心聲留言 今日: 30 | 主題: 16618

積分: 11510

發表於 04-4-6 14:39 |顯示全部帖子

Re: 一齊呻下....

始終做服務行業同零售就零舍受氣架~!我做咗咁耐生意,真係受過唔少氣囉,講真,做咩行業都好,我地始終都係人,雖則俾錢我駛既係你啫,但都唔代表可以用咁rude既態度對待我地...坦白講,我同大多既客都好friend,even我唔記得咗佢地 :-P 但係佢地有時响街撞到我或者經過我舖頭,都會同我打招呼甚至傾偈!買唔買嘢基本上無所謂,但有時遇着一啲惡客,真係天地不容!好似有次有個客突然走入嚟兇我話佢早前嚟買咗桶洗頭水用到一半壞咗唔用得,咁我當然先了解佢係點樣'壞'法先啦,佢話桶洗頭水變咗透明白色(即時答到佢,佢一定擺咗桶洗頭水响烈日當空既地方),跟住話無哂啲味,咁我點...我心諗,我可以點,桶野你又用咗一半,況且桶野買出去嗰陣都無壞,係佢既問題先至整壞桶洗頭水,就算係咁,桶十磅洗頭水我剩係賣三十八蚊,我賣一桶賺得七蚊,咁我又點換俾你,咁我咪好聲好氣咁話"對唔住,真係幫唔到你...(再講番我頭先既理據)"跟住呢位亞太就好惡喇,即刻話唔走,仲話幫我趕客,話見一個客入嚟,就同佢講呢間舖啲嘢係壞野,叫啲客唔好買你啲野,仲話自己好得閒唔趕時間,仲可以日日嚟我舖頭趕客! :-x 你話!我唔打鑊佢係咪己經俾哂面佢先!!!???

跟住我咪二語不說打去警局(唔係999,費時霸住條綫,我都唔急)叫個差佬嚟解決佢,個差佬入嚟佢先知驚,但仲死頂,我將成件事同差佬講,我同差佬講:"佢恐嚇我喎(佢話幫我趕客)!我係咪可以開file?"跟住個差佬聽埋佢'解釋'之後,就一野指住佢嚟話:"太太,你咁樣係會形成恐嚇,我地係可以告你!同埋間舖係佢(即係我)既地方,佢有權叫你離開(條八婆插咀:哦,咁我日日直响佢門口囉,出面係街嚟,唔係佢家嘛!)...你咁樣做係足以構成恐嚇罪,係要坐監架...(

個差佬都頂唔順佢),如果你覺得呢間舖賣野手法唔好,你有好多合法途徑去投訴佢!(個差佬一邊同佢講一邊指住我)你可以去消委會投訴佢!有咁多合法途徑去幫你,你就唔好做埋啲犯法既行為(指佢話要趕我客)"之後條八婆先至話收番頭先講過既恐嚇說話,到個八婆走咗之後,個差佬走入嚟問我:"

乜啲洗頭水真係咁易壞架?"我好坦白同佢講:"我賣咗洗頭水成五年,都係頭一次聽到有客話用咗半桶桶洗頭水會壞兼變色..."跟住個差佬同我一樣咁諗法:"都唔知佢擺桶洗頭水响邊~!"

我話:"咪就係!"

講真,雖則遇到咁既情況係可以搵差佬調停,但係間唔中遇着呢啲惡人,真係死唔少細胞... :-x :-x :-x

私人傳訊

BB頭maimimi

大宅

積分: 3344

畀面勳章

發表於 04-4-6 17:22 |顯示全部帖子

Re: 一齊呻下....

祉翱媽咪:

我都覺得警察而家成日變咗公眾發洩對象,正如的大學生明知係冇申請示威,都重話你哋打佢,真係打你重有聲出咩,唔係大學生就真係大晒,最衰就啲議員,明明係佢哋唔啱,都重要話啲警察錯,係啲人的教育好咗,but啲禮貌完全冇好到,而且淨係識走精面,揾警察過橋,好似鄭x班,黃x文等比人打比人"臨"紅油又識揾警察,平時什麼警權過大,不知所謂,最好笑就係抬大學生嗰日,啲報紙先讚台灣警察好,但嗰頭啲台灣警察打到的示威人流晒血,啲報紙即刻收晒聲,總知而家都唔知咩世界,幫人就冇人知,逆你意就話你權力大,啲人成日話咩權利,唔該你諗下你有冇盡義務先啦,淨係睇一地都係垃圾就知啦,香港人真係得啖笑!

私人傳訊

阿早!

積分: 11403

好媽媽勳章

發表於 04-4-11 03:18 |顯示全部帖子

Re: 一齊呻下....

唉.......其實就算唔駛對客既服務性行業一樣大把氣收架......

我係做account既, 專門負責睇住大陸分行盤數...事原其中一間分行既經理係野蠻人, 全個香港office都知, 佢完全唔聽公司指示, 自己鍾意就加人工啦, 加commission rate啦, 唔肯匯翻d$(sales proceeds)去總公司啦, 請埋自己老婆重要比4倍人工佢啦.........香港管理層都知道佢out of control, 即時揾我搞翻掂佢, 最起碼要追收翻出多左既糧同埋迫佢匯翻d錢落黎.........但係響追既過程佢不單只當你無到, 電話唔聽, email唔覆, 仲要巴閉到send email去management投訴我, 話我搞屎掍要減佢人工, 自己搞鬼同其他分行要求大陸人工要同香港睇齊(即係佢要同我同pay)....... 又成日強調自己做左10年, 點為公司設想等等.........

當我收到呀head forward個email時, 我真係嬲到噴火, 如果唔係呀head禁住我, 我肯定用10萬句粗口send email去問候佢呀! :-P

雖說我呀head話"燦"我, 同埋management都知佢d衰野, 但係management係唔會出手干預, 因為要同其他branch manager保持良好關係, 到最後(我預左), based on past experience, management會叫我放棄追收, 不過management係唔會考慮以後無人會聽我講野........

私人傳訊

阿早!

積分: 11403

好媽媽勳章

發表於 04-4-11 03:26 |顯示全部帖子

Re: 一齊呻下....

當我send email比大陸比較熟既同事解釋時, 佢地都好明個衰人為人, 佢地仲叮囑我要小心, 佢之後肯定會玩野, 好戲在後頭喎.........呢次真係踩屎O勒

私人傳訊

積分: 11510

發表於 04-4-11 04:06 |顯示全部帖子

Re: 一齊呻下....

阿早,

你真係慘!對住啲客又唔可以發脾氣鬧佢,我就話係'老細'有得間唔中鬧吓啫,你又係打工,萬一得罪咗個客,你又好大鑊,惟有見步行步啦...

私人傳訊

MeiLuiMaMe

大宅

積分: 1695

發表於 04-4-11 05:36 |顯示全部帖子

Re: 一齊呻下....

actually, every job is the same...........
我係做服務性行業既, i always think i don't mind to face to the bad customers, cos they are my boss, and it's my job.......and i always remind myself that let them sing la......but the problem for me is.....衰同事 and 野蠻呀head, they only have they said, don't except you said.......ar.......if they don't like u.....u can die easily cos they can put u on table everyday.......ar...... :-( :-( sometimes i don't know why, we're all in a team, how come we can't support with each other, our main point also is''earn $''......anyway, i want to 呻下too..... :-( :-(
everytime when i have the problem on work, i also said ''almost off duty la......i can back home to see my daughter and husband la......'', don't be angry la.....these can make fun for these ''eight-ladies'', i won't be that fool....... :-P
and i want to say......the police in hk is better than many countries, so don't feel upset.....u only do your good job is fine ga la........

私人傳訊

積分: 11510

發表於 04-4-11 22:47 |顯示全部帖子

Re: 一齊呻下....

MeiLuiMaMe,

我都同意你講法,講真啲差佬已經算唔話得,我哋啲市民平日响街同人嗌大交都要佢地理,佢地又要好脾氣,有時心諗,佢地份工都唔易做,企成十粒鐘,得果十五分鐘tea time(我有個朋友係差佬,佢話俾我知既...),俾着我都唔知會唔會行到腳斷...但都有小部份差佬係好衰,一開聲就懶係惡咁粗聲粗氣,嚴重到連佢身邊啲伙記(差佬)都睇唔過眼走埋嚟同我地say sorry又同我地好好傾偈(我兩公婆都遇過呢啲咁既惡死差佬),我就話係女人仔仲忍得吓啫,嗰次我老公就咁响個差佬面前行過都俾條惡差佬兇一輪,我老公極之火滾即刻走番埋去條死差佬面前喝番佢:"做差佬唔駛咁惡既!..(下刪數句..)"跟住其他差佬都同我老公道歉,又幫佢嗰位惡伙記講好說話:"唔好意思呀!佢無心架!!!唔好嬲!!!"雖則啲友善差佬咁氹番我老公,但係嗰位惡差佬仲係成隻惡犬咁惡住我老公,心諗,又唔係逗我老公檢查身份證,只係我老公趕住番工,响佢面前走過,咁都有得罪佢???至於我果次遇嗰個係一個緊張差佬,我一朝早八九點湊完個仔番學,回家途中有班藍帽子迎面過嚟,但咁啱前面有塊玻璃反光,我剩係矇起對眼,都俾個緊張差佬捉鬼住,有啲粗魯,佢隔離啲伙記都俾佢嚇親,我話哂睜唔開對眼,其他好既藍帽子連忙帶我去唔哂既地方度企,佢地一輪咀同我傾閒偈,問我咁早去邊,我咪話湊完仔番學番緊屋企,跟住我同佢地班藍帽子傾咗一輪閒偈,但嗰位緊張差佬就一路猛咁chow我個袋,包煙同銀包(心諗,煙都chow埋,邊有道友日光日白朝早八點鐘走去晨運??

仲要我咁鬼肥,頭又無染色,除咗有對黑眼圈...),佢班伙計都流咗滴汗蠶豆眼咁望住個緊張差佬咁樣chow我袋...真係~~~!!!

私人傳訊

積分: 11510

發表於 04-4-11 22:50 |顯示全部帖子

Re: 一齊呻下....

MeiLuiMaMe,

同埋你公司既問題(人事問題)查實間間公司都有架喇,講真,依家咁既經濟環境,個個都想保住自己飯碗,只係有啲人有份工做都唔夠,仲想上位,所以咪乘機係咁fight低其他同事/組員,務求做到一哥/一姐!只好講句:"睇開啲啦..."唉...!!! :-(