先解釋點解佢會醒，如果排除左佢身體無任何不適，就最大可能係因為訓覺有深睡同淺睡，如果本身佢係你抱住訓著左，你放低佢，周圍環境唔同左，當佢係淺睡既時候佢就會SENSE到唔同左就會即刻喊醒，呢個人體警覺本能。我地大人都會架，你訓到半夢半醒FEEL到同你入睡前環境唔一樣我地都會一樣驚醒。所以要盡量讓BB在自己床仔度，由清醒到入睡都係張床度，咁就算佢半夜訓醒，係張床度同入睡前環境一樣佢就算醒左都會自己訓返又可能你拍下佢，佢就會訓返！總之無論由日頭訓晏覺定夜晚個覺都係床仔度入睡，情況應該會有所改善，但唔係一兩日就搞得掂因為佢之前係你抱慣左訓，要佢適應床仔入睡係要時間既，加油呀！如果佢食完奶就想訓，但剛食完奶通常要坐半小時倒先可以平訓，如果你有一張BB椅可以POP UP 佢45度高，佢又慢慢坐坐下訓左就俾佢訓埋落去！
發表於 
。。麻煩你地可以教下我點好
返回列表
