睇完之後...搞到我有少少同情小強！
準備挑戰你嘅膽量未？
我會分開三PART(文字、圖片及影片)，循序漸進，睇下自己去唔去到第三級別，驚嘅話隨時可走人…
文字：
Jewel wasps(金小蜂)，單睇名字，一隻外表如寶石之胡蜂，身長不足一吋、外表有點攻擊性，但點睇都唔似想像中之寄生蟲…佢以人見人怕嘅曱甴活體(即未死)作為寄主。
成年之金小蜂會四出找尋大少合適之曱甴，當找到後就會降落曱甴身上，曱甴當然會作出反抗，這時金小蜂就向曱甴精確地剌左兩針，這兩針令曱甴昏迷一分鐘，一分鐘後醒返站立起來，奇怪的是曱甴不會逃走(原地站立)…因為佢已經做左金小蜂之僵屍奴隸！
這時，金小蜂已經知道計劃成功並會走左去，原來佢去找一個洞穴，再挖掘至合適大少；大約半小時候回來，曱甴依然呆呆地站在原地等牠；這時金小蜂拖著曱甴的觸鬚，把小強拖進洞穴內(影片可以見到金小蜂好似拖狗咁拖曱甴入洞穴，曱甴完全不反抗無意見，乖到不得了！)，再在其身體上產卵，小強乖乖訓係洞內，金小蜂封閉洞穴後就離去！
原來金小蜂第一針剌落曱甴嘅walkingrhythm generators神經系統度，此神經系統係接收大腦訊息，負責腿之運動，但此時曱甴其實係想逃跑嘅，但大腦訊號傳唔到落去，(人類於1970年亦發明某藥物，有同樣效果！)好似大肚婆由於大肚，訓覺時姿勢不良使血液循環唔好就會壓住神經線，有人稱之為被鬼壓，小強此時情況相似。
第二針由頸部穿向曱甴之頭顱，準確地向曱甴腦部某神經元注射毒藥，咁樣先可以奪取曱甴身體之控制權及自由意志(即曱甴係唔係昏迷唔係死左而係身不由己！)…可憐嘅曱甴由得金小蜂在其身體內生蛋，這三十天內：蛋好快就孵化成蟲，幼蟲就會咬穿曱甴外殼爬入其身體裡面，然後喺裡面吃渴成長，然後再變成蛹，蛻變後就成金小蜂，才鑽穿曱甴的軀殼而出，曱甴被折磨近一個月後這時才真正死去！！！(金小蜂選擇小強，可能就係貪佢生命力強勁，等幼蟲可以吃到“新鮮”食物，有利其成長！)
金小蜂走出曱甴的身體後(已經成年)，即會四處尋找合適異性來交配….一個瘋狂嘅行為再次繼續循環落去，又有唔知多少曱甴要借出其軀體，為的是服務這與敵對嘅宿主。
你一定會問：既然小強有咁強勁嘅天敵，點解世界上仲有咁多小強？
1)小強成功入侵人類家居就可避免遇上此對手。
2)小強發展出遇危急時即產下卵囊高招。
3)增加卵囊內蛋蛋數量。
始終金小蜂只存在這世界幾百萬年，而蟑螂與恐龍同期(億億聲)，我相信，假以時日，金小蜂未必是蟑螂對手。
圖片：
金小蜂
四部曲：捉拿、奴隸、產卵、破殼而出
影片：
睇得哂非常人所能！
發表於 
返回列表
