心聲留言

跳至

首頁
1

尾頁
   0


大宅

積分: 2564


發表於 04-4-10 21:36 |顯示全部帖子

BB會唔會唔痴我?

我個BB比我媽咪凑,但我每日都會爭取時閒去見佢,一放假就會接返屋企,但係我奶奶就一定爭住湊。我同佢的比率可以係1:9,我又唔好意思同佢爭,好驚將來佢唔痴我!點算?
HI ! 我叫MATTSON 仔,


別墅

積分: 581


發表於 04-4-10 22:48 |顯示全部帖子

Re: BB會唔會唔痴我?

我而家同老公一家人住, 奶奶幫我揍, 不過放工我就會自己揍返, 仲有沖涼啦, 餵奶都堅持自己來, 因為我都怕佢會痴爺爺麻麻多d, 不過都好累, 夜晚都冇咩訓。我同老公都覺得, 唔想佢第時用老人家作靠山, 唔聽我地話。

其實你都唔駛唔好意思o既, 試下開口同奶奶傾傾丫?!
孩子是我人生最大支柱 - 工作累透時會想起他的可愛; 肚子喊餓時想到他吃得飽就好。 也許當父母的就是這樣子 ... site at babyhome


洋房

積分: 701


發表於 04-4-11 00:09 |顯示全部帖子

Re: BB會唔會唔痴我?

你的心情其實係我之前的心情, 但係依家隨著囝囝一日一日長大, 我先發覺其實我的擔心是多餘的: 因為佢o地細個時需要人照顧, 活動量細, 所以會痴照顧佢ger人多d, 但當佢慢慢長大, 活動量增加, 老人家會越黎越難滿足佢o地, 而佢o地亦會慢慢明白, 最重要的人其實是自己的爸爸媽媽, 好似我囝囝咁, 之前佢最痴婆婆(即係我媽咪), 因為佢係婆婆湊日頭, 我o地自己湊夜晚&放假, 但到o左依家, 佢最鍾意爸爸, 因為可以同佢玩, 其次係我, 反而婆婆排到最尾, 婆婆都好傷心, 話佢養唔熟, 所以你真係唔駛擔心哩樣, 反而應該感激你媽咪&奶奶幫你手, 令你可以放心出外做野. 咁樣講唔知你明唔明, 但係真係我o地切身體會

(哩段野係我老公要求我寫俾你知, 因為佢啱啱係側邊睇波&睇到你個topic, 啱啱係我之前擔心的問題, 所以佢要我話俾你聽我o地ger心情, 所以, 放心la, 冇人可以取代你係bb心中ger地位 )
楊楊媽咪 :-) -----------------------


大宅

積分: 2564


發表於 04-4-11 16:17 |顯示全部帖子

Re: BB會唔會唔痴我?

但願BB唔會唔痴我,如果真係,我一定會傷心,我一定接受唔到。

HI ! 我叫MATTSON 仔,


大宅

積分: 1272


發表於 04-4-11 23:36 |顯示全部帖子

Re: BB會唔會唔痴我?

potatoo
你放心啦,我之前都有好似你咁諗的,但好多朋友的經驗就似sunlithk同佢老公所講既說話一樣,爸爸媽媽係冇人能夠取代的...我都相信呢一點,所以我放完產假後,阿b會係奶奶湊,到阿b大d時候最需要既人係爸爸媽媽囉,婆婆女麻女麻個d陪唔到阿b做d咩野,eg...開始讀書(bb班開始)的親子日,都係要爸爸媽媽參與,你有冇見老人家去參加丫?唔好太擔心呀!!!


伯爵府

積分: 18452


發表於 04-4-12 18:00 |顯示全部帖子

Re: BB會唔會唔痴我?

我請工人湊,雖然在家中,但幾乎星期一至五我都係見佢數小時,只得星期六及日或長假期才能陪伴bb多一點。

我以前都係咁諗,bb比人湊,一定會痴工人或湊的人多一點,但都沒有辦法,搵食艱難。

不過,到現在當bb一路路地長大,而且你一有空便會陪伴他到公園、遊樂場玩耍,他會自然知道邊一個係媽媽、邊一個係婆婆、邊一個係工人的,因為只有你才會給他真正的愛。So, Don't worry!

唉!老人家沒有辦法,這個是她的孫,同你一樣,都係比你一樣見得少,好自然會同你掙住湊,唯有讓一讓她吧!老人家都係湊一陣,邊有後生咁好精力呀!你話係咪!
世間最美妙的事情,就是擁有一個溫馨的家庭。我們可自然從容地回到家中,無拘無束地被家庭接納為其中的成員。 ;-) (維斯各特)


大宅

積分: 2564


發表於 04-4-13 00:38 |顯示全部帖子

Re: BB會唔會唔痴我?

我噚日同老公吵架, 事緣我放假湊阿仔返屋企, 咁o岩奶奶又放假, 佢就一直湊阿仔, 湊足兩日, 而我兩日以黎只湊左唔夠三個鐘頭, 終於忍唔住同老公嘈。佢當然叫我就佢阿媽, 但係我抵唔住頸繼續發癲。雖然最後老公都有諒解我, 但我個心仍然屈住屈住, 事關我奶奶對我真是唔係幾好, 假如仔仔日後唔痴我, 我會有生不如死o既感覺。希望真係同你地所講一樣阿仔唔會唔痴我喇....
HI ! 我叫MATTSON 仔,


民房

積分: 18


發表於 04-4-16 13:02 |顯示全部帖子

Re: BB會唔會唔痴我?

妳的情況同我太太以前一樣.
不過千萬唔好擔心,痴唔痴係睇妳點對佢.
我好少時間陪bb,重成日罵,間中打,咪一樣痴到我實.
原因我一同佢一起便
(1)傾計(傾乜都得,最緊要眼神及平望,<大家咁高咁大>)
(2)一起玩(玩得放)
(3)攬攬錫錫(身體接觸要多)
之後太太照做,結果唔駛幾耐,bb話鍾意媽媽多過我 :-P


大宅

積分: 2564


發表於 04-4-17 23:57 |顯示全部帖子

Re: BB會唔會唔痴我?

superpat
我都有好似你所講咁做同佢玩, 唔單只平起平坐仲俾佢踏我心口(佢高過我), 佢笑到格格聲, 但係一同佢傾計佢就唔望我(係特登o個隻), 我起右邊佢望左邊, 我起左邊佢望右邊, 咁點同佢傾計?? 完全冇eye contact...
怎辦??
究竟佢係唔想傾計定係想玩??
HI ! 我叫MATTSON 仔,


民房

積分: 18


發表於 04-4-20 00:42 |顯示全部帖子

Re: BB會唔會唔痴我?

唔好意思,原來妳個BB得四個月大
之前所講的是指歲幾的BB
唔好咁擔心啦,咁細個只識玩咋,邊識同妳傾心事呀!
用另一角度睇,佢唔望妳可能同妳玩緊呢!
依家d細路好古惑架
繼續同佢玩啦,佢係妳個B,俾d信心自己同個B啦
記住同妳先生傾多d啦


大宅

積分: 4203

畀面勳章


發表於 04-4-20 11:35 |顯示全部帖子

Re: BB會唔會唔痴我?

potatoo
我發覺bb好多時你抱緊佢, 佢都會望第二度的. 你試下放低佢, 然後扮d怪聲同佢傾計, 睇下佢會唔會注意你. 我個仔就會, 仲笑到 "格格聲".
我個仔都係4個幾月, 但係奶奶湊的. 我一放假就會自己湊番. 佢都唔會話唔痴我的. 好多時我老公抱佢一陣佢都扭計, 我抱上手佢就即刻唔扭. 特別係佢訓覺時, 我抱住佢佢就好"冧". 同佢有安全感既樣. 你湊佢時不況多些抱佢.(我覺得唔怕抱得多, 因平時有你屋企人湊, 再大d佢識行識走就唔想你抱).
耐唔中對住佢唱下歌都好好嫁!!!!


禁止訪問

積分: 4114


發表於 06-12-22 16:26 |顯示全部帖子

Re: BB會唔會唔痴我?

提示: 作者被禁止或刪除 內容自動屏蔽


大宅

積分: 2659

畀面勳章 BK Milk勳章


發表於 06-12-22 16:49 |顯示全部帖子

Re: BB會唔會唔痴我?

唔洗擔心喎, 你不如驚佢大d 痴到你實一實, 乜都要你陪佢, 行開一陣都唔得仲好過啦. 佢知道你係錫佢架.

我以前都係咁, 會呷個仔醋, 佢痴嫲嫲多過我.

不過佢大咗就成日痴住我, 真係去廁所都要跟住嚟!!

十萬個放心啦!!


大宅

積分: 3181

2019勳章


發表於 06-12-27 12:34 |顯示全部帖子

Re: BB會唔會唔痴我?

我個B以前都係唔痴我架!
我個情況係日頭工人湊,但我两工婆夜收工,個仔早瞓,返到屋企佢都差唔多瞓or已經瞓左,只有假期先同到佢玩,但漸漸佢都開始痴我地,雖然夜脕仍只要姐姐,但我相信好景在望。
一齊努力!

首頁
1

尾頁

跳至
熱門主題