我天生性格都係比較樂觀的, 所以感情事我都唔會太執著, 我成日都比個信訊老公, 我唔介意他朝有日你會走, 但我介意既係你講大話
但我深信有左家庭既男人十居其九都會講大話 (如果有外遇的話) 咁豁達d諗佢地都係唔想頭家散先選擇欺騙啫, 為何唔想頭家散都係得一個原因, 就係小朋友, 咁既然大家有左共同目標理念亦一樣的話, 唔係會易d解決咩
都係個句...首先要問自己, 你要好似個男人咁自私自利.....為左一己私慾而握剎左仔女同爹地媽咪一齊生活呀 定係可以為左仔女甘願啞忍
倘若係前著的話...而你深信自己在單親家庭下都可以好好咁妥善處理到自己同仔女既情緒的話, 我會鼓勵你地玩踢爆
相反你就應該以豁達d選擇容忍既態度黎處理件事, 你可以比個信訊佢 (可能你唔多唔少feel到佢有外遇), 話佢知你對佢近排既舉動有懷疑, 唔須要講太多, 少少到肉就夠之後就隻眼開隻眼閉無謂查咁多野
因為我深信紙係包唔住火的, 如果佢唔想頭家散佢亦會作出收斂, 我唔查根究底係因為相信要我知既時候我唔去查個真相都會出現我眼前
所以為何我要選擇猜疑令自己成日生活在唔開心既日子裡
當然倘若佢因為我既信任而出去玩的, 佢有本事咪呃我一世囉 我家陣為咩啫, 都係希望仔女有個幸福的家之嘛, 咁我老公準時比家用我, 個個周末日都有family day, 平時唔ot既日子都準時收工, 我做咩仲要懷疑佢咁多
會唔會自討苦吃左呢
不過咁有邊隻貓唔食魚呀
只差在佢搵到個條魚未啫
我自問做人媽咪同新抱我夠膽比90分以上我自己, 但做人老婆...........我會有保留只可以比八十分 咁佢都唔知足唔滿意既要走我亦唔會留囉 如果佢要選擇呃我既, 我深信佢既生活會比我更難受, 因為佢成日都要擔驚受怕唔知件事幾時會穿煲, 而佢亦知道件事穿左出黎既一定無彎轉, 咁佢自己諗下究竟佢應唔應該用個家黎作賭注囉
你地要清楚明白男人有權利同有本事出去玩, 你估我地女人唔得咩, 只係大家道德觀念唔同, 我地做媽咪既會安守本份, 將自己做到最好但求無愧於心, 我諗唔到佢仲有咩藉口要搵其他人慰藉囉 原文章由 buyer 於 08-4-10 11:01 發表
我覺得你好叻, 係我同老公有問題其間, 你曾經打過一篇 " 咩心態" 的文章, 我睇了又睇, 覺得你看得好開, 對男人, 你係一百個%信任, 反正你知道生活係差疑會很不開心. 我知道跟著你講的做, 兩公婆實好, 但女人天性真係 ...
睇報紙成日都有新聞剎錯良民又或者因為朋友同人地嘈交而央及池魚等, 我唔想佢有咩意外, 亦唔想佢有意外時我唔知應該向咩人查詢, 我成日都叫佢你去飲野跟住轉地頭浦都要講聲呢d叫交帶並非我唔信任你既表現, 相反你去玩都唔想我在家擔心架
但可惜好多時都看似對牛彈琴, 你有你講, 佢有佢一套 所以我以其人之道還治其人之身, 去邊同邊個去都唔交帶, 起初佢都不以為然, 但我去多左佢開始會問... 中唔上左我當
我就係想佢問之嘛 男人成日都係咁, 有佢既思想你左右唔到, 你分析比佢聽佢都會當耳邊風, 你講多兩句有關佢同d女既野佢就會話你呷醋零願忍瞞
所以都係以其人之道還治其人之身, 你話唔會嘛咁我同d男人係咁都係唔會架啫, 點解你深信你既女朋友唔會對你動情, 而我既男朋友又會對我動情呀 等佢有機會代入下你之前既角式, 咁勝過你講一百次啦 原文章由 rubymo928 於 08-4-10 12:40 發表
甘你個老公都好好. 比我個c6 問多句都嫌你問甘多. 唔彩我 ga.
發表於 
有咩感覺呀
返回列表
