而家BB 都有4個幾月....跟住即刻o的眼淚水湧出o黎. 跟住頂唔順上o黎post ....

最近身邊有人生, 街上大肚婆到處都係, 電視雜誌呢個有o個個生.....加加埋埋,感覺很難受. 避都避唔倒. 唔係話唔抵得人開心, 而係獨景傷情, 真係好難受. 心不斷諗, 點解人o地咁順利, 自己咁多阻滯...

諗起自己about 2個月前做完手術, 之後一直非常唔開心, 覺得生命冇哂意義, 同你一樣乜人都唔想見, 唔想出街, 咩心情都冇哂...需要上o黎D forum "求助".

但believe me, 時間耐, 感覺一定會好過D. 千其唔好"wut" 埋心裏面, 多o的上o黎傾訴, 會舒服D! 尤其我o地呢D 小產過o既, 特別"感同身受", 我們互相支持吧! And Julibe too!

你幾時做手術呢? 係咪唔會再 check? 因有D 人9w 後先見倒心跳!

私人傳訊

yanyan8888

別墅

積分: 723

7^#

發表於 07-11-16 23:18 |只看該作者

carycary804 , Julibe,

聽到你地的事情...感到很難過..:-(

希望你地快一點復原!

私人傳訊

blythe_kiss

大宅

積分: 3743

8^#

發表於 07-11-17 00:18 |只看該作者

carycary804, Julibe, Jasmine 1,
:-( :-( :-( :-( :-( :-( :-( :-(
聽到你地case, 都唔知講咩好, 但雨過一定會天x,我相信, 這是一個經歷, 教人更珍惜所有, 或令將來會更珍惜未來會有的bb, 我很喜歡上bk, 這裡的人都很好, 很真, 有不快樂或開心,都很值得上來分享, 如果不開心, 千萬不要收埋自己! 同老公一齊勇敢面對, 只要調理好自己身體, 將來一定會有健康的bb~~~祝大家早孕!

私人傳訊

思寧

洋房

積分: 90

9^#

發表於 07-11-17 00:26 |只看該作者

回覆 #1 blythe_kiss 的文章

各位...

但願我們帶著大家的祝福...好讓我們都能快快做媽媽!!!

私人傳訊

葦斌媽咪

大宅

積分: 3514

精緻種植勳章好媽媽勳章醒目開學勳章

10^#

發表於 07-11-17 00:33 |只看該作者

carycary804

私人傳訊

葦斌媽咪

大宅

積分: 3514

精緻種植勳章好媽媽勳章醒目開學勳章

11^#

發表於 07-11-17 00:39 |只看該作者

好希望妳們能夠振作，從黑暗中能夠好快好快見到彩虹！

私人傳訊

carycary804

大宅

積分: 2468

12^#

發表於 07-11-17 11:12 |只看該作者

多謝你們的安慰,真的希望時間過得快D,可以沖淡一切唔開心既畫面!!!

私人傳訊

irisang2007

男爵府

積分: 7737

13^#

發表於 07-11-17 15:30 |只看該作者

carycary804
你唔好咁傷心啦, 只是你好好養好身體, 相信再有bb一定唔難, 要振作同加油呀.

其實我今年就好似坐過山車咁, 心情有種大起大落既感覺. 我係今年7月頭先結婚,8月頭就confirm bingo左, 當時真係不敢相信自己竟然可以咁快就有bb, 因為我見其他人都係try左好耐先有, 我同老公真係好開心, 但好景不常, 我個小b係16weeks既時候突然冇左心跳, 我同老公都覺得晴天霹靂, 因為我地既小b一直都成長得好好, 做oscar既result都好正常, 連個e生都話覺得好突然, 我地真係冇諗過會失去這個小b, 我更加以為我冇流啡, 冇肚痛就=個bb冇事. 不過令我最難受既係係我發現小b冇左心跳之前, 我日日都會同佢講野, 但點知佢其實已經離開左我.

我而家出左院大約兩個星期, 我都仲好掛住佢, 好唔捨得佢, 不過都冇辦法, 佢唔走都走左, 所以我而家好努力養身, 希望小b遲d會再返黎我身邊.

祝各位努力中既媽咪, 都早日bingo, 生個健健康康既bb.

私人傳訊

BONNIETO

大宅

積分: 3014

14^#

發表於 07-11-18 04:05 |只看該作者

首先調理好自己身體,再整理情緒,之後再接再厲.

希望在轉角.

私人傳訊

annyhu

洋房

積分: 48

15^#

發表於 07-11-18 08:24 |只看該作者

聽到你地的事情...感到很難過..

希望你與老公早日走出這個傷心的時間,要努力!互相支持呀!希望你地快一點復原!

私人傳訊

carycary804

大宅

積分: 2468

16^#

發表於 07-11-19 11:50 |只看該作者

各位好,

我想問手術過情係點,快唔快架,同埋做完之後係唔係可以即日保身??你地又食D咩可以進保......十分感謝

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

17^#

發表於 07-11-19 12:16 |只看該作者

carycary804,
我10月中喺仁安做咗, 都係8W幾...
手術好SIMPLE, 手術前要起碼8個鍾唔好食嘢OR飲水, 一入院, 姑娘比咗兩粒藥我叫我即刻食, 之後到時間落手術室時, 剛發現有血水,姑娘話係咁, 因食咗藥, 一D都唔痛, 冇FEELING, 之後老公跟到去手術室外, 手術好快, 全身麻醉, 做完好快醒, 我冇暈, 冇嘔. 由落手術室至返上病房, 大約一個鍾 (INCLUDING EVERYTHING).

醫生話惡露可能有成10日, 但我只有兩日血, 之後幾日血水. 醫生仲話,手術後可以平常咁食嘢, 補身就要兩星期後先開始.

我手術後有睇中醫, 奶奶一路燉花膠,竹絲雞,鮑魚湯比我食同飲, 之後仲有當歸, 但可能我又食中藥, 又飲愛心湯水, 攪到生瘖瘡. 依家都有成個月, 所以只係飲D清D嘅補身湯水(如雪甲膏)同中藥. 但我到依家(手術後5個幾星期), M都未嚟, 煩死人. 醫生同中醫都話, 手術後4-6星期嚟, 都係正常.