心聲留言

跳至

首頁
1

尾頁
   0


民房

積分: 1


發表於 04-4-6 19:27 |顯示全部帖子

請大家給我意見!

屋企隻大狗常常在屋內大小二便而且試過睇唔到路而差點踢到小B(成張搖搖椅好似溜冰咁), 又大大聲吠嚇到睡夢中o既BB. 如果唔養係咪好過份? 我先生今日為此事而同我吵而且亦嚇到BB. 做媽媽保護自己的小孩有錯嗎? 為何要為了一隻動物而差點要動手打我?雖然隻狗已養了兩年, 但教導多次都常常一喜歡就隨處大小二便. 我以心平氣和向他說出我的感受和憂慮, 但他仍一意孤行, 還說我不負責任. 難道他就不需要對自己的孩子負責任?是我錯嗎?


男爵府

積分: 5053


發表於 04-4-6 19:36 |顯示全部帖子

Re: 請大家給我意見!

其實我覺得唔養隻狗會好d,因為我諗你小朋友仲好細,而且d狗好少氣架,佢可能會覺得小朋友搶走佢個主人,有時會向小朋友報複架,因我媽同親戚隻狗都試過,除非你每日24小時完全分開隻狗同小朋友,如果唔係就真係唔好養啦!
直明月耀安
極星輝照長


伯爵府

積分: 15277

好媽媽勳章 畀面勳章


發表於 04-4-6 19:44 |顯示全部帖子

Re: 請大家給我意見!

我明白你為BB,我都有養狗,我想你地有冇之前(有BB時)同你地隻狗做好心理準備,狗狗有可能唔開心,想引你地注意,試下同佢講下,狗都有生命,你唔要佢好可憐,我狗狗有時都小便引我地鬧,但佢好關心BB,我會話佢知BB係佢妹妹呢(因我當佢係仔)。


子爵府

積分: 11510


發表於 04-4-6 20:55 |顯示全部帖子

Re: 請大家給我意見!

為咗咁而唔要隻狗又係陰公啲既...每個人既角度唔同,好似我咁,我隻狗有時咬爛咗我個仔啲玩具,我個仔好傷心,我都有諗過唔要隻狗...但我老公就唔忍心,都覺得咁樣做係好唔人道...我老豆直情突然唔鬼要隻狗添~!想當日我老豆日日由香港島撘車去元朗狗場探隻狗(嗰陣我屋企裝修),真係諗唔到我老豆可以咁絕情...算啦,就番老公一次啦,同佢協議囉,養番隻狗都得,但一定要佢睇實隻狗同教好佢!


大宅

積分: 1248

畀面勳章


發表於 04-4-7 11:51 |顯示全部帖子

Re: 請大家給我意見!

身為父母,當然要對自己嘅小朋友負責任,但亦要為自己養嘅寵物負責任,你老公嘅一意孤行,係代表佢有責任感,係一件好事,我唔係話你唔盡責,只係你對小b嘅愛已經蓋過一切,我都係一個養狗嘅媽咪,仲要係四隻狗,遇到嘅問題應該比你嚴重,我小b而家都係得兩個月大,但我同老公响未製造小b之前有協議在先,要對我哋養嘅所有嘢(包括小b...嘻!)負責,其實狗仔同小朋友一樣需要愛同教導,只要肯俾時間同心機,一定可以做到的,將來小b都會學懂愛惜小動物tim!
我是你的血液 通過你的血管 經過你的心臟 走遍你身體每一個地方--I Love You 小俊B & 細細妹


子爵府

積分: 11510


發表於 04-4-8 02:25 |顯示全部帖子

Re: 請大家給我意見!

都係架!至從我隻狗上年十一月搬咗過嚟我屋企住,我個仔响呢幾個月真係開朗咗好多,同隻狗幾咁老友~!同埋我個仔本身都有自閉傾向,依家俾你地提番,我真係覺得我個仔呢幾個月既大躍進都同養咗隻狗有啲關係~! 至少個仔响屋企有個玩伴嘛!無咁悶!


大宅

積分: 2890


發表於 04-4-8 02:47 |顯示全部帖子

Re: 請大家給我意見!

我屋企都有養狗架,其實孖b剛出世時我同hubby都唔係好想要隻狗,但因為都養左成9年,無理由因為多左孖b而唔要佢,開頭湊孖b返屋企時隻狗都有d唔開心架,見佢無晒心機咁就知佢唔開心啦,後來孖b喊時隻狗會話比我地知,而家孖b大左隻狗仲好識保護孖b潻,例如孖b訓晏覺時佢會訓喺門口等孖b起身,如果孖b起左身而我地又唔知時,隻狗會出黎話比我地知,我地試過詐帝打孖b隻狗會胡我地架,而家孖b同隻狗好friend架.


子爵府

積分: 11510


發表於 04-4-8 02:54 |顯示全部帖子

Re: 請大家給我意見!

係呀!係呀!嗰次我帶隻狗去打針,都有同護士傾開,佢都話大多數啲狗都好鍚好識保護小主人架~!個護士仲話,有時我地大聲啲鬧個仔,隻狗就即刻怒bear住我地,好似响度話:"你做乜咁大聲喝佢(bb仔)呀???" 心諗:'佢(隻狗)都唔知養緊佢自己嗰個就係亞b媽咪,仲咁惡!?正一死蠢~!" 笑到我地肚都痛埋~~~!!!我隻狗由我個仔出世到依家都未試過吠過或者咬過我個仔一下!仲好鍚我個仔添架!我個仔點恰佢,佢都唔反抗,傻傻地坐响度由得我個仔糟質佢!!! :-P


大宅

積分: 2890


發表於 04-4-8 02:59 |顯示全部帖子

Re: 請大家給我意見!

係呀係呀,孖b成日恰佢糟質佢同忟佢住條尾走都唔出聲架,孖b成日都撩隻狗同佢地反架,孖b仲好鐘意隻狗lem佢地潻,不過通常隻狗lem完孖b後我一定要幫孖b清潔架.


子爵府

積分: 11510


發表於 04-4-8 03:09 |顯示全部帖子

Re: 請大家給我意見!

反而我個仔好抗拒我隻狗LAM佢喎~!次次隻狗忍唔住LAM我個仔,我個仔必定好認真咁同隻狗講:"BANDBAND,你唔好LAM我啦!" 跟住仲會一嘢推開個狗頭!笑到我同老公肚痛!!!


男爵府

積分: 8537


發表於 04-4-8 11:43 |顯示全部帖子

Re: 請大家給我意見!

我隻狗同你o地有o的唔同, 初時狗仔好接受BB, 成日訓o係BB床邊, BB喊佢會即刻走去, 後來狗仔可能呷醋, 唔再培BB, 仲成日避開, 我o地已經對狗仔好好, 不過我估可能狗仔唔開心係因為BB可以成日出街, 而佢唔可以... :-x :-x

點算???


禁止訪問

積分: 1163


發表於 04-4-12 01:28 |顯示全部帖子

Re: 請大家給我意見!

提示: 作者被禁止或刪除 內容自動屏蔽


琥珀宮

積分: 161855

好媽媽勳章 醒目開學勳章 畀面勳章 環保接龍勳章 大廚勳章


發表於 04-4-12 02:08 |顯示全部帖子

Re: 請大家給我意見!

我以前都試過呢個問題,未生BB前有養狗,一向大小便係無問題,但因BB出世後,我的狗很呷醋,周圍大小便係度"霸地盤",又周圍咬野,我揍BB已好吃力,所以搵了一個好主人就想送佢走,但我和前夫其實係好錫好錫狗的,真係好唔捨得佢,當日我前夫送佢走時,隻狗"僕"係我前夫身上,佢好似知道發生咩事咁,竟然流眼淚,搞到前夫件恤衫濕左一大片,後尾見佢咁慘,更加唔捨得送佢走,唯有自己辛苦D,都無再話唔要佢啦。 :-( :-( :-(
(唔記得講埋,隻狗同BB相處耐左,都無左果種反常行為啦)

首頁
1

尾頁

跳至