產前產後

跳至
   0


伯爵府

積分: 19947

hashtag影視迷勳章


發表於 08-5-21 10:42 |顯示全部帖子
我真係覺得好辛苦, 好攰.
我個仔仔3星期大. 我自己一個人揍.
佢唔鍾意瞓覺, 好易醒(一瞓著無耐就醒就哭), 又十分扭計. 常大哭發脾氣.

我3小時餵一次奶, 佢未夠鐘就扭計哭. 中間又不停要換片.
加埋洗奶樽, 洗bb衫. 我無時間食, 休息, 瞓覺. 真係好攰.兩隻手腕和肩膀又勁痛.
早兩日忍不住自己哭起來, 覺得唔知點揍落去.


子爵府

積分: 14489


發表於 08-5-21 11:41 |顯示全部帖子
初生bb可能有好多都係咁~同埋你對住佢只係三星期o者~仲要放好多時間去摸索佢~我bb都係要咁~如果三個鐘未到就扭計,咁你咪早少少佢未扭計時餵飽佢囉~我都會覺得bb喊時好徬徨,因為都唔知佢想點~但見住佢訓覺時個樣,又會覺得點辛苦都值得~呢個只係一個過渡期黎o者~bb大d,你會明白佢多d架o勒~加油~


大宅

積分: 3488


發表於 08-5-21 11:48 |顯示全部帖子
唔好唔開心啦, bb 都要適應新環境, 如果瞓得唔好, 試下包住佢先放佢落床仔(包到好似蟲仔咁), 希望好d啦.
至於佢扭計. 大哭發脾氣, 會唔會佢肚仔唔舒服? 如果肚仔有風, 試下用bb油同佢按摩下.
另你唔須要不停換片, 除非大大, 如果唔係每次餵奶前先換片就夠!
希望你小心身體.


象牙宮

積分: 239919

2019新春慶豚圓 2019勳章 HiPP勳章(2) HiPP勳章(1) 2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 FUN享自然‧郊遊一夏 親子探索遊 玩具勳章 趣教勳章 畀面勳章 叻叻勳章 有「營」勳章 好媽媽勳章 醒目開學勳章 環保接龍勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 最關心BB問題熱投勳章 美好大世界2017勳章 開心吸收勳章 食得好勳章 瞓得好勳章


發表於 08-5-21 11:50 |顯示全部帖子
唔好灰心,比心機呀!
搵下bb究竟乜野唔舒服啦。
好多原因架嘛,或者你抱佢多d等佢多d安全感先啦,因為話咁細個係唔怕抱慣架。


大宅

積分: 2151


發表於 08-5-21 13:37 |顯示全部帖子
唔好唔開心啦, 我個囡囡而家兩個半月大, 放產假時都係自己一個人揍...
"佢唔鍾意瞓覺, 好易醒(一瞓著無耐就醒就哭), 又十分扭計. 常大哭發脾氣" --> 您試吓包佢實d, 等佢有安全感, 或者有時間您就陪佢瞓一陣(有時您都要休息吓), 前幾日會唔會因為天氣熱佢唔瞓呀...我個女都會因為天氣熱瞓得冇咁好~
"我3小時餵一次奶, 佢未夠鐘就扭計哭" --> 您餵人奶定奶粉呀? 如果係奶粉, 佢夠飽應該3個鐘食一次, 如果佢成日都2.5個鐘已經喊, 好可能佢唔夠飽...您試吓加奶俾佢啦...我個女頭一個月加奶加得好快~
"中間又不停要換片" --> 片片唔洗換得太密, 係佢食之前或者食之後換就ok啦...由於我個女太緊食, 我會係食之後換, 如果唔係佢實發脾四, 喊一大輪先肯食...但係食之後換就要同佢掃好風先, 如果唔係佢好易嘔奶~
您第日見到佢同您笑, 您就咩辛苦都唔記得ga la...


大宅

積分: 1586


發表於 08-5-21 15:11 |顯示全部帖子
我都試過呢個時期
我都係自己整食, 清潔, 揍b ...
個人超累整到自己心情好差
甘我就同老公傾下哭下, 休息一夜(都係幾個鐘..)
個人精神返甘心情就好了
現在bb 6w 大, 都估到下他的要求, 唔好話輕鬆好多, 不過已經比頭個月好很多了
我覺得習慣了就感覺好很多, 你加油呀


伯爵府

積分: 15816

2019新春慶豚圓


發表於 08-5-21 17:34 |顯示全部帖子
我阿囡仲差兩日就三個月大..依家諗番湊佢頭6星期時既日子..都真係想喊架. 佢每晚都唔訓..玩天光..一定要抱..一放低落床仔就喊..總之每晚就由十一, 二點玩到天光6, 7 點. 試過幾次到朝早九點幾先訓添! 果時每晚等天光..個人真係好謝..又depress..有幾次自己天光訓得落床時, 都忍唔住喊.
滿左月後..就開始好少少..佢改為半夜兩, 三點就開始訓..咁開始一覺訓到4, 5個鐘. 再慢慢佢唔駛再食夜奶..就一點左右訓..到天光六, 七點起身..連續幾日都係咁..我真係勁開心呀..因為知終於捱過左 '黑暗歲月'..

所以你都要努力呀..


侯爵府

積分: 23342

2019新春慶豚圓 2019勳章


發表於 08-5-21 21:57 |顯示全部帖子
一個人湊真係好辛苦架, 有冇親人叫佢嚟陪吓你, 有個人傾吓計都好架, 冇就上bk呻吓我哋陪你啦!

日頭屋企唔好咁靜, 要開吓電視, radio或音樂比bb聽, 瞓咗覺都照開, 因為bb係媽媽肚內時都好嘈又聽到出面聲音。

bb幾重? 飲幾安? 未夠3個鐘喊, 可以試加奶或中間比啲水佢啜, 4星期左右可以15分鐘15分鐘拉長到4個鐘先餵, 當然唔可以餓親佢啦!
我將這事告訴你們,是叫你們在我裡面有平安.在世上你們有苦難,但你們可以放心,我已經勝了世界. (約16:33)Born 3.02kg/1m 4.52kg/2m 6.06kg/3m10d 7.19kg/4m25d 8.38kg/6m 8.79kg/7m 9kg/8m 9.6kg/10m3w 10.2kg/12m 10.2kg/13m 10.8kg/16m 11.2kg


大宅

積分: 2912


發表於 08-5-21 22:53 |顯示全部帖子
原文章由 baby_lover 於 08-5-21 10:42 發表
我真係覺得好辛苦, 好攰.
我個仔仔3星期大. 我自己一個人揍.
佢唔鍾意瞓覺, 好易醒(一瞓著無耐就醒就哭), 又十分扭計. 常大哭發脾氣.

我3小時餵一次奶, 佢未夠鐘就扭計哭. 中間又不停要換片.
加埋洗奶樽, 洗bb衫. ...


唔惦就快D同老公相量請工人, 對你同個仔都會好D。BB瞓得唔好會影響佢既智力同埋身體發展架。

我個B冬天出世, 1-2個月大時每次飲奶+掃風2hrs, d奶由熱變凍, d衫厚難掃風, 掃唔到風就嘔奶, 每3hrs飲一次奶, 日間要抱住先肯瞓, 瞓一陣已經夠鐘第二餐, 晚上成日鼻塞呼吸唔到or掃唔到風個口成日有怪聲要抱住瞓天光。換片換衫同埋沖涼好驚會冷親佢。
我又要泵人奶+餵奶粉。
我老公話簡直係"酷劫", 唔會再生第二個。

由第3個月開始情況好轉, 請左個印印日間抱阿B瞓同做家務, 而且阿B食奶食得好快, 天氣熱衫薄易掃風, 唔驚會冷親佢, 無左鼻塞, 阿B識得同人玩又成日笑, 每日大約可以瞓到12hrs。

宜家4個半月大識得番身, 我唔得閒時工人可以幫手睇住佢同埋陪佢玩。

不過請工人都要小心d揀, 唔係就第二個"酷劫"。


伯爵府

積分: 18378

2019新春慶豚圓


發表於 08-5-21 23:55 |顯示全部帖子
你唔好唔開心啦~你老公可唔可以同你分擔下呀?湊bb係好辛苦..我仲記得我個囡1個月果陣開始凍...我半夜都要起身鍡佢食奶..簡直係人都癲呀!佢食飽又唔訓...一放佢落床就喊...係因為佢冇安全感囉~咁我咪抱佢,抱到佢訓著囉~~日日都係咁架~~~不過時間好快過架咋~你見到佢1日1日咁長大..乜野辛苦你都會唔記得架喇~


珊瑚宮

積分: 106656

2019新春慶豚圓 2019勳章 開心吸收勳章


發表於 08-5-22 03:02 |顯示全部帖子
3星期係咁架... 我果陣連傷口都唔得閒去洗, 藥又唔得閒去食. 我係有媽媽幫手, 老公就去左第二度做野, 到夜晚都係得我一個去做.

如果你係食泵奶, 不如埋身餵, 唔駛洗樽消毒砌樽等功夫, 慳到半個鐘時間.

個個媽媽都要經歷呢d 野, 你同bb 都適應緊新生活, 俾d 心機啦.


複式洋房

積分: 453


發表於 08-5-22 08:30 |顯示全部帖子
真係頂唔順既話, 考慮下短期日間託兒所啦. 日頭放佢係 Day Care 兩三日, 等自己回一回氣.


大宅

積分: 1486


發表於 08-5-22 22:00 |顯示全部帖子
唔好咁唔開心啦!!!!
佢成日唔訓一放低就喊~~你試下包用包被包實佢, 好似係個肚入面咁,等佢有D安全感
未夠鐘就喊~~你試下比少少水佢飲下, 可能少少肚餓
或比個奶咀佢食下啦, 我初時都唔比, 但冇辦法, 一食就掂,有安撫作用麻, 不過唔係次次都得
我亞B初初都係咁架, 到佢訓著左, 我又訓啦, 點知一放低佢咋,就喊喊喊
攪到我都要攬住佢一齊訓囉
你都要爭取多D時間訓下先夠精神


8/4 - 7w 有閃閃 :)  105lbs


大宅

積分: 3584

2019勳章


發表於 08-5-22 23:32 |顯示全部帖子
我囡囡出世時嗰一個月都係咁嫁, 佢未習慣新環啫, 咁細個未識得扭抱, 可以抱吓佢呵吓佢, 佢知道有人時會有d安全感, 不用擔心架....第二個月會好好多嫁.........加油呀


複式洋房

積分: 467


發表於 08-5-23 12:30 |顯示全部帖子

3星期大bb唔肯睡, 好難揍. 好辛苦, 可以點

原文章由 baby_lover 於 08-5-21 10:42 發表
我真係覺得好辛苦, 好攰.
我個仔仔3星期大. 我自己一個人揍.
佢唔鍾意瞓覺, 好易醒(一瞓著無耐就醒就哭), 又十分扭計. 常大哭發脾氣.

我3小時餵一次奶, 佢未夠鐘就扭計哭. 中間又不停要換片.
加埋洗奶樽, 洗bb衫. ...

我女女都是這樣, 未滿月前每個晚上都不瞓覺, 因為她早上和下午都去了瞓覺, 之後我去健康院時姑娘話她其實吃不到人奶, 只是吃了少少就昏睡, 所以姑娘建議我餵奶粉讓她日頭醒多些, 慢慢調節她晚上瞓覺, 但都要兩個月時間, 所以頭一個月時我自己湊時, 都哭個幾次, 而且覺得自己時常情緒低落, 所以滿月後我和女女一起返了我媽媽家到住. 你現在這個時期最需要人幫助, 所以你一定要和你先生商量, 1. 請工人幫手, 2.返媽媽家暫住
只要過了這段時期, 你望住BB時, 他向你笑時, 你就會好開心


別墅

積分: 697


發表於 08-5-23 12:42 |顯示全部帖子
樓主,我想問你點可以一個人渡過坐月自己湊的日子,我很怕...因我七月都生得,而自已又一向都唔識煮嘢做嘢嗰啲人,有時一諗起都覺自己可憐想喊!
樓主,你可分享吓 嗎?


複式洋房

積分: 467


發表於 08-5-23 14:53 |顯示全部帖子
原文章由 Irismammy 於 08-5-23 12:42 發表
樓主,我想問你點可以一個人渡過坐月自己湊的日子,我很怕...因我七月都生得,而自已又一向都唔識煮嘢做嘢嗰啲人,有時一諗起都覺自己可憐想喊!
樓主,你可分享吓 嗎? ...

我那時請了陪月, 來22日早上10時至下午5時, 都ok


別墅

積分: 697


發表於 08-5-23 16:28 |顯示全部帖子
原文章由 jlo1120 於 08-5-23 14:53 發表

我那時請了陪月, 來22日早上10時至下午5時, 都ok




但問題係太貴了,我負擔不來,咁可以點??

跳至