吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我有一個問題想問大家!

心聲留言今日: 16|主題: 16303

收藏本版

發帖

返回列表

跳至頁

查看: 3315 | 回覆: 34

我有一個問題想問大家!

katrina959

大宅

積分: 4533

發表於 04-4-22 16:25 |顯示全部帖子

我有一個問題想問大家!

我有個朋友準備擺酒,邀請我做姊妹,但我從未試過有人咁搞笑,所以有d問題問大家,以下係我老友的要求:
要set頭化妝,但要每人自己攞$180出黎,俾佢所謂一條龍set頭化妝的化妝師;
要著晚裝,但租/買晚裝的錢要自己俾;
一定要著裙,包括我剛剛生完bb,小腿d紋都未散,都要著;
要俾人情/送禮俾新娘,
我覺得有d發神經既成份,所以已經問左我奶奶,都話佢痴痴地線,雖然佢係我識左十年既舊同學喎!但我有d俾人搵笨既感覺!
咁俾你着地呢?當賣個人情俾佢?還是唔鬼理佢呢?
今個星期六/日,阿新娘約我地出黎食飯,安排下喎!咁我去唔去好呢?

私人傳訊

mymelody2003

男爵府

積分: 8258

2019新春慶豚圓 2019勳章

發表於 04-4-22 16:40 |顯示全部帖子

Re: 我有一個問題想問大家!

梗係唔理佢啦, 如果佢有心邀請你做姐妹的話及咁多要求梗佢比錢啦. 如果唔係咁friend既話我更加唔去.

私人傳訊

kongkong

大宅

積分: 4203

畀面勳章

發表於 04-4-22 16:52 |顯示全部帖子

Re: 我有一個問題想問大家!

俾我就大條道理話生完bb, 想休息多d唔去!
我覺得冇理由要出埋錢去襯托佢, 如果我好窮, 冇錢, 係咪佢就唔會搵我做姊妹?

私人傳訊

SUSANNA

子爵府

積分: 14531

2019勳章好媽媽勳章 BK Milk勳章

發表於 04-4-22 16:56 |顯示全部帖子

Re: 我有一個問題想問大家!

如果我係你, 我一定吾做, 但會去飲, 因為我認為開心就做,否則no way

私人傳訊

貓公主

大宅

積分: 1565

發表於 04-4-22 17:03 |顯示全部帖子

Re: 我有一個問題想問大家!

我覺得妳朋友唔係好尊重妳.
雖然話同妳friend先搵妳做姊妹,但佢自己麻煩

私人傳訊

ardnas65

等待驗證會員

積分: 27318

發表於 04-4-22 17:09 |顯示全部帖子

Re: 我有一個問題想問大家!

真係第一次聽限定d姐妹要點著......
咁您去飲, 洗個頭/扮靚d/送禮都要.. 話晒識左咁多年. 但係件衫就有d問題咯.如果佢出埋套晚裝俾您就差唔多, 其他野咪當豪俾佢咯.
唔好做姐妹啦...自己都辛苦啦!!!!

私人傳訊

vickym

男爵府

積分: 8096

發表於 04-4-22 17:15 |顯示全部帖子

Re: 我有一個問題想問大家!

katrina959,,

你個所謂老友..睇怕都唔應該列入"老友" lor...

咁樣指定要點要點咁.都傻傻地既...俾我就冇謂自己唔高興..姐妹就唔做啦..耍開佢算啦..至多去飲當俾面佢lor!

私人傳訊

stkyo

象牙宮

積分: 203145

2019新春慶豚圓 2019勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

發表於 04-4-22 17:23 |顯示全部帖子

Re: 我有一個問題想問大家!

下，我結婚個陣，淨係伴娘先化裝同著裙，都係我包架，其他姊妹就要求佢地點著，佢地都有做人情，開門利是分左比佢地，我、我亞媽、我奶奶又比佢地每人一封利是。

你不如唔好去啦！

私人傳訊

katrina959

大宅

積分: 4533

發表於 04-4-22 17:37 |顯示全部帖子

Re: 我有一個問題想問大家!

我地都算幾fd既~~~
但我無諗過佢會咁煩,仲報晒價咁,驚死你唔俾錢咁!
如果唔係佢d說話有問題,咁耐朋友,唔通要計住計住咁咩?
佢話就算唔著晚裝,都要著件見得人既裙!哈哈!你地話激唔激死!

私人傳訊

bridie

大宅

積分: 2678

發表於 04-4-22 17:58 |顯示全部帖子

Re: 我有一個問題想問大家!

其他姊妹點諗呀？如果同你一樣想法，不如一齊婉佢新娘d一條龍服務囉，話自己化都o.k.，如果得你咁諗，我係你就唔做姊妹啦！去飲算了，我生完不足兩個月都做過一次姊妹，新娘好有誠意，好希望一個過來人幫佢，我才去，老實未修身，人都唔想見！ :-P

小濬熙的天空~一歲啦 ;-) ;-)

私人傳訊

finger

男爵府

積分: 9517

醒目開學勳章畀面勳章

發表於 04-4-22 19:15 |顯示全部帖子

Re: 我有一個問題想問大家!

我做咁多次姊妹都冇呢 d咁既規定, 點解一定要人幫襯佢化妝師喎, 不過如果你唔識得化妝, 又唔識人既, 咁都冇辦法....
但係要自己比錢租裙著就真係那個左 d, 你又唔係做伴娘, 洗乜租裙著呀, 自己著條靚靚裙去咪得咯...

再唔係話自己岩岩生完bb 冇耐, 唔去咯~~

話時話, 係唔係你個麻煩朋友結婚呀?

http://jackylau.com/FreePhoto/PhotoData/U0047102.gif

私人傳訊

gloriap

伯爵府

積分: 16590

醒目開學勳章 BK Milk勳章

發表於 04-4-22 20:31 |顯示全部帖子

Re: 我有一個問題想問大家!

佢係咪嫁個有錢人呀

怕妳哋失禮佢嗎？
如唔想傷感情話要湊B；B太細唔去得或咁啱有屋企人或親戚結婚、生日...乜都好！做唔到姊妹只俾禮或買結婚賀禮佢。
事實上妳個朋友真唔合理！同明知妳生完冇耐....就算老友都唔會叫妳做；妳雖係老友亦唔係要一定答應！到時飲多杯都得啫！

我女2001年1月8日QE出世

私人傳訊

小manman

水晶宮

積分: 72442

2019新春慶豚圓 2019勳章

發表於 04-4-22 20:51 |顯示全部帖子

Re: 我有一個問題想問大家!

咁我都相信如果真係對自己個婚禮好有要求個d可能真係會規定d兄弟姊姊著乜野衫,因為你地睇下前個排郭可盈同林文龍個婚禮,佢地d兄弟姊姊都係著哂白色衫~
但問題係既然新娘要求得姊妹咁著,就應該新娘出錢,唔應該要姊妹自己出,d姊妹都係義務幫你,幫你搞好d個婚禮,搞下氣氛,你都想搞得好好睇睇喇,搞到要比人係背後話,又會有d咁的人都有~

私人傳訊

Fatty

子爵府

積分: 11158

好媽媽勳章醒目開學勳章

發表於 04-4-22 22:45 |顯示全部帖子

Re: 我有一個問題想問大家!

你個 friend 好搵笨, 係我就唔鬼去!

私人傳訊

katrina959

大宅

積分: 4533

發表於 04-4-22 23:48 |顯示全部帖子

Re: 我有一個問題想問大家!

我個fd係奉子承婚,兩個都無番工,但兩邊屋企人都有小小錢,女家又要面,男家卻無錢!
其實佢第一次同我講,叫我做姊妹,我都無所謂;但第二次打俾我,居然要求多多,聽到我火火地!:-x
佢唔係去咩大酒店擺酒,而係去到山卡拉咁遠既大酒樓咋!
佢當然唔係隻怪獸啦,隻怪獸收左啦~佢把衰口,衰到無人有,一野收左佢啦!佢話我生完bb走樣(咁當然中間有d死人說話同粗口啦)我就答佢"驚咩丫你,你一世都無得生架啦!"
題外話:
我個好姊妹阿n就慘d!
話說阿n響某大寬頻度做帶team,無啦啦隻怪獸入左去做sales,好衰唔衰入左阿n條team(佢地本來唔識),返左唔夠三日工,隻怪獸又話阿n唔識做"掃把",唔識分貨......仲話人家條team好快摺!
好啦,過幾日,隻怪獸自己唔撈,尊登重新填form,走左去第二條team,仲要係top team(你見過咁煩既人未??)果條叫得做top team,點會俾佢玩野丫!哈哈!做左唔夠兩個禮拜,又嫌人地唔知咩,又唔做!
都未完架!隻怪獸又重新填form,走左去同公司既另一個部門,今次係 tv sales,隻怪獸話同個"掃把"好熟,話係人地招巴佢去做架喎!點知原來唔係(係我老公話我知!)人家識佢老鼠!過左唔夠兩日~嘻嘻!又唔做,又話人家唔好....
都仲未完架!

隻怪獸同我講,寧願跟番阿n(講到好唔想咁,其實人家都唔想隻怪獸跟番佢)今次仲好笑,帶埋一大班怪獸入去做(隻怪獸當然同d小怪獸講:"我同阿n好熟架....佢一定唔會待薄我!")
佢地搞到阿n顛左,一個又成日遲大到,但成日發老脾;一個又成日似顛賣顛(因為佢真係入過精神病院),番唔夠幾日工居然同阿n講:"我過幾日無錢返工架喇,你借錢俾我啦!",仲有幾隻小怪獸,不過全部都有個共通點:單又無,要求又多!
嘻嘻!係咪覺得小左隻怪獸呢!?!?係呀,好快佢就會消失架喇!響隻怪獸決定去跟番阿n,應承左人地第二日番工,怪獸老公搞顛佢,又番黎屋企(怪獸老公好小番屋企,因為佢響大陸個二奶度,佢一番屋企,隻怪獸就會千方百計留住佢!)
隻怪獸每次應承左阿n第二日會番工,但最後隻怪獸都係唔見左人,耍左阿n N咁多次,上頭已經通知左阿n:"呢個人再玩野,話番又唔番,再唔番叫佢呢一世都唔好入黎呢間公司!"
阿n今日無打俾我,唔知隻怪獸死左未呢!?

ps:我叫d人做"老友",其實係指果個人好麻煩,即是麻煩鬼!

私人傳訊

oknsca

男爵府

積分: 8120

發表於 04-4-23 01:35 |顯示全部帖子

Re: 我有一個問題想問大家!

無錢又學乜人"要排場","做規舉"？
求其安安份份去簽紙,親戚朋友食餐飯咪算囉~!
你個fd咁大個人都唔化架？!留番d錢比BB好過啦!
佢地又無野做點養BB呢？
我支持你唔去!!響屋企湊BB仲開心d~

私人傳訊

殷儒媽咪

複式洋房

積分: 379

發表於 04-4-23 10:33 |顯示全部帖子

Re: 我有一個問題想問大家!

絕對同意! :-P

私人傳訊

可可2003

別墅

積分: 547

發表於 04-4-23 11:17 |顯示全部帖子

Re: 我有一個問題想問大家!

邊有人想人幫又咁多要求架, 俾我真係睬佢都傻, 就算幾老友都係咁話!!

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

wong338

複式洋房

積分: 166

發表於 04-4-23 12:01 |顯示全部帖子

Re: 我有一個問題想問大家!

所謂好朋友，一有事就原形畢露，有時都覺得知己難求

私人傳訊

Mummy

男爵府

積分: 5872

發表於 04-4-23 17:29 |顯示全部帖子

Re: 我有一個問題想問大家!

佢好似神經有問題喎, 如果要求咁strict, 叫佢包起曬所有費用, 唔使姊妹出一個崩, 或者會有人follow佢所謂既rules既。想當年我結婚, 我請d姊妹黎幫我手, 住得遠既我仲出埋酒店錢比佢地之前果晚訓, 每人都有雙封大利是以彌補佢地星期六要請假既 "成本", 我都冇規定要佢地著咩衫, 講真你唔係咩世紀大婚, 使乜咁多麻煩野呀! 仲要規定一定要做人情比佢??? 呢d野隨心架姐, 你覺得幫左手就唔使做人情既咪隨得佢鐘意囉, 送禮物咪一樣係心意。你既friend根本都唔當你係姊妹, 似搵你笨多d。