吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 離婚困局, 請給我一點意見!!

單親天地今日: 1|主題: 18335

收藏本版

發帖

返回列表

跳至頁

查看: 2821 | 回覆: 11

離婚困局, 請給我一點意見!! [複製鏈接]

josephinelcm

洋房

積分: 77

1^#

發表於 08-5-23 12:09 |只看該作者 |倒序瀏覽 |打印

我老公以我"不合理行為"向我提出離婚,他所指的不合理行為是:
1. 我好多時喊,他認為我患產後抑鬱.
(我向他解釋我喊是因為我不開心得不到他關心,體諒,心病還須心藥醫. 如果我是患產後抑鬱,那更加應該關心我多些.)
2. 她家姐天天打幾次電話給c6,我在c6面前鬧佢"死八婆". c6好嬲話我唔尊重佢家姐.
(我向他解釋他家姐這樣做好影響我們家庭生活,天天花上半小時以上招呼她來滿足她八掛慾,然而犧牲我們共處時間.我鬧佢是發洩心中不滿.)
3. 她媽媽生日我冇出席,c6話我唔尊重佢亞媽.
(當日bb病了,仍吃藥中.我解釋bb病要留在家休息,不方便去人多地方.c6認為帶埋d藥去食咪得,不可以不去.)
4. 他好凶惡鬧我亞媽,還趕佢離開我家.叫佢不用來淒bb,比工人淒便可以.
(當晚我好嬲,為表示我不滿,我用刀遠距離指嚇c6,但沒傷害佢,只話比佢聽你好緊張你家人,我都好緊我張我家人的.)

以上行為,個官會認為是合理的離婚原因嗎?我仍未搵律師抗辯,因為我認為這些是家庭爭拗,大家相處上有問題,應該好好傾下,互相遷就.

我同c6傾過,佢覺得自己冇錯,是我脾氣大佢好難接受(因為我嬲佢可以嬲成個星期唔睬佢); 我同佢講我只想佢關心我多些,投放多些時間在這個家裡,初時佢話佢已經投放咗好多時間在這個家裡,是大家標準唔同,我再問佢,佢話可以投放多少少,咁我認承佢我以後有唔開心即日解決,唔可以嬲過夜....咁佢又話,佢想我地開個聯名戶口,家庭所有開支包括買餸,買垃雜野一概由這個戶口支取,言下之意佢唔想對頭家負擔太多,想我同佢一齊養家,因為大家有工作.我話買餸,買垃雜野咁鎖碎不用在這戶口支取,邊個得閒邊個買,買咗就算,錢都是用在這個家裡,不用斤斤計較,我說這個戶口應該用來支付公用開支/供樓/女兒學費/儲蓄用的,佢聽完我咁講,再堅持要所有錢在這個戶口支取.

到最後,佢話要考慮下先再決定是否離婚. 我覺得佢想我妥協,樣樣要我遷就佢. 但佢認承可以比多d愛我,關心我多d. 其實我只想要一個完整的家,和關心我的老公.但係我覺得c6總會緊張自己&自己d錢&自己家姐亞媽多過我的,我都唸緊好唔好離婚,因為佢都傷害過我,又事事以這個家遷就佢亞媽家姐,又好少關心個囡. 各位mami你地點睇,比d意見!我好亂呀,唔知點好!.....仲有如果c6堅持離婚,6月初要上庭,我是否要請律師抗辯,為自己討回公道?但在公堂上互相指責,無論誰勝誰負,我相信都是離婚收埸,所以我有冇必要請律師&出庭呢?

好煩....好煩........婚姻路真的不易行!!!小朋友的將來,影響又唔知多大呢?...點算!!

0 0 0

私人傳訊

vane

侯爵府

積分: 22841

環保接龍勳章

2^#

發表於 08-5-23 13:59 |只看該作者

原文章由 josephinelcm 於 08-5-23 12:09 發表
我老公以我"不合理行為"向我提出離婚,他所指的不合理行為是:
1. 我好多時喊,他認為我患產後抑鬱.
(我向他解釋我喊是因為我不開心得不到他關心,體諒,心病還須心藥醫. 如果我是患產後抑鬱,那更加應該關心我多些.)
2. ...

以妳的問題..相信只有律師可以答到妳....妳先去找自己家附近的免費法律資問一問先,....同時妳可以到..法援處..找協助吧!

[ 本文章最後由 vane 於 08-5-23 14:02 編輯 ]

我係亞四...越忙越開心!上山下海樣樣佳能....

私人傳訊

cc123456

大宅

積分: 3385

3^#

發表於 08-5-23 19:20 |只看該作者

大家既爭辯, 其實只係話比法官聽你地大家是否同意離婚啫..唔會因為你唔同意老公既指控, 而離唔成婚!

法官只係宣佈你們係即時離婚或是要分居兩年才可離婚.

可以唔駛請律師, 自己上法庭, 個官問咩就答咩, 好隨和的..不是電視般嚴肅到暈個隻....

私人傳訊

josephinelcm

洋房

積分: 77

4^#

發表於 08-5-24 10:02 |只看該作者

Thanks for all mami's help!!!.........

vane & cc123456:
我昨天打去一間律師樓問,搵律師面談一小時要$2500-4000 ,睇你揀邊位律師而定!! 好貴啊!!!!!!!.............

依照cc123456咁講,無論如何都係離婚收場, 咁我寧願留番d錢比個小朋友用好過law!..........

cc123456:
我唔只唔同意老公的指控,我相信我的抗辯原因更合理,而且反映到c6傷害我更深,咁個官係咪都係判離婚呢?....如果係,咁我都費事理佢封離婚呈請信,由得佢當收唔到算數,反正封信都寫咗個小朋友由我照顧,c6唔會同我爭!

私人傳訊

cc123456

大宅

積分: 3385

5^#

發表於 08-5-24 12:32 |只看該作者

1)咁呈請書都會有寫比返幾多$你架禾, 如果呈請書寫$0 or留空, 咁你以後生生世世都追唔到架!

2)雙方同意可以即時離婚
單方面申請需要分居兩年
~ 所以只要一方想離, 根本冇話離唔到, 個啲所謂既離婚原因都係循例啫!你個啲原因根本唔影響結果..除非:有通姦証明就可以唔駛分居兩年即時離婚!

3) 好濕碎啫, 唔駛搵律師咁貴啦, 自己搞得掂架啦!!

[ 本文章最後由 cc123456 於 08-5-24 12:33 編輯 ]

私人傳訊

maggielau0705

珍珠宮

積分: 41784

好媽媽勳章

6^#

發表於 08-5-24 23:15 |只看該作者

原文章由 cc123456 於 08-5-24 12:32 發表
1)咁呈請書都會有寫比返幾多$你架禾, 如果呈請書寫$0 or留空, 咁你以後生生世世都追唔到架!

2)雙方同意可以即時離婚
單方面申請需要分居兩年
~ 所以只要一方想離, 根本冇話離唔到, 個啲所謂既離婚原因都係循例啫 ...

法律上雙方同意都要有分居夠1年才可辦理離婚手續,如果沒有分居入唔到申請, 除非有特別原因,例如, 虐待,有精神病,吸毒等等,法官會考慮情況來定是否即時可辦理離婚!~
你老公單方面用某d理由黎申請,都要同你分居夠2年佢先入得申請, 其實離婚理由填咩都可以!~
你唔請律師,就要自己出法庭自辨, 如果請左律師你就可以指示你的律師代表你上法庭,你唔可以唔請律師,自己又出庭,因為沒有律師代表而你又唔出庭,法庭會出信比你警告,再排期上,再唔去會好麻煩, 因為你沒有即時作出任何抗議,當你c6勝訴!明白未!~
有唔明pm我,唔洗搵律師詢問收你幾千蚊!~

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

7^#

發表於 08-5-25 01:46 |只看該作者

其實我睇你既問題都唔係咩咁大件事，最大問題係你覺得老公唔夠關心你兩母女同埋唔滿意佢好重視佢家人，最嚴重都係閙你啊媽啫！

其實，你老公重視佢家人，咁佢都一樣重視你同囡囡啫，你哋都係佢家人嘛！

我覺得佢同家姐感情好先會應酬佢，咁你仲要鬧人家姐咁你唔係覺得自己無錯掛？！

你覺得佢應酬佢家姐會分薄咗對你同囡囡既關心，咁你都好小氣啫！

仲要嬲成個禮拜，呢啲好影嚮夫妻感情喎！

我覺得好大可能係佢屋企人敎佢用離婚嚟迫你改囉！

私人傳訊

ilkachan

大宅

積分: 1696

8^#

發表於 08-5-25 23:03 |只看該作者

原文章由 honeybear0207 於 08-5-25 01:46 發表
其實我睇你既問題都唔係咩咁大件事，最大問題係你覺得老公唔夠關心你兩母女同埋唔滿意佢好重視佢家人，最嚴重都係閙你啊媽啫！

其實，你老公重視佢家人，咁佢都一樣重視你同囡囡啫，你哋都係佢家人嘛！

我覺得佢同家姐感情好先會 ...

老實講, 我都同認同

私人傳訊

josephinelcm

洋房

積分: 77

9^#

發表於 08-5-30 17:18 |只看該作者

多謝各位mami意見及分析!

honeybear0207:

(最大問題係你覺得老公唔夠關心你兩母女同埋唔滿意佢好重視佢家人，最嚴重都係閙你啊媽啫！)
你說得對,我的問題其實都唔係咩咁大件事!

但佢太重視自己親人而忽略了妻子及小朋友!
未滿月時叫佢半夜餵囡他駡個囡噪住佢訓覺.當時佢放緊假,我恥骨有事不能獨自起床/坐立,最後我自己用了十分鐘以上時間,好不容易才碌下床起來餵奶...從不主動抱囡兒, 除非佢亞媽來才主動豆囡兒玩來討佢亞媽歡心...

我覺得佢同家姐感情好先會應酬佢，咁你仲要鬧人家姐咁你唔係覺得自己無錯掛？！
我有錯c6也有錯!...我只對他說佢家姐是八婆,成日打來問我地做緊mug,叫佢唔駛一日打4-5個電話來咁多,我地都要有自己家庭時間.c6一聽見死八婆三個字,立刻氣上心頭,自己致電給家姐要我親自對她講一次,c6再三呼喝我叫我講,咁我咪講law!......好明顯佢緊張佢家姐多過我,愛一個人怎會捨得傷害佢,仲當街呼喝我,拉拉扯扯!

你覺得佢應酬佢家姐會分薄咗對你同囡囡既關心，咁你都好小氣啫！
事實佢用咗我個家去遷就佢家姐亞媽!eg:個囡發燒&咳都要帶個囡同佢亞媽飲茶; 約好星期天一家三口外出,佢亞媽打來叫去飲茶立刻認承; 我坐月期間因恥骨問題不良於行,囡兒也未滿月,但佢拋下妻囡去陪佢家姐買朱古力,結果過了囡兒吃奶時間仍未回來!......

仲要嬲成個禮拜，呢啲好影嚮夫妻感情喎！
我嬲佢成個禮拜,佢唔氹番我,問下mug野原因,咁佢冇錯?

每一件事的發生雙方都要負責任,誰是誰非都不是問題,最緊要事後檢討,不好再犯......現在我叫佢為咗個囡,要唸清楚先好離婚,佢一聽到我話要為個囡將來唸,佢即刻唔鍾意,話唔駛唸喎!...佢就係咁自私,可以個囡都唔顧;如果我話我會順佢亞媽家姐意,我唸佢先會接受!!!....

私人傳訊

Fiona0235

珍珠宮

積分: 44134

10^#

發表於 08-5-31 02:56 |只看該作者

原文章由 honeybear0207 於 08-5-25 01:46 AM 發表
其實我睇你既問題都唔係咩咁大件事，最大問題係你覺得老公唔夠關心你兩母女同埋唔滿意佢好重視佢家人，最嚴重都係閙你啊媽啫！

其實，你老公重視佢家人，咁佢都一樣重視你同囡囡啫，你哋都係佢家人嘛！

我覺得佢同家姐感情好先會 ...

我都認同!!!

不過，家家有本難念的經!很難一概而論的!!!