心聲留言今日: 1|主題: 17514

收藏本版

發帖

返回列表

跳至頁

查看: 1073 | 回覆: 1

12年前你對我的一份心兒, 我竟然懵而不知.... [複製鏈接]

mama100

民房

積分: 38

1^#

發表於 08-2-28 17:43 |只看該作者 |倒序瀏覽 |打印

趁得閒想處理下一批同前男友的舊照.......想掉左佢.

我同舊男朋無什麼特別.........只係因了解而分開........了解到佢唔適合我附托終生........所以分手........分手後亦從來都無係夢中見過佢.

雖然已結左婚........依然保留從前的合照.......係認為佢始終係我生命中出現過........即使將相片掉左........亦不能末殺佢曾經確確實實的存在過.

但自從生命中出現了這3個男人(老公 + 2個仔).........我們一齊經歷咁多........無任何東西可以代替.......覺得生命已無必要再需要有從前一段淡如水的記憶.........所以決定掉左果d相.

就係我處理相片之時........發現仍有保留同從前中學時代一位男同學的信件........同佢只係普通交情........連佢去左美國我都唔知........但又唔知點解佢會寫信比我........當我收到佢既來信先知佢已去左美國留學........跟住就keep住有通信........今時今日已好難從彼此既通信(email)睇到大家的筆跡.......從筆跡可以睇出果份感情同心思.

原來你曾很有心思地利用剪報係信封上切出我個名........雖然信中你話你忙於交project.........但仲係信封上用美術字寫出我的地址.........原來你係95年的情人節曾寄左張咭比我.......雖你只寫上我同你的名字.........但當我再次細讀咭內的內容........我相信已代表左你對我的心意.

發現原來好多封信中........你都提到你很忙........但係又會花時間給我寫信.

點解我當年完全唔察覺你原來對我有意思.........可能當時我已忙於同前男友拍拖........而錯失了.

今時今日........我們大家都有家室........我唔能夠再對你講一聲"多謝"同"抱歉"........多謝你多年來花左唔小心思........抱歉我的粗心大意.........枯負左你的一番情意.

在此.........願我倆能珍惜眼前人........2個家庭永遠幸福快樂.

有時我都很想 send email比你.......但我知你老婆唔鍾意........雖然我倆從未開始.........但我明白作為女人的心情.