心聲留言

跳至

首頁
12

尾頁
   0


大宅

積分: 1758

BK Milk勳章


發表於 04-4-18 10:22 |顯示全部帖子

我媽好唔鐘意我細佬女朋友

話說個女仔係中四讀完就無讀書,這個我媽都無mind,我媽最唔like係個女仔食煙,我媽已經講到出面,話她屋企係唔比人食煙的,當然我細佬都係唔食啦,跟住最近個女仔話要搬來同我細佬住,我媽即該話:唔好,你媽會擔心你架。個女仔可以同我媽講,我搬出來住好耐啦…
跟住比我媽發覺個女仔係唔返工,日日朝早就訓覺,夜晚就打機同出去wet,激到我媽死死下。日日向我呻。
我都覺得個女仔好cheap,個女仔又抵死到試過係我媽面前摑我細佬,我媽即時話,個仔我生我都未打過,你重咩打他呀…
我細佬同她鬧交,就次次都話去死,我真係比這個人煩死啦。
[img][/img]


男爵府

積分: 9517

醒目開學勳章 畀面勳章


發表於 04-4-18 10:30 |顯示全部帖子

Re: 我媽好唔鐘意我細佬女朋友

呢個年紀我地都經歷過, 佢既行為咁細路女都唔可以怪佢既, 或者叫你細佬搬出去同女朋友住得唔得??
因為相見好同住難呀, 唔好搵你細佬做磨心呀, 佢會好難受架~~
http://jackylau.com/FreePhoto/PhotoData/U0047102.gif


大宅

積分: 1758

BK Milk勳章


發表於 04-4-18 13:04 |顯示全部帖子

Re: 我媽好唔鐘意我細佬女朋友

個女仔都24歲啦,唔係細路女啦,至於搬出去住,個女仔當然樓啦,但我媽一定唔會比,因為我細佬有比家用我媽,如果同個女仔搬出去就唔會比啦,另外我媽屋企有地方,why我細佬要搬出去呀。
我媽唔like個女仔的另一原因係個女仔唔做野,日日訓,又唔幫手,重要成日叫d朋友叫我細佬請食飯,我都聽過我細佬叫她唔好成日請人食飯,個女仔又喊苦喊忽話我細佬蝦她,我都覺得這個人好難頂
[img][/img]


男爵府

積分: 5329


發表於 04-4-18 13:38 |顯示全部帖子

Re: 我媽好唔鐘意我細佬女朋友

嘩,佢都唔細架啦喎,仲咁唔識唸. 好可能係因為你細佬就得佢多同埋太縱佢啦,等佢以為有你細佬養,就乜都唔使做. 我唸呢d野真係要你細佬自己出聲同佢傾先得架, 第三者同佢講, 一定係以為係針對佢架, 佢地就算唔為而家都要唸將來啦 (除非你細佬真係搵好多,養得起佢有餘囉,又或者冇唸過長久囉 !),如果唔係坐食都會山崩啦 !! 就算你細佬真係唔想佢出來工作,都應該分擔屋企既家務呀 !點可以乜都唔做架 .....

[size=medium]我既囝囝P 仔係2003 年7月16日出世架~~ :-D


水晶宮

積分: 72442

2019新春慶豚圓 2019勳章


發表於 04-4-18 13:53 |顯示全部帖子

Re: 我媽好唔鐘意我細佬女朋友

diana:
請問呢d咁的女仔,你細佬鍾意佢d佢乜野呢???
其實,呢個女仔都好cheap姐,主動話搬去同人住~
其實,可唔可以同你細佬傾下呢???睇下你細佬究竟係認真定玩玩下,如果你細佬係認真既,咁就要認真同佢傾下喇!!!
你要佢知道佢地長遠發展落去的問題,同埋亦要佢知道究竟個女仔都係同佢一樣係打算認真發展落下定係玩玩下,如果唔係你細佬就即係比人玩緊都唔知,仲有,你細佬都要比個女仔知道食煙對身體唔好,如果唔係第日佢地生bb,對bb的身體都有壞影響,而且,我覺得如果佢地兩個都係鍾意大家,又想住埋一齊既,而經濟又負擔得起,同居又何況???你媽咪唔應該阻止佢地,佢地都咁大個喇,唔係你阻止就得架喇,比佢地順其自然發展仲好喇,你地需要知道究竟係個女仔唔揾野做定揾唔到,佢得中四學歷,係好難揾野做架~


象牙宮

積分: 203145

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-4-18 14:39 |顯示全部帖子

Re: 我媽好唔鐘意我細佬女朋友

唉!鬼叫你細佬鍾意佢咩!我諗除非你細佬唔鍾意佢,否則你亞媽真係有排受。


琥珀宮

積分: 161855

好媽媽勳章 醒目開學勳章 畀面勳章 環保接龍勳章 大廚勳章


發表於 04-4-18 15:11 |顯示全部帖子

Re: 我媽好唔鐘意我細佬女朋友

仲要求神拜佛佢地唔好咁快諗結婚添呀,個女仔"食住"左你個細佬,呢種女子易請難送呀!!


大宅

積分: 1758

BK Milk勳章


發表於 04-4-18 22:33 |顯示全部帖子

Re: 我媽好唔鐘意我細佬女朋友

我細佬試過講分開下、冷靜下,個女仔就摑我細佬。我都問過我細佬鐘意她什麼,我細佬話其實問心個女仔比起以前又改左好多,所以話再比機會大家,唉,其實個女仔大過我細佬架,我細佬都唔係好頂得順,不過而家叫做平靜左d,之前日日鬧交,所以個女仔話要搬來住,見多d我細佬就會少d交鬧…
煩煩煩
[img][/img]


別墅

積分: 584


發表於 04-4-18 23:27 |顯示全部帖子

Re: 我媽好唔鐘意我細佬女朋友

我一家上上下下都唔like我細佬女朋友, 她要我細佬搬出去住, 我細佬搬走了, 我老豆嬲到噴火, 因為我細佬之前是沒有工作做, 而家做水巴, 個女仔會害了他, 好的結婚, 一句唔like條女識了個條件好過細佬, 一定走, 我細佬好純真, d女而家好cheap, 主動叫d男仔搬出來, 攪到要住套房, 我屋企有得食有間房給他住, 攪到甘.

我表弟條女又是甘, 她問題少女, 住在我姑姐屋企, 又唔做野(幫手做家務), 點表弟服侍她, 我姑姐仲要服侍多個, 又唔給錢.

都唔明今時今日d女仔是嘜人, 如果果個是我個仔都唔知點算好, 好勞氣.


伯爵府

積分: 16590

醒目開學勳章 BK Milk勳章


發表於 04-4-18 23:28 |顯示全部帖子

Re: 我媽好唔鐘意我細佬女朋友

嘩!勁似我叔仔個所謂老婆呀!又係咁大?!妳算好啦!佢知會妳媽先搬入嚟,我叔仔個一聲都冇,見咗一次第二次就幾袋紅白藍搬入去,床、冷氣、櫃全度身做俾佢,成個房用曬,一齊冇半年就搞大個肚跟住唔肯註册,只所謂過門;生咗先話好似去咗註册,因我哋冇接通知、冇參與!所以我都當我叔仔住埋。女仔大肚時又係同妳細佬女友咁,當我老爺奶奶面前又踢又打我叔仔。唉....!又要生,我叔仔又白痴,搞大咗個肚任人話事,仲緊張過女仔。冇用架!如女仔同妳媽嘈,妳細佬只會幫女仔鬧番亞媽,冇分析架!女仔作嘢,都係佢啱曬,即俾人迷住咗咁 :-(
我女2001年1月8日QE出世  


別墅

積分: 976


發表於 04-4-19 02:23 |顯示全部帖子

Re: 我媽好唔鐘意我細佬女朋友

ellenclive 寫道:
我一家上上下下都唔like我細佬女朋友, 她要我細佬搬出去住, 我細佬搬走了, 我老豆嬲到噴火, 因為我細佬之前是沒有工作做, 而家做水巴, 個女仔會害了他, 好的結婚, 一句唔like條女識了個條件好過細佬, 一定走, 我細佬好純真, d女而家好cheap, 主動叫d男仔搬出來, 攪到要住套房, 我屋企有得食有間房給他住, 攪到甘.

我表弟條女又是甘, 她問題少女, 住在我姑姐屋企, 又唔做野(幫手做家務), 點表弟服侍她, 我姑姐仲要服侍多個, 又唔給錢.

都唔明今時今日d女仔是嘜人, 如果果個是我個仔都唔知點算好, 好勞氣.


嘩!!!!!你同我屋企勁似呀!!!!!
我一家上上下下又係唔like我細佬女朋友,她係大陸的,
其實我地亦唔係因為佢係大陸的而唔like佢,
而係佢真係好唔要面!!! :-x

有一次,我屋企攪白事,佢就借頭借路,
話要見下o個位先人最後一面,
咁我細佬就叫佢申請自由行來香港啦!!
但自此之後,條女就成日唔問過我細佬,
自己在國內申請自由行來香港,
一來到香港就去自己搭車來我媽屋企住!!!!:-x

來到又唔做野(幫手做家務),
連內衣褲都唔自己洗,
成日就叫我細佬同佢呢度去o個度去,
我細佬又唔係搵得多,
有時唔夠用又問我父母law,
咁同幫人養女有咩分別 :-x

唉...佢o的衰野唔至咁少....要講真係一日一夜都講唔完 :-x



大宅

積分: 1003


發表於 04-4-19 11:17 |顯示全部帖子

Re: 我媽好唔鐘意我細佬女朋友

唉.........點解而家d女仔會咁o架, 自己有屋企都要搬去人地屋企住, 知唔知醜, 又唔係得兩個人住, 重要人地屋企有爸爸媽媽, 真擔心將來我個囝大o左拍拖, 佢女朋友唔知會唔會o黎我屋企住, 真係有d擔心.


伯爵府

積分: 17548


發表於 04-4-19 13:01 |顯示全部帖子

Re: 我媽好唔鐘意我細佬女朋友

比妳哋講到,我都好怕將來自己個仔帶個這樣的女朋友回家。
好彩!我弟弟女朋友好好、好純,我一家都很喜歡她,當她自己人一樣。
Pet Society Email : [email protected]
Login Name : Wensi
Pet Name : Sweet


大宅

積分: 2820


發表於 04-4-19 13:19 |顯示全部帖子

Re: 我媽好唔鐘意我細佬女朋友

我都係咁覺,我兩個叔仔咪又係帶女友返來住,大叔仔同女友分手時o個女仔唔肯未呀!又冇返工成日係屋企,夠鐘就開電視睇lift 睇我叔仔有冇返屋企,搞到我地成家提心吊膽驚佢做傻事。宜家細d 個叔仔又學阿哥帶女友返屋企住,呢個就勤力少少,會做少少家務tum得我老爺開心,因老爺冇返工,家務係老爺做。不過我奶奶就唔鍾意佢囉,最搞笑係佢宜家都未同叔仔結婚就叫我老爺“阿爸”。
我都將我架睇法講過俾我姑仔聽,佢話要搬出去住,我叫佢要就同男朋友搬出去住,唔好搬入男家同人家屋企。宜家佢真係同男朋友兩個人住。我老爺前排就鬧我姑仔唔返屋企,我覺得如果佢唔好俾我叔仔d女友返來住,我姑仔未必敢搬出去。呢d有樣學架。
a1712hk 寫道:
唉.........點解而家d女仔會咁o架, 自己有屋企都要搬去人地屋企住, 知唔知醜, 又唔係得兩個人住, 重要人地屋企有爸爸媽媽, 真擔心將來我個囝大o左拍拖, 佢女朋友唔知會唔會o黎我屋企住, 真係有d擔心.


侯爵府

積分: 24623

好媽媽勳章 畀面勳章


發表於 04-4-19 14:30 |顯示全部帖子

Re: 我媽好唔鐘意我細佬女朋友

聽你哋咁講我好幸運,我哥同佢女友最終分手,我未見過d人咁,佢偷我錢•衫褲鞋,我都唔緊要,最重要係佢連我d內衣褲都偷,仲有佢媽成日走嚟我家話我哥唔比佢返屋企,同用d ''X社會''囗吻話''白搞唔掂,揾黑嚟搞,又話如果比人搞大咗個肚,你個仔要娶佢.我聽到後話要報警,跟住我鬧走佢媽,隔咗好耐無見佢成家人,我哥係個死蠢嘅人,可能叫做當局者迷啦,人講咩佢就信.


洋房

積分: 134


發表於 04-4-19 15:47 |顯示全部帖子

Re: 我媽好唔鐘意我細佬女朋友

發生在我死黨居企架

佢個二哥北上工作,識左個同事靚靚大陸妹,當晚就上床啦,我死黨比過相片我睇,嘩!貌似亞視楊恭x呀,利唔利害呀!

佢又係叫二佬申請落hk玩,來親就一齊住咁啦,佢當自己係客囉,全屋人包佢食住,包埋洗熨,包零用咁啦

後尾住得兩住,妳地估下…………


伯爵府

積分: 17548


發表於 04-4-19 15:51 |顯示全部帖子

Re: 我媽好唔鐘意我細佬女朋友

快D講啦!我好想知呀?
Pet Society Email : [email protected]
Login Name : Wensi
Pet Name : Sweet


大宅

積分: 1003


發表於 04-4-19 16:00 |顯示全部帖子

Re: 我媽好唔鐘意我細佬女朋友

superstar,

我都好想知呀? 快d講啦.


洋房

積分: 134


發表於 04-4-19 16:02 |顯示全部帖子

Re: 我媽好唔鐘意我細佬女朋友

佢竟然瞞住我死黨全屋人…
.
.
.
勾埋個同屋住的大哥呀!!
於是兩兄弟為左個女人,日嘈夜嘈
佢倆個都鐘意,仲話由佢倆兄弟決定,死未?
咁我死黨話開左幾次家庭會議,又打左幾次交

後尾決定屋企比錢,等二哥廣州藏嬌…殊不知
無耐…個靚女識左另一個更好的,飛起個二哥
但兩兄弟到現在都有心病!
真係不明何必呢??


男爵府

積分: 8154

好媽媽勳章


發表於 04-4-19 16:23 |顯示全部帖子

Re: 我媽好唔鐘意我細佬女朋友

superstar 寫道:
佢竟然瞞住我死黨全屋人…
.
.
.
勾埋個同屋住的大哥呀!!
於是兩兄弟為左個女人,日嘈夜嘈
佢倆個都鐘意,仲話由佢倆兄弟決定,死未?
咁我死黨話開左幾次家庭會議,又打左幾次交

後尾決定屋企比錢,等二哥廣州藏嬌…殊不知
無耐…個靚女識左另一個更好的,飛起個二哥
但兩兄弟到現在都有心病!
真係不明何必呢??


superstar,

吓.....咁都得!!!

首頁
12

尾頁

跳至