親子旅遊

跳至

首頁
12

尾頁
   0


大宅

積分: 2418


發表於 04-4-7 17:14 |顯示全部帖子

曼谷4天行, 同大家分享

Day I ( Apr 2) Fri 坐KA280, 都好準時15:00起飞, 點知去到泰國機場好繁忙, 轉左好多個圈先落到呀, 足足遲到成個鐘先出到去,搭的士好多人, 跟住坐房車 560bath, 因為約左做SPA, 拿拿聲叫的士去Let's relax, 因為近機場個邊, 18:20去到開始做SPA, 21:30做完, 跟住返酒店check-in, 又走去食法國餐C'est Bon, 我同朋友叫左一份set兩份食, 系有9度菜, 但個度環境一般, 食物都OK, 可以唔去, 不過唔貴, 每人hk$120

Day 2 (Apr 3) Sat 第二朝起身就出發去Siam, 不過唔好用咁多時間, 其實無咩買, 我只系買左一個Elle的Bra, 反而去Central department store(系Chit Lom站個間系7層架好大)會買齊您想要的, Lunch系Zen, 幾好食唔貴, 買左好多Boots, Siam Centre有9折正價貨, 但有好多都減左價, 跟住去左MBK買左對涼鞋hk$40, 同隔離間日本百貨Tokyu(好似系咁串), 個度好多都有減價, 我買左好多Sanrio的女仔衫好平, 跟住同我個同事返酒店, 我自己就去左Suan Lom night Bazzar, 個度都幾好行, 不過都好熱, 買家品多, 跟住返酒店沖個涼, 約左另外幾個剛落機的朋友去Sirocco 63/f 食晚飯, 好在食完飯, 先落雨, 重要系大雨, 好攪野

Day 3 (Apr 4) Sun 一早起身又去做SPA(SPA I am), 跟住去食泰國菜(Baan Khanitha), 幾好食, 食完午飯, 我又自己一個去Central勁買(系Chit Lom站個間系7層架好大), 好多野買但唔夠時間呀, 但又買左好多Sanrio的女仔衫, 好靚呀(有些7折有些85折), 跟住系Addidas買左兩件T, 一件我一件老公, 做緊8折, 又買個兩個Bra, 好平(唔知咩牌子, $45一個, 著落好正), 內衣衭都系做緊減價, 泳衣都系, 因為真系唔夠時間行, 落Silom, 系間商場度買信手有得試食, 19:00約左朋友食飯, 意大利餐廳(zanottl)系Silom, 食完飯, 返酒店放低野, 又再去Suan Lom Night Bazzar, 因為實在太倦啦, 無咩心機行, 系陪朋友行, 不過都買左香薰香支, 返到酒店12:00, 好眼訓, 沖完涼就立即訓左

Day 4 (Arp 5) Mon 我又一早起身, 我個朋友就唔知訓到幾點啦, 我搭BTS去Phrom Phong站, 行過一條小巷, 見檔口好乾淨, 咁就叫左個魚旦猪肉粉, 嘩好平20bath (好好味,正!!), 又叫左杯Ice Tea 10bath, 合都系hk$6, 跟住走去Body Tune做 message, 系平, 但幫個做個個人手勢就麻麻啦, 不過叫做試下, 做完Message已經系11:30, 拿拿聲走去Emporium百貨又行過, 不過時間好急, 行左一陣買左大毛巾同一件T Shirt, 就返酒店, 系酒店隔離個Mall有City諗住買野食,點知好多人, 諗住走唔食啦, 又見到Boots, 又買左D野, 點知個Sales送左兩份Gift Set比我, 真系底哂, 返到酒店沖個涼, 因為好熱, 我坐16:10機, 14:00離開酒店, 坐Meter Taxi去機場系270 bath已經系計哂toll way架啦, 點知check-in話delay, 要17:25先飞, 激死我啦, 咁咪慢慢系機場找野食, 點知找到一間食意粉, 又好好味喎, 好正!! (可能我好肚餓), 咁我唯有系等Boading個度訓覺, 因為真系好倦呀, 安全著陸, 22:30返到屋企!!

其實個邊D百貨公司都做緊減價, 但些系做到月尾, 有些就月中, 睇下您地幾時去, 撞唔撞到重減緊, Central就好似做到月尾, 您地唔好行咁多百貨公司, 其實去Central ((系Chit Lom站)個間就夠架啦, 除非您地多時間!!

以下行程同大家分享, 希望幫到您地跟住的曼谷之旅!!
________________ KiuKiu媽媽


公爵府

積分: 25365

2019勳章


發表於 04-4-7 17:25 |顯示全部帖子

Re: 曼谷4天行, 同大家分享

多謝報料! 妳既行程都好緊迫. 我想問Sirocco 63/f 食dinner正吾正呀? 我諗緊去飲野or dinner? C'est Bon食法國餐麻麻地, 係咪去試第二間好過呢? Let's relax and SPA I am 得吾得呀?


珍珠宮

積分: 35753

2019新春慶豚圓 2019勳章 畀面勳章


發表於 04-4-7 17:28 |顯示全部帖子

Re: 曼谷4天行, 同大家分享

KiuKiu媽媽:

好多謝你的分享!我好想快點到我放假呀!!

剛才打電話去旅行社問我那個自由行package是否confirm,原來還未confirm呀!那個職員說5日團就一定開,而4日團還在收客。我有點擔心呀!本來5日團都OK,但要早機去(9am)晚機返(6:30pm啓程),回到HK已經11pm,不能陪仔仔過星期日而又要第二天返工,好慘!!希望我不用轉5天團啦!!!

究竟我要等到幾時呢?? :-(


大宅

積分: 2418


發表於 04-4-7 17:59 |顯示全部帖子

Re: 曼谷4天行, 同大家分享

BBChu,

其實我覺得63/f食野普通啦, 唔系話真系好好食, 系食气氛, 因為有夜景, 其實計落都要$200多D, 睇您點睇, 如果計埋環境都系底的!!

我覺得C'est Bon唔系唔好, 不過環境就普通, 如果裝修得好D, 會好好多!!

兩間SPA都幾好, 不過浸完先Message感覺好D!!

您地記得銀包跟身, 就算有Locker都唔好放, 因為我同我同事都唔見左錢, 系Let's relax度系有Locker的, 咁我地放系Locker諗住好安全, 但返去攞返時見個位唔同左, 咁馬上睇下有無唔見錢, 只系睇泰幣, 無睇港紙, 今日返來計返, 真系唔見左錢, 我就$500(1張), 我同事就$400(4張100), 所以您地去到邊就算有Locker都好, 記得銀包跟身, 安全D!!


________________ KiuKiu媽媽


大宅

積分: 2418


發表於 04-4-7 18:11 |顯示全部帖子

Re: 曼谷4天行, 同大家分享

Teresa,

不過太夜, 真系唔系咁好, 如果可以下午機會好好多, 玩得開心D啦, 不過個邊真系好熱, 可以短衫短衭都得, 不過如果去63/f食飯就唔好著得咁街坊會好D, 其他就無問題, 祝旅途愉快!!
________________ KiuKiu媽媽


公爵府

積分: 25365

2019勳章


發表於 04-4-7 22:46 |顯示全部帖子

Re: 曼谷4天行, 同大家分享

KiuKiu媽媽
聽妳咁講D LOCKER咪形同虛設。但做SPA既時候,銀包好難跟身喎!

剛剛今日先取機票+酒店VOUCHER,行程睇左妳D料,再諗諗點安排。 THANK YOU!


別墅

積分: 565


發表於 04-4-7 23:17 |顯示全部帖子

Re: 曼谷4天行, 同大家分享

Teresa:

pls check pm

我都係想plan4月尾至5月頭一家三口去thailand,不過唔係好敢自由行,你地好大膽呀



Pig


大宅

積分: 2418


發表於 04-4-8 10:50 |顯示全部帖子

Re: 曼谷4天行, 同大家分享

BBChu
其實做SPA個袋系可以跟身的, 總之系自己視線範圍就無問題, 一人房通常shower room 系連埋一齊的, 最衰就系我地系兩人房, 個shower room系出面, 諗住locker無問題啦, 點知真系出事!!

出左機票, 幾時出發呀, plan好行程呀, 祝旅途愉快!!
________________ KiuKiu媽媽


複式洋房

積分: 421


發表於 04-4-8 13:31 |顯示全部帖子

Re: 曼谷4天行, 同大家分享

KiuKiu媽媽

我會13號出發去BKK,我都在63/F BOOK


大宅

積分: 3344

畀面勳章


發表於 04-4-8 14:18 |顯示全部帖子

Re: 曼谷4天行, 同大家分享

KiuKiu媽媽:

見到你個行程好羨慕,我想去泰國做SPA,但如果帶埋囝囝去,我諗就唔得啦,我想問下你所去的餐廳如果同小朋友去OK嗎?我囝囝得1歲我驚佢唔啱食或嘈住其他?

Thanks!


大宅

積分: 2418


發表於 04-4-8 14:26 |顯示全部帖子

Re: 曼谷4天行, 同大家分享

Him Him Ma Ma

您好醒目呀頂定位, 因為真系好full架, 不過我地食到最尾落大雨呀, 激死, 好在我地已經食完咋, 有好多人都系剛剛去食緊野, 好攪野, 佢地個Menu基本上系西餐, 例如沙律, 扒, 牛羊之類的, 都系大路野, 不過您要預左每人$200以上, D SHOPPING MALL 多唔多THOMAS 賣, 我就唔知, 因為我無去睇玩具, 不過通常都有玩具部都幾大下, 我無時間行啦, 我無去食翅, 因為我的朋友唔想去, 解答唔到您, 不過佢上次去話唔好食!!

________________ KiuKiu媽媽


大宅

積分: 2418


發表於 04-4-8 14:29 |顯示全部帖子

Re: 曼谷4天行, 同大家分享

小朋友去餐廳食飯無問題, 多數環境都幾好, 好舒服, 食物系适合小朋友食的, 街邊就唔好, 因為驚唔乾淨, 大人就無所謂!!
________________ KiuKiu媽媽


複式洋房

積分: 421


發表於 04-4-8 14:35 |顯示全部帖子

Re: 曼谷4天行, 同大家分享

KiuKiu媽媽

thank you very much


公爵府

積分: 25365

2019勳章


發表於 04-4-8 14:37 |顯示全部帖子

Re: 曼谷4天行, 同大家分享

KiuKiu媽媽 & HimHimMaMa
請問如果我打算4月18去sirocco, 63/f, 係咪要做booking啦? 妳地係在香港打電話or e-mail呀?


大宅

積分: 2418


發表於 04-4-8 15:07 |顯示全部帖子

Re: 曼谷4天行, 同大家分享

BBChu,

要訂定位, 系香港打電話去, 無e-mail的, 我地上次5人訂左8號枱,不過位置就普通, 您可以再問佢邊個位置最好, 但您記住出發前要留意您個行程的天气, 如果食飯個日系有雨, 最好選個第二天去, 我出發前都睇左預告, 知道個日會落雨, 點知就系食完飯先落, 算好彩架啦!!
________________ KiuKiu媽媽


複式洋房

積分: 421


發表於 04-4-8 15:14 |顯示全部帖子

Re: 曼谷4天行, 同大家分享

BBChu

我話BOOK


公爵府

積分: 25365

2019勳章


發表於 04-4-8 16:20 |顯示全部帖子

Re: 曼谷4天行, 同大家分享

HimHimMaMa & KiuKiu媽媽
剛剛打左去book啦! Thank you!

我既行程都會係落機去Hotel CHECK IN, 再去做SPA. 星期六會行department store, 星期日去JATUJAK.


民房

積分: 66


發表於 04-4-8 16:36 |顯示全部帖子

Re: 曼谷4天行, 同大家分享

deleted


大宅

積分: 2046


發表於 04-4-8 23:38 |顯示全部帖子

Re: 曼谷4天行, 同大家分享

半島開左間新泰國餐廳好好feel 架, 係池邊搭左一間間屋仔甘, very good, 野食都唔貴, 5/60一個送, 但係千奇唔好飲水, 佢收我支水$70呀!!

D翅我都覺得差左&貴左, 食唔食都無所謂!!

買野就, 一定要買barney vcd 啦, 30蚊隻。

仲有d 的士佬好大貪, 次次都開價double, 一定要叫佢跟錶, 唔跟呢就減佢一半就o岩架喇!


伯爵府

積分: 16315

2019新春慶豚圓 2019勳章


發表於 04-4-12 11:31 |顯示全部帖子

Re: 曼谷4天行, 同大家分享

請問妳地full 邊間travel agency make booking in thailand bangkok,我5月頭出發呀。thanks thanks
pooh 磁貼欠6, 30, 35

首頁
12

尾頁

跳至