心聲留言

跳至

首頁
1

尾頁
   0


男爵府

積分: 6122


發表於 04-4-27 00:48 |顯示全部帖子

點解啲人咁鍾意叫人打仔?

我奶奶同佢家姐班人成日叫我打我個b(1歲),佢地都傻傻地咖,我生個囝出黎梗係要錫佢愛護佢架啦,佢做錯事我自然會教好佢,使乜你地操心喎!

我尋日同奶奶帶阿b去佢家姐屋企,佢屋企好多人,好熱鬧,原本都幾好嘅,阿b又可以同佢表哥仔玩,咁就黎開飯果陣我就抱起阿b啦,點知佢一野拍落我塊面度(平時成日都係咁),我冇理佢,因為以我嘅經驗,我越理佢就會覺得我同佢玩,就會拍多幾野,點知佢地成班人一見到,就即刻好惡咁鬧阿b,又打佢隻手,咁阿b梗係以為同佢玩啦,又拍多幾下,當然阿b又繼續比人打啦,跟住佢地同我講:你要打返佢先得架,唔好比佢習慣咗呀......奶奶又話:"我有打佢架,係佢阿媽唔打佢咋麻!"跟住佢地一手抱咗阿b,咁佢梗係喊到好慘啦!

佢地同奶奶成日話我縱佢,係地知得幾多姐,個囝係我嘅,我有自己套方法教佢,我唔打佢亦唔代表我縱佢!

我見佢地好惡對啲細路咖,佢個孫得15個月大又係打人,佢地會超惡咁鬧佢,好大刀打佢隻手,但咪又係打返佢地,我都登個bb可憐!我知佢地想我個囝好,但打係無用咖囉,唔係小小事都要打囉,只會越打越曳,我唔想個囝第時會打返我!


子爵府

積分: 14907


發表於 04-4-27 03:45 |顯示全部帖子

Re: 點解啲人咁鍾意叫人打仔?

呢點係好多老人家既"幣"病,但希望你都唔好太放上心啦!佢地既出發點都係想你可以教好BB,等佢唔好成日蝦媽咪,而你既出發點係,佢係自己骨肉,你有你果套去教佢....點都好,希望你BB第日大個左會明白你地苦心啦!^^
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

首頁
1

尾頁

跳至