心聲留言

跳至

首頁
1

尾頁
   0


大宅

積分: 3342


發表於 04-4-5 10:12 |顯示全部帖子

點解我個女一定要去拜山呀??

點解我個女一定要去拜山呀??點解我唔去我個女都要去呀??

我個女先得兩歲幾,我一開始都已經講過,要等佢過左三歲先會帶佢去拜山架啦,點解而家要迫我地去呀,我自己果邊都唔去拜啦,做咩一定要去拜你男家果邊呀??唔比我係信教唔拜山架??

放且而家我大住個肚架,可唔可以體諒下我呀,我一早已經話左唔會去架啦,做乜一個電話黎話"因為你老公個阿婆o係大陸落左黎,佢未見過你個女,所以一定要帶個女黎"咁我就要帶個女黎wor,而家話要去拜我老公個阿爸咋ma,關佢阿婆咩事呀,又唔係拜佢果邊,冇野丫ma~

放且佢地果邊d人想見果個係我個女,又唔係我,我只係一個陌路人o者,佢地有邊個會理我呀,當我係咩呀,生仔機器呀??生之前叫我落,乜都唔理,生完之後就係佢地既人呀??

好嬲好嬲好嬲呀!我老公仲要幫住佢地,整到我喊佢都唔理我,唔通佢阿媽果邊就大晒,我要就晒佢地呀??佢阿媽以前點對佢、點對我,佢咩都唔記得晒啦,我地結婚擺酒,佢阿媽可以走左去拜山(我地三月擺酒架,佢阿媽係提早去拜山架),有冇諗過會影響我地架~

[size=x-large]好嬲好嬲好嬲同好唔開心呀! :-x :-x :cry: :cry:


珍珠宮

積分: 34779


發表於 04-4-5 11:27 |顯示全部帖子

Re: 點解我個女一定要去拜山呀??

欣欣,
你大肚就唔好去喇...
不過當年我有左2個月都照去....百無禁忌~
^_^
囡囡由爸爸帶去law!
我囡同個仔幾個月時都有去拜山~
祖先會保護你地嘛~


象牙宮

積分: 203004

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-4-5 15:35 |顯示全部帖子

Re: 點解我個女一定要去拜山呀??

其實如果你真係唔想你囡囡去,你可以堅持架,如果你老公幫住佢個邊,你可以話,如果囡囡拜完山返黎有咩唔舒服係咪你負責(當然純粹係嚇吓佢),我唔理迷唔迷信,個D地方煙火咁頂盛,煙親亞女就唔係咁好架啦!

我過門個日都無上香,我已經同我奶奶講,我唔做呢D嘢架,咁多年嚟,我奶奶都無叫我帶個女去拜山,佢都話驚煙親佢,我都係去過去兩,但係我無跪拜同上香。

你一定要堅持。


珍珠宮

積分: 39449

2019新春慶豚圓


發表於 04-4-5 17:04 |顯示全部帖子

Re: 點解我個女一定要去拜山呀??

[size=small]早排我都有你一樣既唔開心,,又係因為拜山囉!!我老爺一家返大陸拜山,好想我個囝去見下d親戚喎!!不過返大陸我真係好無安全感囉!!我個囝仲咁細,,不過佢地亦都係志不在我,,只係想帶我個囝返去威下........所以我好唔開心,我都好似你咁諗,當我係咩!!因為我同我老公結婚男家無擺酒,我覺得好似我老公同邊個生左個囝佢地都唔知,亦唔理,,只知我老公生左個囝囉!!係呢個時間,我竟然唔見左銀包喎,,哈哈哈哈!!天助我......................哈哈哈哈哈!!

有人話,人一生要找到四個人1) 自己2) 深愛你的人3) 你最深愛的人4) 共你過一生的人             在你出世一刻,我一次過找到這四個人


禁止訪問

積分: 344


發表於 04-4-5 17:24 |顯示全部帖子

Re: 點解我個女一定要去拜山呀??

提示: 作者被禁止或刪除 內容自動屏蔽


珍珠宮

積分: 34779


發表於 04-4-5 20:47 |顯示全部帖子

Re: 點解我個女一定要去拜山呀??

我個仔9個月時,我老公個女麻話要返大陸比d親戚見下我個仔~
初初我好反對,之後廢事同佢地嘈照去~
我堅持一定要住酒店~
不過返過去都好既,第時唔會比人有藉口話~
我係一個好懶既新抱,不過我習俗各樣都做足...
佢地至多話我唔煮飯,唔可以話我冇規矩!!


琥珀宮

積分: 152003

秋日勳章 炎夏勳章 遊學勳章 春季勳章 趣教勳章 冬日勳章 畀面勳章 環保接龍勳章 大廚勳章 親子達人勳章 wyeth冷知識勳章 叻叻勳章 有「營」勳章


發表於 04-4-5 21:47 |顯示全部帖子

Re: 點解我個女一定要去拜山呀??

我咪又係為呢個問題煩緊!我老豆係都要我帶囡囡去拜山﹙拜我阿爺﹚,但我老公就反對,我自己都覺得唔帶囡囡好D,雖然佢己經2歲,但係就成日四圍行,又唔要我拖,而且囡囡仲試過幾次只係行完山返黎,就大病一場,仲試過病到入醫院呢~~~所以,我都唔想囡囡去!
但係我老豆就不停俾說話我聽“甘鬼咪信” “人地邊個邊個都去啦!” “邊個邊個細果時都去啦!” “去到阿爺都會保佑囡囡”﹙我答佢,唔通唔去就唔保佑咩?心到就得啦!我同老豆講話老公唔想BB去,老豆就話我老公唔識人情世故﹚
其實,我自己去咪得囉!要BB去有咩用呢?我老公又唔俾我帶囡囡去,唔通我要為呢件事同老公嘈咩?我唔理啦!我一定唔會帶BB去,等囡囡4歲之後,我先會考慮帶佢去拜山。
My Two Princess


大宅

積分: 1644


發表於 04-4-5 22:00 |顯示全部帖子

Re: 點解我個女一定要去拜山呀??

每年呢個時侯就梗係有AD問題發生,不過我有一些見解,希望你們也有同感!
無論小朋友發生咩事,我地做媽咪,係百分百要負責果個,所以如果你們吾想比小朋友去做某些事,你們可以說"不",因為最後受罪那個,一定是你...和你的小朋友!


子爵府

積分: 11510


發表於 04-4-5 23:27 |顯示全部帖子

Re: 點解我個女一定要去拜山呀??

欣欣媽:

唔好唔開心喇...有時真係無計...你有無坦白啲同奶奶講你既難處???有無提議過叫佢地不如拜完山之後再嚟你屋企度睇你囡囡???係我實會企硬,仲要同佢講:"我個女同肚裡面個bb都係你個孫嚟架,始終咁細去拜山會危險,周圍都係火,怕會整親佢地,等佢地大個啲先至去!"我老豆今年都有叫我去拜山,但我都係咁講,我話我個仔仲細,怕有意外,等個仔大個啲定啲先至去,我老豆都吹我唔漲!本身我都唔會去,因為我係信教,我咁多年都堅持唔去...點都好,依家唔拜都拜咗,你都唔好咁炆喇,你依家有咗bb,要保持心境開朗~!


侯爵府

積分: 20316

2019新春慶豚圓 2019勳章 醒目開學勳章


發表於 04-4-7 17:36 |顯示全部帖子

Re: 點解我個女一定要去拜山呀??

以前我都有同我老公(未婚前)去拜山(要返大陸的),但大肚O個陣我就無返(因為都O個陣個肚都成七個月),昨年"SAR"大家都無返,但今年我同我老公講"我唔返".你可以自己帶個女返(當然佢唔會,因為揍唔惦),4/4下午我老公竟然同埋老爺返到我屋企,我老爺重俾面色我睇!!!我老公私下同我講話佢老豆好唔老黎,話我唔帶個女返去,我叔仔就帶埋老婆同個仔返;跟住我老公叫我明年要帶;響呢個時侯,我"火"都黎埋對住我老公講"我亞婆每年擺大壽你都唔去,話係我呀媽外家唔需要去應酬佢地"~,咁既然生人你都唔去應酬佢地,點解我要跟你去應酬D死人"!!!我老公跟住話我已經嫁左俾佢,係要跟男家,女家唔使埋!!!呢個時侯我重"興",我話我亞媽係嫁女,唔係賣女"!!!
我講到呢道,佢無野講~~~~~~~~





王國長老

積分: 55153

2019新春慶豚圓 2019勳章 好媽媽勳章 王國長老


發表於 04-4-7 18:02 |顯示全部帖子

Re: 點解我個女一定要去拜山呀??

angelfan07,
你話得佢無錯,抵鬧!咩叫嫁左唔使理外家?!我媽咪生六個都係女,我最唔鐘意人話外嫁女可以唔使照顧外家,咁生女咪好慘無人理!叫你老公諗下自己都有個女,如果佢大咁對自己幾咁傷心。


禁止訪問

積分: 344


發表於 04-4-7 19:12 |顯示全部帖子

Re: 點解我個女一定要去拜山呀??

提示: 作者被禁止或刪除 內容自動屏蔽


洋房

積分: 130


發表於 04-4-8 00:57 |顯示全部帖子

Re: 點解我個女一定要去拜山呀??

我都好憎D大男人..如果一個女人嫁左比佢.老公唔係一定乜都係個男人話事..個男人佢自己連外家都唔想去..咁小事GA野都唔比面個老婆..個老婆駛鬼比面佢去拜山..有D野係兩公婆雙方面你就下我..我就下你..咁先係好架..


象牙宮

積分: 203004

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-4-8 01:14 |顯示全部帖子

Re: 點解我個女一定要去拜山呀??

鬧得好!呢句說話多數都係奶奶講,估唔到你老公夠膽咁講,無我哋亞媽含辛如苦懷胎十月生我哋出嚟,而家搵亞水嚟同你哋呢班男人結婚生BB呀!

總之拜山呢家嘢,如果大家無所謂咪當帶BB去行山囉!如果有所謂,就一定要企硬呀!

angelfan07 寫道:
我老公跟住話我已經嫁左俾佢,係要跟男家,女家唔使埋!!!呢個時侯我重"興",我話我亞媽係嫁女,唔係賣女"!!!
我講到呢道,佢無野講~~~~~~~~


男爵府

積分: 7911


發表於 04-4-8 03:47 |顯示全部帖子

Re: 點解我個女一定要去拜山呀??

哇, 入左男家唔使理女家?? 呢句說話好過份... 但會唔會係嗌交隨口講呢?? 唔好嬲住, 可能佢屋企迫得好緊呢... 無謂為這些事影響感情呀


民房

積分: 3


發表於 04-4-8 13:19 |顯示全部帖子

Re: 點解我個女一定要去拜山呀??

我最憎外嫁女要以男家為先的過時、荒謬思想。我奶奶同老公就係有呢啲思想嘅人。奶奶係結婚初時仲講過外嫁女成日返外家唔好睇,會俾鄰居話呢啲怪論。佢自己啲外嫁女成日探佢又得?佢過時過節兼拜山都奉旨要正日,好似我係孤兒冇外家咁。今次拜山我唔理,冇拜男家,叫我阿媽照拜正日。


別墅

積分: 724


發表於 04-4-8 13:51 |顯示全部帖子

Re: 點解我個女一定要去拜山呀??

其實又唔使太迷信既.....我個大仔以前都係細細個幾個月大已經跟我地去拜山,大吉利是,冇乜問題.冇計啦,我地係中國人,中國人傳統係結左婚就跟男家拜祖先架嘛.(d傳統人話!!唔係我話)係咁架啦.我咪仲慘,我老公係圍村人,更加麻煩.我結左婚後都冇拜過自己女家既祖先喇.後來我有細仔,大住肚4個幾月一樣跟佢地行上山去拜,都係被迫架,好在都冇乜野.到後來同一年既重陽節個肚籮咁大先唔使我上.大佬,要行上山,我一下唔小心跣低左邊個負責呀?今年細仔1歲,又要跟佢地上山拜.乜原來未夠3歲唔拜得架咩?我未聽過.

首頁
1

尾頁

跳至