其實做左媽媽接近一個月左右，當中感覺好似坐過山車一樣，開頭做媽媽個幾日，真係頭都大埋，人都癲呀~因為係將本來悠悠閒閒既生活，突然一下子變得好忙好忙，加上自己個身體又未ok同 ready，個幾日真係有d崩潰既感覺。不過而家都差不多一個月，開始適應左個生活，感覺都好好多喇~不過始終我都係好懶，而半夜都要起身餵奶既時候，令到休息時間都唔夠時，所以好多野都好想方便、快捷。以下呢2樣，就係我自己個人覺得清潔奶樽既首選。
首先講下NUK 奶瓶清潔液，佢係專為清潔嬰兒奶瓶、奶嘴、餐具同玩具而設(玩具都得呀，所以好方便)，佢係好容易沖淨，而且無留任何氣味，加上安全性高，天然溫和，安全無毒，唔會刺激皮膚。另外，大家可以買左一次既樽裝之後，就買補充裝REFIL，甘樣既實惠又環保。
俾我自己感覺就係，佢既清潔液係無咩味，倒出黎係好似水一樣，性質係好溫和，就算我成日要洗BB既奶樽，都唔會話因為用完個清潔液而搞到雙手好乾好敏感。而且佢最好係佢有清潔時係有泡泡，但D泡泡係好容易被水清走，所以沖兩三下就可以洗完，真係好快手。
而另一樣亦都係我個人覺得好方便既就係NUK 二合一奶瓶/奶咀刷(附海綿)，我知好多時買消毒奶煲係會附送埋個
奶瓶刷，但大多數都只係有刷既部份，無海綿位。但其實初生BB個奶樽係好短，根本未用到要刷既部份，反而海綿先洗得乾淨，因此我覺得NUK既呢個刷真係符合晒我要求。
睇下，好輕易，而且個海綿個SIZE又岩岩好，三兩下手勢就可以將個奶樽裡裡外外都清潔好晒。真係好方便。
而當然NUK係好細心，佢地都有考慮到奶咀既清潔，所以呢支刷既頂部，係一個奶咀刷黎架~真係一支刷滿足晒所有奶樽/奶咀既清潔需要呀~
發表於 
返回列表
