Baby Kingdom - 親子王國 香港 討論區 › 首頁 › 夫婦情感› 復合後又無搵我,唔明?

夫婦情感

收藏本版
發帖
返回列表
跳至頁

首頁
12

尾頁
   0
happymony


複式洋房

積分: 110


1#
發表於 08-1-24 14:17 |只看該作者
跟他分手一個月,在他生日那天(上星期日)我們復合了,佢話我們再一起就跟以前不一樣,不會天天在一起,不要哪麼多的交代,不要煩佢,不要做對方的附屬品o

但到今天為止,一個電話都冇打過比我,感覺怪怪的,有沒有意見可給我?


分手原因已post過:
http://forum.baby-kingdom.com/viewthread.php?tid=1265012
私人傳訊

RAA


珍珠宮

積分: 32861

2018復活節勳章 好媽媽勳章 醒目開學勳章


2#
發表於 08-1-24 14:34 |只看該作者
咁叫復合? 咁多條件嘅?
私人傳訊

小柏媽媽


大宅

積分: 4735


3#
發表於 08-1-24 14:35 |只看該作者
佢都同你講明, 你同得佢一齊, 就要接受, 要睇下你自己想點 ! 如果你接受到, 咪ok, 接受唔到,分開未必唔係一件好事.

不過你都可以試下做d野,睇下佢會唔會改變, 不過我諗,都唔好抱甘多期望, good luck!

原文章由 happymony 於 08-1-24 14:17 發表
跟他分手一個月,在他生日那天(上星期日)我們復合了,佢話我們再一起就跟以前不一樣,不會天天在一起,不要哪麼多的交代,不要煩佢,不要做對方的附屬品o

但到今天為止,一個電話都冇打過比我,感覺怪怪的,有沒有意見可給我 ...
私人傳訊

finger


男爵府

積分: 9521

醒目開學勳章 畀面勳章


4#
發表於 08-1-24 14:37 |只看該作者
佢只係拖住你咋, 因為佢前妻有第三者所以離婚, 即係話佢仲好愛前妻, 離婚佢係被動的, 依家可能前妻回頭了, 佢梗係極力想同前妻復合, 但又未成功, 所以想一邊拖住你, 一邊同前妻 cool 煲, 呢個男人, 不如你主動 d 飛左佢, 搵過個仲好啦!!!

http://jackylau.com/FreePhoto/PhotoData/U0047102.gif
私人傳訊

飽飽


別墅

積分: 511


5#
發表於 08-1-24 14:40 |只看該作者
我會覺得佢係好愛佢自己, 傷心時搵你你會理佢, 傷心嘅日子當然想成日有人陪, 傷心過後, 你就成為佢嘅負累, 今次事件只係導火線, 佢已經覺得你太跟身, 想得更多自由, 所以你一鬧分手, 佢已經即走兼搵屋, 你想清楚佢有幾想同你係一齊?

呢段時間我估你有搵佢修補關係吧, 因為你覺得一向相處都無問題, 但在於佢, 就等如有皇牌在手, 好清楚話你知, 一係唔再復合, 一係你要接受佢有更多自由, 唔常聯絡, 唔常見面, 既然你選擇復合, 佢亦合理化地喜歡就搵你, 唔喜歡就no show.

現今嘅光景好明顯係佢想過嘅, 亦打算往後同你相處嘅方式, 我相信你係接受唔到, 所以你要好好想清楚佢係唔係你嘅mr. right. 因為你已經再無談判能力, 你對佢可有可無, 佢睇來唔會為你改d咩.

雖然你地係puppy love, 但咁多年來大家都經歷唔少野, 佢唔係以前嘅佢啦, 佢心裡面已經放咗好多好重要嘅野, 你嘅出現, 起初有好大新鮮感同安慰, 但起初過後, 似乎無太大空間放你落去啦.
私人傳訊

tweetybird


男爵府

積分: 5929


6#
發表於 08-1-24 14:54 |只看該作者
你點樣同他復合的？係你不斷要求他？還是他主動覺得還是你最好？因為分別好大的。係你求他的，他可能會當你係水泡，拖住先。如果真係好番的，我覺得大家之應該將之前個問題有一個初步的解決方法，又或者他會為了讓你放心做番多少野。家下睇來，我又唔覺得他好似好珍惜似的呢。如果係的，就唔會好似家下咁一個電話都無打俾你呢。

其實你要問下你自己究竟係唔係仲係好在乎，如果係的，你自己要同他傾一傾究竟點樣可以將之前的問題大家理性而又合理的處理左。否則問題只會不斷重複重現，你忍得一次，但你忍到第二次，第三次咩？

如果他已經做到可有可無的，你自己都心中有數知道個結果太約會係點，再分開只係遲早的事吧。總之退一步海闊天空。

原文章由 happymony 於 08-1-24 14:17 發表
跟他分手一個月,在他生日那天(上星期日)我們復合了,佢話我們再一起就跟以前不一樣,不會天天在一起,不要哪麼多的交代,不要煩佢,不要做對方的附屬品o

但到今天為止,一個電話都冇打過比我,感覺怪怪的,有沒有意見可給我 ...
私人傳訊

celery


男爵府

積分: 7255

醒目開學勳章


7#
發表於 08-1-24 15:00 |只看該作者
係呀.
樓主參考下佢地講嘅丫.




原文章由 tweetybird 於 08-1-24 14:54 發表
你點樣同他復合的？係你不斷要求他？還是他主動覺得還是你最好？因為分別好大的。係你求他的，他可能會當你係水泡，拖住先。如果真係好番的，我覺得大家之應該將之前個問題有一個初步的解決方法，又或者他會為了讓你放心做番多少野。家下睇來，我又唔覺得他好似好珍惜似的呢。如果係的，就唔會好似家下咁一個電話都無打俾你呢。

其實你要問下你自己究竟係唔係仲係好在乎，如果係的，你自己要同他傾一傾究竟點樣可以將之前的問題大家理性而又合理的處理左。否則問題只會不斷重複重現，你忍得一次，但你忍到第二次，第三次咩？

如果他已經做到可有可無的，你自己都心中有數知道個結果太約會係點，再分開只係遲早的事吧。總之退一步海闊天空。
私人傳訊

ioi


伯爵府

積分: 16534


8#
發表於 08-1-24 15:08 |只看該作者
恕我直言, 我認為唔值得再花時間在佢身上. 依照佢幾日唔搵你來看, 現在的你, 對佢來說, 是可有可無的. 佢只係想在佢得閒無聊時就搵你陪下, 有節目時就唔搵你, 亦唔會預埋你一份. 佢只係想享受同你好的一面, 但係就唔接受你為佢帶來的負面響, 例如失去自由 (其實如果真心鍾意一個人就唔會覺得失去自由的). 佢亦無打算關心你, 電話都唔打個黎.

其實以上正正是我前度男友對我的態度, 我們拖拖拉拉左三年, 其中兩次分手都係我要求復合的, 最後都係分手收場.

我當然唔希望你男朋友係好似我前度咁衰, 如果你們恩恩愛愛咁就值得高興啦, 但我只係怕你好似我咁, 花左好多時間心機, 最後都係白費. 祝你好運啦.
私人傳訊

溫柔


男爵府

積分: 6308


9#
發表於 08-1-24 15:16 |只看該作者
咁你重愛唔愛佢先,一般既話長痛不如短痛la,咁樣係返埋一齊有乜意思呀?我覺得佢搵你 "涉" 時間囉,唔好咁笨呀..........
私人傳訊

cherry1498


大宅

積分: 3008


10#
發表於 08-1-24 15:53 |只看該作者
樓主,你幾大呀...唔好介意...
你而家係咪人老珠黃?冇左佢唔得?
如果唔係...無謂,為左個已經結左婚,有過去既男人一齊丫...
而家你可以接受佢,係因為你初初好愛佢,算係熱戀期卦...
但到你地真係結左婚,生左自己既小朋友,你一定會介意佢既過去...
既然係咁,點解仲要中個頭埋去呢?
如果呢個男人到而家都唔會將你放係第一位...
莫講話將來啦...回頭是岸呀
私人傳訊

juicypig


珍珠宮

積分: 30278

環保接龍勳章 hashtag影視迷勳章


11#
發表於 08-1-24 16:47 |只看該作者
飛咗佢............把啦
一個人之所以快樂,不是因為她擁有得多, 而是因為她計較得少
私人傳訊

happymony


複式洋房

積分: 110


12#
發表於 08-1-24 17:05 |只看該作者
我三十幾歲了(尾),坦白講如果我係十八廿二,真係會算數...我冇不斷要求復合,只是頭幾天有"ai"佢, 因為我以為只是鬧交,之後佢好決絕我就冇再提o

復合嗰日其實佢係去我屋企攞信,我錫了佢一啖及比了份禮物佢,同佢講生日快樂,跟住佢就一直抱住我錫我,又話佢執好間屋就去佢屋企煎牛扒比我食,噤我就問佢而家即係點? 佢就話今次一齊唔要做大家的附屬品o

其實以前我真的另佢透不過氣,經常執箸於佢同前妻的事,分手後我有好好的反醒,兩個人最基本的信任都冇,係好難長久同有幸福o所以佢開出來的條件是我們之間之前既的問題,所以我係理解的o

不過佢這幾天都唔搵我就真係唔明
私人傳訊

kiki.kiki


珍珠宮

積分: 49031

醒目開學勳章 環保接龍勳章


13#
發表於 08-1-24 17:11 |只看該作者
因為佢已經履行咗 :

跟他分手一個月,在他生日那天(上星期日)我們復合了,佢話我們再一起就跟以前不一樣,不會天天在一起,不要哪麼多的交代,不要煩佢,不要做對方的附屬品o

所以咪幾日冇搵你囉..............

不過, 如果係我, 又真係頂唔順佢幾日都冇出現, 我會認真咁考慮分手....無謂再拖



原文章由 happymony 於 08-1-24 17:05 發表
我三十幾歲了(尾),坦白講如果我係十八廿二,真係會算數...我冇不斷要求復合,只是頭幾天有"ai"佢, 因為我以為只是鬧交,之後佢好決絕我就冇再提o

復合嗰日其實佢係去我屋企攞信,我錫了佢一啖及比了份禮物佢,同佢講生日 ...
私人傳訊

小柏媽媽


大宅

積分: 4735


14#
發表於 08-1-24 17:14 |只看該作者
如果你接受呢種相處方式, 甘就接受啦! 愛一個人,真係好難講 ! 唔好太強求,唔好比自己唔開心, 就ok 了!

原文章由 happymony 於 08-1-24 17:05 發表
我三十幾歲了(尾),坦白講如果我係十八廿二,真係會算數...我冇不斷要求復合,只是頭幾天有"ai"佢, 因為我以為只是鬧交,之後佢好決絕我就冇再提o

復合嗰日其實佢係去我屋企攞信,我錫了佢一啖及比了份禮物佢,同佢講生日 ...
私人傳訊

tweetybird


男爵府

積分: 5929


15#
發表於 08-1-24 17:49 |只看該作者
你係他生日鍚左她一啖..其實即係你個心仲係在乎，如果唔係你都唔使做埋咁多野啦。坦白講，男人有免費的餐點會唔要的呢。他家下就當你可以隨傳隨到。

原文章由 happymony 於 08-1-24 17:05 發表
我三十幾歲了(尾),坦白講如果我係十八廿二,真係會算數...我冇不斷要求復合,只是頭幾天有"ai"佢, 因為我以為只是鬧交,之後佢好決絕我就冇再提o

復合嗰日其實佢係去我屋企攞信,我錫了佢一啖及比了份禮物佢,同佢講生日 ...
私人傳訊

ioi


伯爵府

積分: 16534


16#
發表於 08-1-24 18:06 |只看該作者
復合嗰日其實佢係去我屋企攞信,我錫了佢一啖及比了份禮物佢,同佢講生日 ...


我以前同前度男友初次分手時, 表面上我都無要求復合, 分開左幾星期後, 佢主動send e-mail問候我, 又話我知佢租左新屋, 遲d裝修好帶我去參觀, 似係唔捨得我咁... 聖誕節我約佢出黎送禮物俾佢, 之後佢就同番我一齊... 但係我地關係好左幾個月, 之後佢又若即若離咁. 佢根本就唔係好鍾意我, 又或者我地根本就唔夾. 佢同d friend去玩唔想預埋我, 如果佢d friend有節目, 佢一定揀d friend, 唔揀陪我. 佢需要好多自由, 就連我每日打一次電話問候下佢, 佢都覺得煩, 佢又無乜野要同我講, 每次講唔夠一兩分鐘就收線... 佢可以兩星期唔見我亦唔聯絡我, 好似陌生人咁, 我有咩事佢都唔知, 亦都無興趣知. 我唔開心佢唔理. 佢d野亦都好少話我知, 佢去邊度玩我唔知... 只係當佢無聊時就會call我, 我仲會隨傳隨到... 到最後, 佢識到第二個女仔, 就正式同我分開.

如果你男朋友所謂的"不會天天在一起, 不要那麼多交代"係咁, 你接唔接受到?
私人傳訊

happymony


複式洋房

積分: 110


17#
發表於 08-1-24 18:24 |只看該作者
佢啱啱send sms 比我,話"天氣凍,小心!" 我好開心!:D

因為我們之前係同居,佢而家搬咗,所以係"不會天天在一起", 亦唔會"交代"佢的行程o

好多謝你們的意見,我有答案了!
私人傳訊

anson*baby


別墅

積分: 518


18#
發表於 08-1-24 18:47 |只看該作者
我覺得佢只會當你係後備, 佢可能仲係等緊佢老婆回頭, 如果佢老婆真係返轉頭, 你只會是情婦, 到時就變成第三者. 睇佢對你啲態度, 佢未必會同你結婚架, 所以你真係要想清楚...自己有幾愛佢, 可唔可以接受到.
私人傳訊

小manman


翡翠宮

積分: 81283


19#
發表於 08-1-24 19:52 |只看該作者
原文章由 happymony 於 08-1-24 14:17 發表
跟他分手一個月,在他生日那天(上星期日)我們復合了,佢話我們再一起就跟以前不一樣,不會天天在一起,不要哪麼多的交代,不要煩佢,不要做對方的附屬品o

但到今天為止,一個電話都冇打過比我,感覺怪怪的,有沒有意見可給我 ...


其實,我相信你問10個,10個都會叫你放手,只係你自己當局者迷~~~

我好明白你感受,亦知道你依架感覺好痛苦、好難受,有種幻得幻失的感覺,因為你bf對你時好時壞、若即若離咁~~~

我知道叫你分手就係人都識講,但作為當事人的你,我相信談何容易,因為我都失戀過、傷心過,但時間真係可以沖淡一切,時間就係最好的療傷方法,時間耐左,你就會醒覺,回頭再望返今日的你,你只會覺得依架的你係幾咁無知、懦弱~~~

但你自己都好清楚,依架的你係活在痛苦之中,拍拖本來係件開心的事,如果對方愛你,佢會想盡辦法氹你開心,唔會話"不會天天在一起";亦都好自然會乜野都同你講(無論係開心/唔開心),總之,乜野都會想同你分享,唔會話"不要哪麼多的交代";你打多幾次電話比佢,佢只會覺得心甜,唔會講"不要煩佢"呢d傷害對方的說話~~~

你地今次的復合好明顯係你一個錯誤的決定,依架你所謂的復合,你覺得開心嗎???你感覺到對方愛你、著緊你、關心你、事事以你為先嗎???

點解要咁樣折磨自己???

放過對方等於放過自己呀!!!
私人傳訊

小manman


翡翠宮

積分: 81283


20#
發表於 08-1-24 19:57 |只看該作者
原文章由 happymony 於 08-1-24 18:24 發表
佢啱啱send sms 比我,話"天氣凍,小心!" 我好開心!:D

因為我們之前係同居,佢而家搬咗,所以係"不會天天在一起", 亦唔會"交代"佢的行程o

好多謝你們的意見,我有答案了! ...


既然你覺得開心就得喇!!!

本來覺得你好可憐,但睇黎依架你都唔需要人安慰喇!!!

你都幫佢揾哂一d好美麗的藉口,佢所講的野係gf聽到都會好傷心,你竟然可以將佢變成一d好好聽的理由~~~

你要自己呃自己,無人幫到你~~~

好自為之喇!!!

[ 本文章最後由 小manman 於 08-1-24 19:58 編輯 ]
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見