吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 原來餵母乳唔係想像中咁易.....

心聲留言今日: 11|主題: 17337

收藏本版

發帖

返回列表

跳至頁

查看: 1427 | 回覆: 18

原來餵母乳唔係想像中咁易..... [複製鏈接]

Bobook

大宅

積分: 1562

1^#

發表於 15-1-17 19:15 |只看該作者 |倒序瀏覽 |打印

我未懷孕已經計劃假如日後生BB，一定要餵母乳，因為想比BB最好既。但係原來唔係咁容易，原本係醫院度餵都餵得好好，點知第一晚返到屋企，唔知係咪新環境BB唔習慣，喊咗足足一晚。果晚我倆公婆真係好無助，因為我未上奶，BB狂啜一個鐘仍然爆喊，屋企又無買定奶粉，眼白白望住自己個女喊都沙聲。最後我哋用匙比水BB飲佢先定D。但係亦都係因為咁，BB從此唔肯埋身食

第二日終於等到陪月黎幫手，佢好好，好照顧我同BB。我自細身體唔好，順產差唔多用咗我全部既體力。奶奶同陪月見我咁就反對我半夜起身餵奶（泵奶），我又衰在唔堅持，因為剛生完由床起身都周身痛，所以只有日間努力由吱奶開始。
當然我泵奶亦都泵得唔多，開始時得10-20ml，慢慢增加到約40ml。同時，BB皮膚開始生粒粒.....我奶奶同陪月堅稱因為BB食人奶先生粒粒，BB既便便好稀又因為食人奶；但其實BB每日只食一餐人奶，我好懷疑係咪真係關我事？我知因為我身體虛所以奶奶幫我大補，但係咪真係因為我搞到BB咁呢？
過咗個半月，BB面上既粒粒越來越多，而我既奶量仍然無進展。雖然醫生話BB食人奶量小所以粒粒應該唔關人奶事，但陪月同奶奶仍然認定係人奶既問題，陪月仲唔敢比人奶BB食。我好唔開心，我知所有人都係為我同BB好，但亦因為佢哋影響咗我餵母乳既目標。
到依家我終於放棄咗餵母乳，一方面奶量根本追唔上BB既食量，而產假後亦無咁多時間泵奶；另一方面奶奶同陪月認定我既奶令BB有粒粒令我好難受，亦好懷疑繼續比人奶BB究竟係咪好呢？
其實我真係覺得好唔開心亦好可惜。仲記得BB出世埋身食果一刻，真係令我好懷念。可惜呢個溫馨既感覺我已經再無機會感受了。

0 0 0

私人傳訊

carol0302

大宅

積分: 1843

2^#

發表於 15-1-17 19:27 |只看該作者

回覆：Bobook 的帖子

我覺得生粒粒唔關人奶事，我囡頭幾日食人奶無出，之後唔夠奶補奶粉就出，仲越出越勁，轉左奶粉先好d，直至6個月d粒粒先無曬，食人奶當然好，但唔夠食奶粉一樣無問題，我囡食左7日人奶咋，依家3歲so far 無咩點病過，有朋友餵左個幾2個月，個囡成日都病，所以唔洗太介懷

私人傳訊

黑色誘惑

子爵府

積分: 10676

3^#

發表於 15-1-18 00:46 |只看該作者

回覆：原來餵母乳唔係想像中咁易.....

餵人奶的確係一條唔容易嘅路
即使我已餵了2年，現在再啟動餵細
b亦是一大挑戰，但唔好因為餵人奶問題而唔開心，你陪伴佢成長，同佢一齊共渡快樂溫馨嘅時光將會有好多，例如帶佢去公園，氹佢訓覺，抱佢，接佢放學…
即使你堅持餵人奶，又何嘗唔係有完結嘅一日
我諗番我大女食人奶嘅時光都好懷念，但係而家佢大個左，睇住佢跑跑跳跳又係另一種開心

私人傳訊

Bling11

子爵府

積分: 12943

4^#

發表於 15-1-18 12:35 |只看該作者

回覆：原來餵母乳唔係想像中咁易.....

咁母愛又唔係淨係餵母乳既

私人傳訊

momoakira

水晶宮

積分: 57088

開心吸收勳章 BK Milk勳章

5^#

發表於 15-1-18 14:00 |只看該作者

回覆：原來餵母乳唔係想像中咁易.....

我身邊未見過有bb唔生粒粒乜唔係個個b都會生既咩

我開刀bb一出身就比姑娘用樽餵左奶粉，bb唔肯埋身

我索性做全泵媽,成功全人奶餵到兩歲

想奶多半夜一定唔可以懶

起身泵

飲乜都係假

私人傳訊

cindytsg

男爵府

積分: 6391

陪月勳章

6^#

發表於 15-1-18 16:27 |只看該作者

當日我都堅持人奶, 不過在醫院都學餵樽, 陪月又叫我買一罐奶粉做spare, 最後全人奶2 年, 細b出世, 我都吾敢吾買spare, 而家又全人奶2年啦

其實好多野要留意多些, 睇多些, 問多些, 經一事, 長一智啦

私人傳訊

natjosejim

水晶宮

積分: 71331

育兒性格勳章我的育兒心得勳章畀面勳章 BK Milk勳章 hashtag旅遊勳章

7^#

發表於 15-1-18 19:45 |只看該作者

回覆：原來餵母乳唔係想像中咁易.....

加油

無需要再同奶奶和陪月討論粒粒問題，佢地已有定見，但其實只是佢地自己話啫

私人傳訊

樂希媽媽

男爵府

積分: 5156

8^#

發表於 15-1-19 10:56 |只看該作者

邊有陪月唔鼓勵餵人奶㗎

私人傳訊

大細心

男爵府

積分: 6480

開心吸收勳章美好大世界2017勳章最關心BB問題熱投勳章認識瑞士牛牛第一回

9^#

發表於 15-1-19 15:54 |只看該作者

過去了 ...... 不要再想。餵人奶真係很辛苦, 少時間休息。我都覺得對 bb 5住, 頭幾星期, 很勤力。之後, 補了奶粉就懶了。加上長老不支持人奶, 有說話聽, 整個坐月期不開心。湯水不足都影響奶量。

私人傳訊

mrspandasony

大宅

積分: 1718

10^#

發表於 15-1-19 15:56 |只看該作者

回覆：原來餵母乳唔係想像中咁易.....

唔好唔開心呀！

雖然個個都話乳房大小同奶量無關！假既！我係標準普爾AAA評級，生B前都預左冇乜奶，結果真係無乜！

我真係好努力，但無就係無

我仔一出院已經食120ml, 坐火箭都追唔到，結果每餐可能有30 - 50ml 人奶，其餘補奶粉⋯

日泵夜泵，呢7個月真係虐待，仲要係食奶粉多，為乜呢

如果我再生，有好多奶就餵，冇就食奶粉！無謂攪到自己咁淒涼

其實唔洗泵奶，多D時間陪Bb，唔係更好嗎？（這是我C6跟我說的，他一直很支持和愛我，我泵到D奶，佢即刻幫我買雙泵；去到最後，見我很辛苦，也跟我說以上那番話。最後我發高燒，睇左醫生，食了藥，已經唔敢比人奶Bb食了，順便收工了）

私人傳訊

amy2332005

大宅

積分: 4617

11^#

發表於 15-1-20 14:43 |只看該作者

你仲想唔想堅持?
我身邊有好多放棄左再堅持的例子
我自己都成功餵到依家11 個月全人奶

你要餵人奶頭3個月多數都辛苦都爆燈, 睇你忍唔忍受到啦~
依個時候多數奶奶都唔會支持你, 除非佢都係餵過人奶

我個陣都出過胎毒粒粒
好彩既係我陪月係支持餵人奶

佢話粒粒係咪都會出, 你補身係得坐月依次機會
粒粒出對BB無乜壞影響, 咪由佢出囉
點會為左補身出粒粒唔餵人奶?

同埋人奶便便出名靚, 因為容易消化吸收
係會水狀, 但係依D先係正常便便
點解要食奶粉食到BB便秘, 消化唔到D奶粉D 便便一舊舊D人先當係正常呢?

佢地無人奶知識
作為媽媽你唔係應該跟佢地咁做
加油媽媽

私人傳訊

M.A.C

伯爵府

積分: 17773

12^#

發表於 15-1-20 17:16 |只看該作者

加油。。。。唔好怪自己，人人唔同情況嘛！

私人傳訊

catlee324

男爵府

積分: 7361

13^#

發表於 15-1-21 17:10 |只看該作者

回覆 mrspandasony 的帖子

xdxd 我個舊同事有D/E級一樣無奶出我估真係唔關乳房大小事

私人傳訊

taey

大宅

積分: 2861

14^#

發表於 15-1-22 11:58 |只看該作者

樂希媽媽發表於 15-1-19 10:56
邊有陪月唔鼓勵餵人奶㗎

我都覺得有D陪月唔鼓勵, 因為餵樽方便佢地, 但如果埋身小, 奶就跟住小

私人傳訊

ttiron

洋房

積分: 95

15^#

發表於 15-1-22 12:42 |只看該作者

奶量多少係乳線問題，同國際評級無關。

原則上個B有乜風吹草動都算入阿媽數.....實係阿媽問題..(d外人一定係咁諗，無需介意)

出粒粒有好多原因，空氣、塵、敏感、熱氣、BB腸胃唔好......要搵原因真係要樣樣試先知。原則上人奶係最適合BB飲，其他乜都假。

喂母乳的確需要好多付出：愛心、時間、恆心、堅持....

所以母愛真係好偉大家！！！

申利：我係爸爸

私人傳訊

Bobook

大宅

積分: 1562

16^#

發表於 15-1-23 05:44 |只看該作者

多謝各位既留言。你地真係完全明白我既感受，作為一個窮媽已經好煩惱點可以增奶，周圍既人愛理不理仲要有乜都賴d奶有問題真係令我好唔開心。
BB已經無食人奶個幾星期，初時d粒粒係收晒，我仲以為真係d人奶影響所以BB無再出粒粒。不過呢兩日又出返黎了!講真我見到d粒粒反而幾開心，起碼奶奶同陪月無直口再話d奶有問題。
其實我都講過好多次話便便水係因為吸收得好，但d老人家好似聽唔到你講野咁(亦都唔會信la)。其實我每日先比得一餐人奶，d奶又唔係瀉藥，點可能令全部便便變成水？反而成日話比BB食保嬰丹因為佢訓得唔好

我都唔知佢地諗乜既，我d奶起碼知來源都覺得唔好，保嬰丹d成份係乜都唔知就係仙丹

所以我有晚喊晒咁同老公講，由佢出面阻止左BB食保嬰丹。
我都知將來會同BB有更多回憶，但我始終覺得如果當初堅持到底，今日就唔洗提早收泵，真係好唔捨得。我亦都唔想再同佢地討論呢個問題，佢地係唔會聽既。

私人傳訊

bbjoanna

大宅

積分: 1898

17^#

發表於 15-1-27 17:04 |只看該作者

我個人估計, 你99同陪月應該未親身餵過人奶俾自己BB食, 所以咁盲目, BB生粒粒係因為佢身體代謝未成熟, 中西醫都係咁講

絶對唔好俾BB食人奶同奶粉以外既野, 除非醫生話需要食, 俾左只會搞到你同BB, 對99同陪月無傷害, 因為個B唔係佢地, 佢地唔會咁肉痛, BB有事時, 最肉痛個個係你

私人傳訊

Miyatachan

大宅

積分: 2898

18^#

發表於 15-1-27 23:01 |只看該作者

本帖最後由 Miyatachan 於 15-1-27 23:03 編輯

你個陪月甘冇常識架。BB 出粒粒係媽咪進補熱氣。我果時食左豬脚薑後喂BB ,出得好勁吖！後來我泵走D 奶唔要。再俾下一round 奶佢飲先好番。仲有帶你奶奶去健康院复診,當醫生面問點解D 便便會水,點解會出粒粒,等醫生塞住佢把口。D 人以為自己生過仔就咩都識曬,一D 母乳常識都冇,凭咩話係母乳嘎問題吖！仲有,你要相信自己,就好似有信仰嘎人甘,未見過神同鬼都堅信世界上係有嘎。只要你信同咬緊牙關就可以啦！無需理佢講咩,個B 係你架。想要奶量多真係要係夜晚密密喂,1.5-2小時就要喂一次,較定閙鐘。仲可以重新上奶架。夜晚是造奶最佳時機,荷爾蒙最旺盛時候,所以夜晚唔好懶,我囝囝14個月仲喂梗。我有肩周炎,唔够訓全身都痛,特別係膞頭,好似俾針拮甘,一路喂一路喊。乳線塞,經歷過乳頭感染真菌,果種痛係旁人無法理解嘎。吖B 一啜果下痛到標淚,跟住又好似閃電般痛,又似俾門較夾親般痛,止痛藥都止唔到,係地下典來典去,醫生話止痛藥都唔得就冇其他方法啦