婆媳關係

跳至
   0


別墅

積分: 865


發表於 08-5-21 13:03 |顯示全部帖子
我家有個極自私又乞人憎的姊婦, 可以在過門第二日同佢亞媽講話我地騙佢的禮金, 又可以在年三十晚打電話罵我亞媽成日喊苦喊忽地問佢老公(弟弟)取錢, 事實我父母只有體諒兒女搵錢不易.
後來弟弟告知她在電話邊罵我亞媽邊陰陰咀笑. 我弟弟很想跟她離婚, 但因她之前成日要生仔, 為了二個仔, 弟弟都沒辦法.

使人生氣的原因:

1) 從不尊重老人家 (老爺已中風,奶奶有高血壓)
2)成日話要出街食飯, 跟住要老公在男家面前俾錢 (明知老公份糧要養家, 自己就袋袋平安)
3) 男家親人探訪, 就眼俾俾, 重請你快d 走(試過在門口企三分鐘都不請你入門坐)
4) 生了兒子不曾教好好尊重長輩.
5)專在大時大節, 要老公在男家落面, 要老爺奶奶內心難受.
6) 為人多疑又小心眼.
7) 以前分了手, 老是打電話來,又上門哭, 我媽心軟, 叫弟弟跟他好番,一好番就帶我弟弟去旅行, 終於攪大個肚就要人娶, 我父母的好心,點知落得如此下場(弟弟性格軟弱,已有5個多月未曾致電問候父母)


公爵府

積分: 25097

2019新春慶豚圓


發表於 08-5-21 13:18 |顯示全部帖子
同樣作為家姐, 好明白你的感受.
弟婦做咩唔岩都好,我都唔會出聲,但只有一樣野:唔可以比面色我父母睇,唔好比氣老人家受.
至於同自己細佬的相處:老婆係佢自己揀既,家姐都無得理.


別墅

積分: 865


發表於 08-5-21 13:23 |顯示全部帖子
原文章由 rean_chau 於 08-5-21 13:18 發表
同樣作為家姐, 好明白你的感受.
弟婦做咩唔岩都好,我都唔會出聲,但只有一樣野:唔可以比面色我父母睇,唔好比氣老人家受.
至於同自己細佬的相處:老婆係佢自己揀既,家姐都無得理. ...



謝謝你的回應, 我跟父母只有忍,因為我們也想小朋友好,但如此的一類弟婦, 它日的結局, 可想而知.
說出來, 是想當人媳婦的,該好好用心去理解丈夫的父母, 不好只一面倒假定別人是貪錢.
我父親年輕時出海去了不少國家,見識多, 所以從不會以惡待人,
現在我身為女兒一定會孝敬父母, 不想一代有樣學樣.


侯爵府

積分: 24705

好媽媽勳章


發表於 08-5-21 13:25 |顯示全部帖子
I seems that..........
If your 弟弟 think this is OK........
what you can do?


原文章由 mamawai 於 08-5-21 13:03 發表
我家有個極自私又乞人憎的姊婦, 可以在過門第二日同佢亞媽講話我地騙佢的禮金, 又可以在年三十晚打電話罵我亞媽成日喊苦喊忽地問佢老公(弟弟)取錢, 事實我父母只有體諒兒女搵錢不易.
後來弟弟告知她在電話邊罵我亞媽 ...


公爵府

積分: 25097

2019新春慶豚圓


發表於 08-5-21 23:42 |顯示全部帖子
mamawai:

真係好明白你的感受. 有時為左家和萬事興,真係惟有死忍. 睇唔過眼時惟有私底下話下個細佬.如果好似你細佬咁, 自己都咁委屈,真係好心痛.惟有咁諗,果個始終係人地個女, 話又話唔得到,最緊係自己細佬仲錫亞爸亞媽, 當睇開D啦.佢今日比老人家受既野, 有一日佢自己都有機會受番.唔識做人新抱既, 更加唔會識做人99.(唔係黑心, 而係一個循環)


珊瑚宮

積分: 112118

2019新春慶豚圓 2019勳章 好媽媽勳章 醒目開學勳章 環保接龍勳章


發表於 08-5-22 05:48 |顯示全部帖子
樓主,如果你出聲話佢,你咪又變左麻煩既姑9囉....
所以多一事不如少一事啦...佢地ok忍到就算啦...


大宅

積分: 1312


發表於 08-5-22 09:00 |顯示全部帖子
我覺得..呢d係你弟弟同佢老婆的事..
只要你弟弟覺得無問題..你地真係唔可以出咁多聲呢..


大宅

積分: 2962


發表於 08-5-23 00:17 |顯示全部帖子
我叔仔個老婆基本上我同佢無關係,未嫁之前我地是不相識的.奇怪就係我發覺佢見到我會眼啤啤,見多幾次我知佢唔like我.都唔明點解,佢同叔仔行左幾年,聽聞男家無乜人鍾意佢.我結婚果日佢無黎,但係之前我姑奶結婚男家無叫佢影全家福佢即刻黑面.我結左婚3個月後佢地又結.大家都係有左先結.
跟住我95年11月生左個大女,12月佢就同我老爺鬧交.原因係話老爺奶奶偏心鍚晒我唔鍚佢,鬧完大交佢就早產原本96年3月預產期結果1月就生左.早產女嬰住左一個月醫院至可以回家.之後大家都無乜2句(一向都係),佢好唔鍾意我,所以佢成日躲在房間叔仔中午落場回家佢至會走出黎不過唔多.
97年佢生第2個女.98年我就生左個仔.有一日佢同我講郭家有個男孫所有人都很高興,但她老公說高興 而家先係惡夢嘅開始.
舅父從家鄉來探望奶奶順便小住數天佢特登跟老爺鬧大交等老爺無面.無啦啦同老爺嘈嘈下又燒埋我果度攞我黎講,擺我上枱.
好耐之前我地係同枱食飯,有一日佢向大家宣佈從此以後唔再同老爺奶奶同煮同食,仲好佢要分開我做少d,又唔洗睇佢面色,又唔洗同佢晒3收3.
我地同住一間屋有人打電話搵我佢會叫人打多次從來唔會叫我聽.佢d電話我就次次行上樓上叫佢聽.而家大家都搬走左唔洗對住佢我真係開心左好多,唔知佢而家點呢.希望佢都可以開開心心咁揍大d小朋友.


大宅

積分: 1312


發表於 08-5-23 01:19 |顯示全部帖子
佢好唔成熟囉! 同埋一間屋住都可以咁!! 份人都幾難頂!


原文章由 kwokwong 於 08-5-23 00:17 發表
我叔仔個老婆基本上我同佢無關係,未嫁之前我地是不相識的.奇怪就係我發覺佢見到我會眼啤啤,見多幾次我知佢唔like我.都唔明點解,佢同叔仔行左幾年,聽聞男家無乜人鍾意佢.我結婚果日佢無黎,但係之前我姑奶結婚男家無叫 ...


大宅

積分: 2962


發表於 08-5-23 02:47 |顯示全部帖子
原文章由 [email protected] 於 08-5-23 01:19 發表
佢好唔成熟囉! 同埋一間屋住都可以咁!! 份人都幾難頂!

唔成熟 梗係啦我19歲就做左佢個女個伯娘.我同我老公識左無幾耐就結婚,佢同我叔仔都拍左拖幾年.果時大家都好細個.我估佢細我2年掛.佢份人 我估係我叔仔先頂得順.佢地好有型架.通常d人會放對喇叭喺部音響則邊,佢地唔知點解要將對喇叭放在我房間後面.我房間不在屋子內,獨立左房後面是露天有一塊約300呎平地,佢地就將喇叭放在那兒,佢地播歌,我個女就無得瞓晏覺,不過佢唔係開好大聲,唔知係咪特登播比我聽.好似淨係我間房至聽到.因為把聲係對住我間房背住佢間房,都唔知開黎做乜.

[ 本文章最後由 kwokwong 於 08-5-23 03:10 編輯 ]


男爵府

積分: 5265

熱血勳章 畀面勳章 BK Milk勳章


發表於 08-5-23 15:13 |顯示全部帖子
我都係家姐 ... 所以我都好明白.
不過如果細佬覺得咁樣唔辛苦...
我地d做外人既就講唔到d乜ga


大宅

積分: 2314


發表於 08-5-23 16:11 |顯示全部帖子
以前我都好唔鍾意我老公家姐, 一開口成日得罪人, 我兩個囝囡都好唔鍾意佢, 有一次佢同我老公鬧完交, 比我老公"cup"電話, 果晚我返夜, 佢就打去我公司鬧我(前後有兩次咁多)

佢同我老公鬧交係因為話我老公幫老爺唔幫佢, 咁當年佢地父女決裂(因為$), 我老公又唔在場, 一定會做中立果個, 佢兩邊都唔幫, 但佢家姐就要我老公表態支持佢

而家因為佢無人無物, 自己孤獨, 又唔知點解好錫我個囝, 所以先至低聲下氣搵番我地(以前佢話我老公唔好, 唔鍾意佢, 有一排重無來往), 咁我老公本來對佢家姐都好好, 重成日話我地唔啋佢家姐。但後來又因為$, 我老公終於見到佢貪$既真面目。

我姑奶成日話自己唔係恨老爺D$, 當年同老爺鬧交係因為話老爺講過唔洗佢還層樓既$, 但係老爺話唔係, 大拿拿咁多咁多, 佢成七十歲老人家, 點會唔洗佢還......我老公都唔係咁信佢家姐, 就算老爺真係咁講過, 佢而家叫你比番佢(果D$係佢既退休金), 你都要比番佢, 何況老爺又無叫佢一次過還曬。其實我姑奶大把, 佢同我老爺鬧完交, 唔洗分期, 一次過比番曬佢, 返到香港重話同我老爺登報紙斷絶父女關係, 周圍唱佢。

後來, 我奶奶唱返佢轉頭, 佢就好勞氣咁同人地講話老爺同奶奶四圍唱佢, 又唔諗下係佢自己唱人在先

不過算啦! 佢黎我屋企我都當佢係一個客人咁架咋, 而家我老公都話佢家姐貪心, 我叫我老公少D同佢來往就算數

原文章由 bigmacq88 於 08-5-23 15:13 發表
我都係家姐 ... 所以我都好明白.
不過如果細佬覺得咁樣唔辛苦...
我地d做外人既就講唔到d乜ga

[ 本文章最後由 beaclem 於 08-5-23 16:13 編輯 ]


大宅

積分: 1824


發表於 08-5-23 16:28 |顯示全部帖子
我阿嫂係出名串, 又無禮貌. 不過我阿哥鍾意都冇解. 好多時佢特登係我阿媽面前罵我阿哥, 我都叫我阿媽唔好放在心, 由佢地去. 佢同我細佬同弟婦又係面左左, 我阿哥又唔出口話佢, 我都係由得佢. 總之佢對我阿哥好就好, 其他無謂計較太多. 佢對我都OK, 可能佢知我阿哥鍚我, 我又好鍚佢對仔女. 又唔係我同佢過人世, 唔好太過份我會當睇唔到.


男爵府

積分: 5297

好媽媽勳章


發表於 08-5-23 21:35 |顯示全部帖子
我弟婦生完bb個人變哂,要同我細佬搬出去住,搬出去住唔想比家用我媽媽,因為佢地第一日同居時已知我細佬要養我媽媽,攪到反哂面,未生bb時過時過節會同我地食飯,我對佢都好好,生完就變另一個人,只有團年飯先返來食,仲要係我地打電話比我細佬問佢返唔返來食喎!攪到我好驚打電話比自己細佬,因為打親都係佢聽,仲要問我搵佢做咩,死都唔肯比我細佬聽!連bb都唔肯比我地掂一下,我細佬抱比我地想我地抱下,我地好細聲問"抱唔抱得架",食飯黑口黑面,完全唔叫人(包括我媽媽),唔比我細佬一個人返屋企見媽媽!試過打比我媽媽話要離婚,唔使只意見個孫,
我爸爸死得早,依家好似比佢蝦緊我媽媽,我媽媽又唔會係佢面前鬧佢!

跳至