懷孕前後 今日: 10 | 主題: 329969

積分: 554

1^#

發表於 14-9-14 00:10 |只看該作者 |倒序瀏覽 |打印

本帖最後由 jelly326 於 14-9-14 21:04 編輯

孕婦係唔係唔應該搬屋？奶奶要求我地搬去佢屋苑個度住，屋已經買左但當時未知自己有bb . 發現有bb後她依然堅持要我們盡快搬過去，話裝修佢睇住，我唔搞裝修，同埋等裝修完放兩三個星期散走d味就叫我地搬過去。但我聽d朋友講裝修完最少要等兩三個月先散哂d甲醛？唔知有無JM有經驗？我而家15週，屋企仲有個歲半bb, 唔想d甲醛影響到我地

0 0 0

私人傳訊

chun703

積分: 5692

我的育兒心得勳章夏天玩到顛畀面勳章

2^#

發表於 14-9-14 00:25 |只看該作者

回覆：jelly326 的帖子

我本身都打算搬，最後決定生左先. 甲全係個問題，胎神又另一問題，除非環境唔許可，否則可免則免!

私人傳訊

siuting1031

積分: 3651

3^#

發表於 14-9-14 00:33 |只看該作者

回覆：孕婦搬屋

寧可信其有，萬一發生咩事，點算?可怪誰?可怨誰? 如果現在仍然有地方落腳，唔差在呢幾個月

私人傳訊

Vickyblah

積分: 1089

4^#

發表於 14-9-14 00:40 |只看該作者

回覆：孕婦搬屋

我兩胎都有搬。上一胎裝用立邦除味油，裝完放左一個幾月之後搬。個時無搬舊床買新床。今胎裝用立邦金裝抗甲醛油漆，傢俱用環保木。都係買新床。放左兩個幾月搬。屋企一直有空氣清新機，放黑炭。其實我覺得無乜大問題，最緊要睇住用咩料，同埋放返兩個月先。我唔太迷信, 但我奶奶好迷信，我老公又以防萬一，睇風水時都問左師傅，佢話其實裝嘢時我唔喺度就得。我今胎以家6個幾月，大b兩歲。

私人傳訊

Vickyblah

積分: 1089

5^#

發表於 14-9-14 00:45 |只看該作者

回覆：孕婦搬屋

我奶奶兩次都叫我唔好搬，不過我同老公無理佢。我其實都唔係無地方住，但咁啱又係買左樓，整好咪慢慢搬囉。如果你真係想搬，其實小心啲各樣都ok。個人意見，外國鬼佬都係咁架啫, 睇你自己點睇。

私人傳訊

積分: 554

6^#

發表於 14-9-14 01:02 |只看該作者

回覆：孕婦搬屋

其實我同老公都唔係想搬，我地而家同老爺奶奶住同一區，車程十分鐘內既距離，但奶奶嫌遠，要我地搬去佢屋苑，當時雖然我同老公都覺得無必要，但因為屋企一向係奶奶話晒事，如果搬遠d（以前曾經諗過搬去元朗）仲話如果我地搬咁遠就以後唔見，同我地斷絕關係...所以今次佢話想我地搬去佢屋苑雖然唔係十分想但我地都無拒絕，但之前我無bb就無所謂，而家有左，雖然佢唔洗我搞裝修d野，但佢要我地裝修好後兩三個星期就搬入去我就有d擔心，同埋有少少唔開心，因為我覺得佢好似為左達到自己目的，唔理其他人既情況同感受

但我知道既然避免唔到，唯有盡量嘗試將影響減到最少，胎神方面我唔太擔心，因為我唔係好信呢d, 但我最怕甲醛之類既野，因為聽朋友講就算陣味散左，其實d甲醛都會繼續揮發一段時間，JM當時係未搬入去之前已經放空氣淸新機同炭，之後等兩個幾月再搬入去嗎？

私人傳訊

katkathk

積分: 5420

MommyPanel勳章

7^#

發表於 14-9-14 02:29 |只看該作者

引用：其實我同老公都唔係想搬，我地而家同老爺奶

原帖由 jelly326 於 14-09-14 發表
其實我同老公都唔係想搬，我地而家同老爺奶奶住同一區，車程十分鐘內既距離，但奶奶嫌遠，要我地搬去佢屋苑 ...

咁絕？係你奶奶俾錢買樓同裝修？

私人傳訊

小談心

伯爵府

積分: 16573

8^#

發表於 14-9-14 18:06 |只看該作者

回覆：孕婦搬屋

呢d時間叫老公出聲話唔搬住，由得老公同佢阿媽傾，99問你，你就話要等老公話事喎

私人傳訊

小談心

伯爵府

積分: 16573

9^#

發表於 14-9-14 18:09 |只看該作者

回覆：孕婦搬屋

同埋你話你問過醫生，甲全對bb有乜影響，醫生都話唔好搬住喎，最好講嚴重d. 影響佢粒孫健康，致癌等等

私人傳訊

Mistletoe

積分: 1279

10^#

發表於 14-9-14 18:54 |只看該作者

回覆 jelly326 的帖子

依家有好多公司都有"除甲醛"服務, 你最好裝修完, 買齊傢俬, 一次過叫人嚟 "除甲醛".
我上一胎都係咁, 裝修 & 搬屋. 裝修期間就冇親身去睇, 淨係老公上去, 影相俾我睇. 至於搬屋, 都有親自執嘢, 但係正式搬屋就唔在現場, 等搬屋公人將所有嘢搬好入新屋之後, 先上去執嘢.

私人傳訊

積分: 554

11^#

發表於 14-9-14 20:23 |只看該作者

引用：Quote:原帖由+jelly326+於+14-09-14+發表其

原帖由 katkathk 於 14-09-14 發表
咁絕？係你奶奶俾錢買樓同裝修？

係老爺比錢買，本來佢都唔想，因為覺得而家樓價貴唔抵買，但奶奶一定要而家買，買之前無知會過我地，佢諗住間屋寫老公名我地會lur飯應即刻搬過去，但其實我同老公情願出面自己租起碼有自由（其實已經好近，同區十分程內車程），但而家已經唔係錢同間樓邊個名既問題，就算我地話自己租/買出面佢都會話我地不孝，住咁遠以後唔好見（唔係講笑咁講），就算我地話隨傳隨到車佢來我地度或自己過去佢度都唔得，佢一定要住返佢個度同埋一定要佢行路行到來我地屋企先接受到。其實我唔介意住得近佢，但將來小朋友讀書，我都想搬去d好既校網，但而家感覺係好似一搬左去佢個度以後我地想搬去第二度（仲要係其他區）一定更難，因為佢講明expect 我地以後都要住係個度，所以成件事感覺唔係咁好，唔知媽媽們明唔明白呢種感受？好似世界上只有見佢陪佢係最重要，個孫將來讀書同身體健康（因而家住緊呢區空氣出名差）都無咁重要

私人傳訊

積分: 554

12^#

發表於 14-9-14 20:49 |只看該作者

引用：呢d時間叫老公出聲話唔搬住，由得老公同佢

原帖由 小談心 於 14-09-14 發表
呢d時間叫老公出聲話唔搬住，由得老公同佢阿媽傾，99問你，你就話要等老公話事喎

...

(唔好意思，回覆得比較長，因呢件事唔知同邊個傾好，身邊朋友大多未結婚，所以係度順便呻下... )

我都係咁樣做，而家都係老公係度拖，開頭老公話最近公司有d變動好忙同無閒錢搞裝修，奶奶就話咁佢幫我地出錢油過d牆同簡單整幾個櫃，叫我地快d搬過去，仲話已經幫我地租左車位再唔搬每個月嘥幾千蚊，老公已經話無人叫佢咁快租車位，正常都係裝修好差不多要搬入去先租車位，但佢而家係所有野都無同我地商量過就做哂跟住要我地接受，雖然所有野佢比錢我地睇落好似好爽咁，但我地自己都有做野，收入亦唔低，只係暫時未儲到錢買到理想長住既樓，但而家變左就算我地賺夠錢都唔敢搬因為如果住埋同一屋苑之後我地又話要搬走，到時奶奶會好唔高興同埋要斷絕關係（我地私下同老爺傾，佢話千期唔好比奶奶知我地打算以後搬走）....而家由於老公話車位佢無諗過咁快要租，呢兩個月車位錢都係老爺比（老爺奶奶環境唔錯，得老公一個仔），基本上老公諗咩理由出來話遲d先搬，奶奶都會有方法破解

私人傳訊

積分: 554

13^#

發表於 14-9-14 20:50 |只看該作者

引用：回覆+jelly326+的帖子依家有好多公司都有\"

原帖由 Mistletoe 於 14-09-14 發表
回覆 jelly326 的帖子

依家有好多公司都有"除甲醛"服務, 你最好裝修完, 買齊傢俬, 一次過叫人嚟 "除甲醛". ...

Thx JM , 我諗我應該要搵下呢d公司

私人傳訊

積分: 554

14^#

發表於 14-9-14 20:56 |只看該作者

引用：同埋你話你問過醫生，甲全對bb有乜影響，醫

原帖由 小談心 於 14-09-14 發表
同埋你話你問過醫生，甲全對bb有乜影響，醫生都話唔好搬住喎，最好講嚴重d. 影響佢粒孫健康，致癌等等

...

我奶奶都幾潮，同好注重健康，自己研究中醫養生同埋有幫做人呢d療法，所以其實甲醛對孕婦同小朋友既影響佢一定淸楚，所以我之前講，覺得佢只係想我地快d做佢想我地做既野，其他人，甚至個孫既情況都好似唔重要咁

私人傳訊

pyueshum

http://www.magicalkingdoms.com/t ... /font></a>

積分: 5762

15^#

發表於 14-9-15 02:41 |只看該作者

回覆：孕婦搬屋+同奶奶有少少矛盾

懷孕時我有搬，不過搬野的時候我不在現場只係當要返屋企時就返去新屋個邊。另外屋企有小小執頭執尾，都係整個日我出去街，唔係屋企。

而家女女已經19個月～

私人傳訊

Jsnoopy

子爵府

積分: 14634

16^#

發表於 14-9-15 03:33 |只看該作者

引用：孕婦係唔係唔應該搬屋？奶奶要求我地搬去佢

原帖由 jelly326 於 14-09-14 發表
本帖最後由 jelly326 於 14-9-14 21:04 編輯

孕婦係唔係唔應該搬屋？奶奶要求我地搬去佢屋苑個度住，屋 ...

如果係剛裝修完就搬嘅話，當然唔係咁好啦。始終有油漆，雖然話隔一陣先入住，個心都會營住有嘢，住得都唔會開心啦。

個人認為，租住樓先，搞完裝修散味耐d再入住。博唔過啊

私人傳訊

hellolulu306

複式洋房

積分: 119

17^#

發表於 14-9-16 17:33 |只看該作者

jelly326 發表於 14-9-14 20:49
(唔好意思，回覆得比較長，因呢件事唔知同邊個傾好，身邊朋友大多未結婚，所以係度順便呻下... )

我都係咁 ...

jelly 如你所講, 你奶奶好明顯係話慣事, 老爺同老公都一向就哂佢, 聴佢話. 我覺得你都好好, 都想盡量就佢, 如果係我. 我依家17W, 都啱啱搬返緊我媽咪同老爺 (因為咁啱兩家人係住同一個屋苑), 係步行距離, 諗住遲D照顧BB方便. 但我咁樣搬完全係我同老公自己既決定, 老爺叫我地住佢到都拒絕左. 而我奶奶(同我老爺分開左好耐, 自己住係第二區) 都叫我地搬去同佢住, 亦都回絶左.
我覺得你個問題不是住得遠還是近的問題, 個問題係奶奶一向話哂事, 而你地一向就哂佢, 以前冇BB可能都冇咩所謂, 當孝順佢, 但依家有左BB, 你同老公最大的考慮就是BB, 如果要就佢一個而對BB做成壞處, 我覺得你地要開始強硬D對佢. 你地結婚搬開左都一段時間, 要搬返近其實不急於一時. 只係佢揾到個藉口想你地盡快搬返去.

如果你地第時仲想再搬或者唔想再樣就哂佢, 你地依家就要開始俾知道你地唔會咩都再就哂佢, 俾佢知道你地咁大個人, 連BB都有埋, 有自己既想法. 遲D BB出左世, 我覺得佢只會有更多意見, 要你地聽哂佢講, 佢D意見可能同你地兩公婆既教育理念唔同, 真係要認真諗諗.

私人傳訊

rosieee

積分: 9329

開心吸收勳章 DHA勳章

18^#

發表於 14-9-16 23:45 |只看該作者

引用：孕婦係唔係唔應該搬屋？奶奶要求我地搬去佢

原帖由 jelly326 於 14-09-14 發表
本帖最後由 jelly326 於 14-9-14 21:04 編輯

孕婦係唔係唔應該搬屋？奶奶要求我地搬去佢屋苑個度住，屋 ...

我屋企都係決定生完先…

私人傳訊

irene_e

積分: 7386

BK猜猜猜慶中秋

19^#

發表於 14-9-17 09:48 |只看該作者

回覆：孕婦搬屋+同奶奶有少少矛盾

其實係你地就慣左99啫，不過就左咁多年你唔就佢你就係衰人，教壞佢個仔的壞女人。所以你要小心處理。提議你慢慢裝修間新居。地板瓷磚都要訂，攪掂都3個月啦，到時你都7-8個月大。跟住又話大味唔搬，衣櫃有味困住阿b啲衫唔得，拉拉扯扯容乜易又生啫。最後就話係舊屋坐埋月先搬，返正攪到間屋同廚房污糟左都唔肉赤。只要你地有決心，口快但心就咩都拖，99都無你乎。祝好運

私人傳訊