產前產後

跳至

首頁
1

尾頁
   0


大宅

積分: 1037


發表於 04-4-3 19:08 |顯示全部帖子

公立醫院?

我幫朋友問, 她住荃灣, 現在有咗bb, 想知去九龍邊問醫院好? 大約幾週登記? 需要咩手續? 希望各媽媽幫幫忙...

Thanks


子爵府

積分: 13560


發表於 04-4-3 19:26 |顯示全部帖子

Re: 公立醫院?

最近荃灣而又有婦產科o既醫院就係瑪嘉烈喇, 我都係住荃灣o既, 不過我就會o係 QE 生, o係佐敦, 因為聽好多媽咪話 QE 好, 所以遠 d 都出去...我大約 12 週去登記, 只要拎住張懷孕證明就可以去登記架喇, 第一次係唔會見醫生住, 佢只會幫你約期同埋抽血驗...希望呢 d 資料幫到你啦~~ :-P


複式洋房

積分: 477


發表於 04-4-3 19:44 |顯示全部帖子

Re: 公立醫院?

我住係馬灣,最近都係瑪嘉烈.但我已揀了QE生,都係好多媽咪話QE好.我上產前講座接觸到嘅姑娘or助產士都very good.而唔揀瑪嘉烈嘅主要原因佢係傳染病第一間收人嘅醫院.


大宅

積分: 1876


發表於 04-4-3 19:46 |顯示全部帖子

Re: 公立醫院?

我都係住荃灣區,我係油麻地母嬰健康院登記,因為會係QE生,第一次你要先打電話去登記,佢會比個日期你(一定係星期三早上),第一次要帶證明有咗bb的醫生紙同老公HKID copy,會同你抽血同做登記,之後醫生仲會幫你檢查一下,如果係十四週前,佢會安排你去QE做一次ultrasound,個日仲要聽一個講座先走得,大約都要3-4個鐘。


大宅

積分: 1037


發表於 04-4-3 19:52 |顯示全部帖子

Re: 公立醫院?

唔該sarahsze, wing_bb

但妳地檢查去健康院定QE? 如健康院邊到?

THANKS


大宅

積分: 1037


發表於 04-4-3 19:54 |顯示全部帖子

Re: 公立醫院?

唔該SHAN


子爵府

積分: 13560


發表於 04-4-3 20:33 |顯示全部帖子

Re: 公立醫院?

fen,
唔使客氣~~
我o係 QE 睇架, 如果無乜特別, 佢地會搵助產士跟, 我覺得咁樣好過睇健康院架, 雖然次次走去 QE 係麻煩 d, 但係一個助產士跟到尾架, 佢地話會盡量安排睇開你個助產士幫你生...(我仲未生, 下星期二會入院催生, 到時話你知係咪真係同一個助產士幫我生丫~~~)


洋房

積分: 77


發表於 04-4-3 20:42 |顯示全部帖子

Re: 公立醫院?

shan
唔該我想問吓呢, 如果在QE, 是否所有檢查日子都可以自己安排架, 或是一定要佢話幾時就幾時呢? 不可以自己決定幾時得閒, 就揀那日架. 如果多數要佢哋揀, 多是星期幾呢?


子爵府

積分: 13560


發表於 04-4-3 20:49 |顯示全部帖子

Re: 公立醫院?

janeBB,
如果要揀就只有第一次可以揀, 你第一次睇開星期幾就以後都係架喇, 無得揀架喇, 我第一次o個時我就同佢講左我想星期一, 跟住佢就約左個期比我, 但之後就無架喇....佢約o既時間都一樣無得揀..


洋房

積分: 77


發表於 04-4-3 20:56 |顯示全部帖子

Re: 公立醫院?

唔該妳喎, shan. 點解你個BB 過期, 最尾個月先知定一早知架, 定可能間唔中變吓. 祝你同BB健康活潑


子爵府

積分: 13560


發表於 04-4-3 21:16 |顯示全部帖子

Re: 公立醫院?

janeBB,
唔使客氣~~我都係將我知o既野講比大家知o者.... :-P
我一直等佢自己作動出世架, 一路係咁等, 等到尋日預產期都未出世, 跟住今日返左去覆診, 醫生就話下星期催生, 佢睇埋我子宮頸話熟左, 可以隨時催生, 但聽日清明, 往年就係 4 月5 日清明, 所以我就約左 4 月 6 日, 唔想囝囝清明出世嘛~~~不過如果佢係要呢兩日作動都無計....
好心急呀~~好想快 d 見到 bb 呀~~~


別墅

積分: 837


發表於 04-4-3 22:04 |顯示全部帖子

Re: 公立醫院?

hi, 各位,
我於2002年9月13日生我個囡 (QE), 基本上ok-, 1.有助產士一路陪住, 2.補奶用杯餵.
不過我唔好彩, 當日產房爆滿, 足足等o左幾個鐘至入得, 痛到顛..因為產房至有止痛氣吸...
生完至大劑, 由於我餵人奶, 開始2日冇奶, 補奶又限時限刻, 過時又唔比, 有'muh'理由要一個剛出世bb就佢??? 我bb又面黃, 迫我留院一星期, 最後我爆粗先比我出院.
係呢2點, 我决定要比忠告比準媽咪作心理準備.
QE應為最好公立醫院, 不過都...., 自己執生, 考慮清楚啦!!
Christy
我嬡G女02年9月13日-2:44pm出世, 重3.7kgs;10個月就識行啦!!!! 7歲啦! 返學好開心呀! 媽咪爹o地好錫我嫁! 多謝媽咪爹o地!  


複式洋房

積分: 477


發表於 04-4-3 22:56 |顯示全部帖子

Re: 公立醫院?

Fen,
我一直係QE道檢查(而家32週),可能之前見紅及有水瘤,所以一直係QE.第一次做登記會問逢星期幾ok,我話星期二,咁以後就星期二喇.我就係20週做超聲波(Fee).

Shan,
妳依家緊張嗎?我就好好好緊張!!!雖然上晒啲course及參觀過產房.請問妳後期有冇照多次超聲波呢?因為產檢冇講或安排!祝妳同BB健康、快樂、BB肥肥白白!生完之後上嚟分享吓!


大宅

積分: 1037


發表於 04-4-3 23:11 |顯示全部帖子

Re: 公立醫院?

sarahsze,

其實我幫人問, 而我本人暫未有小朋友, 打算生雞年bb, 所以有時上baby kingdom 吸取大家心得, 好多謝你地回答..
另外點解可以參觀過產房?

shan,

祝妳生個肥肥白白bb, 身體健康!
生完之後上嚟分享吓!


子爵府

積分: 13560


發表於 04-4-4 00:00 |顯示全部帖子

Re: 公立醫院?

sarahsze, fen,
多謝你地呀, 我生完一定會上黎分享架~~

sarahsze,
我由頭到尾都只係o係 37 週照過一次超聲波咋, 之前佢地都無安排我照, 直到 37 週, 因為我個肚太細先要我照咋, 一直到依家喇~~我就無上晒佢地 d course, 因為我太懶, 佢 d course 太早喇, 所以我只係上過一堂, 產房都參觀左, 依家安排左摧生, 一切都叫做有個心理準備啦, 不過我始終都有少少擔心佢會o係呢兩日作動架~~


複式洋房

積分: 477


發表於 04-4-4 02:06 |顯示全部帖子

Re: 公立醫院?

thanks!Shan.

Fen,
QE有個course叫"產房全接觸",可以book日期上.約45mins,有助產士帶領參觀、解釋分娩計劃如:陪產、環境(待產時睇書/DVD自備/TV)、止痛方法、嬰兒哺飼(母乳/奶粉安排).有張"分娩程序指南"俾我哋參考及填.估唔到政府醫院可以咁全面!


洋房

積分: 793


發表於 04-4-4 05:18 |顯示全部帖子

Re: 公立醫院?

我第一胎在QE生,我覺得好好,比你參觀產房,有個心理準備,吃就一般。

我現在第二胎,搬咗去CHAI WAN住,報咗東區那打素4月26日抽血,老公返工及妈咪住都在這區,但我都好想返QE,一來環境熟,有安全感,親切感,佢地又係獨立房生,好正。東區那打素三人一間房生bb,唔知有冇妈咪在東區生過,點呀??會唔會唔習慣?好((監))介呀??

你地話好唔好走返去QE報名呢?係唔係有D((疏))呀,去咁遠? :-P :-P


男爵府

積分: 5985


發表於 04-4-6 23:14 |顯示全部帖子

Re: 公立醫院?

各位,好地好呀,我剛剛先知道我有左bb,係qe之前睇急正轉我上去"任陣"科既,佢同我用超聲波照過一次,跟住約我係四月十五號再返去驗,正係話會計埋預產期囉,咁我重洗吾洗攪d乜野手績??同埋佢無比乜野證明我,所以我公司都未知我有左架,咁洗吾洗問佢囉架?? 同埋我見你地講,要聽講座,係自己問佢地,定係佢地會講架啦??因本人比較伯醜,所以乜都吾識問醫生, :-P 都吾知有乜野要做好,


子爵府

積分: 10647

畀面勳章


發表於 04-4-7 00:34 |顯示全部帖子

Re: 公立醫院?

我今年一月係Q.E.生完bb
我一閞始係就藥房驗完有bb就叫佢寫張紙証明我有bb之後我就直接走去Q.E.登記做檢查喇
第一次去未見醫生住架, 淨係抽血度高磅重問下個人資料.第二次先會見醫生, 如果你要証明書, 可以第二次見醫生果時問佢拎埋.
講座可聽可唔聽, 佢會有個時間表俾你既.
至於可唔可以改時間睇, 基本上佢第一次問你多數星期幾得就set死果個星期. 不過如果你突然唔得. 可以早d打返去改期囉. 不過一改期通常都遲成個week. 所以盡量唔好改期喇
有乜唔識記住要問呀...唔駛怕醜架


男爵府

積分: 5985


發表於 04-4-8 08:55 |顯示全部帖子

Re: 公立醫院?

咁係咪即係而家原無意外,就會係QE睇到生呀??定係重要辦乜野手續呀??

首頁
1

尾頁

跳至