吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人做家務幾好, 但發覺佢本身唔係咁鐘意小朋友... ...

論盡家傭今日: 1|主題: 134037

收藏本版

發帖

返回列表

跳至頁

查看: 2265 | 回覆: 10

工人做家務幾好, 但發覺佢本身唔係咁鐘意小朋友... [複製鏈接]

dorist

別墅

積分: 798

1^#

發表於 08-4-5 05:11 |只看該作者 |倒序瀏覽 |打印

工人嚟咗八個月, 佢做家務幾好, 為人聰明, 做野自動波, keep得屋企乾淨, 唔使勞氣, 唔會成日煲電話粥.

但佢要照顧我兩歲半囡囡, 亞女到現在都唔係太跟佢, 食奶要我餵, 唔俾工人餵, 沖涼要我沖(如果我在家, 因我要返工), 如果我不在佢會要求我媽陪, 唔肯單獨比工人沖, 因我媽一星期會嚟兩次, 如果屋企冇其他人就ok. 刷牙要我企隔離, 換片要我企隔離, 成日話唔要姐姐, 一齊出街都唔比工人抱or拖, 但佢見得時間最長的人是工人.

我知道工人比較粗手粗腳, 而我囡比較細膽, 可能有時工人會整痛佢or 動作快(如抱上抱落), 我同過佢傾, 佢在我面前有改善, 但原來冇, 我在鏡頭見到佢依然係比較粗魯, 全日照顧亞女都唔同佢玩, 有時間只係比本雜誌亞女, 每人一本各自睇(是八掛雜誌), 見到亞女唔肯訓覺, 佢打亞女, 雖然只是用手板打佢大脾, 但我都好唔開心, 因我唔會因呢d小事而打亞女, 我上星期錄了佢兩天, 兩天都有打, 不過老公話應該唔係太大力, 睇定d先...

但在我面前就會同亞女睇英文書, 教佢生字, 我係因為見亞女仲係咁抗拒佢我先再突擊錄影佢, 而佢一向知我有鏡頭, 但佢可能冇諗過我又突然裝佢. 如果我同佢講見到佢唔同亞女玩, 要佢同亞女玩, 又好似好冇意思, 因之前都講過叫佢多d同亞女玩, 佢應該本身唔鍾意同小朋友玩. 我又發覺佢唔係咁識湊bb, d 奶仲係時凍時熱, 煮d野唔係咁啱亞女食, 佢擅長濃味野及煎炸野, 已講過及比食譜佢, 亞女成日食得好少, 出街就食好多, 半年都冇重過.

我應否換工人?

0 0 0

私人傳訊

birdbird

水晶宮

積分: 61423

2^#

發表於 08-4-5 08:08 |只看該作者

樓主,
我想問, 你囡囡係屬於成日笑,
or 冇咩表情?
我咁問, 係因為小朋友的性格 & 情緒,
尤其係bb至讀幼稚園呢段期間,
會隨著湊佢的人而建立
如果工人姐姐平時同小朋友玩,
真係care小朋友,
小朋友係會好開心, 仲會報告番比你知
佢同工人姐姐玩咩,
小朋友學野都會覺得快d,
總之, 你會感覺到個小朋友係開心.
工人有冇心湊你個小朋友.

你個小朋友仲細,
如果你工人冇心湊你小朋友
我覺得換過個會好d....
畢竟我覺得做家務係其次,
湊好小朋友先至係最重要.

私人傳訊

sandwich

侯爵府

積分: 20684

3^#

發表於 08-4-5 08:41 |只看該作者

樓主
我之前個情況同你差不多。前工人寧做家務（效果只係一般，又無咩記性）都唔鐘意同我個囝玩。有一次，我哥嫂來我家，見到佢餵我囝食飯成粒鐘無出過一粒聲同埋無表情。後來我老公問過佢，比佢排次序，佢揀做家務係第一位，湊我囝放最尾。咁就c得啦，我地要返工的媽咪，最緊要係個囝啦。結果無計（因我大緊肚，我唔想日日提心吊膽，驚佢唔識湊bb），炒左佢喇。
而家新工人來了七個月，坦白講，佢做家務只係一般，但有心機同我對仔（三歲）女（七個月）玩，佢地痴工人仲多過我，不過我唔係好介意，因為代表工人錫佢地，加上我自己返工時間長，唔係咁多時間同佢地玩，所以都唔介意得咁多。
以上係我的分享

私人傳訊

Connielai

伯爵府

積分: 19400

2023年兔年勳章畀面勳章 BK Milk勳章

4^#

發表於 08-4-5 08:43 |只看該作者

原文章由 dorist 於 08-4-5 05:11 發表
工人嚟咗八個月, 佢做家務幾好, 為人聰明, 做野自動波, keep得屋企乾淨, 唔使勞氣, 唔會成日煲電話粥.

但佢要照顧我兩歲半囡囡, 亞女到現在都唔係太跟佢, 食奶要我餵, 唔俾工人餵, 沖涼要我沖(如果我在家, 因我要返 ...

我都贊成birdbird講的說話。我個仔而家8years old, 都同我投訴工人吾肯陪佢玩, 例如打badminton, 同我個仔打了一陣後叫佢自己玩, 又成日叫佢去執波, 自己就同d bun 傾計。佢in 既時候表現得好積極, 好肯主動同我個仔玩, 但請左佢後就吾同哂。我都諗住換, 因為始終小朋友緊要d, 游其係你個女仲細, 擺明佢吾鐘意呢個工人啦。

私人傳訊

Siuchoi

珍珠宮

積分: 32052

5^#

發表於 08-4-5 13:02 |只看該作者

我第2個工人又係咁, 唔識同小朋友溝通...我同工人講 :[我請你返黎, 係照顧我地及家務, 但如果你唔識照顧小孩, 咁你即係唔合格, 唔可以留低, 你想繼續做的話, 我可以教你, 你自己亦要努力去學!]

工人明曰後, 真係改善左好多~ 你試下同你工人講清楚啦~

私人傳訊

bbrma

男爵府

積分: 5632

6^#

發表於 08-4-5 13:48 |只看該作者

我覺得照顧小朋友最緊要, 對小朋友沒有愛心同耐心, 一定無得留低.

私人傳訊

dorist

別墅

積分: 798

7^#

發表於 08-4-5 20:58 |只看該作者

謝謝大家的意見! 我諗我會換工人啦! 因原先佢都要求八月請假十天返菲律賓, 話掛住個仔同亞媽喎!

私人傳訊

dorist

別墅

積分: 798

8^#

發表於 08-4-5 21:07 |只看該作者

原文章由 birdbird 於 08-4-5 08:08 發表
樓主,
我想問, 你囡囡係屬於成日笑,
or 冇咩表情?
我咁問, 係因為小朋友的性格 & 情緒,
尤其係bb至讀幼稚園呢段期間,
會隨著湊佢的人而建立
如果工人姐姐平時同小朋友玩,
真係care小朋友,
小朋友係會好開心, 仲會報 ...

birdbird,

我亞女性格比較怕醜及內向,
學校老師同佢做評估時,
連續三次都將她評為"稍欠活潑",
所以諗住俾佢學吓芭蕾舞,
睇下會唔會好d.

私人傳訊

monreve888

男爵府

積分: 9034

9^#

發表於 08-4-5 21:46 |只看該作者

你用左佢成8個月, 你個女都吾跟佢, 咁佢真的吾鐘意小朋友, 一定無同你個女玩, 因為小朋友, 只要有人肯同佢玩多d, 傾多d, 好快就會跟果個人, 我上一個bunbun(第2任)走左佬, 再請新bunbun, 個新bunbun同佢玩左一星期, 我去返工, 佢已經肯跟bunbun. 你個女已經內向, 你個工人仲吾同佢玩, 我都覺得你要換人.

我之前請果個bunbun(第一任)同你果個一樣, 做家務同煮飯都好好, 吾駛我擔心, 好乾淨. 可惜吾鐘意take care bb, 我個仔當時只有4個月大, 佢成日掛住做家務, 有時我個仔喊, 佢都吾係立即睇下佢, 而係做埋家務先. 佢成日將我個仔放在床仔, 尤得佢發呆. 果時, 成日要99幫手睇bb, 最後我地都炒左佢.

宜家個bunbun就好鐘意小朋友, 但做家務就無第一個咁好, 都ok喇. 我prefer佢多d時間同我個仔玩, 總之間屋吾好太dirty就算, 煮野吾太難食就ok.

你再請人, 你都要問清楚佢前employer, 佢鐘意小朋友or not.
我請第二個bunbun時, 佢個employer 話佢好鐘意小朋友, 佢吾續約是因為佢同婆婆既關係吾好, 但佢對仔女成日要搵姐姐. 佢都好鍚我個仔, 可惜做左9個月後, 話佢sister in law有cancer, 佢要返去take care兩個女, 一個月後才回來, 點知最後無回來. 不過佢做家務都無麻麻, 成日整爛野.

所以, 針無兩頭利, 你要個工人對小朋友好, 佢做家務就無必好. 當然, 間中都會請到個樣樣都好既, 要睇你好吾好彩. 同埋識吾識得隻眼開隻眼閉.

[ 本文章最後由 monreve888 於 08-4-5 23:20 編輯 ]