論盡家傭今日: 3|主題: 133890

收藏本版

發帖

返回列表

跳至頁

查看: 986 | 回覆: 4

好唔好叫舊工人教新工人做野?

Allie

男爵府

積分: 6007

發表於 04-4-2 08:20 |顯示全部帖子

好唔好叫舊工人教新工人做野?

我個印印完約後唔再續, 佢一向工作表現良好, 無咩要我勞氣. 而且她十分清楚我兩個小朋友的起居飲食. 所以我想由她來教新工人(菲菲)做野. 但又有人同我講千其唔好, 會教壞新工人的, 是嗎? 最慘係我不能請太多假, 又怕小朋友初頭適應有問題, 所以想她倆有overlap的時間, 比小朋友多點時間適應新工人.(因要工人同小朋友同房)

大家可以比d意見我嗎? 有無媽咪試過, 有無咩心得分享呢?

私人傳訊

hinhinmummy

侯爵府

積分: 21395

發表於 04-4-2 09:44 |顯示全部帖子

Re: 好唔好叫舊工人教新工人做野?

我的agency不suggest我甘做, 之前我都有諗過甘樣做. 佢地話, d工人會將你的生活習慣講晒比新工人聽, 好的同不好的都講, 連不好的可以幾時偷懶都講, 個新工人可以好快就變壞.

你小朋友幾大? 如果3-4歲根本不駛驚, 我細仔係兩歲時都換工人, 佢好跟個舊工人的, 去到邊緊到邊, 連去廁所都不得, 但係新工人一到, 第一晚已可以take care同佢訓, 當然之前要同佢做d功夫, 好似你同佢玩多d, 出街不好帶工人, 自己同佢去, 等佢知道邊個係阿媽, 可以帶佢出街玩.

另外新工人到左之後, 叫你老公出去接佢, 買定兩份禮物, 當係新工人送比小朋友的, 還要係佢地最鍾意的, 同埋平時袋d糖仔係袋, 得閒比小小佢地.

好快攪掂, 我果兩個3日不駛已經ok.

但我不知係果兩個小朋友幾大, work 不work. 你不妨參考下啦.

私人傳訊

ballpen

大宅

積分: 2119

發表於 04-4-2 10:56 |顯示全部帖子

Re: 好唔好叫舊工人教新工人做野?

Allie,

Agent就一定唔建議你畀舊工人教新工人做嘢嘅喇,但首先要問清楚自己,係唔係百分之一百了解個舊工人,個舊工人信唔信得過,第二,係唔係個舊工人自己話唔續約,第三,舊工人係印印,新工人係菲菲,佢哋溝唔溝通得到.

我就有舊工人教新工人嘅經驗,就係因為咁,就唔使畀新工人玩起,事緣個舊印印做左2年,話唔做,因呀媽反對,咁我就喺第二間agent度請個新印印,當時我無同agent講我會有舊印印handover的,到新印印上工後,我越睇越唔對路,跟本個新印印喺度扮蠢,扮唔明,又精甩辮,知道邊個最後沖涼,就要抹廁所,次次都話要沖先,要舊印印沖後,當然我唔畀啦,一定要新印印沖最尾,仲有,真好笑,已有舊印印翻譯,都話唔明,仲係我面前話個舊印印無教佢,好,你話無教,咁就我教,哈!教完唔係又係話唔識,後來舊印印同我講,新印印識廣東話,因為佢識講'痴線'兩個字,我卒之頂左佢一個禮拜,就炒左佢,我仲喺agent度check佢本passport,畀我發現,原來個新印印喺我請佢之前已來過香港做嘢,唔怪得咁耐都收唔到白咭,原來佢要等前僱主炒左先可以來,依家又要等我炒才可去第二家做,仲有我發覺間agent係利用啲表面質素好嘅印印去呃啲僱主,等佢哋落叠,然後搏炒,跟手就推銷啲豬扒,嗰間agent就想屈我要個做左幾個月畀人炒,同埋最衰嘅一樣就係爛面嘅,一見到佢就想嘔,當然我唔會再上當啦,情願唔見錢囉,因為我個舊印印已答應我再續約,後尾我個印印經常都收到啲恐嚇電話,話好驚,因為佢都唔識佢哋,咁我就為有喺個電話度裝password囉.

就係因為我今次係揀左由舊印印handover畀新印印,所以個舊印印見我哋因為佢而唔見錢,佢就情願同呀媽嗌交,都應承同我哋再續返約,咁我哋先至有太平日子過.

私人傳訊

Allie

男爵府

積分: 6007

發表於 04-4-2 22:54 |顯示全部帖子

Re: 好唔好叫舊工人教新工人做野?

多謝你地回應!

我個工人做了四年, 是她不續約的因她想生bb. 而這四年我都是用英文和她溝通的. 她幫我帶大了囡囡囝囝的. 阿囡四歲, 阿仔兩歲半. 這麼多年我也只是話過她一兩次, 她態度好好的, 而做野也很整潔, 所以我才想要她教新工人.

我而家請的菲菲, 好年輕, 無咩經驗, 所以我好擔心初期小朋友沒那麼快接受她. 尤其是一來就要同她一間房, 又要舊姐姐剛走, 她們一定好傷心的.

不過其實我都想自己train工人, 怕她copy哂舊工人d唔好野. 因有d野我想改變的.

hinhinmummy, 我都想好似你咁好運, 小朋友這麼快就ok. 也許是你的工人很醒吧? 你有什麼tips可以給我呢? 你用了多少時間來教工人才ok呢?

ballpen, 如果我新工人唔掂咁就慘啦! 因我舊工人會返印尼不再來, 要等過一個又要兩個月, 到時就好幣啦!

好煩呀! 如果不讓新工人同場, 是否上午舊工人走, 下午新工人來呢? 新工人來是否即刻要briefing佢呢? 點樣教佢同小朋友玩呢? .....好多問題, 好擔心呀!