意見反饋
義工

在職全職 今日: 261|主題: 46513

查看: 1836 | 回覆: 11
[全職媽媽] 全職嘅媽咪,你地會唔會埋怨老公?????


伯爵府

國民生產總值:18513


發表於 04-4-9 21:39 |顯示全部帖子

全職嘅媽咪,你地會唔會埋怨老公?????

你地會唔會埋怨老公番十幾個鐘頭工,你就一個人留係屋企湊bb?
我老公番7am放11pm,我就湊仔,宜家湊一個,遲d要湊二個,我冇得出街,只可以係屋企,唔係上網就瞓教,悶到我發顛,但老公份工又長時間,我有時好悶就打比老公問佢放工未,但當然係未啦,我都知好阻佢做野(佢係大車司機), :-( :-( :-( 但我真係好悶,我好懷念我番工嘅日子呀,我成日覺得自己好似好慘咁,但我老公又話我好幸福,又話我好細路女喎 :-x :-x 激死我啦,但我真係覺得自己宜家好浪費時間囉...........
你地做全職媽咪開心嗎???有乜推動力做全職媽咪做到宜家呀???? 其實我唔知係唔係因為我宜家大更肚,成日好似好down咁,日日如是!!! :-( :-( :-(


別墅

國民生產總值:844


發表於 04-4-9 21:55 |顯示全部帖子

Re: 全職嘅媽咪,你地會唔會埋怨老公?????

我都全職媽咪, 我bb都係6 個月大,起生bb前的一個月開始冇做野,轉眼間都冇做野成7 幾月lu,開頭我都好唔習慣,我又未試過理個咁細個bb, bb開細個又成日哭, 我只係覺得bb煩, 不過到bb;兩個月大左右開始覺得其實bb都係我良伴, 起碼我唔係一個人, 有bb陪我呀,我都了解到丈夫多數係唔會明白其實理bb仲辛苦過返工,但係心諗理bb的責任其實都好大, 同埋睇住bb一日一日咁長大, 其實係件開心事, 特別係bb笑時候真係咩唔心都唔記得, 不過你先生份工的工作時間真係好長,但其男人返工都好辛苦嫁,工作時間長又辛苦啦,一個人養成頭家你先生都好壓力嫁,夫婦間都要體讓下對, 不過好彩係我先生就返早放得好早, 我先生返工的時間我就同bb返娘家, 直正我老公放工佢打比我先再約地方約埋一齊返屋企,你試下搵下朋友去你屋企又或者有咩地方你可以同bb去, 出去行下啦對你對大的bb同你肚入面的bb都好呀, 唔好成日一個人起屋企咁悶....仲有大肚婆心情係差d 喇,個心情唔係咁好就好易一觸即發, 所以要想法子令自己開心d呀......
記住你唔開心, 你身邊的bb同你肚入面的bb都會唔開心嫁...


男爵府

國民生產總值:9771


發表於 04-4-9 23:07 |顯示全部帖子

Re: 全職嘅媽咪,你地會唔會埋怨老公?????

其實全職媽咪同在職媽咪都各有好處、各有壞處.
唔好諗埋一邊,應多向好的方面諗.
如你想想你可有機會看著BB成長,仔女都是自己一手一腳帶大.比起很多要工作的媽咪,她們不知幾想有咁的機會.
其實你不一定要老公陪先去到街,自己一個帶小朋友去街都可以的!
好似我咁,我老公一年三百六十五日只有新年放三日假,平日全部要返工,雖然佢放工早,但返得更早.而且佢不嬲都唔係點理啲仔.而加佢仲唔賴倦咩!係未有細仔時,佢都有假放架!咁又點,又係唔會同佢去街,數埋都無五次!細仔出世後仲衰,完全未同過佢哋去街,最多都係去吓附近吃晚飯(步行去個隻).平日後屋企食完晚飯佢就立即走咗入房躺後床睇電視~~~~~~~~總之有冇佢係度都無乜分別個種!
佢我又點!只有自己諗辦法,一味靜係埋怨沒用的!
在未有細仔時我便一到星期六大仔放假便同佢出街,去邊度都好,就係唔留係屋企.佢想去邊我都同佢去.無聊到特登走去元朗陪佢搭輕鐵都係咁.
到細仔出世就慘啲,因無可能帶住兩個咁細的出街.我便等我大仔返學,有時同細仔出街行吓囉!唔洗困係屋企咁悶,時間都容易過啲!而加我就寄望我細仔都返學(今年九月),我就自由得多啦!

諗諗辦法啦!
我都成日覺得我同啲單親家庭無乜分別,好在就係經濟方面有人付責囉!哈哈!!!!


禁止訪問

國民生產總值:1163


發表於 04-4-10 00:41 |顯示全部帖子

Re: 全職嘅媽咪,你地會唔會埋怨老公?????

提示: 作者被禁止或刪除 內容自動屏蔽


伯爵府

國民生產總值:18513


發表於 04-4-10 04:39 |顯示全部帖子

Re: 全職嘅媽咪,你地會唔會埋怨老公?????

多謝你地嘅鼓勵,我希望我唔好成日諗埋D"無謂野",但由朝到黑對住四幅牆,我都係傻傻地嫁啦 :-P :-P :-P


男爵府

國民生產總值:8075


發表於 04-4-10 05:04 |顯示全部帖子

Re: 全職嘅媽咪,你地會唔會埋怨老公?????

其實我都有埋怨過我老公一番到屋企一係睇電視, 一係打機連亞b都懶理, 一d都唔幫手, 又話我o係屋企湊仔已經好幸福, 有時同佢嗌交, 我一句話不如調轉我做野, 佢湊仔丫, 佢又唔敢反駁我, 佢知我係一d講得出做得到既人. 其實我覺得湊仔真係好辛苦o家! 我亞b就係一個好例子~每日比我分開訓得4-5個鍾, 佢又成日喊, 仲成日發我牌氣, 有時諗番轉頭, 冇生bb會唔會係一件好事?? 但係有時你見到佢同你笑, 要你抱, 同你玩既時候你既唔開心又會冇哂.

我亞b宜家就黎5個月開始識認人, 宜家我, 我老公同亞b出街, 亞b都要我抱&餵奶, 連我老公都唔比餵, 又唔跟人就算親戚抱佢都要我o係身邊先抱到一陣既時候, 你就覺得你o係佢心目中好重要, 雖然辛苦d都值得o家!

你宜家總之要開朗d, 唔好成日亂諗野, 如果唔係~好容易有產前抑鬱証o家, 你要成日保持開心, 咁bb都會開心丫嘛, bb會感應到你既情緒o家, 你都唔想生出黎, 木口木面丫嘛~係咪?? happy all the time


珊瑚宮

國民生產總值:107458

好媽媽勳章 畀面勳章


發表於 04-4-10 22:46 |顯示全部帖子

Re: 全職嘅媽咪,你地會唔會埋怨老公?????

我都係全職媽咪...但係我又唔會話埋怨老公放工返黎唔幫手湊仔仔...其實我覺得自己已經好好彩...嫁左之後唔駛返工受老闆氣
不過每日係屋企湊仔仔又真係幾悶...每日既活動只係同仔仔落公園玩..之後去超市買"食送"...除左依兩樣野...基本上都唔會出街...有時老公一得閒就會搵我去街...放低仔仔比公公湊...過下二人世界...
可能係因為我由細到大都想做全職媽媽啦...所以我做得好開心^^或者你只係因為大更肚..所以情緒唔係咁好姐...多d上網同人傾計..就會好好多架啦...
係啦...我係新加入架..多多指教


男爵府

國民生產總值:8118


發表於 04-4-11 02:14 |顯示全部帖子

Re: 全職嘅媽咪,你地會唔會埋怨老公?????

奀豬mami~~

我都係自已一個人攪掂,老公又係成日返工果隻~!湊兩個真係幾"金"架,到時你就唔會悶喇~!...我就希望佢兩個生生性性,過多年幾佢地就返學囉,又可以一齊玩,其實都唔錯架~!


複式洋房

國民生產總值:272


發表於 04-4-13 01:51 |顯示全部帖子

Re: 全職嘅媽咪,你地會唔會埋怨老公?????

奀豬mami~~ :
以前都好似妳咁成日對住個仔好煩好悶冇咩娛樂,我老公又係返8am放12pm返得早放得夜,想話同佢傾計傾耐d都唔得佢第日要返工又怕佢唔夠精神,嗰時好[善務]人地有老公晚晚陪食飯,陪睇電視呀,頭先有個媽媽話好似[單親家庭]我都有同感,以前個仔又唔多跟佢又唔同佢玩因佢返屋企個仔就訓左覺試過成個禮拜個仔都冇見過佢,就算佢放假都唔多話去行街,湊吓個仔!
依家佢轉咗工加埋個細仔出世就好好多,有時佢收早可以同我食飯睇電視同兩個細路玩吓,放假佢又叫去街但我自從生左細仔之後就唔想去街想成日留係屋企,係咪好怪呢?^^


大宅

國民生產總值:1442


發表於 04-4-16 23:39 |顯示全部帖子

Re: 全職嘅媽咪,你地會唔會埋怨老公?????

我做左全職媽媽好快就5個月啦,諗反起頭o個一、兩個月真係好辛苦,成日都喊,又咩都唔識,傷口又痛,又自己一個人湊,老公又成日返工,所以o個陣我老公成日都比我鬧,諗返起都覺得自己好無你取鬧,因為冇諗過湊BB係o甘辛苦,一下子適應唔到,成日都埋怨點解要生過仔出o黎,不過好彩冇後悔到,慢慢適應o左,而家對住過仔都不知幾happy,睇住佢一日一日長大,呢一份開心真係唔識形容,需然而家日日如是,但係生o左BB生活就係咁嫁啦
我仔仔叫銘堯(Hugo),已經3歲半返學啦,好開心呀 :-) :-) :-) :-) :-) :-)


侯爵府

國民生產總值:23524

2018勳章


發表於 04-4-19 11:36 |顯示全部帖子

Re: 全職嘅媽咪,你地會唔會埋怨老公?????

你地好,我係新入會,


大宅

國民生產總值:1168


發表於 04-4-19 13:41 |顯示全部帖子

Re: 全職嘅媽咪,你地會唔會埋怨老公?????

奀豬mami,

我本來搵緊野做, 但係知道有左bb所以無再搵, 我仔仔而家三歲, 我老公都係朝早7:30返工, 大約9:00返到屋企, 有時仲會夜d, 不過我從來都無埋怨老公, 因為我覺得佢一個人支持頭家已經好辛苦, 初頭無野做成日係屋企都覺得好悶, 我仲有個賓賓係屋企, 所有家務都唔駛做, 買餸煮飯揍仔返學放學都係由佢包辦, 有時我都會自己揍佢放學, 一星期一, 兩次, 我咪仲悶, 不過而家已經習慣0左, 每日仔仔返左學我就上綱, 因為佢係度會左住我, 下午就會睇都市閒情, 然後再上綱或者自己出街行下, 等佢訓完晏教(大約4:00), 我會同佢一齊睇電視, 玩玩具, 落街玩單車或者去公園玩, 玩到大約5:30, 工人就同佢沖涼, 約6:00我就會同佢一齊食晚飯, 食完晚飯就會同佢講故事, 玩泥膠, 做練習, 玩水彩等等, 總之就日日唔同, 如果佢放長假, 我會安排定每日帶佢去邊度玩, 好多時都會叫埋婆婆一齊去(因為而家大肚), 會方便d.
其實你都可以同仔仔出街行下或者帶佢去公園玩呀? 唔駛成日係屋企架, 自己搵d娛樂, 如果唔係幾時等到細b出世呀, 如果你成日都覺得悶, 唔去自己搵娛樂, 你會覺得好辛苦架 其實同仔仔玩都係一種娛樂黎架.
DEL


© Baby-Kingdom.com Limited. All rights reserved.