母乳餵哺

跳至

首頁
1

尾頁
   0


大宅

積分: 1870


發表於 04-4-25 12:12 |顯示全部帖子

我真的想放棄..........!!!!!

我真係想放棄......!
之前我都講過我個bb剛3個月,但係近排佢越食越密,我真係好似滿足唔到佢咁,由朝食到晚,真係覺得好吃力,係佢2個月時都好好地係3-4個鐘一次,有時晚上可以由11:00至朝早7點先食,而家無啦啦好似剛出世咁食法,我覺得我真的夠奶俾佢食,之前我仲好有信心,因為我真係幾多奶,不過我發覺bb好似食好多咁,每次食一邊都唔夠就發脾氣,之後我俾另一邊佢食,佢食完又發脾氣,無時無刻都食,搞度根本都未有奶佢已經要食,即係等於冇奶佢又食,所以我好想唔餵,真係好辛苦!我已經好好休息,飲好多流質既野,之後佢未3個月時我仲餵得好好,我真係好開心,不過自佢剛3個月我就覺得仲吃力,同冇咩奶滿足佢,唔知係唔係佢突然食得多左,所以我就唔夠!!!!!!!!真係好心煩!!!!!!!!!!!!!!! :-( :-(


複式洋房

積分: 160


發表於 04-4-25 17:40 |顯示全部帖子

Re: 我真的想放棄..........!!!!!

三個月bb進入了快速成長期growth spurt,所以要吃得特別多,他吃得密,就是刺激你多造奶配合他的需要,孩子多吃,長得快,我們當媽媽的應該開心呢,你一定夠奶的,我的孩子剛滿四個月,你說的我都試過了,下一次是六個月呢,大家好好努力吧!


複式洋房

積分: 160


發表於 04-4-25 18:01 |顯示全部帖子

Re: 我真的想放棄..........!!!!!

這是我從一個育兒網上找來的資料:

至於寶寶突然比以前更加頻繁地哺乳,很多新媽媽都有類似的抱怨:“他怎麼除了吃奶就是吃奶!” 在《育嬰手冊》裏,作者西爾斯醫生說,新生兒頭幾個月裏,總有頻繁哺乳的時候,他將這樣的孩子昵稱為“馬拉松運動員”。這是因為他正在經歷一個“猛長期”。一般來說,“猛長期”出現在三個星期、六個星期、三個月和六個月左右。這時嬰兒所需要的養分比較多,他就通過頻繁吸吮來刺激母親製造更多的乳汁。在這種時候,堅持勤喂幾天,一旦乳汁分泌量達到寶寶的要求,他的吸吮自然會降低頻繁程度。

“猛長期”這個辭彙,對於中國媽媽來說相對比較陌生,卻是國外育兒領域裏耳熟能詳的一個普遍概念。在《第一年都應該期待些什麼》一書中,幾位身為兒科專家的作者不無幽默地比方道,“母乳跟水井可不一樣,不會因為過分抽取而乾涸。事實上,恰恰相反,你的寶寶吃的越多,你的乳房就會生產越多的奶。”接下來,作者也解釋了嬰兒“猛長期”現象,並總結道,“在這種情況下,寶寶的大飯量不過是大自然保證母親身體增加母乳分泌量以滿足孩子生長需求的手段。”


珊瑚宮

積分: 110463

2019新春慶豚圓 2019勳章 好媽媽勳章 畀面勳章


發表於 04-4-26 01:47 |顯示全部帖子

Re: 我真的想放棄..........!!!!!

bb一路大..食奶既量就會越黎越多架啦..忍下啦..過一排..佢啜得越多..你d奶就會越多..當你d奶多到滿足到佢...佢就唔會咁架啦...而且佢肯食你應該開心嘛^^佢食得多..長得快...或者你試下夜晚餵佢多d丫...我睇書話夜晚餵奶最能刺激母親分泌人奶架喎


禁止訪問

積分: 1163


發表於 04-4-27 11:33 |顯示全部帖子

Re: 我真的想放棄..........!!!!!

提示: 作者被禁止或刪除 內容自動屏蔽


複式洋房

積分: 294


發表於 04-4-28 00:04 |顯示全部帖子

Re: 我真的想放棄..........!!!!!

Edison ma,
How are you? remember me? I'm one of the April 02 club mothers. my second one is now 2 months old! I breastfeed also but I feed him with half breast milk and half formular.
I wish I could also direct feed like you but difficult to change now.
Remember to rest more and drink a lot of soup and water!!! Take care.
aa


大宅

積分: 1870


發表於 04-4-28 00:26 |顯示全部帖子

Re: 我真的想放棄..........!!!!!

各位,
多謝你地支持,今日終於好d了,隔3-4個鐘一次,因為我係第一1次餵人奶,所以唔識,好多謝你地幫我,我一直都堅持,因為我餵全人奶已經2個月,所以我唔會放棄架!因為我同佢出街好多人都問我佢有冇4個幾月,我話剛剛3個月,個一刻我覺得辛苦都值得架!

ACmama,
我梗係記得你啦,你知唔知,我個細仔同你既細仔只係差一個月,因為我既細仔係1月22日出世架,係唔係好得意,因為你有2個仔仔,我又有2個仔仔,大家都係差唔多出世,最近有冇去April 02 club mothers 既活動呀?得閒我地出黎呀!!!!多謝你支持我,你都要努力呀!!!


大宅

積分: 3651

好媽媽勳章


發表於 04-4-28 00:32 |顯示全部帖子

Re: 我真的想放棄..........!!!!!

Edison 媽咪,
我個囡bb時都是這樣, 更要 2 個鐘到就要餵, 個幾月大介了夜奶, 到5個月大, 又會夜晚醒來, 要吃奶.真係幾辛苦.
個姑娘都話係growth spurt階段.
堅持落去啦, 遲些, 到bb懂爬時, 會吃完一面, 自己爬過(碌過比較似d)另一面吃, 很有趣的.
而她現在健康體能都幾好, 我深信是人奶給她打下了良好基礎.
加油呀.


男爵府

積分: 6297


發表於 04-4-28 09:23 |顯示全部帖子

Re: 我真的想放棄..........!!!!!

我個bb6個月大,近日也吃得很密,尤其是半夜,可吃兩三次,但我總相信明天會更好,努力呀!


版主

積分: 15972

版主 好媽媽勳章 醒目開學勳章


發表於 04-4-28 13:45 |顯示全部帖子

Re: 我真的想放棄..........!!!!!

本帖最後由 Glad 於 12-2-10 09:29 編輯

happybaby1219,

謝謝你找來轉貼的資料! 早陣子我無意發現這篇文章出處的嬰兒網, 有走馬看花式略看開端, 本想在這兒介紹, 因為走鬼就錯過了, 其後電腦重裝就找不回了! 此刻給你的轉載部分, 終於找回了!

各位媽媽來分享整篇原文吧!

相信母乳(上)
相信母乳(下)

(另有轉載繁體版)

願每一位正遇上困阻的媽媽, 又或者努力克服中的媽媽看過後, 對母乳、自己和寶寶更有信心!

【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


洋房

積分: 49


發表於 08-10-6 13:19 |顯示全部帖子
食母乳D bb 真係聰明D 架


珍珠宮

積分: 43602

2019新春慶豚圓 2019勳章 HiPP勳章(1) 2018母親節勳章 2018復活節勳章 Poo得好勳章 畀面勳章 BK Milk勳章 最關心BB問題熱投勳章 美好大世界2017勳章 開心吸收勳章


發表於 08-10-6 14:35 |顯示全部帖子
我個女而家 10 個月都要 2 個鐘到就要餵 ~ 係咪唔正常呢 ?

一直都係埋身餵 ~ 但好怕人奶已經滿足唔到佢

仲有佢想瞓就一定要邊食邊瞓 ... 係咪唔正常呢 ?

想轉奶粉 ~


大宅

積分: 2624


發表於 08-10-6 14:40 |顯示全部帖子
我囡囡4個月啦, 一個月時已介夜奶, 唔知點解又食夜奶(已經五日啦), 之前猛長期都係兩日
, 返工前係全人奶, 現在要補2餐奶粉, 要7~8oz, 因為佢食量好多, 我根本滿足唔到佢, 所以真想放棄, 但睇完大家嘅說話, 我會努力以赴


別墅

積分: 774


發表於 08-10-6 20:19 |顯示全部帖子

Vitamin D

There is also one possible reason: lack of vitamin D. "Your Baby's First Year" talks about breast feeding at great length. It says that exclusively breast fed babies need to be supplemented with Vitamin D drops, unless they are exposed to some sunlight. If they lack vitamin D, their brains will not be able to tell that they have enough food already...


大宅

積分: 1218


發表於 08-10-6 21:03 |顯示全部帖子
我餵咗bb 9個月半就收工, 以家覺得可惜, 但係冇得返轉頭, 所以大家努力! 我好慶幸bb之前有人奶飲, 佢第一次有少少感冒係13個半月, 我諗如果佢飲到依家應該仲未感冒添! bb飲人奶肥肥白白, 一直係50線, 依家飲奶粉仲跌到25線....

首頁
1

尾頁

跳至
你需要登錄後才可以回帖 登入 | 註冊