論盡家傭

跳至

首頁
1

尾頁
   0


子爵府

積分: 11539

環保接龍勳章


發表於 04-4-20 13:38 |顯示全部帖子

印印突然轉性,因乜解究?

印印突然變好
我用


大宅

積分: 2119


發表於 04-4-20 13:50 |顯示全部帖子

Re: 印印突然轉性,因乜解究?

我諗你個工人可能知道左你已開始搵人,所以氹住你先,千其米上當,一於換人啦,如果唔換人,佢可能遲啲又衰返的,仲有唔好畀agent知你想換人,最好搵過另一間agent,費事agent通水畀你工人知.


子爵府

積分: 14531

2019勳章 好媽媽勳章 BK Milk勳章


發表於 04-4-20 13:53 |顯示全部帖子

Re: 印印突然轉性,因乜解究?

想問如比2,300 印印及一個月兩天假期, 你做得出嗎?


子爵府

積分: 11539

環保接龍勳章


發表於 04-4-20 14:02 |顯示全部帖子

Re: 印印突然轉性,因乜解究?

多謝你提醒。聽完你咁講,真係有D驚,因為我個印印之前已經響香港做過兩年(同一僱主),好多friends,唔知佢會玩咩花臣。

不過,點解佢要氹住我先呢?乜唔係明知就快冇得撈就會放軟手腳咩?

我得半年請工人經驗,請多多指教!


子爵府

積分: 12461


發表於 04-4-20 15:20 |顯示全部帖子

Re: 印印突然轉性,因乜解究?

yan_yan-mummy,

一定是上來試工的工人,在樓下碰到各鄰居的工人,,而你的工人從各"天文台"得知你找別人試工。
來試工的,通常會問你鄰居的工人你是否好僱主etc,而你各鄰居的工人又會問她去那一家工作。


大宅

積分: 2119


發表於 04-4-20 15:45 |顯示全部帖子

Re: 印印突然轉性,因乜解究?

yan_yan_mummy,

因為佢仲想喺你度玩丫馬,但你唔好期望佢會永遠都變好喎,到你唔再搵人,佢好可能又會變差的,我諗佢更係知你係初次請工人,所以蝦得就蝦.


複式洋房

積分: 411


發表於 04-4-20 20:30 |顯示全部帖子

Re: 印印突然轉性,因乜解究?

susanna:

您定係您朋友咁做


子爵府

積分: 11539

環保接龍勳章


發表於 04-4-21 01:05 |顯示全部帖子

Re: 印印突然轉性,因乜解究?

To Bluestar:

咁又唔係喎,因為我屋企都幾吊腳,所以工人黎試工都係我自己親自「護駕」。我諗係我工人晌Agent度知道我有意換人,所以突然轉性。我搵新工人是through另一間Agent,可惜見左幾個都冇個岩。

To Ballpen:

我雖然只得半年請人經驗,但其實已經炒過一個。第一個印印由我大肚八個幾月開始請,到囡囡一周左右就炒左,因為可能佢初黎時我地冇乜野俾佢做(兩公婆返晒工後就得番佢一個係屋企),太得閒,養懶左,到囡囡出世後就嫌三嫌四,呢樣唔識果樣唔做(佢之前響新加坡湊過newborn,湊到七歲,僱主仲係西人),仲堅持每晚九點正就閂門大吉,教佢整坐月的燉品又話too difficult,點婆婆幫佢做晒,所以一怒之下dull左佢,仲搞到自已產後抑鬱。折騰左三個星期,因為湊B湊到三餐不繼(大部分時間自己一個單打獨鬥,婆婆間唔中黎一黎),終於頂唔順先請到依家呢個印印。因為當時急住請,所以Agent冇乜選擇俾我,我唯有揀個完左約,心諗香港有僱主用過,應該唔會太差啦。佢響我未返工前都OK,好聽話,又唔駁咀,屋企人都鍾意。點知,我一返番工,佢就冇王管,又唔理BB(賴左臭臭都唔知,醃到個pat pat紅晒),仲煲電話粥,試過有次我老公「勒更」時斷正,佢竟然唔理,施施然傾多一陣先收線,嬲到我差D又再產後抑鬱,工都冇心機返。所以話,我個心真係好想佢識轉性,我唔想再重頭黎過,train工人實在太嘔心瀝血!但聽完你地咁講,我真係好沮喪囉......


大宅

積分: 1141


發表於 04-4-21 11:23 |顯示全部帖子

Re: 印印突然轉性,因乜解究?

yan_yan_mummy
睇完妳寫既野,我一D都唔覺得妳個工人好喎.如果係我,我都會換過另外一個;但一定要從海外申請過來.最少有大半年密月期嘛.而且agent費又平.


大宅

積分: 2119


發表於 04-4-21 12:16 |顯示全部帖子

Re: 印印突然轉性,因乜解究?

yan_yan_mummy,

你個BB依家幾大呀?有無老人家可以幫你湊全日,如果有,就將你個BB放喺佢哋屋企湊住先,到放假時才自己湊,然後一路搵工人,到搵到工人後才將BB接回家,如果老人家幫唔到手嘅,你可搵啲幼兒中心,將BB放喺入面湊,我有朋友都係咁樣,將個BB放喺近自己返工嘅幼兒中心,到放工時就湊返屋企,你甚至可以搵香港保母湊住先都得,最近我有朋友就係因為要等新工人到,所以請左個家務助理幫住手先,上午我朋友返工前個家務助理就到,晚上個家務助理煮埋飯先走.

你依家嘅工人應該要即炒架喇,佢都無心機湊BB嘅,好危險架,仲有,千其唔好為左啲衰工人而沮喪呀,唔值得架,我都炒過幾個工人架喇,我從來都唔沮喪架,因為衰嘅唔走,好嘅又點可以來呢.

你要記住,工人係無得轉性架,因為佢哋都係成年人,佢哋至多會轉為陽奉陰違嗰隻(呢類工人我見過好多),唔好對佢哋有咩期望呀.


子爵府

積分: 11539

環保接龍勳章


發表於 04-4-21 14:06 |顯示全部帖子

Re: 印印突然轉性,因乜解究?

To Ballpen:

我囡囡六個月大,都開始認人。

至於老人家方面,其實除左我放假響屋企之外,婆婆基本上每日都黎幫囡囡沖涼和煲粥餵粥,大概留三個鐘左右。因為實在住得太遠,唔可以叫佢留耐D,況且佢仲要照顧公公和我D未結婚的細佬妹,所以擺囡囡響佢度亦行唔通。

至於日託,我都有諗過,但返工同屋企附近都冇,我唔想囡囡同我走來走去咁頻撲,驚佢好易染病。

家務助理就唔諗喇,因為試過,講多過做,仲要唔話得,怕怕!

其實,依家印印同囡囡獨處時間約五、六個鐘到,我同老公已經響出警告信後裝左鏡仔,so far無事故發生(只有一次見到佢響梳化恰眼訓,不過BB係訓著左晌床仔既)。

我都知道佢好難轉死性,不過見佢肯買玩具俾囡囡,又有同佢玩暗佢訓,諗住佢都唔會點糟質BB(因為知道有D印印會打BB)。

Anyway, 好多謝各位BK媽咪忠告,我諗我會響八月份時dull佢,因為佢要返印尼,到時順便換人。我真係唔想太倉促換人,重蹈以前的覆轍。

話時話,我依家呢個印印上張約係03年9月底約滿,佢十月中過黎我度,Agent話佢要係04年內返印尼一次,前後不少於八日,係咪真架?如果係,來回機票邊個俾(我知Agent 多數屈我俾,但我覺得呢D係佢前任僱主的事)?


大宅

積分: 2119


發表於 04-4-21 15:29 |顯示全部帖子

Re: 印印突然轉性,因乜解究?

yan_yan_mummy,

係唔係已裝左眼仔呀?係都好啲.

你個工人喺前僱主約滿後有無返過印尼,如果有,喺呢兩年內係唔使返的,但如果佢約滿後無出過境,咁佢就要喺新合約開始後一年內要返祖家一次,然後入境處才會出第二年嘅visa畀佢,當然機票唔使你出啦,因為前僱主要負責佢張約滿機票,你只需畀一張機票佢返來就得,但如果你到時順便炒埋佢,咁你就要畀一張單程機票佢返歸喇.

講得簡單啲,每個僱主請一個外傭時,都要畀一張機票個工人來上工,同埋一張機票喺佢約滿或炒時畀佢返歸的,一個合約兩張機票係無得走雞的.

首頁
1

尾頁

跳至