婆媳關係

跳至
   0


大宅

積分: 1355


發表於 08-5-25 16:55 |顯示全部帖子
我女女三個幾月大,除去打針之外未帶過去街.有次我奶奶帶個黑蚊蚊師奶入黎睇bb,我個女醒就一手抱起俾個師奶抱,我個女即喊,自始一見其他人就喊(爸爸都唔跟)奶奶仲話我成日唔帶bb出街見人,一見生保人就喊,激到我喊幾次喇,我見bb細出面又多細菌,只係唔想bb受感染先唔出街住,我係咪太過緊張?我奶奶成日想帶bb返去俾街坊見下要威,仲成日話樓下d師奶成日都抱D bb周圍去,各位我有做錯嗎?


珊瑚宮

積分: 111964

2019新春慶豚圓 2019勳章 好媽媽勳章 醒目開學勳章 環保接龍勳章


發表於 08-5-25 17:31 |顯示全部帖子
我坐完月,已經每個星期同bb去一次shopping+另外一星期一次飲茶
+一個月去兩次見我表姐個女!!我就係怕bb大個會驚人...所以帶佢去多d街!
bb大概4個月到,佢姑媽好少返黎食飯,(平時一個星期返3-5次),但果個月一星期返一次+去左個幾星期旅行,變左bb同姑媽唔熟,姑媽一去完旅行返黎,佢首先望下,跟住就係咁喊!!!
所以我地多左帶bb出街!佢而家6個月,佢ok唔怕人,但我地發現佢驚d講野大聲既人..


男爵府

積分: 7239

2019新春慶豚圓 好媽媽勳章 醒目開學勳章


發表於 08-5-25 17:33 |顯示全部帖子
我個女幾日就出街!
抵抗力係要自己儲架,
佢頭6個月係我係母體淨低俾佢嘅,
係OK壯架,
當然,人太多同埋佢已經病緊就唔去啦,
同埋多數係去教會同戶外,
無人食煙嘅地方!


大宅

積分: 1355


發表於 08-5-25 17:57 |顯示全部帖子
原文章由 Flo0602 於 08-5-25 17:16 發表
當我個女三個幾月時我已經帶佢去公園或者大型商場行一陣, 等佢見多啲唔同既野咁會精靈啲, 但只係隔個星期去一次, 就好似你咁講, BB太細個而出面又多菌, 都係小心啲好! 我係近呢一個月(即係BB都有四個幾月開始)先至 ...

我已一早講定bb禁細唔帶佢出街住,大多少少先,最慘99每次上黎就俾說話我聽,好似頭先下午上黎禁又講,bb見到佢又大喊都死要抱住唔放,我巳嬲到喊粒聲唔出走出街,點解99唔會體諒我出面多菌先唔帶bb出街呢?激死我...


大宅

積分: 1355


發表於 08-5-25 18:36 |顯示全部帖子
原文章由 Flo0602 於 08-5-25 18:06 發表


咁你老公係咪都企係你個邊先, 如果係既就叫佢同奶奶講囉, 唔駛喊!! 我奶奶都係咁ga, 成日要爭住抱我個女但又搞到佢喊哂, 所以我會唔理佢而抱番個女走, 佢唔開心都係咁話喇, 我先至係bb既媽咪, 如果我都保護唔到佢 ...

唔該哂...我要學硬淨d先得 ,thanks


男爵府

積分: 6641


發表於 08-5-25 20:07 |顯示全部帖子
我個仔一出世幾日出左街啦...不過你奶奶想比人抱既話...你最好都係唔好了~個個都抱...點知果個人有無病架....你係佢媽咪...要保護佢~


大宅

積分: 2000


發表於 08-5-25 20:38 |顯示全部帖子
原文章由 新手媽咪仔 於 08-5-25 17:57 發表

我已一早講定bb禁細唔帶佢出街住,大多少少先,最慘99每次上黎就俾說話我聽,好似頭先下午上黎禁又講,bb見到佢又大喊都死要抱住唔放,我巳嬲到喊粒聲唔出走出街,點解99唔會體諒我出面多菌先唔帶bb出街呢?激死我... ...


bb怕陌生人而大喊妳千萬唔好自己走左去,應該一路跟住,如果連自己熟悉嘅人都唔見左,bb會冇哂安全感,喊得仲犀利,咁就好容易發惡夢,影響睡眠品質&抵抗力會變差,我阿b都好認人,但係死抱住唔放反而係我老豆,次次我都死跟向後面,幫阿b抹眼淚鼻涕,但阿b一直喊,到最後放棄嘅反而係我老豆,阿b又一俾我抱就唔喊,試多幾次,我老豆就唔會太急進咁抱阿b,到阿b對住佢笑先會試抱...
其實阿b太細去太多街真係唔好,不過如果長期向屋企又會侷限佢嘅生活,試下每日帶bb落樓下公園10-20分鐘,唔駛俾佢接觸人,只係俾佢望住d人走黎走去已經ok,因為3個幾月bb都仲係唔太會表現自己,只會識笑同喊或者呀兩聲,所以呢段時間俾佢多觀察人就得啦...
如果妳怕出街多細菌,可以用揹帶,咁bb感染機會會細好多,又可以防止其他人覺得bb得意而摸佢...
至於妳99就叫c6攪掂佢囉,同c6講如果唔想妳有產後抑鬱,唔該攪掂佢自己阿媽先啦...


子爵府

積分: 12872

醒目開學勳章 畀面勳章


發表於 08-5-25 21:46 |顯示全部帖子
其實醫生建議bb一歲前都唔好出咁多街!加上依家d菌已經唔係普通嘅傷風感冒,係可以致命嘅!你試下用呢個point同你99講,起碼有根有據又有實例,佢如果係真係錫個孫應該要為個孫諗下,而唔係掛住周圍show off!!

見得多唔係一定會跟佢!我喺另一個topic提過,我同99同住,囡囡日日都見到佢,但係好多時佢抱都大喊!唔鍾意就係唔鍾意!我個女好搞笑架,佢比較肯跟女性,出到街唔識嘅auntie同佢玩佢都笑!有次搭車有個男人望下佢都喊到飛起~~(但係就係唔鍾意跟99)

如果真係去街盡可能都唔好去太多人嘅地方,去公園晒下太陽,呼吸下新鮮空氣已經好夠!!!


大宅

積分: 1024

2019新春慶豚圓


發表於 08-5-25 22:36 |顯示全部帖子
我B出世一兩個月果陣, 6299就成日話要帶佢去飲茶, 又話佢個朋友個孫都係咁, 係茶樓見到人地d BB又話人地都去飲茶啦, 咁佢又知唔知人地係唔係成日去, 又係唔係被迫o即, 所以我當耳邊風, 彩佢都傻, 阿B咁細個, 比D病菌野到點算.

平時我就一星期帶阿B出一兩次街, 不過都唔會去太多人既地方, 佢始終都仲係細, 唔想佢比D病菌野到.

[ 本文章最後由 CAP 於 08-5-25 23:21 編輯 ]


別墅

積分: 904


發表於 08-5-25 22:48 |顯示全部帖子
我都好早就帶BB出街...不過唔密
不過俾99帶出去SHOWOFF就唔得喇...四圍俾人摸...你話我個仔有寶都係咁話!點知邊個有病冇病...人地唔會同你錫住BB架麻~


子爵府

積分: 11965

好媽媽勳章


發表於 08-5-25 23:08 |顯示全部帖子
其實你都係驚你個bb太細...對老人家黎講...多d帶bb出街...唔會咁易怕生保...其實你可以帶bb行商場或者公園...行一陣就返屋企...



[url=http://lilypie.com][img]


男爵府

積分: 7981

2019新春慶豚圓


發表於 08-5-30 18:05 |顯示全部帖子
原文章由 CAP 於 08-5-25 22:36 發表
我B出世一兩個月果陣, 6299就成日話要帶佢去飲茶, 又話佢個朋友個孫都係咁, 係茶樓見到人地d BB又話人地都去飲茶啦, 咁佢又知唔知人地係唔係成日去, 又係唔係被迫o即, 所以我當耳邊風, 彩佢都傻, 阿B咁細個, 比D病菌 ...

我99又係咁, 仲要喊對住我地話幫我地湊BB好似坐監咁, 又唔諗酒樓又多人, 佢飲又飲好鬼耐....我堅決唔比...


別墅

積分: 641


發表於 08-5-30 18:42 |顯示全部帖子
bb太細,就真係唔好去太多人嘅地方,但係bb有得3個月,到可以去下公園,想去飲茶都得,但係去邊都一定要你帶bb出去,唔好畀你99自己帶出街,你出親街都帶個樣樣齊備嘅尿片袋,佢見咁重,你又要佢一定要拎,佢見次次出去都咁重,佢就會嫌煩,如果佢唔肯帶,你就話咁唔好去啦,行行下bb肚餓,無奶奶食點算,所以唔帶齊嘢,就唔好去啦咁!
唔使喊架,d99就算以前講話佢自己99幾煩,佢地都係做番一模一樣嘅嘢出黎。人地黎探阿b,你就猛叫佢地洗手洗手洗手。唔好怕,做媽咪我情願人地話我緊張,好過整病阿b!


珍珠宮

積分: 34366


發表於 08-5-31 01:11 |顯示全部帖子
我個女未滿月已日日跟我返娘家, 一滿月就日日返育嬰院, 基本上日日都出街!

不過我無一個要抱我個女週圍去威既99.....
好好過每一天......


男爵府

積分: 6052


發表於 08-5-31 01:26 |顯示全部帖子
人多既地方, 好似酒樓呀, 行街既地方, 最好都係等佢過左一歲先好出, 話晒一歲個時好多針都打左!兩三個月實在太細啦, 尤其是帶佢去威, 唔好搞, BB未滿六個月就病既話, 將來身體好難搞。

我個女到成十四個月大先第一次病, 而家身體都OKAY, 我地一歲之後, 差唔多一個星期出一之街, 不過要好好同佢洗乾淨隻手, 出街好多細箘。


子爵府

積分: 13833

2019新春慶豚圓 2019勳章 畀面勳章


發表於 08-5-31 11:05 |顯示全部帖子
我囡囡二個月大已經去左育嬰院,每星期都會去酒樓食飯,每逢星期日都唔會cook野食,一定落街食(同bb一齊)


大宅

積分: 2616


發表於 08-5-31 11:12 |顯示全部帖子
1 year old
Before - 人多地方都少去
After - 咩地方去,甚至旅行
仔仔06-12-2003出世


大宅

積分: 4120


發表於 08-5-31 11:20 |顯示全部帖子
我個仔以前都係3個月到先帶去飲荼,而且唔會去得密lor,最多一個月一次only,平時我都會帶呀b行下公園咁,不過就唔會放比99帶呀b去街,因為99鍾意帶呀b去威,比埋d 3姑6婆又摸又錫,都幾係野,如果想呀b多d見下人,去公園係好架,因為空氣流通d


大宅

積分: 1355


發表於 08-6-4 19:44 |顯示全部帖子
各位:自從5月25號我發脾氣走去之後,我99都唔敢再上黎喇...(我老公叫佢唔好上黎住),99都知我嬲緊仲問我老公我嬲完未,我無正面回答,呢排真係清淨哂,哈哈


大宅

積分: 2249

好媽媽勳章


發表於 08-6-6 08:18 |顯示全部帖子
我個細仔呀..出世第二日(我出院個日)夜晚就去左酒樓食飯,我c6成家兄弟姐妹加埋拖友成棚人...死未,佢地話想睇下亞仔喎(我住左院一日only,佢地冇黎睇我),我傷口又痛,人又累...有諗過唔去,不過大人事小,亞仔得2日人仔咋陰公 晚飯時段酒樓咁多人好多菌麻,所以我幾大都痴實,唔俾佢地亂舞亞仔

跳至