婦女醫護今日: 10|主題: 34029

收藏本版

發帖

返回列表

跳至頁

查看: 3566 | 回覆: 17

割乳房纖維瘤 [複製鏈接]

Candymami1980

複式洋房

積分: 161

1^#

發表於 14-12-6 21:05 |只看該作者 |倒序瀏覽 |打印

前排8月左右貪新鮮去做開FACIAL個度做胸部按摩，點知按摩師話摸到我左邊有粒野，叫我去CHECK CHECK。見自己十月有公司BODY CHECK，打算順便到時再叫醫生幫我觸診一下。醫生摸到後話胸部較漲，都摸到有D一粒二粒的野，就轉介我去年旗下的放射治療中心（佐敦）做超聲波。要讚一讚的係幫我照超聲波的姑娘人很好，健談，都有一邊照一邊交流關於纖維瘤，水囊的意見。當然她只是照果個，不會肯定告訴你結論，但她亦會以個人經驗告訴你她的意見，始終佢照得多都可以初步告訴你邊D形狀有可疑，邊D形狀唔使咁擔心等等。

照完報告出左，連埋驗身報告一起解釋比我聽。報告顯示有五粒纖維瘤，較大的係左胸12點位有粒2CM大的，其餘都係BELOW 1CM。BODY CHECK醫生建議可以做抽針化驗或者索性割左佢，當時我不懂給反應，叫BODY CHECK醫生點都寫左REFERAL LETTER比我先，之後我返屋企再想想下一步點做。點知個醫生話：唔得架，寫左比你就要去照架啦，個個寫晒比你唔去照咪好唔得閒。你番去諗下先啦，要的番黎我再寫比你。仲趕我走咁款，很討厭！（所以我決定下年轉BODY CHECK醫生）後尾諗諗下佢應該想賺多我三十蚊！！！

第二日都係擔心，叫第二間醫務所寫張REFERAL LETTER比我去睇專科。這陣子上網找了很多資料，睇下睇邊個專科醫生好，本身諗住睇好多人講的名牌醫生，但評語有好有唔好，真係唔知點選擇好！唔打唔撞我打比自己保險經紀問定保險的野，點知原來我個保險經紀都做過呢類手術，佢推介左姚醫生比我，我上網找都他的資料，但真的不多，心諗既然我保險經紀親身試過而且話好的，咁我即管上去見一見佢，睇下佢有咩意見先。

上到去係幾個醫生SHARE的醫療中心，姑娘普通，常常大聲吹水。不過冇野的，睇醫生又唔係睇姑娘，所以我都無理D姑娘。後尾入去見姚醫生，嘩！真係好NICE，比你感覺好親切，唔似係為錢醫病個D醫生，有耐性解釋，而且跟佢果個張姑娘細心又懂說下笑，的確令我輕鬆番晒。最後我決定都係割左佢，一粒係12點鐘位的2CM，一粒係附近的0.8CM左右的，可以順便割埋。

昨天早上七點入浸會醫院，一點開始做手術，三點未夠已經可以上番房。用左全身麻醉，真係訓左個覺已經做完的感覺，所以大家唔洗咁驚。做完之後我個身好震，浸會D姑娘OK播，幫我襟多張暖氈，之後再瞓多陣，七點幾可以食番野。住一晚，第二朝姚醫生九點幾就黎巡房，我食埋早餐就出院了。依家傷口唔按佢的話唔會痛，當然唔可以領重野同埋唔可以打側瞓。依家食緊抗生素同消炎藥，等傷口好番。