吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 三姑六婆好多事, 想殺左佢地!

自由講場今日: 686|主題: 1332435

收藏本版

發帖

返回列表

跳至頁

查看: 2105 | 回覆: 23

三姑六婆好多事, 想殺左佢地! [複製鏈接]

maggiejane

侯爵府

積分: 24354

1^#

發表於 08-1-4 17:57 |只看該作者 |倒序瀏覽 |打印

半年前買左層樓俾99, 因為"倪"左佢好耐, 佢唔肯搬o黎同我地住, 又唔肯同姑仔住, 佢話相見好, 同住難. 老爺又過左身, 得佢一個住o係公屋. 佢試幾次唔小心"long"起左電話搵佢唔到, 掉垃圾又俾風吹到關埋大門, 又試過出街無帶鎖匙, 攪到我地好擔心.

吟左佢幾年, 99終於應承放棄層公屋, 我同老公買過一層樓俾佢, 岩岩o係姑仔樓下, 方便照應佢. 本來係好事, 但99去買餸行山, d三如六婆知佢搬, 唔替佢高興, 仲話咩買咁矮呀(18樓), 咁細呀(700呎3房99一個人住), 風水唔好(間屋向南, 夏天當風唔駛開冷氣,上手業主兩個仔做醫生, 買層大d俾父母先搬), 買貴左呀, 我層平20萬(5樓向北500呎), 咁老唔捱得幾年, 仲叫個仔新抱買樓加重負擔, 累人累物(頂你個肺8婆, 你夠老, 唔去死!) 攪到呢半年99好唔開心, 係度怨自己累我地買貴左樓, "side"哂d錢, 又後悔買左樓, 日日都訓得唔好, 又話要俾番錢我地!

我地好有心機咁解釋俾99聽, d三姑六婆無point, 唔同樓唔可以比較, e+ d樓升左, 層樓有賺, 無買貴到, 但99硬係聽d八婆講, 耿耿於懷, 攪到佢唔開心, 真係激死!

0 0 0

私人傳訊

tkkmama

珍珠宮

積分: 35688

2^#

發表於 08-1-4 18:04 |只看該作者

你有聽過兩父子拖隻驢仔出城既故事嗎?? 你講番俾你奶奶聽下啦, 佢會釋懷架啦

班三八之所以咁廢up... 就係因為唔抵得你奶奶有兩位咁孝義既兒媳咯...費事采佢地啦..

私人傳訊

dordorbear

複式洋房

積分: 326

3^#

發表於 08-1-4 18:06 |只看該作者

你哋真係好孝順:-P
聽你咁講d三姑六婆係唔抵得law:tongue:

私人傳訊

hodoyoudo

大宅

積分: 1525

4^#

發表於 08-1-4 18:22 |只看該作者

你地一開始就想同99一起住, 已經好難得.
你99一定唔係一個管事的人, 呢D人最唔受兒媳歡迎.

私人傳訊

朱扒王

等待驗證會員

積分: 675

5^#

發表於 08-1-4 18:32 |只看該作者

最快最好ge方法就係你99同3姑6婆飲茶時,,你都一齊出去,,之後再當住你99面前問番佢地乜真係覺得層樓咁有問題咩??睇下佢地會點答,,串下佢地都好呀!!!

私人傳訊

mrs_chan

大宅

積分: 3544

6^#

發表於 08-1-4 18:36 |只看該作者

我地講幾多句, 都唔夠三姑六婆講一句嘅殺傷力強...
我已經令教過好多次.....

私人傳訊

尼古丁

禁止訪問

積分: 24499

7^#

發表於 08-1-4 18:43 |只看該作者

提示: 作者被禁止或刪除內容自動屏蔽

私人傳訊

maggiejane

侯爵府

積分: 24354

8^#

發表於 08-1-4 18:44 |只看該作者

咩故事?

仲有呀, 件事仲有下集.

我99帶左個唔知咩行山朋友返屋企坐, 個亞毛開頭話自己好有錢, 住咩藍灣半島, 個仔住太古城, d女o係加拿大. 話e+樓價升左, 自己唔駛住咁大, 所以賣左層樓, e+無屋住. 話我99間屋咁大住唔哂, 想搬o黎一齊住無咁悶, 有人照應, 仲話自己白內障行動唔方便, 要住主人套房, 夜晚去廁所方便d. 我姑仔問佢點解唔同佢個仔住, 佢話個仔間屋有三間房, 一間擺雜物, 一間新抱擺衫, 所以無地方住. 我姑仔問佢賣樓賺左錢, 租住酒店先, 再搵樓租啦, 佢又話d租好貴唔抵. 姑仔又問佢想俾幾租, 佢竟然話咁熟, 大家無計! 佢白內障上腦呀, 仲同99講, 層樓寫佢名, 佢有權叫任何朋友住, 又話自己好可憐無地方住! 正一死八婆, 擺明呃我99啦!

我99心軟, 差d應承, 我姑仔即刻call我, 我即刻同亞哥返去搵99, 個八婆見到我, 竟然問我係咪好少探99, 99好悶好唔開心! 頂佢呀! 我話唔係, 不過呢個星期探少一次差d出事! 以後會一星期三次! 我問佢個仔住邊, 幾號電話, 佢問知o黎做乜,我話佢搬o黎都要通知個仔. 我俾左個電話我之後, 我叫亞哥打俾個仔, 同佢講佢亞媽d事, 佢個仔吟吟噚噚, 我亞哥叫佢o黎接走佢亞媽, 唔係就送佢去差館or佢屋企門口, 佢個仔就即刻o黎左接佢亞媽. 我亞哥送佢地走時, 知道個亞毛好麻煩好難相處, 係細婆o黎, 同自己d親生仔女都唔岩, 個男仔係大婆生, 同佢無乜兩句. 亞毛數口又叻, 賣左老公留俾自己層樓賺左, 想唔俾錢要大婆d仔女買過層俾佢, 啋佢都傻! 我亞哥知佢麻煩, 驚佢唱我99, 我99會唔開心, 明示暗示自己係警察, 成日有d騙案case, 表面係叫亞毛小心俾人呃, 實際係叫佢唔好呃人唔好亂o黎, 個亞毛之後先無再攪我99!