跳至
   0


大宅

積分: 3885


發表於 08-5-22 16:39 |顯示全部帖子
我囝囝自從5月1日PARTY後就開始咳咳同流鼻水,但冇發燒、食得瞓得玩得,跟住帶佢睇咗兩次醫生,都係話受過濾性病毒感染而普通傷風咳,跟住食哂啲葯鼻水收咗,咳就簡唔中都有,之後就給猴X散比佢食,因為我囝囝本身都有鼻敏感同埋條氣管係弱啲,所以都係有幾聲咳囉,但見佢冇咩嘢,又係食得瞓得玩得,故冇理佢,費事比佢食咁多西葯。

不過,前幾日見囝囝有時食完奶OR瞓醒覺,咳到回唔到氣咁,之後又冇咩照玩,所以我同亞嫂(幫我湊仔)講返咁情況。點知前兩日亞嫂打嚟話佢咳多咗帶佢睇多次醫生,點知醫生診斷佢係《急性支氣管炎》,要即刻寫信去公立醫院吸氣 ,我亞嫂即時搭的士去醫院,即刻安排佢去急症室吸氣,亞囝可能驚果舊嘢唔知咩嚟,同埋陌生環境+人,嗌同喊到成間急症室都震哂。仲要留院吸氣到現時都未出得院呀 ,因為醫生話佢情況好轉,但仲差些少,要再視乎情況先。同埋宜家政府醫院兒科醫生同護士真係好緊張同細心每個小朋友病況,唔會掉以輕心,可能早前啲流感個案都係針對小朋友啦,真係好多謝佢哋悉心照料。

而我囝囝住院到現時為止,都係吸氣,冇葯食,食得瞓得同玩得,仲冇咩好玩,百厭到左搞右搞,擒上擒落,而且食量仲大咗!唉...我亞嫂連續兩日留夜啦,而我昨日放咗晏晝去接更至凌晨1點先歸家,公司又多嘢做行唔開,如果唔係今日再去接更,等亞嫂有得休息。一陣放工就要雞咁腳走去醫院。

其實病房中所有小朋友都係呢啲呼吸病,隔離床果個妹妹只得幾個月咋,嘩,睇見佢又要吊水、種豆果隻手,真係肉痛。醫生話呢啲病況對小朋友好普遍,仲話宜家空氣差加上啲菌真係好惡,所以小朋友咳咗幾日都要去見醫生CHECK下穩陣。所以 各位媽媽真係小心啲呀!


大宅

積分: 3086


發表於 08-5-22 16:48 |顯示全部帖子
lokjudy: 唔好太擔心, 你自己都要小心身體. 在醫院有醫生睇住佢, 小朋友食得玩得又瞓得, 即係冇病....放心.

願 woody仔早日康復


原文章由 lokjudy 於 08-5-22 16:39 發表
我囝囝自從5月1日PARTY後就開始咳咳同流鼻水,但冇發燒、食得瞓得玩得,跟住帶佢睇咗兩次醫生,都係話受過濾性病毒感染而普通傷風咳,跟住食哂啲葯鼻水收咗,咳就簡唔中都有,之後就給猴X散比佢食,因為我囝囝本身都有鼻敏感同埋條 ...


男爵府

積分: 6560

畀面勳章


發表於 08-5-22 17:03 |顯示全部帖子
我前排都係, 住左成6日醫院添。
你可以問下醫生o個d係咩氣, 因為以我所知, 聞既氣可能係類固醇, 用黎舒緩氣管。食藥吊針就係抗生素。不過你住得醫院, 醫生都會好好咁照顧你bb既...希望佢快d好番啦。

原文章由 lokjudy 於 08-5-22 16:39 發表
我囝囝自從5月1日PARTY後就開始咳咳同流鼻水,但冇發燒、食得瞓得玩得,跟住帶佢睇咗兩次醫生,都係話受過濾性病毒感染而普通傷風咳,跟住食哂啲葯鼻水收咗,咳就簡唔中都有,之後就給猴X散比佢食,因為我囝囝本身都有鼻敏感同埋條 ...


大宅

積分: 1944


發表於 08-5-22 17:05 |顯示全部帖子
快d好!BROTHER


大宅

積分: 2161


發表於 08-5-22 17:06 |顯示全部帖子
放心啦, 小woody好快會冇事架啦. 小朋友病下先至有多啲抵抗力架. 有醫生睇住, 好快就會出院架啦. 你自己都要小心身體呀, 如果唔係到小woody出院時你又病咗咁你又同唔到佢玩啦.

原文章由 lokjudy 於 08-5-22 16:39 發表
我囝囝自從5月1日PARTY後就開始咳咳同流鼻水,但冇發燒、食得瞓得玩得,跟住帶佢睇咗兩次醫生,都係話受過濾性病毒感染而普通傷風咳,跟住食哂啲葯鼻水收咗,咳就簡唔中都有,之後就給猴X散比佢食,因為我囝囝本身都有鼻敏感同埋條 ...


大宅

積分: 3885


發表於 08-5-22 17:07 |顯示全部帖子
多謝哂各位祝福同問候,尤其是EMMA時常打嚟問亞囝情況。


大宅

積分: 3885


發表於 08-5-22 17:14 |顯示全部帖子
原文章由 DalaDala 於 08-5-22 17:03 發表
我前排都係, 住左成6日醫院添。
你可以問下醫生o個d係咩氣, 因為以我所知, 聞既氣可能係類固醇, 用黎舒緩氣管。食藥吊針就係抗生素。不過你住得醫院, 醫生都會好好咁照顧你bb既...希望佢快d好番啦。

...


其實果支嘢我都問咗姑娘LA,佢話係擴張氣管用,唔係哮喘葯,亦有好少份量既類固醇。我識人會買定兩支同埋個泵放係屋企。吓...你囝囝先前都係咁呀,仲要住六日醫院 ,我唔係唔想佢留院呀,只怕醫院多病菌驚交叉感染咋。我個囝由開頭一個鐘吸一次至宜家係隔四個鐘吸一次囉。佢仲精神過我呀,成日想落床周圍走去搞搞震。希望快啲到SAT啦,因為我開始放大假湊佢,唔駛好似宜家咁心卦卦。


大宅

積分: 2122


發表於 08-5-22 17:51 |顯示全部帖子
Judy, please take a good care of yourself. it's very tough when your baby is not well. I'm sure woody will recover soon.


大宅

積分: 1554


發表於 08-5-22 18:41 |顯示全部帖子
lokjudy~

希望細woody快d好番. 妳自己都要小心身子. 細woody等妳照顧架. 聽見都心痛..

聽妳講, 細woody的喉嚨仔唔係咁好. 而家空氣質素差左. 妳有無買部空氣清新機放在家? 要小心點. 我媽媽20年前又係一次感冒而搞到有哮喘, 時時要吸氣. 所以平時妳都點比細woody穿有領既衫, 最重要遮住銷骨位置, 唔好冷親, 呢個位置一受冷會好容易影響到咳及喉嚨唔舒服. 因為我同我媽媽都係天生喉嚨唔多好. 好容易會一冷親就會喉嚨痛, 等woody大個仔時, 多點做戶外運動就會好點..放心~

祝細woody健健康康!


大宅

積分: 3406


發表於 08-5-22 20:35 |顯示全部帖子
lokjudy

雖然仔仔病咗做亞媽一定會好緊張,訓都訓得唔好,但你真係要小心自己身體,老實講做咗人亞媽,特別多o野做同要顧慮好多,你都話公司多o野做,又要去醫院接班,出入醫院D菌都好犀利o家,你自己真係要小心D呀。

一月o個時我老公出trip整親左腳,返到o黎就入院做手術,我老公個病房好近兒童病房都見到有好多好細個o既小朋友,手仔細細插喉,我雖然無識他們,但自己都係人媽媽見到都好心痛,所以我好明白你所講o既o野。

祝你仔仔早日康復,快D出院返屋企。


大宅

積分: 2247


發表於 08-5-22 23:21 |顯示全部帖子
祝細 woody 早日康復 !! 快D 好返晒


別墅

積分: 959


發表於 08-5-22 23:31 |顯示全部帖子
願主保守woody一切平安!
誰能使我與基督的愛隔絕呢? 難道是患難麼?是迫逼麼?....... ;-)


大宅

積分: 1783


發表於 08-5-22 23:46 |顯示全部帖子
祝woody仔早日康復, 怏d出院.
woody仔好叻叻, 係醫院都咁精ling.


大宅

積分: 2075


發表於 08-5-23 00:23 |顯示全部帖子
吓! 小胡媽, 乜咁大件事呀! 小woody仔幾時先出得院呢? 心痛c了! 好快到sat,唔好咁擔心啦...好快好番啦! 峰峰都重有咳要食藥, e生都話佢氣管唔好

果晚同你 之後, 我就去咗睇e生,腸胃炎呀.....睇咗3次e生都未好番! 今日忍唔到口食咗雲吞又痛過

呢排唔得閒就唔好幫我訂衫仔了,真係辛苦哂!
**我下星期一放假,有咩要幫手請出聲,ie.叫我隻bunbun幫你買嘢or煲"足"等...


別墅

積分: 944


發表於 08-5-23 00:59 |顯示全部帖子
放鬆d呀...woody仔食得玩得又瞓得,仲咁精神,好快完全康復ga.你都要take care yourself呀,先有精力take care woody仔ga. ..


別墅

積分: 944


發表於 08-5-23 01:00 |顯示全部帖子
放鬆d呀...woody仔食得玩得又瞓得,仲咁精神,好快完全康復ga.你都要take care yourself呀,先有精力take care woody仔ga. ..


男爵府

積分: 5218

BK猜猜猜慶中秋


發表於 08-5-23 07:49 |顯示全部帖子
哎乜, 真係担心! 小Woody 要快D好返! Judy 你記住休息多D, 仲有叫你亞嫂都係! 飲返杯維他命C, 抵抗力好D, 出入e院都冇咁易病! 加油!


大宅

積分: 3885


發表於 08-5-23 09:54 |顯示全部帖子
多謝各位問候同關心呀!頭先我亞嫂打電話嚟醫生話今日可以出院啦!

禽晚去到醫院見到隔離果兩個小朋友都出院渡假,成間房得返我個囝,好似冷清清咁,雖然咁諗唔係咁好 ,因為小朋友可以出院係好事,但我係唔開心既是囝囝唔知何時可以出院囉,始終都係一句醫院菌多,之後好快又入咗兩個病人,一個係出院渡假又發高燒、另一個係疑似肺炎,所以我好想快啲走人。

醫生話亞囝都仲有少少,想佢清哂先走得,我亞囝既精力,簡直老虎都打底呀,我同隻佬就嚟比佢玩到 ,小朋友入院只係啲大人辛苦啲,不過最緊要佢精神同健康,食得瞓得玩得。係呀!今次真係最感謝亞嫂幫忙呀,佢過兩天會去旅行充電,而今晚我會湊返亞囝幾日囉。原本明日要去健康院打一歲針都要改期lu。

811
你啲衫仔已經返哂貨啦!好鬼感動呀 ,你連賓賓都出動埋想幫我手,我唔客氣架,有咩好打比你啦! 你都要小心啲呀,峰峰未好就要睇多次醫生,都係果句,宜家啲菌真係好勁呀!大家小心...


大宅

積分: 1783


發表於 08-5-23 11:24 |顯示全部帖子
yeah yeah woody 出院啦.
乜疑似肺炎冇得隔離ga 咩mouth:

原文章由 lokjudy 於 08-5-23 09:54 發表
多謝各位問候同關心呀!頭先我亞嫂打電話嚟醫生話今日可以出院啦!

禽晚去到醫院見到隔離果兩個小朋友都出院渡假,成間房得返我個囝,好似冷清清咁,雖然咁諗唔係咁好 ,因為小朋友可以出院係好事,但我係唔開 ...


男爵府

積分: 6560

畀面勳章


發表於 08-5-23 11:26 |顯示全部帖子
恭喜晒呀~ 希望woody仔健健康康, 精精靈靈。

之前係我自己入院, 我個囡仲健康過我...


原文章由 lokjudy 於 08-5-23 09:54 發表
多謝各位問候同關心呀!頭先我亞嫂打電話嚟醫生話今日可以出院啦!

禽晚去到醫院見到隔離果兩個小朋友都出院渡假,成間房得返我個囝,好似冷清清咁,雖然咁諗唔係咁好 ,因為小朋友可以出院係好事,但我係唔開 ...

跳至