母乳餵哺

跳至

首頁
12

尾頁
   0


大宅

積分: 1329


發表於 04-4-20 16:25 |顯示全部帖子

想試下餵母乳... ...老公好唔支持......

各位偉大的媽媽,

我BB會在幾日後出世, 我都想試下餵母乳(因我放前1後9,都有D時間take care of bb)! 但我老公好唔支持, 佢話會好辛苦我肯定頂唔順喎... ...

我會在法國醫院生, 聽說那兒的人不太support bf, 我又冇上過任何course or 講座, 根本不知道餵母乳要怎樣, 不餵又怎樣?

我本想等幾日BB出世後再作決定, 但這兒有媽媽提醒我要盡早決定, 我真的不知如何是好... ... :-(

[size=medium]如我決定試下餵母乳, 有什麼要買、要準備和注意的???

[size=medium]如我決定不餵母乳, 又有什麼要準備和注意的??? 是否要吃些什麼回奶丸or食品回奶???

希望各位能給我一點意見
該用戶已被刪除

發表於 04-4-20 16:31 |顯示全部帖子

Re: 想試下餵母乳... ...老公好唔支持......

提示: 作者被禁止或刪除 內容自動屏蔽


大宅

積分: 4841


發表於 04-4-20 16:37 |顯示全部帖子

Re: 想試下餵母乳... ...老公好唔支持......

Don't worry too much, just do what you believe is right. You will see the differenct in between bf baby and formula baby. They have lots of smile.


別墅

積分: 501


發表於 04-4-20 16:45 |顯示全部帖子

Re: 想試下餵母乳... ...老公好唔支持......

Hi bryanmum

我 BB 都係在法國出世,但我唔覺得醫院唔鼓勵餵母乳播;在餵奶房有姑娘教你點餵,個個 mammy 坐在一起,初初都有小小尷尬,但一兩次就習慣了,畢竟抱著 BB 食奶的感覺真的很令人感動。

你要努力呀!!!

白素

;-) ;-) ;-) ;-) ;-) ;-) ;-) ;-)


複式洋房

積分: 357


發表於 04-4-20 16:52 |顯示全部帖子

Re: 想試下餵母乳... ...老公好唔支持......

我都係喺法國生架﹗我都係餵母乳。

生之前我已經話我係要餵母乳,但係生完之後(順產),啲姑娘都冇叫我去餵奶,我又唔知頭唔知路,第一天都冇去餵,到我個朋友來探我,問我為什麼還不去餵奶,我才知要自己再同姑娘講同埋報名,所以我到第二天才開始餵。

我入到餵奶房,我同姑娘講我係第一次餵奶,我唔係幾識餵,但係個姑娘就同我講,「呢度個個都唔識餵架啦﹗」,跟住又唔理我;但係我見有好多媽咪喺度餵,我咪周圍望吓人地點餵,自己又跟住咁餵,我都唔知呀女有冇食到,總之餵咗約10分鐘倒就學人舉手叫「補奶粉」,就咁就開始咗我的餵奶生涯﹗

不過當我到餵奶房餵了幾次之後,我見到另外有啲新媽咪又係新來的,問一位姑娘點餵,那位姑娘好好,慢慢細心指導,所以我想看你好彩否,會否撞正啲好的姑娘當值,咁就唔洗怕;就算好似我咁撞著個唔好的,都唔洗怕,好似我咁,周圍望吓八吓,跟吓跟吓你就試倒架啦﹗

我鼓勵你,一定要盡力嘗試,你一定得架﹗


珍珠宮

積分: 34656


發表於 04-4-20 16:57 |顯示全部帖子

Re: 想試下餵母乳... ...老公好唔支持......

bryanmum,

我個女都係在法國出世的.我唔覺D姑娘唔SUPPORT餵母乳喎!佢地有一個餵奶室係専比餵母乳的媽媽去餵BB的,唔識仲有姑娘教.我當時眼見個個媽媽都唔識餵母乳的技巧,D姑娘都好肯教,仲有個姑娘擔CHAIR坐低同我地詳述餵母乳的好處添!

如你決定試下餵母乳,你最好買個餵母乳胸圍同著開胸睡衣,會方便餵奶;買D乳壁以防餵奶時灟奶.要注意多飲湯如木瓜魚湯,椰子雞湯,水,奶;不要吃收奶食物如豆豉,乳鴿,肝臟,小麥等及有咖啡因的食物.

如你開刀生,一食得流質食物時就可以飲魚湯,以幫助上奶.當開始谷奶時用熱毛巾FU胸及按摩可幫助乳線暢通.有唔明可隨便問姑娘.如你怕BB在醫院食奶粉時會有乳頭混淆的情況出現,你可請姑娘用杯餵BB食奶.


別墅

積分: 560


發表於 04-4-20 17:12 |顯示全部帖子

Re: 想試下餵母乳... ...老公好唔支持......

我都在法國生, 護士會教你, 最緊要是勤力. 如果你想全人奶, 最好用杯仔餵佢飲水同補奶,等佢唔會混淆, 因為奶樽同乳頭食法及力度不同. (不過有o的bb冇問題). 順產的話,一出世就可以餵佢,不過在產房生之前要通知護士. 祝你順順利利.


大宅

積分: 2478


發表於 04-4-20 19:30 |顯示全部帖子

Re: 想試下餵母乳... ...老公好唔支持......

bryanmum:

要成功餵哺母乳,丈夫的支持真的很重要。雖然你很快就要生了,但若可以,最好讓丈夫了解餵哺母乳對BB和媽媽的好處。

可以請他多看這個網站:-P,或閱讀以下網頁﹕
衛生署網頁

衛生署網頁﹕餵哺母乳的好處

誠然,餵母乳最初會很辛苦,但只要堅持得到,大概過2周至1個月,一切就會順利的了,而且省卻洗奶瓶、買奶粉、開奶等煩惱,亦無需補水或什麼薏米水等,因為人奶不會熱氣,若touch wood小朋友感冒或打針後發燒,餵人奶亦有助令BB與媽媽覺得紓緩,而且吃人奶的BB,就算病了也比奶粉BB精靈生猛,令父母比較安心的。

反之,若沒有bryandad的支持,只靠你自己努力與堅持,你豈不是更加辛苦嗎﹖bryandad能理解嗎﹖

你在香港的法國還是九龍的法國生﹖我有朋友在2001年在聖保祿生,因為餵母乳問題搞到一肚氣,因為當時醫院確並不支持BF,不過已經隔了多年,或有所改善﹖

「如我決定試下餵母乳, 有什麼要買、要準備和注意的???」

這是我在母乳餵哺班得到的資料,希望你有用。祝你成功啊﹗﹗

●孕婦心理
—多搜集關於餵哺母乳的知識,如閱讀有關書籍、參加產前預備班、母乳餵哺預備班等。
—多認識餵哺母乳的知識,包括好處、產後要盡早餵哺、產後會較情緒化及敏感等。
—了解醫院對母乳餵哺的安排及運作
—對自己有信心,相信自己可以餵母乳

●環境
—若與別人同住,怕餵奶時尷尬,可事先準備毛巾、披肩、開胸衫等。

●個人衛生
—保持個人衛生便可,應穿戴大小適中及承托力較強的胸圍。(另聽過姑娘說,最好是沒有鋼線的胸圍)

●丈夫角色
—對餵哺母乳,要跟太太有共識
—最好與太太一起參加餵哺母乳的講座、學習班等
—盡量提供協助及分擔工作,讓太太專心餵哺母乳,並得到營養充足的食物,與足夠的睡眠。
可分擔的工作,例如﹕
.太太餵奶後,幫嬰兒掃風
.換片
.替BB洗澡
.唱歌、讀故事給嬰兒聽
.和嬰兒玩耍
—應多陪伴太太,呵護及關心她
—若不能親力親為,應為太太及BB作適當安排,例如請親友或傭人協助

●家人支持
可將餵哺母乳的知識(例如對嬰兒及母親的好處)和理念,告訴家人及丈夫。

●家務安排
考慮請丈夫、親友或鄰居協助,以便產後爭取休息時間,安心餵哺嬰兒

●飲食
注意均衡飲食,多吃綠色蔬菜及高蛋白質食物,如豆類、魚、肉等。


大宅

積分: 1329


發表於 04-4-20 22:18 |顯示全部帖子

Re: 想試下餵母乳... ...老公好唔支持......

茵茵, freedom, 白素, 霖霖媽, ^O^, 黃子,
chingchingmom, Glad, fi-fi,X anthe, 冰極... ...

非常感謝妳們的意見、提醒、支持和鼓勵, 我會認真考慮再與Bryandad(我老公)傾下, 然後盡快決定!

不好意思, 我還想知道如餵母乳, 入院前要否準備奶泵、乳墊、bf bra? 要買的數量和那一種較好?

Thank you so much!!!
:-P


大宅

積分: 2478


發表於 04-4-21 01:06 |顯示全部帖子

Re: 想試下餵母乳... ...老公好唔支持......

bryanmum:

一般情況下, 餵哺母乳最好直接餵哺, BB吸吮愈多, 可以刺激身體的荷爾蒙, 製造愈多的奶 (demand and supply的原理). 故若非BB要長時間與母親分開, 就不用泵奶入杯甚至奶瓶來餵.

若有特別需要, 確實要泵奶, 一般醫院亦應設有hospital grade的奶泵, 比我們在坊間買的更好用. 但詳情可能你還要問問醫院作實. 待餵奶餵得穩定, 漸入佳境, 才再考慮用奶泵也不遲, 反正太早泵, 只會嚇驚自己--泵很久才得很少很少, 因為身體未適應奶泵的motion.

至於BF Bra, 用了餵奶會較方便, 不過這裏亦有媽媽用前扣式胸圍, 同樣方便餵奶. BF Bra選擇很多, 有些名牌子, 也有些在街坊胸圍舖有售, 質量也蠻不錯, 最重要選擇沒鋼絲的, 比較放心不會壓出乳腺炎來. 有三數個就有得替換了.

乳墊則可避免脹奶至漏出來時, 弄漏衣衫, 我有朋友在醫院第三日就漏奶, 睡醒了半身都濕掉, 我卻在回家後才好幾天, 才在餵一邊時另一邊漏奶, 所以個個人情況不同, 帶備幾片也是有備無患.

不知能否幫到你? 或者還有其他經驗媽媽有更好的意見?


大宅

積分: 2478


發表於 04-4-21 01:14 |顯示全部帖子

Re: 想試下餵母乳... ...老公好唔支持......

bryanmum:

另外, 據知其中一個餵哺母乳的成功貼士, 是在產後1小時之內(愈早愈好), 直接餵哺BB一次, 因為這時BB很清醒, 會記得有個如此吸吮的經驗, 下次再吃時就易搞了.

我當時是在約半小時內, 在產房餵了仔仔好久好久......好開心的!

不過, 間間醫院安排不同, 你最好現在先問清楚安排. 我有朋友仔就一心在產房餵, 豈料生完後被姑娘推走, 以免她阻住產房, 還未經同意就用奶瓶餵了BB奶粉, 就這樣, BB第一口吃的, 就是人造的奶粉了. :-(


男爵府

積分: 7934


發表於 04-4-21 08:58 |顯示全部帖子

Re: 想試下餵母乳... ...老公好唔支持......

法國餵奶房大部份姑娘都好肯教,只有一兩個唔係太好心機教.
一定要去產後講座,負責


珍珠宮

積分: 34656


發表於 04-4-21 11:35 |顯示全部帖子

Re: 想試下餵母乳... ...老公好唔支持......

想補充兩點:

1.同醫院借奶泵當然要$$$$$
2.我試過用前扣式胸圍餵奶,感覺唔係咁好,尤其當你已上奶後,當你餵哺時,另一邊會噴奶,你要用手夾住另一邊個胸杯咁d奶先唔會灟出整濕件衫.所以我最後都係買左專為餵母乳的胸圍,隻手唔駛咁攰.


侯爵府

積分: 24623

好媽媽勳章 畀面勳章


發表於 04-4-21 14:15 |顯示全部帖子

Re: 想試下餵母乳... ...老公好唔支持......

bryanmum
好明白你老公怕你辛苦,但你如果想比最好嘅比bb你就辛苦少少.
我全家人都反對我喂母乳,但我 一意孤行,bb而家身體都好健康,toughwood只係病過一次.


大宅

積分: 1623


發表於 04-4-21 21:01 |顯示全部帖子

Re: 想試下餵母乳... ...老公好唔支持......

bryanmum:
叫老公多看有關餵人奶好處的資料,他一定會支持你的。
我也覺得信心與堅持最重要,相信自己把最好的東西給寶寶,不要因為旁人潑冷水而被打倒。
有問題多上來問啊!


禁止訪問

積分: 1163


發表於 04-4-22 00:32 |顯示全部帖子

Re: 想試下餵母乳... ...老公好唔支持......

提示: 作者被禁止或刪除 內容自動屏蔽


男爵府

積分: 9345


發表於 04-4-22 09:42 |顯示全部帖子

Re: 想試下餵母乳... ...老公好唔支持......

bryanmum,
又係我呀,你睇下BK有幾多人支持你,你唔洗驚喎...POSEMOM講得好啱,唔係你想像咁辛苦嫁...只要你自已話得就一定得嫁,為左BB好,唔好比任何藉口自己改餵奶粉呀 :-P ...譚媽媽講得好啱,你要比多D餵人奶方面o既資料你老公睇,要同佢洗腦...我老公之前都無咁熱衷嫁,o係生之前同佢一齊上course,比佢知有幾好,佢依家未必好清楚餵人奶o既好處,但佢只知好好好就足夠喇,佢就係咁同我一齊堅持全人奶喇...祝你生産順利
http://lbyf.lilypie.com/ueJWp8.png


禁止訪問

積分: 12373


發表於 04-4-22 10:32 |顯示全部帖子

Re: 想試下餵母乳... ...老公好唔支持......

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


男爵府

積分: 8075

2019新春慶豚圓 2019勳章


發表於 04-4-22 10:44 |顯示全部帖子

Re: 想試下餵母乳... ...老公好唔支持......

bryanmum,

最好連修身既$ & 時間都唔洗, 同你老公再傾下!!

bb & 媽媽都咁好!!

100% 支持bf


複式洋房

積分: 357


發表於 04-4-22 12:10 |顯示全部帖子

Re: 想試下餵母乳... ...老公好唔支持......

我哋覺得餵人奶不是最辛苦,半夜三更,個b要食,妳浄係拿起件衫就餵得,佢食完瞓覺,自己又瞓得喇,唔使開奶又唔使洗樽喎,幾方便



我都非常認同POSEMUM所講,餵人奶真係好方便,我都成日一邊餵一邊成機瞓吓,不知幾嘆﹗

首頁
12

尾頁

跳至
你需要登錄後才可以回帖 登入 | 註冊