論盡家傭 今日: 0 | 主題: 134046

積分: 265

1^#

發表於 08-5-3 14:38 |只看該作者 |倒序瀏覽 |打印

印印嚟緊第三張約(7月),
依家猶豫緊同唔同佢簽好,
agent不停係咁叫我搵過第二個,
話印印嚟咗香港咁耐開始成「精」,
話佢態度唔好冇得教,
又話依家個女大啲請賓賓好啲。

的確,第二張約開始,
印印做嘢懶散咗,試過有一排成日黑面,
卒先約翻譯三口六面、軟硬兼施見咗兩次好番啲
舊年仲開始禁食,除咗過印尼新年成個月唔食,
而家仲話逢星期一、四都唔食,
問佢點解頭兩、三年冇咁,佢解釋話當時唔敢講,
其實喺印尼時都係咁禁。
同佢講湊住兩個小朋友,
咁禁食法擔心佢健康同體力應付唔到,
但係佢態度頗堅持,
事實上佢年紀開始大(三十幾),近年病痛真係多咗,
加上禁食前一晚佢半夜要食定嘢刷定牙,騰嚟騰去,
第二日冇厘精神,軟手軟腳,
agent覺得佢咁要求係有心留難我。

覺得難取捨o既係,
我冇時間(大假)教一個新工人,諗起都煩
個大女跟咗印印四年,係佢湊大,
感情幾好,
而家又多咗細佬(幾個月大),
印印都算攪得掂,睇得出佢係鐘意小朋友o個種,
so far到依家冇咩古惑嘢、狂講電話、男女關係或者債務問題
(至少表面冇發現到)

但係印印真係懶咗(如果同第一年比,表現應該差咗30%有多),
晏晝唔係「恰眼瞓」就趁細路瞓晏覺時一齊瞓/睇書/做自己嘢
間唔中會黑面唔啋(通常我老公吩咐佢做嘢會黑啲)
扭計要放week end,唔係情願唔放要補水,
今年仲堅持禁食,
又試過要求我帶佢睇中醫調理(因為佢生咗好多暗瘡),
同埋覺得佢冇以前咁聽教,有時會討價還價咁,

我呢兩日要決定同唔同佢續約,
個心仲十五十六,
印印係咪衰到冇得留低?定係agent想我請一個新o既賺多啲?
同事就話從來唔會同工人續約,因為一續約就越嚟越差,
事實上第二張約開始,印印係變咗好多......

0 0 0

Honeybaby Yan Yan

私人傳訊

caba

積分: 1642

2^#

發表於 08-5-3 15:27 |只看該作者

如果我係你，我唔會續約，除非你最多請多兩年工人，同預左佢會再差d！
否則，就算比你頂多兩年，都要請架啦！咁梗係而家請新架啦！

私人傳訊

方方媽媽

水晶宮

積分: 74328

3^#

發表於 08-5-3 15:31 |只看該作者

佢懶既程度你接唔接受到?
因為一切都係相對既.有好有唔好.
Agent梗係想你請過個新既,佢就可以多賺一筆啦.
Agent既說話唔重要,你自己既感覺與睇法先最重要.

私人傳訊

積分: 265

4^#

發表於 08-5-6 17:13 |只看該作者

諗起舊年我大住個肚,仲要睇佢面色,
仲要晏晝見佢成日蛇咗去訓覺,
真係嬲爆!

又諗起個女細個o個陣,
佢為咗陪個女唱歌,
偷偷咁寫低拼音(o個時印印未識廣東話)學兒歌,
我又心軟......

Honeybaby Yan Yan

私人傳訊

trintrin

男爵府

積分: 6529

5^#

發表於 08-5-6 17:31 |只看該作者

你諗番以前做甚麼, 依家差左嘛. 做多過4年你都要比長期服務金, 咁請個個咪SAVE呢度比AGENT囉. 所以係你仲想唔想見到她.

她開始有要求..都正常, 我個印係我婆婆度做左4年, 係我度都一年, 她以前會話我放假唔出街唔駛比番錢, 但依家問她放平日, 她話情願唔放要錢.

她唔大食唔暈低唔偷錢唔欠錢, 你話係咪已經好好? 我同你都有脾氣都會面黑啦, 更何況她平日唔可以隨便出街, 又真係幾慘.. 點算呢?

私人傳訊

PINKAVA

男爵府

積分: 7534

6^#

發表於 08-5-6 17:37 |只看該作者

原文章由小茹於 08-5-6 17:13 發表
諗起舊年我大住個肚,仲要睇佢面色,
仲要晏晝見佢成日蛇咗去訓覺,
真係嬲爆!

又諗起個女細個o個陣,
佢為咗陪個女唱歌,
偷偷咁寫低拼音(o個時印印未識廣東話)學兒歌,
我又心軟...... ...

你有無同個工人傾過計, 睇下佢係咪有心想做先, 如果工人已經搵夠, 做唔做都得既, 就唔好簽佢, 佢一定會更差. 相反, 工人有家庭負擔, 需要份工同埋都想在你家打工, 咁你就一定要同佢講明你對佢既不滿, 要求佢在呢個月有改善比你睇, 如佢有表現同誠意去改, 你咪用多佢一個約.

私人傳訊

bobo_bo99

積分: 4947

7^#

發表於 08-5-6 17:43 |只看該作者

我之前有個工人剛完滿(第一份合約), 佢一手一腳大我個仔. 對我個仔好好, 好到過左份, 係甘縱佢, 對我個女好差, 有咩唔滿意就係甘投訴, 好煩, 係甘消耗我屋企既厠紙, 飲品, 調味料, 仲要係唔出聲個種, 到你想用想食先會發現冇晒. 手袋污糟叫佢洗, 佢一定話洗唔到, 到我掉左佢, 個工人又話洗乾淨左佢想要, 執我d舊bra,

雖然佢同對我個仔好好, 不過我對佢既不滿都好多, 所以我冇同佢續約, 我知勉強冇好結果. 佢仲好意思同我老公講唔做, 扮扭計想我地挽留佢, 見我地冇行動, 仲甘放風俾我聽佢可以留係到, 不過我地都冇心軟. 都係再請個一個新人返黎.

私人傳訊

Bluestar

子爵府

積分: 12719

8^#

發表於 08-5-6 18:34 |只看該作者

佢係鐘意小朋友o個種, so far到依家冇咩古惑嘢、狂講電話、男女關係或者債務問題
- 做左咁耐, 都無觸犯死罪, 算係咁喇.

agency梗係想你換人啦,
佢除左可以賺你筆agency fees,
還可以大大大賺一筆你個印印的agency fees,
及新印印的agency fees.

我聽聞d agency手上請得落手又有經驗的外佣,
極度短缺,
你個有hk 經驗,
不難找新僱主.
但你請個新的,
教到你傻至上到手,
簡直係幫agency train 緊搖$樹.
你四周圍問清楚先好決定.

我個印印都做左6年半了,
可以自動波,
我唔使煩,
所以我情願俾long service payment
都繼續請,
到佢話唔做, 或犯死罪, 先再煩過.

新印印, 好似一代不如一代,
我唔想博.

私人傳訊

mrsho

積分: 1609

9^#

發表於 08-5-6 19:41 |只看該作者

Try to talk with here first, may be she does not want to continue at your home. I found most of the families lack of communication.

私人傳訊

honeybbb

積分: 3223

10^#

發表於 08-5-6 20:35 |只看該作者

小茹
我同你個case 差唔多一樣, 我而家同yan yan 第4張約, 其實第3張約時已經好懶, 唔聽話, 你叫佢要咁做, 佢應完你知道, 但後來好多都唔聽我吩咐做, 自把自為, 我已經好嬲, 個agent同朋友全部又係叫我唔好續約, 無好下塲, 但我個大仔出世到而家都係呢個工人, 再加上我有左bb, 唔想陀住個肚仲要教新工人, 同埋佢又有佢可取之處, 佢鐘意湊bb, 暫未見過佢偷$, 又係無咩男男女女亂關係, 起碼我無發現, 又諗住個個工人都係衰差唔多野架la, 我而家都大前題都係顧住bb 個方面著想, 用新不如用舊, 佢又乾乾淨淨, 病痛小, 都叫清楚佢為人, 咁家人都讚成再同佢續第4約!

陀住bb 時我resign, 再train 過佢既衞生常識, 經常提佢bb 要好清潔至得, d 野要點做, 要點消毒等! 到bb 出左世, 我都無比晒佢湊, 至係叫佢負責清潔, 到bb 大左d 至比佢抱吓! 但兩個月前, 比我發現佢完全無衞生常識, 我要佢分開晒d 抺布, 佢竟然用抺車布黎抺坐板, 個坐厠係我個大仔同1yr bb 都會用的, 我嬲到爆, 因為佢已經好多野都好唔清潔, 好懶, 黑面, 話完佢, 佢唔食飯, 頂嘴, 諸多藉口, 間工人房very dirty, 著過既衫唔洗, 佢間房地下發現有食完既粟米心, 薯片袋...... 無手尾, 我真係忍無可忍, 鬧佢, 問佢點解做成咁, 係咪唔想做, 係就出聲, 我成全你, 佢又話唔係, 我唔想再忍, 已問定晒點炒工人, 最多自己頂幾個月, 都要狠狠地炒佢, 仲要係即炒即走, 我老公同家人都覺得咁樣好似唔係咁好, 可以既話, 話下佢有改善就好黎好去做到完約!

過幾日, 佢依然係發顛, 朝做掛住講電話, 我同bb 醒佢都未做完家務, 真係

我叫佢攞個電話出黎, 夜晚做晒野至比返你, 佢又好順攤咁比個電話我, 咁我開始部署當日炒佢, 無意中打開佢電話睇到佢同我個細仔一齊影左張相做wall paper, 相中兩個都笑得好開心, 我個心又係心軟, 一個女仔黎到hk 跟我咁多年, 我即炒, 大家都會唔開心....又同佢平心靜氣傾, 問佢發生咩事, 呢排發咩神經, 心諗比埋最後一次機會你, 如果你仲係黑口黑面, 咩都唔答, 算la, 即走! 點知, 佢又好知衰咁認錯, 又話因為自己屋企有事, 所以做到咁dreaming, 咁我又比多次機會.....

但事發到而家.....

原文章由小茹於 08-5-6 17:13 發表
諗起舊年我大住個肚,仲要睇佢面色,
仲要晏晝見佢成日蛇咗去訓覺,
真係嬲爆!

又諗起個女細個o個陣,
佢為咗陪個女唱歌,
偷偷咁寫低拼音(o個時印印未識廣東話)學兒歌,
我又心軟...... ...

私人傳訊

katherine2008

積分: 3815

11^#

發表於 08-5-6 23:55 |只看該作者

hello
大家都是同病相連, 大家千奇唔好感情用事, 動左真感情, 傷心又傷金.

我現在的工人, 佢4年真的好好. 而我又動左情, 同佢4年有感情, 於是約第3個約. 佢乜都有..... 3個月唔見一次身份証..........., 已成"精" .....仲要同佢鬥知鬥力. 心力交碎. 我唯有亞忍到佢約滿, 掃佢出門口.

就講每天晚餐後約7:30洗完d碗, 大家姐就閂門, 請勿打擾她.
我放工後只可以休息到7:30. 我就又要開工做家務. 湊仔.......

記住喎. 我仲要比長期服務金佢喎!

女傭=外人 (佢地唔會感恩架, 所以唔好動真情落d工人到)
理智d呀

原文章由小茹於 08-5-3 14:38 發表
印印嚟緊第三張約(7月),
依家猶豫緊同唔同佢簽好,
agent不停係咁叫我搵過第二個,
話印印嚟咗香港咁耐開始成「精」,
話佢態度唔好冇得教,
又話依家個女大啲請賓賓好啲。

的確,第二張約開始,
印印做嘢懶散咗,試過有一 ...

私人傳訊

katherine2008

積分: 3815

12^#

發表於 08-5-7 00:07 |只看該作者

唔好信呀! 佢地好好戲架. 比個最佳女主角獎比佢地.
我個果份晒可憐. 又話佢d同綁姊妹欠佢錢. 原來係佢欠人錢唔還.

有一天佢d姊妹要太太聽電話, 仲留底電話給佢. 但我表明我唔會理你地.

我將個電話交給她. 初時話唔識佢. 跟住又話係佢表姐, 佢係我面前打電話比姊妹. 收線話表姐約佢星期日去街.

但我看電話撥出記錄, 佢係無打過電話出街. 即是話佢講了幾分鍾電話. 其實係同空氣講野. 跟住同我交代下.

已是"精" , 可以取最佳女主角獎啦.

原文章由 honeybbb 於 08-5-6 20:35 發表
小茹
我同你個case 差唔多一樣, 我而家同yan yan 第4張約, 其實第3張約時已經好懶, 唔聽話, 你叫佢要咁做, 佢應完你知道, 但後來好多都唔聽我吩咐做, 自把自為, 我已經好嬲, 個agent同朋友全部又係叫我唔好續約, 無 ...

私人傳訊

hkrosetw

積分: 1396

13^#

發表於 08-5-7 01:46 |只看該作者

我覺得你個印印係博你炒
可以攞多一個月走人
事關佢都還清錢都唔駛靠你
而你又生多個要佢湊太辛苦
我個friend果個就係做左第三年就開始博炒想搵個個唔駛湊兩個既人家.
你睇下點啦, 我覺得如果佢有心博你炒你都冇謂再留, 唔想補一個月最多咪one month notice 比佢囉, 唯有係咁, 其實換庸人都係遲早既事, 你只係早d面對, 安排一下自己時間睇下點樣尹將自己既時間安排一下. 祝你好運.

私人傳訊

積分: 265

14^#

發表於 08-5-7 15:13 |只看該作者

舊年有幾排印印面口黑到燶,
試過兩次搵翻譯同佢詳細傾過,
仲特登問佢係咪身體唔舒服、屋企有事呀咁,
又問佢係咪怕湊多個bb辛苦,想唔想續約.....

印印又話唔係唔撈,因為屋企等住佢寄錢返去,
又話想繼續同我打工,如果有咩做得唔好,叫我開聲話佢知添,
傾完之後係好過一陣囉,但好快啲嘢又出番o黎。

可能聽得太多其他工人衰o野,所以覺得佢又唔係咁衰卦,
唔知點形容,食之無味,棄之可惜咁囉,
「懶」「黑面」,罪不致死,但係可以好勞氣,仲要係越o黎越懶/黑......

case同honeybbb有啲似,
有時話佢教佢,佢應咗你,
但係又用自己一套方法去做,
頭一、兩年好勤快,唔駛叫都識得自動波,
呢兩年成日都失憶咁,
試過唔記得湊我個女返學

我有一排惟有安慰自己,
佢可能群埋咗一啲唔好o既朋友先變咗遮,
(有一段時間佢識咗一個嫁咗比香港人o既姊妹,成日搵佢笨,又同佢講香港啲僱主幾咁衰)

講真,唔係知道請過另一個都係博一博,
我唔會咁煩,
做媽咪o既,最重要係對仔女平平安安、健健康康,
惟有調節吓自己o既期望囉,

已經決定同佢續呢張約,
因為我老公話一動不如一靜,
啲男人係咁嫁喎,
唔駛佢對住工人,唔駛佢教,唔駛佢勞氣,唔駛佢擔心對仔女,
佢梗係冇所謂啦!

Honeybaby Yan Yan

私人傳訊

積分: 265

15^#

發表於 08-5-7 15:23 |只看該作者

原文章由 honeybbb 於 08-5-6 20:35 發表
小茹
我同你個case 差唔多一樣, 我而家同yan yan 第4張約, 其實第3張約時已經好懶, 唔聽話, 你叫佢要咁做, 佢應完你知道, 但後來好多都唔聽我吩咐做, 自把自為, 我已經好嬲, 個agent同朋友全部又係叫我唔好續約, 無 ...

honeybbb,

我都係駝住bb時resign咗,
留屋企執正下佢清潔同湊女o既方法,
好多時仲自己煮埋飯、做埋家務佢睇,
不過嗰排佢咪非常面黑囉,有時仲叫極唔應,
因為平時佢淨低對住我個女,我兩公婆返工,
冇人話佢,冇人管佢,冇咩壓力,
我留係屋企佢就唔鍾意,
可能係冇王管慣咗,已經唔知要同「老細」交代

Honeybaby Yan Yan

私人傳訊

honeybbb