心聲留言

跳至

首頁
1

尾頁
   0


別墅

積分: 552


發表於 04-4-27 18:24 |顯示全部帖子

點解我會有奶奶...煩!!

經這三年實濟相處,我發現奶奶係一個 喜歡拋眼淚(扮可憐博同情),講大話唔眨眼(係我面前講一套,係人面前就屈我),身在福中不知足(有仔孝順,有孫女孫仔,唔憂食唔憂住),思想守舊又"盟失"。
我天真自以為自小就同爺爺住,就識得同老人家相處,結婚後咪同佢及老爺住囉!我班朋友成日叫我千祺唔好呀!我重話我識佢都十年,佢對我都好好,又開通....點知!老實講我都唔希望我老公難做,因佢排中間一直同佢地住開,而且又可以儲錢。但當奶奶比人炒魷後,係家中百無聊賴,個腦就鐘意胡思亂想!成日話我老公聽晒我話!
我奶奶可以話係都鄉下婆一名,見識少就成日比人呃!學人鈔股,香薰傳銷,連街邊帶住HEAD PHONE話一百元有,攪伴機,靚刀,無線電話佢都買,警訊裏面的海味舖事件都試過呀,但佢好孤寒屋企,死未!我老公咪肉緊D鬧佢囉,佢就話:我知有人同你講(意思即係我),你就黎鬧亞媽!係當我面講呀!自始我就成日叫我老公唔好再話佢,我真係怕咗佢,費事佢同人話我教壞佢個仔!不過表面上我同佢重可以無事。
煩事就梗係無減啦,重不停多添,跟住就到生仔囉。佢擺明兼講明鐘意仔,之前佢已有一個大女孫。
好在個天幫我!但唔好以為我好過,因為sars我又發燒住了8日醫院,無人探得。到出院我真係好開心,取了見到我老公重有自己的bb,一心以為返到去大家會好開心(包括奶奶),不過原來係真的以為。唔知佢唔識表達呀定真係冷淡!
我一直由拍拖到結婚都好識做人,佢病帶佢看医生,佢煮飯我洗碗(佢重有兩個身抱),佢話無"MUG"我就買,連坐月我都有另外比錢佢,但每日就只有食薑腊,除左我去廁所或沖涼會幫我睇下個仔,重話唔好擺滿月,係屋企煮算喎。佢要男孫我生咗,對佢亦唔差,點解會"錦"。反而佢大身抱唔生好地地!
我個仔而家一歲,好得人鐘意,亦搬走咗,唔知點解佢又同我凈!話我自私唔想個仔認佢,但我個仔星期一至五日頭係佢揍?佢意思係我比佢揍就要全部比晒。
我覺得佢得寸進尺,我真係好谷氣!佢想點呀!


洋房

積分: 79


發表於 04-4-27 20:46 |顯示全部帖子

Re: 點解我會有奶奶...煩!!

你唔使咁嬲, 依度一定有人睇你訴苦架! 我都有個衰奶奶. 希望你發洩完會舒服d啦.

其實你已經搬開住, 佢講d野你咪當佢唱歌囉!


男爵府

積分: 9034

環保接龍勳章


發表於 04-4-27 23:30 |顯示全部帖子

Re: 點解我會有奶奶...煩!!

我好體會你
應當一無罣慮,只要凡事藉著禱告、祈求,和感謝,將你們所要的告訴神。
神所賜、出人意外的平安必在基督耶穌裡保守你們的心懷意念。


等待驗證會員

積分: 27318


發表於 04-4-28 15:24 |顯示全部帖子

Re: 點解我會有奶奶...煩!!

"奶奶"同"媽咪"係唔同, 我地做女



別墅

積分: 552


發表於 04-4-28 15:45 |顯示全部帖子

Re: 點解我會有奶奶...煩!!

唉!至弊我晚晚都要返佢到食飯揍返個仔呢!見到佢"懶"係又要煮飯又要揍我個仔個辛苦樣(做比佢老公同乖我老睇,如果全家人齊就落多兩錢),表現佢偉大的一面,又同我老公話揍我個仔揍到手痛,又話我個仔重兼黐身(唔係呻一次半次),但我個仔一見到我就唔黐佢,佢又答唔鐘意,變態!激氣時我有想過請工人或自己揍同佢鬥,睇下邊個先至係bb的話事人,但我老公無睬我!可能佢有壓力,因為佢亞媽會同我老公D亞哥講(又做一場戲),等佢地比說話我老公聽!


等待驗證會員

積分: 27318


發表於 04-4-28 16:11 |顯示全部帖子

Re: 點解我會有奶奶...煩!!

咁不如您同您老公講請工人啦... 唔駛等佢老人家辛苦啦. 您地有無俾$$$您奶奶呀??


別墅

積分: 552


發表於 04-4-28 16:18 |顯示全部帖子

Re: 點解我會有奶奶...煩!!

都話我老公唔睬我咯!我地比成萬銀佢架!唔係佢點鈔股同比人呃呀?


複式洋房

積分: 263


發表於 04-4-28 19:43 |顯示全部帖子

Re: 點解我會有奶奶...煩!!

give too much money to her ,but she still make a lot of trouble, ~~~~"奶奶" you go to die quickly~~~~


等待驗證會員

積分: 27318


發表於 04-4-29 11:49 |顯示全部帖子

Re: 點解我會有奶奶...煩!!

成萬銀呀??? 分d出來請工人都仲有淨俾您亞奶奶買野食呀.
就咁決定啦!!!! 您咪好心咁同您老公講話您奶奶話辛苦, 咁您都想佢舒舒服服俾人詭錢咯...... :-P


別墅

積分: 552


發表於 04-4-29 15:40 |顯示全部帖子

Re: 點解我會有奶奶...煩!!

如果我奶奶會識知足,就好啦!佢只會同佢D FRIENDS比,亞邊個邊個比幾多幾多家用...人地個孫擺低唔會揍走架!有次我老公見有粥仔係到,咪餵個仔食囉,點知試落去係咸的,所以我個仔成日口角敏感紅晒脫皮,放假我地揍好返唔夠兩日又黎過,你問佢咩!佢死口話無落鹽,陰功即係一路我個仔都食咸野!!亞b大汗佢又唔同佢抹又唔換衫等佢出晒汗疹,最初連奶都唔識開,都死要面唔的問我,你好聲好氣同佢講,唔好話教呀!你見佢個樣就知聽唔入耳,唉!
我老公都知佢係什麼人,又唔想佢唔開心,但又唔想個仔受罪,我地又要搬走,咪想咗呢個方法,一至五日頭比佢揍囉!我老公話如果請工人,亞媽可能會搬黎同我地住喎!!

首頁
1

尾頁

跳至