少年成長

跳至

首頁
12

尾頁
   0


洋房

積分: 601


發表於 08-4-25 23:53 |顯示全部帖子
我女女快六歲, 即使戒了夜奶和臨上床前小便, 但每晚仍尿床, 即使有小便, 也不是半夜自覺起來, 而是要由大人抱佢起身上廁所, 第二日同佢講番佢完全唔知道。
佢入睡後一小時左右就要第一次上廁所, 然後一小時後要第二次上廁所, 之後就可以至返學起身才再上廁所。 如果唔幫佢, 佢就會賴在床上, 不過濕了佢都感覺不到, 可以瞓在濕了的被褥至天光。
我身心俱疲, 每晚都要等時間抱佢上廁所兩次, 有時自己太累唔小心瞓咗, 遲少少佢就賴, 叫佢起身換衫又喊, 搞到成家人都好煩又怕。
我細仔四歲, 戒了夜片也只是四五晚中偶然一次失手, 早上八時起床返學, 佢即刻自己走去廁所去第一次小便。 但我女女, 未戒夜片前, 沒有一晚尿片是可以乾爽至天光的。我女女都知咁大個賴尿好醜, 但佢都係無可奈何。
想知道大家有沒有類似問題? 如何解決? 中醫西醫有沒有幫助? 請賜教, 謝謝。


珍珠宮

積分: 42714

2021勳章


發表於 08-4-26 00:02 |顯示全部帖子
臨訓前幾時飲最後一次水? 一小時? 兩小時?


大宅

積分: 4120


發表於 08-4-26 11:23 |顯示全部帖子
原文章由 wongnysw 於 08-4-25 23:53 發表
我女女快六歲, 即使戒了夜奶和臨上床前小便, 但每晚仍尿床, 即使有小便, 也不是半夜自覺起來, 而是要由大人抱佢起身上廁所, 第二日同佢講番佢完全唔知道。
佢入睡後一小時左右就要第一次上廁所, 然後一小時後要第二 ...


我睇過篇報導,有時尿床係個小朋友有病,要去睇e生
我家姐個仔讀2年班,佢間中都尿床,不過你囡囡晚晚如是,真係要唸下洗唔洗睇醫生


大宅

積分: 2594

好媽媽勳章


發表於 08-4-27 18:19 |顯示全部帖子
我個仔都是6歲,同你個囡囡一模一樣,永不自己起身小便,又是睡後一、二小時要去,否則一定尿床,換完褲後到第二天,佢仲話自己今朝無賴尿,同佢講完又一樣,跟本卦住瞓,唔想起身

原文章由 wongnysw 於 08-4-25 23:53 發表
我女女快六歲, 即使戒了夜奶和臨上床前小便, 但每晚仍尿床, 即使有小便, 也不是半夜自覺起來, 而是要由大人抱佢起身上廁所, 第二日同佢講番佢完全唔知道。
佢入睡後一小時左右就要第一次上廁所, 然後一小時後要第二 ...


洋房

積分: 601


發表於 08-4-28 10:20 |顯示全部帖子
我亞女通常睡前一至兩個鐘都無飲水, 佢唔知會唔會係個膀胱比較細, 所以儲尿量比較少? 照x-ray會唔會睇到?




原文章由 亞迎 於 08-4-27 18:19 發表
我個仔都是6歲,同你個囡囡一模一樣,永不自己起身小便,又是睡後一、二小時要去,否則一定尿床,換完褲後到第二天,佢仲話自己今朝無賴尿,同佢講完又一樣,跟本卦住瞓,唔想起身

...


男爵府

積分: 7697

醒目開學勳章 畀面勳章


發表於 08-4-29 10:57 |顯示全部帖子
我個人覺得應該腎比較弱, 可以睇中醫調理吓,又或煲多些湯水比阿女飲, 不要食太多冷飲.





原文章由 wongnysw 於 08-4-28 10:20 發表
我亞女通常睡前一至兩個鐘都無飲水, 佢唔知會唔會係個膀胱比較細, 所以儲尿量比較少? 照x-ray會唔會睇到?





男爵府

積分: 5146


發表於 08-4-29 12:14 |顯示全部帖子
不過我都覺得睇下醫生好D, 會吾會有其他心理上的問題,

這裏有講 兒童尿床 問題

http://www.healthno1.com/health/feature/html/fe19980527.html


水晶宮

積分: 57704

2021勳章


發表於 08-4-29 23:36 |顯示全部帖子
樓主,
你囡囡已經6歲仍有尿床習慣, 你最好帶囡囡睇下醫生,
因為可能係生理因素影響囡囡的儲尿 & 排尿情況.


別墅

積分: 774


發表於 08-4-30 09:54 |顯示全部帖子
佢有冇飲凍野或食雪糕的習慣? 我大仔以前都試過,後來戒了於6:00pm後不飲凍野或食雪糕,之後就沒有再發生了。你可以試吓,不過最好找醫生check 吓。


洋房

積分: 601


發表於 08-5-2 23:06 |顯示全部帖子
等我試o下先, 不過如果遲d都係咁, 都要睇醫生, 係咪泌尿科呢?


原文章由 jf830 於 08-4-30 09:54 發表
佢有冇飲凍野或食雪糕的習慣? 我大仔以前都試過,後來戒了於6:00pm後不飲凍野或食雪糕,之後就沒有再發生了。你可以試吓,不過最好找醫生check 吓。 ...


大宅

積分: 2191


發表於 08-5-6 11:27 |顯示全部帖子
wongysw,

除以上提供的方法外, 你都試下以下方法一同進行:

1) 日間, 叫你女女唔好一急就要去廁所, 教佢小忍, 可練膀胱肌肉 (唔洗驚忍尿唔好, 小忍係冇問題)
2) 你女女入睡後...大人入睡前, 叫醒佢去一次廁所, 叫佢自己清潔及洗手, 唔好幫佢, 等佢有意識, 千其唔好抱佢去廁所, 咁佢係全沒意識 , 而且會有依賴, 久而久之... 佢一急, 就會彈起身
3) 多d鼓勵, 如ok左, 記得讚下佢呀 ~ 讚係無形的力量, 可以事半功倍 !

如試過多種方法都係唔work, 咁就真係要請教下醫生

[ 本文章最後由 ycw 於 08-5-6 11:33 編輯 ]


大宅

積分: 1052


發表於 08-5-6 17:02 |顯示全部帖子
原文章由 wongnysw 於 08-4-25 23:53 發表
我女女快六歲, 即使戒了夜奶和臨上床前小便, 但每晚仍尿床, 即使有小便, 也不是半夜自覺起來, 而是要由大人抱佢起身上廁所, 第二日同佢講番佢完全唔知道。
佢入睡後一小時左右就要第一次上廁所, 然後一小時後要第二 ...


我個囡囡同你個囡囡一樣係六歲前,又睇過中西醫,冇用,因她們還末成熟,不過到了七歲,就完全冇問題,佢地是遲熟掛,不用擔心.用住尿片先,待七歲就沒有問題,不用睇醫生.


大宅

積分: 1660


發表於 08-5-7 09:20 |顯示全部帖子
睡前二個鐘不要喝水(這是兒科醫生說的)﹐上床前去一次﹐妳可以買床墊(即是生b入院要買墊床個種)﹐鋪在床上面加一張被or布﹐就算濕都不會濕到床呢﹗還要鼓勵她﹐如果沒濕就給她印或貼紙﹐到一定數目會小禮物給她。
其實每人都不同﹐千祈不要比較呀﹗
小兒以前都和妳女兒一様(差不多晚晚)﹐到他八﹑九歲一星期都會有一兩晚﹐現十歲巳沒有這些情況了


大宅

積分: 4316


發表於 08-5-7 09:52 |顯示全部帖子
原文章由 wongnysw 於 08-4-25 23:53 發表
我女女快六歲, 即使戒了夜奶和臨上床前小便, 但每晚仍尿床, 即使有小便, 也不是半夜自覺起來, 而是要由大人抱佢起身上廁所, 第二日同佢講番佢完全唔知道。
佢入睡後一小時左右就要第一次上廁所, 然後一小時後要第二 ...


我囡囡7歲, 情況同你囡一樣. 又係要叫佢起床去廁所, 第二日一d 印象都無, 我試過整到佢醒哂先叫佢去廁所, 但第二日都係唔記得. 我又係有個細仔, 一早已經戒左夜片, 會自己半夜起身去廁所, 唔使理佢. 人地話仔難戒過女, 但我屋企就相反.

我發覺阿女日頭飲得水少, 有人話係會有關係的, 所以我而家迫緊佢日頭飲多d 水, 睇下好唔好d. 另外, 果d 利尿湯水我就唔敢再煲, 因次次飲親果晚都會賴兩次尿.

阿女下個月去會健康院, 到時我會問下醫生, 睇下要唔要搵專科. 阿女因為尿床, 所以唔敢去人地屋企訓, 我覺得再係咁會影響佢社交同心理.

你有咩打算? 大家交流下! 我為呢個問題苦惱左好耐!


大宅

積分: 4316


發表於 08-5-7 14:47 |顯示全部帖子
原文章由 Irene_BB 於 08-5-7 09:20 發表
睡前二個鐘不要喝水(這是兒科醫生說的)﹐上床前去一次﹐妳可以買床墊(即是生b入院要買墊床個種)﹐鋪在床上面加一張被or布﹐就算濕都不會濕到床呢﹗還要鼓勵她﹐如果沒濕就給她印或貼紙﹐到一定數目會小禮物給她。
其實每人都不同﹐千 ...


irene,
想問問你小朋友現在是否都要2小時前不飲水, 同會自己起床去廁所? 還只是一覺到天光都不尿床? 其實我覺得阿女最怪係唔識醒, 佢好似一訓左就咩都聽唔到, 睇唔到, feel唔到咁. 第二日重咩都唔記得哂!


大宅

積分: 1660


發表於 08-5-8 11:13 |顯示全部帖子
現在睡前一個鐘沒飲水﹐睡前會去一次﹐有時半夜會自己醒去多一次至二次。 現在不用墊床了(用了半年觀察)。
其實小朋友懶訓係好正常﹐第二日唔記得一點也不奇。 如果父母小時候都係這様﹐子女也會﹐一點也不奇呢﹗(我老公都八歲至沒有尿床 )當然有些父母是很正常沒有尿床。

我前年因小朋友高度問題﹐要見兒童內分秘科醫生﹐所以順便問這個尿床問題﹐因為看報紙說這是有問題的﹐她其實有點怒﹐因為佢覺得現在報導好像買廣告多﹐好多失實呢﹗但如果小朋友睡前二個鐘至二個半鐘不喝水﹐都是晚晚尿床﹐就要留意了。(但如果一星期有一至二晚沒尿床﹐這便是進步了)


大宅

積分: 4316


發表於 08-5-8 12:24 |顯示全部帖子
irene,

多謝你呀! 你令我有番d 希望啦! 之前睇完d報導真係好驚, 但要長期食藥我又唔係好想, 始終都會有副作用.

而家每晚都限制阿女飲水, 睡前去一次wee wee, 兩個鐘後叫佢去多一次 (呢次通常佢都係半夢半醒), 咁就有機會唔尿床,(十次有三四次度啦) 如唔叫就一定尿床, 有時重尿兩次添. 我真係覺得好沮喪! 身邊朋友d 仔女都唔會咁, 連佢細佬都無呢個問題. 我最怕係佢有病, 而我擔誤左佢病情咋!

另外, 想問下你講果d 床墊是否即棄藍色果d? 係邊度有得賣? 幾錢左右?

thanks


男爵府

積分: 6830


發表於 08-5-8 12:41 |顯示全部帖子
我亞囝個堂兄, 現在3歲3個月, 佢未戒夜片. 但佢亞媽發現佢晚晚都會痾好大'督'尿, 晚晚條片都濕晒, 連褲連床全部濕晒. 瞓前己去左廁所, 仲有係晚晚如是, 不是一晚半晚. 另外, 佢日頭都成日瀨, 好似忍唔到尿咁. 一急即時要去, 但通常只得2-3'的'. 佢上個星期去健康院, 醫生一聽見佢的問題, 即時叫小朋友驗尿, 2個星期後先有報告, 所以暫時唔知係咩問題. 不果醫生同時話每10個小朋友, 有2-3個都有咁的情況


大宅

積分: 1660


發表於 08-5-9 08:18 |顯示全部帖子
藥房或萬寧都有呢


洋房

積分: 601


發表於 08-5-9 21:53 |顯示全部帖子
我買咗張膠枱布, 放在床單和床"肉"之間, 即使賴濕, 只需要換床單

原文章由 Irene_BB 於 08-5-9 08:18 發表
藥房或萬寧都有呢

首頁
12

尾頁

跳至