婆媳關係

跳至
   0


複式洋房

積分: 419


發表於 08-5-21 23:04 |顯示全部帖子
我覺得好辛苦, 老公成日要我遷就佢阿媽, 話佢阿媽無受過教育, 我唔應該同佢一般見識....但係佢阿媽實在太難頂! 好鍾意控制我地嘅生活. 我最近有咗BB, 係第一胎, 一心俾佢照顧我嘅飲食(因為佢好鍾意煮野食, 味道一般喇, 因為我自己對煮野食都有研究), 點知佢煮埋D蟹、蚌、蜆俾我食, 話佢鄉下興, BB食咗會手腳靈活D, 跟住生果係西瓜! 大佬! 我有咗7星期咋! 人地唔知, 仲以為佢謀殺! 我初時唔係好記得, 都食咗少少, 好在無事咋! Touch wood!

我99成日講野唔經大腦, 唔理人感受, 人地唔跟佢果套, 佢就死撐同唔高興, 最慘係, 我老公覺得無問題. 成日搞到我同老公鬧交, 佢成日都話佢只係為咗我地好, 晚晚打電話嚟同我老公洗腦! 搞到我老公而家成日開口埋口都話--我阿媽話:"......", 我真係頂唔順. 我老公永遠唔會氹返我, 只會扮死狗, 我而家都唔知點算!

我同老公講, 第時如果我地要離婚, 都係因為佢阿媽!


公爵府

積分: 29340

2019新春慶豚圓


發表於 08-5-21 23:12 |顯示全部帖子
樓主.....男人孝順起上黎, 係好恐怖架.....

我c6都係, 好鬼[愛]佢呀媽架~ 佢講明呀媽&屋企人一定放在前面, 我只係佢地既後面~ 聽左呢D話.....我心中有數~ 對[人]唔洗太有期望, 咁米唔洗失望囉~~


洋房

積分: 67


發表於 08-5-21 23:40 |顯示全部帖子
我都一樣,有個控制狂99,而我99係受過高等教育,佢講的我c6多數都buy她唔buy我。而且我地仲一齊住。做任何野我99都會好有意見。我都好辛苦,好想99快d唔係度(雖然佢其實係個好人)

我諗你首先唔好特登去比較,越比較只會越鑽牛角尖。
而家只係在客觀問題上同你老公講道理。你99而家做的,確實有好多做錯的地方會傷害你同bb,你就搵証明同你c6講︰你都話99讀書唔多,我尊重佢,不過你睇,呢度書都咁寫…咁你c6為左bb好,一定無得駁。信我,你c6可能會嘗試不斷說服你用99個套,但你用bb做理由,話寧可信其有,你都係以大局為重,咁佢就逼唔到你。

然後,你唔食得的,便叫99放底,等你c6私底下食左去咪得羅…

至於c9錫邊個多d的問題,我會安慰自己︰我點都長命過99挂…



原文章由 joeydesu 於 08-5-21 23:04 發表
我覺得好辛苦, 老公成日要我遷就佢阿媽, 話佢阿媽無受過教育我唔應該同佢一般見識....但係佢阿媽實在太難頂! 好鍾意控制我地嘅生活. 我最近有咗BB, 係第一胎, 一心俾佢照顧我嘅飲食(因為佢好鍾意煮野食, 味道一般 ...


大宅

積分: 3000


發表於 08-5-22 00:28 |顯示全部帖子
你唔駛理你老公講咩第一位、第二位哩d咁嘅嘢啦,
嘿!佢講之嘛,又做唔做到呀?咁叻叫佢娶自己老母吖笨!!

我覺得有d男人講哩句嘢係真心嘅,
有d就諗住可以一句得到個老婆無聲出而講,
姑勿論佢係真係假都好,
你首要嘅任務係得到個老公嘅真正no.1,
有時言詞上嘅勝利係毫無意義,
當你做到可以令你老公不能放棄你嘅時候,
就算佢口硬話阿媽仍然係no.1,實際上人不為己、天諸地滅,
佢又可以成世都攬住阿媽而冇女人冇老婆冇自己頭家都得咩?

當佢不自覺地知道自己頭家先係最重要,
就算你唔講佢都會不惜一切去維護自己擁有嘅嘢,
重點係你要喺哩個時期喺你老公面前.
儘量表現得遷就同容忍佢阿媽,要委屈得嚟又欲言又止咁樣,
表情動作誇張少少都唔緊要,唔好太假同過咗火位就得!

唔好心急於一時,你諗吓你99對咗你老公十幾廿年,
到今時今曰都仲要日日向個仔落藥同洗腦,
你就知哩d時間同功夫都係唔慳得同唔急得,

我唔知你99整d咁嘅嘢俾你食係有心定無意,
因為有時d無讀過書又盟塞嘅人真係會無知得好恐佈,
可以話係不可理喻同無法想像佢哋個腦諗乜同做d乜??
所以你亦無需太深究佢嘅所作所為原意係咩,
只要做到俾你老公睇到,
你真係有為佢忍受好多佢阿媽無理嘅嘢就得!!

老實講,個個老人家都真係參唔多咁Q麻煩,
你同你老公講得太多佢阿媽就會變成針對,
當佢認為你其實係玩針對,咁你就無得翻身,
你99佢煮咩俾你食都好,唔好唔食,你食dd唔會死人嘅,
你而家又大住個肚,最多咪食完就衝入廁所嘔,
嘔完出嚟仲要同大家講對唔住,
話大肚婆口味唔同哂又隨時都會變,你自己都唔知食咩會嘔?

咁你咪以後又大條道理唔食又大方得體,
仲可以攞哂你老公嘅憐惜之心及同情分lor!!


禁止訪問

積分: 1368


發表於 08-5-22 00:35 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


複式洋房

積分: 419


發表於 08-5-22 01:08 |顯示全部帖子
Bingo! 知我者莫若你, 所以我積極搵緊陪月員, 請問有無好介紹? 我同我99講話我生完會好辛苦, 我想食返廣東野, 唔想食鄉下野, 反正我自掏腰包, 我唔理啦!

原文章由 kvstephanie 於 08-5-22 00:35 發表

.
同我果隻一樣, 唔洗問佢一定會幫你坐埋月架啦! 我可以話你知, 你比佢幫你坐月, 你一定會後悔! 佢連你大肚都整呢野你食, 不敢想像到你坐月佢會整d咩!!!!! 坐月好緊要架, 搞大'wok'就麻煩啦!!!我當初就係所托非人.. ...


禁止訪問

積分: 1368


發表於 08-5-22 02:34 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


民房

積分: 69


發表於 08-5-22 09:22 |顯示全部帖子

都唔知道99係唔係有一種控制引

我c6 轉左工作 又朝返到晚
但99知道之後就叫我c6放假唔好去街啦
等c6休息下啦 都唔知道係唔係有問題
之後我就同c6講 以後放假唔好去街啦
你的好媽媽叫嫁 以後咪再煩叫我去街呀
乜野都有99份.....侵犯我人權呀


禁止訪問

積分: 1368


發表於 08-5-22 11:38 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


複式洋房

積分: 419


發表於 08-5-22 13:06 |顯示全部帖子
禽晚為咗99同老公鬧交, 好明顯我一D都比唔上我99, 我愈覺得99唔O岩, 老公就愈覺得我唔O岩. 我心諗呢個始終係人地個仔, 我同佢生活咗幾年, 點同佢三十年比......

我而家無得依靠, 俾人控制晒, 心情好差. 我只係唔想99控制我地唧, 而我老公覺得佢欠咗佢阿媽, 還20世都還唔晒, 娶得我返嚟, 就要我同佢一齊還; 但一方面又知道佢阿媽好難相處, 話99%嘅人都同佢相處唔到(包括我62在內), 咁我點呀? 我只係想佢同佢阿媽講, 希望佢放鬆D, 我地大個, 要自己照顧自己, 唔可以下下依賴佢..... 我老公話, 已經講過啦, 你唔知咋嘛, 你唔好迫我啦!

我都唔知點算, 我好尊重老人家, 我就係唔想遲D忍受唔住, 同佢面對面吵大wok, 所以先希望佢試下同佢阿媽講, 換來嘅係, 反而俾佢話我迫佢......


民房

積分: 17


發表於 08-5-22 13:49 |顯示全部帖子
咩係'唔麗晾'???


男爵府

積分: 6052


發表於 08-5-22 13:57 |顯示全部帖子
唔好咁嬲, 你既情況, 我完全有同感, 雖然我地唔係同6299一齊住, 但係我地都係好似比我6299控制住咁, 連買樓係那兒, 屋企有無執屋都要管埋, 完全明你感受, 我都係要返工, 夜晚仲要湊女, 我份工都唔係早放工個隻, 佢兩老都係成日覺得個仔辛苦, 我做老婆既就唔辛苦, 我屋企仲要揹一半家用, 佢呢就三分一去供養佢父母同埋阿妹, 你話氣唔氣結。

我都曾經同我老公差點離婚, 咪又係因為頂撞佢兩老。


公爵府

積分: 29340

2019新春慶豚圓


發表於 08-5-22 14:06 |顯示全部帖子
樓主~ 結婚前, 你知唔知你C6 & 99係咁架?

奉勸各位未婚女士, 留意下個男人係咩人~ 唉, 小心小心....


男爵府

積分: 6475

醒目開學勳章 環保接龍勳章 畀面勳章


發表於 08-5-22 14:10 |顯示全部帖子
樓主,你同BB既健康最緊要,我老公又係對9962好好,你要小心身體,我就係因為為了同老公爭取唔卑99湊,有BB時成日擔心同喊,所以早產!你唔好林甘多啦,請陪月啦,你住邊區,我都有個可介紹!


禁止訪問

積分: 1368


發表於 08-5-22 14:20 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


禁止訪問

積分: 1368


發表於 08-5-22 14:44 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


禁止訪問

積分: 1368


發表於 08-5-22 14:55 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


象牙宮

積分: 239905

2019新春慶豚圓 2019勳章 HiPP勳章(2) HiPP勳章(1) 2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 FUN享自然‧郊遊一夏 親子探索遊 玩具勳章 趣教勳章 畀面勳章 叻叻勳章 有「營」勳章 好媽媽勳章 醒目開學勳章 環保接龍勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 最關心BB問題熱投勳章 美好大世界2017勳章 開心吸收勳章 食得好勳章 瞓得好勳章


發表於 08-5-22 16:03 |顯示全部帖子
唉呀,等我曾經有個ex bf佢對媽咪好好,我仲以為咁孝順一定係好仔/老公添。


複式洋房

積分: 419


發表於 08-5-22 16:23 |顯示全部帖子
我曾經都係咁諗, 不過主要都係睇佢阿媽咩性格...我99以前無咁誇, 可能未入門, 而家我真係好怕.......what a control freak!!

原文章由 sasa0208 於 08-5-22 16:03 發表
唉呀,等我曾經有個ex bf佢對媽咪好好,我仲以為咁孝順一定係好仔/老公添。


子爵府

積分: 11965

好媽媽勳章


發表於 08-5-22 17:08 |顯示全部帖子
其實因為個個係佢阿媽...佢覺得佢都係佢阿媽湊大...而且你地係第一胎...佢又唔識...當然想你聽佢阿媽話...



[url=http://lilypie.com][img]

跳至