心聲留言

跳至

首頁
12

尾頁
   0


子爵府

積分: 11510


發表於 04-4-25 23:37 |顯示全部帖子

頂我亞媽唔順...!!!

我亞媽講嘢不嬲係唔經大腦出既人...咁多年以嚟都貶低咗我既能力,成日都講到我好差,仲講咗好多傷我心既說話...好似早幾年同我講(記住係閒談好坦白咁講):"你係咪覺得媽咪鍚哂大佬同細佬,唔鍚你?(我係覺得佢當我大佬同細佬係神咁拜,但無覺得佢完全唔關心我...) 係咁架!不嬲都係媽咪鍚仔多過鍚女架啦,女係留番俾爸爸鍚~!( <---我心裡面既反應...)係真架!事實嚟架!全世界啲亞媽都係鍚仔多啲架啦!..."講衰少少,佢咁大個人駛唔駛講埋啲咁幼稚無知既說話???咁其他生女唔生仔既母親咁點算???無仔俾佢地鍚係咪唔要自己個女先??? :-x 都唔知咩道理嚟!
...啱啱又收到佢長途電話(佢依家住加拿大),總之唔鬼聽佢電話,聽完火都噴埋出嚟~!!! :-x :-x :-x 佢既偉論又嚟!佢話我大佬响電話度話俾佢知我依家去咗打工(做文職),猛咁問我間舖係咪已經無開唔做,我話唔係,我話我老公幫我頂埋間舖做到八月尾...跟住我話等到十月尾我完咗文職份工既合約,先至再開舖,and then佢就演講喇:"(大致既內容,因為我實知佢又講啲打擊我士氣既說話,所以我中間係離開咗個聽筒唔聽佢發up phone...)你呀,好好地忍住唔好同同事嗌交,好好地做埋份工佢喇...(中間一大忽我係無聽...)...=.= 人地話你乜你咪唔好理唔好同人嘈... ...好似你細佬咁,初初嚟加拿大都係唔適應架,都係成日有人話佢講佢壞話,搞到自己唔開心,跟住佢都無理到人地話佢乜啦,依家咪幾開心...(=.=....Zzzz...)..."跟住我打斷佢說話:"(客氣地)咁我依家啲同事個個都好好,無小人响度...同埋我都係做六個月就走..."跟住我亞媽又話:"係呀...總之你就唔好再同人嗌交啦!!!" 我即刻好認真咁問佢:"咁你响邊度覺得我會係低EQ鐘意同人嗌交既人??"跟住佢答既野就經典喇~!!!佢就九唔答八甩甩地口咁話:[size=large]"吓...吓...無呀...我覺得咋..." :-x 真係俾佢吹到BEAR BEAR聲~~~!!你覺得就係架喇???跟住我問佢:"例如呢?有咩實例令你覺得我係咁既人?" 跟住佢都係甩哂口咁:"[size=large]吓...吓...哎呀!你契爺打電話俾我添!唔傾住喇!下次再傾啦!!!(然後收線即閃~!)"

:-x 頂!!!都唔明解佢會咁睇自己個女!如果我真係咁唔掂,我大佬嗰類直腸直肚既人都會話咗我先啦!星期五我做錯嘢個秘書都唔駛話完我仲會自動走埋嚟同我道歉仲要話我好脾氣好態度啦!好似細個讀書咁,佢大我話如果我考試考得好,就俾錢我學打鼓,我即刻考個全班第二名嚟,佢又係無讚不但只仲要話:"你呢間都唔知咩那JAR學校嚟既(我讀果間都係BAND 2名校...),你果班第一名嗰個都唔會叻得去邊啦!"無讚不但只仲要係彈,然後梗係無口齒話佢無應承過我俾我去打鼓,仲話如果有講過嗰個唔係我亞媽咁話! :-x

:-x 到咗我番第一份工,佢又係咁亂講嘢嚟打擊哂我士氣,一打個電話黎就話:"你生性啲啦!睇吓你大佬讀書又叻...(下刪數百句)..."之後我即刻打個電向我大佬投訴亞媽,我大佬都幫我話亞媽,但我亞媽唔夠我大佬拗,就走去同我呻:"都唔知你大佬諗乜..."心諗,你講事實既我會聽,但係你係咪都講,吓吓都未經証實憑自己感覺就當自己諗既嘢係事實係真咁話人,好多時都會好HURT人,我唔想HURT佢,所以唔會話佢,佢都唔會聽我講架啦!連我大佬呢類咁大膽話佢既人,都點唔醒佢...難怪我大佬有時講起我亞媽都會勞氣話:"你問佢係咪思覺失調!咩都覺得就當係真~!(我亞媽成日話我大佬唔愛佢...但實情我大佬番工忙到無時間打電話...我都好難先至同到大佬傾電話啦!)" :-x :-( 至弊我唔知點解硬係會俾到我亞媽打擊我自信心同士氣,明明好信心好有士氣咁做一件事/一份工,都會因為我亞媽咁連串'精神打擊'而搞到我由無乜壓力變成好大壓力,覺得自己真係好唔掂咁,最終都會成為我唔撈/唔成功既原因之一, :-( 我真係响佢心目中咁無用咩? 如果我真係咁無用,點解出面人欣賞我睇得起我,係得佢一直都睇唔起我? :-( 佢始終係我親生亞媽嚟,就算佢唔鐘意讚我/欣賞我,但至少十次都有一次係讚我係睇得起我啦...呢一刻,我真係唔想再聽佢把聲...唔想啱啱番份新工就俾佢打擊我士氣...依家佢講啲說話同緊我內心打緊仗咁...好辛苦...好怕聽日番工做嘢做得唔好... :-(


別墅

積分: 630


發表於 04-4-25 23:57 |顯示全部帖子

Re: 頂我亞媽唔順...!!!

我覺得凡事睇淡d,老人家都係關心妳啫,唔算打擊你士氣!
瑗瑗BB女[img align=left]http://www.imagestation.com/picture/sraid139/p0ac2648a663a4a2dabe4beca679a42f9/f7009e02.jpg.thumb.jpg[/img]


子爵府

積分: 10379


發表於 04-4-26 00:03 |顯示全部帖子

Re: 頂我亞媽唔順...!!!

bandband,
我都覺得你媽咪只係出於關心o者,係咪你諗埋一便呀?
如果佢唔錫你,直頭唔理你啦!
我諗世界上無一個阿媽衰到突登打電話比個女去挫佢個士氣囉!
睇開d啦!


子爵府

積分: 11510


發表於 04-4-26 00:50 |顯示全部帖子

Re: 頂我亞媽唔順...!!!

我唔係話佢完全唔關心我,只不過講任何嘢都留有餘地,佢講嘢真係好老土囉,我係諗埋一邊,我都唔駛忍佢咁耐,亦唔會餐餐都頂唔順佢同我講既說話啦...如果佢個人係對乜人都係咁既態度都仲有得講,但唔係,佢對兩個仔(我大佬同細佬)同埋個繼仔(我契哥,即係佢依家個老公同前妻生既仔)既態度真係唔同囉!況且佢都講到出口話到明佢剩係鍚仔,個女係留番俾爸爸鍚...仲要係好認真同你講,仲話呢啲係事實係道理嚟...聽完嗰刻真係唔知好嬲定好笑!好笑就係佢咁大個人仲講埋啲咁幼稚既嘢,好嬲就係可以兜口兜面咁同我講埋啲咁既嘢...咁多年都係咁,係咪做女係零舍無用既呢???點解佢由細到大都係咁同我講呢番謬論???如果我真係諗埋一邊,我大佬又為乜事每次都係幫我而唔幫佢???我大佬本身係一個好公正既人,啱就會認同你,唔啱就會直腸直肚咁話你,會同你分析對錯亦會去討論,而唔會憑感覺去偏幫邊個...我都唔知點講...我亞媽個file太花,剩係佢由細到大對我所做所講既嘢真係講十年都講唔完...有時連我老公都頂唔順我亞媽,好似我亞媽每逢約我同大佬去佢屋企食飯,佢第一件事實會咁話:"咦?你個仔不如俾你老豆嗰邊工人湊啦,你個仔咁曳,我怕佢會打爛我屋企啲玻璃櫃~!" :-x 頂!聽講我個仔都係你個外孫嚟!仲有一次佢個仔(即係我同母異父既細佬)有幾架模型車爛咗,佢即刻打個電話嚟投訴話我個仔上次嚟佢屋企整爛我細佬兩架模型車,我即刻氣頂,我即時問佢:"我個仔嗰日剩係玩玩具巴士(鐵造嗰啲呢),仲要係你地俾佢玩,但無玩維維(我細佬)啲模型車,咁借問聲我個仔點樣整爛同幾時整爛?"跟住我亞媽又口窒:"aeee....aee....哎呀!唔好再講喇~!" 咁你又賴我個仔?!我老公知道咗之後都有啲不滿咁話:"做乜你亞媽好似講到我地個仔好曳咁架~!!! :-( "講完我個仔又話我老公,講到我老公虐待我咁,郁啲吓就講話有骨咁,好似頭先咁,我都話咗我番工,老公幫我看舖,佢仲要話:"你老公無嘢做喇,間舖依家無開喇???"....=.=都話我老公幫我看舖囉...又要我講多兩次,佢先至肯停... :-x 我知佢唔鐘意我老公,覺得我老公唔係有錢佬(我仲係女嗰陣,我亞媽講到明我要嫁入豪門...白痴低能!!!),年紀大我好多...等.拍拖嗰陣佢務求我離開我老公,佢一見到我就會mark大眼講大話:"亞邊個邊個亞姨呀,响街見到你同你男友拍拖,個個都話你地好唔襯呀!(好認真好似係事實咁既樣咁講)"十次見到佢,佢十次都係講一式一樣既大話...我同大佬講,我大佬第一個反應同我一樣,都係一開口就話:"低b~~~!!!成日都話要你嫁入豪門"(咪就係~!!啲師奶睇得電視多,上咗腦!)...跟住我大佬就叮囑我唔駛理亞媽講嘢! 但真係好難同到佢傾偈(莫講話相唔相處到...),一見面就對你七沉八踩,但對住大佬就當偶像咁拜,心諗,佢鍚哂大佬我覺得無問題,但就真係唔好講到我咁囉!我覺得好辛苦...但佢又唔聽亦唔信咁樣會係影响到人...唉...真係唔知點講,我係明白各位媽咪講既道理,我係知佢有關心我,但關心還關心,都唔係睇到個女咁低囉...我都唔係咁無用啫...我亦好幸福,老公對我好好...點解係要同我玩相反,真係唔明,有時同佢講心事,講吓兩公婆既嘢,其實好小事,但佢都可以講到要我考慮離婚果隻態度...唉...真係無嘢可以同佢講... :-(


別墅

積分: 622


發表於 04-4-26 00:57 |顯示全部帖子

Re: 頂我亞媽唔順...!!!

嘩bandband 你打字好快呀!你係唔係打倉頡呀?
d男人係咁,唔好擺係心!
[/img]


子爵府

積分: 11510


發表於 04-4-26 01:00 |顯示全部帖子

Re: 頂我亞媽唔順...!!!

lsl,

係呀,我係打倉頡架~!迫自己打得多咪快啲囉...暫時我既打中文字紀綠係一分鐘打七十九隻字...

同埋,我呢個topic係講緊我亞媽...因為今日俾我亞媽激到噴煙~~~!!!


子爵府

積分: 11510


發表於 04-4-26 01:10 |顯示全部帖子

Re: 頂我亞媽唔順...!!!

反而我亞媽個老公(即係我契爺),以前我就唔鐘意佢吓吓講錢,依家反而我欣賞佢多過媽咪,感覺正常啲,真係覺得佢對我好,講真,我又唔係佢親生女,但佢對我好似親生女一樣,依家佢仲會同我傾偈,我講番我呢排既事,佢都係講好多鼓勵性既說話,例如:"好吖!大個女喇!依家識得諗喇,契爺都覺得好開心!俾心機啦!做生意唔係一件容易既事,不過人有鬥心係件好事嚟既,俾心機去做啦!開心啲啦,傻女~!" 我真係覺得好warm囉...有時佢見我番舖頭開工無時間買飯食,佢都會主動買啲嘢俾我食,有次仲專程叫工人整蟿俾我食...講真,佢真係真心對我好似親生女一樣咁好...我都好感動~!


子爵府

積分: 12826

好媽媽勳章


發表於 04-4-26 01:16 |顯示全部帖子

Re: 頂我亞媽唔順...!!!

頂我亞媽唔順~~~~~~~~Me too!!!
I want go back with my bf because i think it must be happy than now.No need to listening her talking.My mum's thinking is the same with your mum!!!!

不要五十步笑一百步;不要看見人地眼中既刺而忘記了自己眼中的樑木;做人要對得住自己~


子爵府

積分: 11510


發表於 04-4-26 01:30 |顯示全部帖子

Re: 頂我亞媽唔順...!!!

其實我老豆同亞媽都係一個極難相處既人...但係老豆至少都有一刻俾人關心愛鍚佢既時候,雖則少,但都好過無,但我亞媽唔係...唔知點講,我同佢相處方式只可以維持响極度客氣既程度,點到即止...唔可以談心!相比之下,奶奶都friend 過媽咪同我~!至少我耐無見奶奶都會掛住會主動打電話同奶奶傾偈約佢行街街...但亞媽我就唔會~~!!唔係未試過主動約佢,只係每逢我約佢,佢就會搵千萬個理由唔去:"行咁多路我會腳痛腰痛血壓高;...湊你細佬又要照顧契爺,我好唔得閒,好多嘢做,出唔到嚟..."反之我大佬一得閒,我亞媽就會十萬火急咁打電話去約佢飲茶食飯,事後我大佬無啦啦問我點解嗰次唔出嚟食飯,我話媽咪無講我唔知,我大佬話:"唔係喎,我問媽咪點解你唔嚟,佢話搵唔到你/你話唔嚟喎...".......=.= 大家明喇吓....!!!


男爵府

積分: 7907


發表於 04-4-26 05:54 |顯示全部帖子

Re: 頂我亞媽唔順...!!!

哇,你打成咁多字, 證明你真係好嬲....
十隻手指有長短, 人總會有些偏心, 只不過你媽咪講到出聲啫. 可能佢好似你咁, 比較直時又多野講, 咁就不停重覆個別針對你缺點的論調而已, 你唔好放上心.

等我講個故仔---
有個女仔同阿媽鬧交, 走到街上流連, 無錢又肚餓, 有個粥舖老闆給了她一碗飯, 她感動得喊起上來。
老闆不以為然咁講: 「我給你一碗飯, 你就咁感動,你阿媽替你弄了幾十年的飯呢!!!」女仔恍然大悟, 回家跟阿媽重修舊好。

你契爺給你買野食, 令你感動, 但你阿媽都給你弄了幾十年飯吧?? 是不是也該有少少感動?? 話你兩句, 幾咁閒呢??
我覺得你生氣是正常的, 但如果嬲到猛打字來發洩 , 我覺得是把不開心的事放大了很多...

希望你唔好介意我講咁多野...


複式洋房

積分: 271


發表於 04-4-26 06:14 |顯示全部帖子

Re: 頂我亞媽唔順...!!!

我又唔覺有乜咁頂唔順哦,好普通既對話,做你媽媽都唔見得幾好哦!此終係你媽媽,如佢知你係到咁樣公開你地既私人對話,你估佢又頂唔頂得你順呀,我唸你都好細個,我平時都有睇到你既文章,好多都反影到你好幼自,小事化大,其實你係米冇乜朋友架?冇人同你傾計?你好多文章都誇大標題,實則好無厘頭,其實有冇聽過家家有本難唸的經或家醜不出外傳呀?大個女架啦,d咁少既事就大方d,此終係你呀媽,唔好將老人家公開審判啦

我唔係想


複式洋房

積分: 263


發表於 04-4-26 09:15 |顯示全部帖子

Re: 頂我亞媽唔順...!!!

To babybabybaby:

Please don't worry what I say.
I thinks bandband just find a place to let herself cool down. I thinks after she said to us, she will feel better. althought I know that is 私人對話, but all of us never know who is her mum. So nobody know who they are, still keep priveate.
We are not band band, never know her feeling(we never know what her mum done for her before), but if can let her feel better, why not let her compain la?!


禁止訪問

積分: 20403


發表於 04-4-26 10:35 |顯示全部帖子

Re: 頂我亞媽唔順...!!!

提示: 作者被禁止或刪除 內容自動屏蔽


子爵府

積分: 11510


發表於 04-4-26 22:15 |顯示全部帖子

Re: 頂我亞媽唔順...!!!

彤b^^ ,

實情我亞媽同你亞爸一樣都有講過啲咁既說話,不過只限我仲係女(未婚)既時候~!仲金啦~!考英文全班得我一個人合格,佢都可以一嘢鬧埋嚟話:"你咁唔生性!你都唔適合做人!你死咗去仲好過!"細個小學食飯食剩少少佢煮啲餸,佢就會一野發你脾氣咁話:"都chi線架~!食嘢食到咁~~~!!! "...其實我知我媽咪份人係好細路女嗰啲,真係要人就得佢好緊要...但我同大佬同細佬都就得佢好辛苦囉!出面啲三姑六婆走嚟講啲嘢去挑撥離間,佢都可以信一餐走嚟發我地脾氣~!明明大家開開心心咁去睇家庭照,佢求其睇到一幅得我同大佬同埋外婆三個人既合照,就會好嬲咁鬧:"你睇!你同大佬都係咁架!分明就唔想我同你地影相( 但之前已經有好多幅都係同佢影架喇噃...得一張係無佢份...),出面人都睇到呀(指我細姨媽),都話你地唔想同我影相~!!!"跟住我俾佢嚇到嚟唔切反應,佢就一野攞張相出嚟,整chow佢,然後一嘢將幅相同成本相簿掟落地!仲趕我走~!(我由細到大都唔同佢一齊住,我係跟老豆住)...唉...總之細個既事數之不盡...細個真係因為佢係咁hurt我,明明我好愛佢,佢都會話到我唔係,我試過將佢送俾我既嘢,用都未用,一嘢整爛佢,我記得嗰刻我係好心痛... 始終嗰陣都係細個嘛...依家,正如ruby1222所講,我呢頭嬲完就算,始終無得同佢計較,只可以同佢永遠唔似兩母女咁客客氣氣咁相處,見勢色唔對就點到即止~!但有時真係慨嘆點解自己既亞媽唔可以真係似番兩母女咁相處,反而人地媽咪(即係奶奶)對我好到不得了!剩係我生完bb嗰單嘢已經証明到啦...我奶奶成六七十歲人,佢都日日嚟兩次醫院帶自己親自煮既飯餸靚湯俾我食又陪我坐月日日嚟我屋企整嘢俾我食又幫我照顧bb,反而我亞媽一句話唔得閒約咗朋友打牌無人幫佢帶飯就由得我响醫院度餓咗成日???!由我個仔出世到依家,我媽咪嚟我屋企既次數一隻手都數得哂仲要有找,見我個仔(係佢第一個外孫嚟...)兩隻手都係數得哂都係有找...我嫁個好老公,都要俾佢話到我非要同老公離婚不可...根本無心事可以同佢傾(講真,結咗婚多數都係傾兩公婆既嘢啦)...總之,我咩都唔值得佢欣賞~!連我鐘意啲咩衫咩音樂,佢都可以坦白講話係無人會鐘意欣賞~!當然事實梗係唔係佢所講啦!...總之好多好多... :-P 原本我今日都無再記响心度,但同你地傾吓傾吓又勾起我好多以前既嘢添~!不過點都好,我呻完就算,下次佢再打嚟我都會同佢傾偈,只係繼續同佢保持距離,客客氣氣...


子爵府

積分: 11397

好媽媽勳章


發表於 04-4-26 23:06 |顯示全部帖子

Re: 頂我亞媽唔順...!!!

bandband,

咪鬼理你呀媽啦! 我亞媽同你亞媽都不煌多讓, 我都十分頂佢唔順. 我無你咁好皮氣, 我會串佢等佢收聲唔好再亂講野. 我亞哥仲話如果亞媽唔係痴線既, 佢就真係衰到貼地.....

我真係同自己講亞媽痴線既, 唔好同佢嘈, 先忍到咁耐. 你都好d, 亞媽響無雷公咁遠, 最多接電話前睇下個caller display, 係長途咪唔聽囉, 我就唔得, 我同佢住得好近, 成日都驚佢矢驚無神走黎搵我, 我有時嫌佢太煩唔聽佢電話, 佢可以用盡方法刮你, 仲醒到摷返我結婚時張"惦", 打去男家又咒人(佢專長)又話人唔俾個女見佢, 好衰唔衰果排男家做緊白事, 你估下我既下場會係點.......唉, 我成日都問點解我會有咁既呀媽..... :-(


子爵府

積分: 11397

好媽媽勳章


發表於 04-4-26 23:47 |顯示全部帖子

Re: 頂我亞媽唔順...!!!

我不斷又不斷睇返自己既留意, 諗起好多好多野....... 我知呀媽其實好鍚我, 好關心我, 但係佢既行為真係令我無辦法去對佢好好......

姨婆同我講 "佢一個人住, 好慘架. 成日對住四幢牆, 咪好想搵d仔女傾下計, 你等閒咪聽下佢講野囉....."

有次我上佢屋企, 嚇一大跳, 佢居然將間600呎既屋買野買到得番一條路, 連床都有好多一包二包, 瞓都瞓唔到, 我同佢講你做mud買咁多野? 我幫你執好張床, 佢即刻阻止我, 同我講"唔好呀唔好呀, 有時瞓到濛濛濃濃, 會覺得好似你幾兄弟姊妹細個時瞓響我床邊, 好滿足", 我即刻眼都紅晒, 好後悔自己對佢唔好.............

但係佢有時既行為又真係令我好唔鐘意佢, 尢其以前佢得閒打去亞"女麻"度咒佢死, 咒呀叔"bute"腳......同佢講野, 叫極都唔聽 (我都係為佢好既, 例如叫佢去洗頭剪髮, 佢成個月未洗過), 仲要發脾氣鬧人, 話人地害佢, 話我中左狐狸精毒(我亞爸第二個太太, 佢其實對我地好好)..........

總之, 佢對我黎講係一個沈重既包袱, 要"咩"一世唔要唔得....


子爵府

積分: 11510


發表於 04-4-27 00:40 |顯示全部帖子

Re: 頂我亞媽唔順...!!!

阿早!

你亞媽都好啲啦,至少佢識得主動去搵你,俾你知道佢重視你地,但我亞媽唔係,兜口兜面話到明佢剩係鍚仔唔鍚女,我約親佢去街,佢就推三推四,我大佬約佢,佢幾忙都仆到去~!你試諗吓,邊有人連外孫都嫌見得多,响五年多嚟見個外孫既次數不足十次???仲要講到明話唔歡迎我個仔去佢屋企,話怕打爛佢啲玻璃,尤其係佢既玻璃飾櫃???講真,我老豆啲脾氣再怪啲,都會真心愛鍚我個仔!我老豆至少識得主動打嚟話掛住個外孫,叫我個仔多啲嚟探公公,見我耐無搵佢,我老豆間中都識得主動打電話嚟詐嬌等我約佢食飯...點都好...我地都大喇,我覺得我自己盡咗力去愛佢地咪算囉...唉...!!!


男爵府

積分: 7907


發表於 04-4-27 03:20 |顯示全部帖子

Re: 頂我亞媽唔順...!!!

我忽然覺得,你大佬或者細佬, 個女朋友或者老婆, 咪好慘.....佢如果當兒子神咁拜, 好容易會睇其他女仔不順眼.
呵, 可能你老媽子會把視線轉去對付外人, 對你好番都唔定...


男爵府

積分: 7907


發表於 04-4-27 03:24 |顯示全部帖子

Re: 頂我亞媽唔順...!!!

阿早!
你阿媽好可憐..... 但作為她的子女, 又同樣好慘...聽你咁講, 真係好難相處。
你阿媽那句說話, 好令人感動... 我估, 好多寂寞的老人家也是這種想法吧....


子爵府

積分: 11397

好媽媽勳章


發表於 04-4-27 11:42 |顯示全部帖子

Re: 頂我亞媽唔順...!!!

bandband,

我同你相反, 我希望佢唔鐘意我, 唔理我, 等我可以狠心d唔理佢.

arron 媽,
其實好多知道我屋企事既人都有你呢種感覺, 覺得我同佢都好慘.....我而家仲尋求緊一個可以和平共處的方式. 我其實唔係咁憎佢, 事實上我好細個佢已經唔係同我地住, 我地好多野佢都唔清楚, 但係佢成日仲沉醉響我地好細個要依偎佢身旁既時期, 所有野佢都要知清楚, 要我地聽佢意見, 跟佢做法, 令我好煩, 好唔開心!!

首頁
12

尾頁

跳至