心聲留言

跳至

首頁
1

尾頁
   0


民房

積分: 8


發表於 04-4-16 13:29 |顯示全部帖子

如果你係我,你會點做 ??

個人好唔開心呀, 因為自從我老公上年佢公司話想結束被人裁左之後(佢做商場裝飾).我老公都仲有接 job 做 , 但係由聖誕節開始到而家我老公已經冇接 job 做喇, 日日都o向屋企, 我想佢去搵工做,佢又話自己唔知做得 d 咩, 又話唔想搵番呢行做,次次都有少少鬧交收場,又話我比壓力佢又話我迫緊佢.我都唔想咁架,如果我大把錢,你幾時搵到我都冇問題喇,但係而家唔係呀嘛.我梗係想佢搵工做喇, 因為佢賺番黎 d 錢同埋我自己 d 積蓄都使晒喇就黎,而家仲有個鈿架添 (3個月大).而家仲要拎埋我結婚時 d 金器去賣.都就黎賣得 7788 喇.我真係唔知可以頂到幾耐,最慘係佢自己都唔知佢老婆幾慘同埋佢自己冇錢喇就黎,我唔敢o向佢面前提冇錢嘛,因為提親又話我攪到佢唔開心.我真係唔知點做, 真係有苦自己知, 佢又唔鍾意我去搵工做,因為我眼睛有 d 問題佢唔想我去搵野做. 所以如果你係我你會點做呀 ?? 見到個老公係咁真係一諗起就好 down 喇,(死喇真係有少少覺得佢做慣乞兒懶做官咁添)我真係唔想講到佢咁衰,但係我真係好唔開心囉.


洋房

積分: 354


發表於 04-4-16 13:41 |顯示全部帖子

Re: 如果你係我,你會點做 ??

可能你老公對之前份工,甚至個FIELD有陰影,唔想再涉足,可唔可以試下找一份簡單易做既工先,可能完全唔同FIELD(當然SALARY會差好遠),做下做下鬥志就會返來。

BEST WISHES


複式洋房

積分: 269


發表於 04-4-16 21:37 |顯示全部帖子

Re: 如果你係我,你會點做 ??

你老公都好唔開心嫁,佢都知你的擔心,不過唔同你講姐.千其唔好再俾壓力佢,俾d空間佢自已唸下点行.
經濟有問題可以找政府幫手.


伯爵府

積分: 18637


發表於 04-4-17 12:23 |顯示全部帖子

Re: 如果你係我,你會點做 ??

不如將現實情況同佢講啦! 等佢知道"e+"唔係咁有景,大唔食細都要食0架. 同埋成日坐係屋企,真係會令人懶散d,攪0下攪0下,連工都唔想搵. 你0地仲好後生,冇理由咁早比佢退休0者!
男人唔到69,都唔好比佢抖!


別墅

積分: 734


發表於 04-4-17 13:09 |顯示全部帖子

Re: 如果你係我,你會點做 ??

(死喇真係有少少覺得佢做慣乞兒懶做官咁添)....我諗佢吾會係咁諗,我反而認為佢依家覺得壓力好大,自己都吾知可以點做.....不過妳都要同佢傾下屋企既經濟,一齊諗下有乜野辨法,兩公婆有困難要一齊面對.....妳要話比佢聽屋企無錢,吾使怕佢吾開心...因為呢個係事實,佢都要知道!!!

VivianWong^^吾好吾開心....希望在明天^_____^兩年幾前我重慘過妳,一樣都過佐啦!!!^_______^


大宅

積分: 2707


發表於 04-4-17 21:59 |顯示全部帖子

Re: 如果你係我,你會點做 ??

delete


珊瑚宮

積分: 107836


發表於 04-4-17 22:33 |顯示全部帖子

Re: 如果你係我,你會點做 ??

男人有問題都唔想同老婆講架,不過,妳將屋企既經濟問題同佢講,但係唔好以怨既口吻,平平淡淡咁同佢講,亦唔好問佢想點,要等佢知妳既苦況及諗法,如果佢係一個有責任既男人,佢自會識做架啦。希望妳老公儘快搵到工,好運!

首頁
1

尾頁

跳至