心聲留言

跳至

首頁
1

尾頁
   0


男爵府

積分: 5329


發表於 04-4-7 13:49 |顯示全部帖子

你地有冇見過d 咁既人呀......

話說,我係同我老爺,奶奶, 姑仔一家人一齊住既, 咁佢地好怪架, 成日乜都要搵我老公做喎! 大家全部都係有野做架, 但係因為老爺煮飯, 咁就唔使做其他野啦~ 但係奶奶亦都好少叫佢個女做野架喎, 以前讀書既時候, 就話佢要溫習呀, 做功課呀咁 ( 但係其實我見到佢根本就係上網玩同用d 時間黎瞓覺) . 到而家出左黎做野啦, 又話放工返黎好累, 唔願做, 一係就話放假呀! 唔想做野呀, 要休息呀咁喎!! 嘩, 大佬呀! 個個都係要返工架啦, 佢仲要係返8 個鍾既寫字樓工咋, 都話好累喎!! 難為我老公係返成12個鍾架, 仲要係體力勞動喎! 佢呀媽竟然都可以偏心到話, 難得個妹放假, 你做埋佢啦~ 嘩. 我聽到真係想鬧佢呀! 有冇攪錯呀! 個個出黎做野都係咁架啦..你使唔使縱到個女咁呀!! 你估佢真係皇帝咩! 我地放假夠想休息下啦, 坐多一陣呀, 都話我老公掛住坐係度唔幫佢手做野呀! 但係佢個女就係度瞓到好晏, 都唔出一句聲呀! 乜都唔使佢做架, 如果我老公講話放假要休息, 佢一定鬧到佢死呀! 但係佢個女講, 佢就會覺得係啱既. 正常既 ! 有時我心唸2 個都係你生架, 邊有呀媽係咁架 ......
個女就乜都唔使做, 淨係食飯, 睇電視同坐係部電腦面前玩!!! 不過好彩我老公都會返駁佢呀媽, 因為實在已經係忍無可忍啦~ 越唔出聲, 佢呀媽就越過份, 真係當正我老公係呀四咁呀!! 佢咪話大家應該係平分工作既, 我地做左我地個份, 如果佢唔想佢個女做既, 就你自己幫佢做囉~ 我地係唔會幫佢做埋架 !! 跟住佢呀媽就會發晒脾氣, 俾面色我地睇 ! 但係我地都冇理到佢咪由佢囉~
你地話呀!邊到有d咁既呀媽架!!又邊度要d 咁既咁懶既人架!! 都唔知有冇攪錯架~ 條氣真係好唔順呀!!! :-x
[size=medium]我既囝囝P 仔係2003 年7月16日出世架~~ :-D


洋房

積分: 194


發表於 04-4-7 20:28 |顯示全部帖子

Re: 你地有冇見過d 咁既人呀......

係咁0架0拉.我奶奶比晒所有好野我姑奶(包括錢,樓).話佢嫁唔出喎.好彩唔同住咋!不過,唔同住都激死la!!!!!


男爵府

積分: 5329


發表於 04-4-8 10:08 |顯示全部帖子

Re: 你地有冇見過d 咁既人呀......

hi, 多記,

我又唔恨佢d 錢呀! 我淨係想話大家都係人啫~ 要公平囉~
我又唔係係度攞你著數, 使唔使咁喎!!
不過我睇佢個女都係好似你姑奶咁架啦~ 都係老姑婆一族呀!!
[size=medium]我既囝囝P 仔係2003 年7月16日出世架~~ :-D


伯爵府

積分: 15029

2019新春慶豚圓


發表於 04-4-8 13:54 |顯示全部帖子

Re: 你地有冇見過d 咁既人呀......

The same with my sister in law, 37 not marry. On the weekend she doesn't has to go to work, she will stay up till whenever and the next day she can sleep till 5:00 p.m.(Yes, It is P.M)!!! Her mother says the same thing 個妹放假, let her sleep la. She only 返8個鍾既寫字樓工咋,都話好累,not even 體力勞動! She never pick up her dish after dinner, her mother does everything for her. The good thing is we don't live together, no eye see!!!


複式洋房

積分: 222


發表於 04-4-8 14:51 |顯示全部帖子

Re: 你地有冇見過d 咁既人呀......

唉 ! Ru3gakuen,

睇開啦! 你老公都出左聲同你奶奶講咯!總之,按自己本子辨事,米理佢, 得閒兩公婆去多街咯!我唔明點解家頭細務會叫個男人做既?


王國長老

積分: 55134

2019新春慶豚圓 2019勳章 好媽媽勳章 王國長老


發表於 04-4-8 15:22 |顯示全部帖子

Re: 你地有冇見過d 咁既人呀......

睇左呢個topic,突然諗起自己屋企。唔知你地未嫁時係屋企使唔使幫手做家務呢?我媽咪生左六個女,無仔的…好失禮,我地無一個女幫手做家務的。媽咪好錫我地,由細到大都唔使我地做,亦怕我地越幫越忙!佢係家庭主婦,同埋我婆婆&嫲嫲一齊住。我嫲嫲對於我地無幫手無出過聲(因為佢都係唔做的),但婆婆成日睇唔過眼個女一腳踢就成日係媽咪面前complain我地。有一晚我同家姐訓係床,又聽到婆婆依依哦哦我媽咪,跟住聽到媽咪答:「媽,唔好嘈了,D女仲係我身邊呢,我唔想佢地咁辛苦要做家務,以前我做女時咪又係咁,你邊使我做o者?佢地第時一係好命嫁左唔使做,如果唔係嫁左要做一世o丫!唔好再哦喇,嘈醒佢地o丫!」當時我聽到佢咁講,我真係淚流滿面,好感動!之後我發現我家姐都係!唉….但感動過後我地呢班衰女都係無點幫過手!之後開始有菲妹我媽咪就無咁辛苦仲成日打下麻雀仔,hehe!!所以我覺得所有母親都係偉大同疼愛自己的仔女的。


複式洋房

積分: 238


發表於 04-4-8 15:59 |顯示全部帖子

Re: 你地有冇見過d 咁既人呀......

麟媽媽,

同意你的說法,我回想起未嫁的時候,真係十指不沾陽春水。唔駛用鬧鐘,因為由呀媽叫起身,刷好牙的時候,出到廳,早餐已經準備好,食好早餐入房換衫,d床舖已經摺好,打開衣櫃,d衫已經燙好/掛好,放學/放工回來,下午茶/晚飯已經準備好,食好飯,d生果又已經預備好,差唔多要沖涼前,d水又會幫我預備埋,爐都係佢幫我開的。

回想起,自己又真係幾過份喎!但係當時又唔覺喎!

現在,唉!隻手都做到粗哂呀!

所以,ru3gakuen,睇開d啦!你奶奶唔想直接叫你,驚有衝突,所以叫左你老公,佢覺得,你地咁大個人就唔應該服侍你地。佢個女始終一日未嫁,一日佢都有責任照顧佢。

唔知我咁諗岩唔岩呢?


男爵府

積分: 5329


發表於 04-4-8 16:42 |顯示全部帖子

Re: 你地有冇見過d 咁既人呀......

hi, JFL,

我都覺得點解返得咁舒服都係度呻架!!

hi, fannyyeung,

佢叫我老公做, 係因為佢唔想直接叫我, 因為我係好少同佢地交談架, 而且一路以來我老公都會容忍佢, 話就得就就佢啦, 但係越來越過份, 簡直就係恰佢呀!!所以先會出聲之嘛~~
簡單d黎講,其實我地大家都唔鍾意大家, 只不過係迫於無耐要係埋一齊住啫..

hi, 麟媽媽 & ifriend,

或者你講得啱, 呀媽都係鍚自己d 仔女既, 但係你都識講啦, 既然佢覺得我地咁大個人唔使服待既, 佢個女都唔細架啦. 係屋企連自己既bed 同書枱都唔執, d 野周圍都係.. 咁佢個女都咁大啦, 係咪都應該自己做返d 野呢 ?? 咁唔通我老公唔係佢個仔咩? 好簡單, 係因為佢會覺得我老公平時唔出聲, 而佢如果一叫佢個女做野, 佢個女就會話返佢轉頭呀! 恰得恰, 所以我勁唔鍾意架...我只會做我應做個份架咋~ 我又冇話要佢服待我, 一向我都係我既野, 自己攪掂既 !!
只不過我講出黎, 係因為個心真係覺得唔舒服, 係度呻下啫~
我都明白呢個係不能改變既事實黎架啦..
[size=medium]我既囝囝P 仔係2003 年7月16日出世架~~ :-D


複式洋房

積分: 222


發表於 04-4-8 17:42 |顯示全部帖子

Re: 你地有冇見過d 咁既人呀......

hi Ru3gakuen,

我唔知你地咩原因要一定一起住, 點解唔抽公屋呢 ?我以前都同奶奶一起住左7年,都好多唔開心o野o家 , 佢仲叫我入名佢住緊既公屋,但我唔理佢一於自己申請間皇天不負有心人, 舊年年中(申請了5年),終於比我輪到間雖然唔係好大仲幾貴租, 但唔使一起住都不知幾好一句講晒最好唔好一起住, 相見好同住難,
而家如你唔挑剔要天木水圍,屯門好快有o家, 我有d 朋友申請差不多2 年就有了又大又平不過個區就硬係無市區那麼好啦! 自己考慮下啦係就快手呀!係呢你住邊區嫁 ? 我知葵涌區有新樓埋尾喎


複式洋房

積分: 222


發表於 04-4-8 17:46 |顯示全部帖子

Re: 你地有冇見過d 咁既人呀......

sorry sorry !

唔係天木水圍 (真係笑死人) 係天水圍至真


男爵府

積分: 5329


發表於 04-4-13 10:22 |顯示全部帖子

Re: 你地有冇見過d 咁既人呀......

hi, fannyyeung,

我緊係有申請啦~ 我地一發現有左呀b 就申請啦~ 而家等緊東涌派屋呀! 希望可以好快有啦.... 因為佢地己經通知左我地話批架啦.. 但係就仲未有屋囉..... 當初我地話要東涌既時候, 佢呀爸同呀媽極力反對呀, 又話遠, 車錢貴喎! 但係我地計過, d 租係比市區平約$1,000 度, 呢$1,000 咪用黎搭車囉.. 係會用多d 時間係交通上架啦.. 但係話晒都係新樓同埋佢邊都有發展既空間, 話唔定第時個度會好旺呢. :-P
其實我知佢地最唔想我地搬咁遠既原因係怕第時見個孫會麻煩之嘛.. 入一入黎都要用成$50 車錢1個人喎! 所以佢地先至唔想之嘛~
但係我一聽到東涌就覺得都好呀, 起碼同佢地住得遠d , 咪可以唔使成日見囉~ 理由仲好充份tim 呀!!
[size=medium]我既囝囝P 仔係2003 年7月16日出世架~~ :-D


大宅

積分: 2820


發表於 04-4-13 11:08 |顯示全部帖子

Re: 你地有冇見過d 咁既人呀......

我屋企同你屋企咁o岩相反,我老爺奶奶就乜都叫我姑仔做,少少o野都將佢鬧一餐,我覺得佢地好重男輕女。相反係我成日同我老爺奶奶講唔好成日話佢,佢宜家係女仔係屋企想點就由得佢,以後佢嫁左人之後就為左老公仔女做牛做馬。


男爵府

積分: 5329


發表於 04-4-13 13:06 |顯示全部帖子

Re: 你地有冇見過d 咁既人呀......

hi, 美維.

可能真係每個家庭都唔同, 我覺得要佢做晒又唔應該, 但係完全唔做又唔啱, 應該係大家分工合作, 咁先至好架嘛~
因為每個人都應該有佢既本身, 要有權利去享受既話, 就要有付出囉~
[size=medium]我既囝囝P 仔係2003 年7月16日出世架~~ :-D


禁止訪問

積分: 5643


發表於 04-4-14 00:22 |顯示全部帖子

Re: 你地有冇見過d 咁既人呀......

提示: 作者被禁止或刪除 內容自動屏蔽


別墅

積分: 522


發表於 04-4-14 11:00 |顯示全部帖子

Re: 你地有冇見過d 咁既人呀......

Ru3gakuen,
祝 妳盡快搬走!!

由得妳奶奶縱容妳姑仔, 放長雙眼睇妳姑仔將來如何.
Angela


男爵府

積分: 5329


發表於 04-4-14 13:07 |顯示全部帖子

Re: 你地有冇見過d 咁既人呀......

hi, ANGELAIP & Ming (cat ),

多謝你地既支持呀! 我都好希望可以盡快搬呀!!
我都覺得應該係由細到大養成自己照顧自己既習慣架嘛...不過呢d 真係冇得好講, 佢要係咁都冇辦法....
只希望盡快可以脫離苦海啫~~
[size=medium]我既囝囝P 仔係2003 年7月16日出世架~~ :-D


子爵府

積分: 11397

好媽媽勳章


發表於 04-4-16 18:35 |顯示全部帖子

Re: 你地有冇見過d 咁既人呀......

唉......姑仔唔做家務都無mud野o者, 如果佢唔做仲要駛埋你$(佢屋企仲要覺得你老馮比佢駛), 你先嘔血呀........


男爵府

積分: 5329


發表於 04-4-18 12:21 |顯示全部帖子

Re: 你地有冇見過d 咁既人呀......

唔係掛,我真係啋佢都傻呀!!真係老馮咩!!咁大個人應該學會自己照顧自己啦~
[size=medium]我既囝囝P 仔係2003 年7月16日出世架~~ :-D

首頁
1

尾頁

跳至