以下係我心底裡一直唔敢同人講既o野，如果有jm覺得我係無病呻吟，搵野黎煩，就當路過，冇睇過吧。
其實比起好多人，我既人生算係美滿，屋企人整整齊齊，有份專業既工，人工不錯，最近仲升左職(我等左2年多終於等到了) ，結左婚2年，但仲未有小朋友。
我搵既人工差少少就多我c6一倍，其實冇問題，我都唔介意。我c6係一個普通家庭長大，屋企自細唔會話帶佢去見識d咩，生活只係好普通咁過。
但我，我父母係識享受之人(但佢地係月光族)，由我小朋友時，已經帶我去四圍見識。自從同左我c6後，(我地拍拖+結婚, 差不多一起12年了) ，我已經俾佢” 同化” 左，食野普通，唔會成日花錢去玩，我地既目標好一致，就係要買樓….. 其實我地已經有一大筆錢for首期，但我c6係穩陣之人，話唔想變負資產，所以一直都未action去買，而同時我地仲好努力去儲錢。
有時，我真係唔知我生存係為左咩，難道只係為層樓？我而家生活唔係刻苦，我鍾意買咩就買咩(當然我唔會亂買名牌，只係我鍾意既衫褲鞋襪，幾百蚊我一定會買，唔會虧待自己) ，但比起我d朋友、同事、家姐，佢地搵既錢同我差唔多，我見佢地o係facebook成日去呢度玩、果度食好野，而我，永遠都好似活o係我同c6個世界，過d好普通既生活…..
仲有，我對我父母都算孤寒，我會俾家用，而金額係夠佢生活，但唔可以奢侈…. 我已經盡可能令佢地開心，有時同佢地出街食飯，可能3個人要5、6百蚊，我都一個人俾曬(我同c6出去食，200對我地黎講好多架喇。) 但佢地有時真係好奢侈，我滿足唔到佢地…. 我好不孝嗎？對父母根根計較。
其實係咪我唔識知足？比起好多人，我既生活已經好好，點解我仲要諗咁多無謂野，但有時我真係覺得好迷妄，好想同人傾下。
readymama 發表於 15-2-10 16:25
回覆 muffin_baby 的帖子
你要知道人既慾望是無窮無盡的，你能做到克己，你應該俾個like 自己。我都曾經好 ...
多謝你既回覆!
一路睇你既留言，o係公司我都眼濕濕(我都唔知點解!) 。你講得對，我能夠做到克己，其實唔易。我唔係著得寒酸(我超貪靚!) ，但真係冇見識，人地講紅酒，我係完全唔識。我d frd 去happy hour，我又唔敢去(因為未去過) ，真係超級樣衰!!!
你知嘛，因為我咁慳，我成日都俾父母成日取笑我….. 你覺唔覺得好好笑，竟然係我父母笑我慳!
你提到金融海嘯，又令我醒覺，要安全渡過呢d問題，比起我係咪食好、有冇得去旅行、去靚餐廳來得緊要。
你說得對，對我父母，真係好似教小朋友，我既然冇辦法滿足佢地既所有慾望，我就冇謂勉强自己。佢地鍾意食好野，我可以帶佢地去，但唔可能成日。但我可以多抽時間同佢地出街食飯，其實我陪佢地都已經令佢地好開心~~你呢一招” 當佢地小朋友教” ，又真係幾好提議。
原帖由 littleduckwong 於 15-02-11 發表
千萬不要同人比, 我身邊好多有錢人, 條件好好的人,
而我自己是一個文員仔, 所有人都睇我唔上眼! 因為我超 ...
呢個係佢夢想
Cheeselover 發表於 15-2-14 06:46
樓主，每一個人生活態度，方式也不一想，萬不可與旁人比較，了解自己需要，知足常樂，花大錢可以換大享受， ...
明白，其實我是知足的，同時，如其他jm所說，我好怕一日個天會突然收番我所擁有既野(正如我之前所說，o係事業上我曾經跌倒過，要好多時間我先可以重建自己既信心，我好怕好怕再經歷失敗。)
你同你太太生活很快樂呢~我都好希望以後我會好似你咁，有好快樂既家庭生活，我仲未有BB呢~
關於買樓，呢樣野真係俾左好大壓力我，其實點解你可以睇得咁開，你話” 價高是市場價值，不是我的值，四，伍佰萬換了放屁要三日清的小空間，還有一屁股債，何苦” ？ 你既睇法，正正係我老公睇法，佢覺得而家做錯決定去高追樓，並唔係話” 自住樓唔洗理升定跌” 咁簡單，佢覺得呢個決定會影響我地一生，如做錯決定，我地唔會有可能買到另一間樓做退休收租之用，亦可能要佢延遲退休，好多好多問題..
但我，又唔係咁諗，我覺得既然市價係咁，我唯有屈服，我好想同佢有一間自己裝修得靚靚既屋企，但一直都未實行到，唉。如果我可以好似你咁睇，同我老公睇法一致d，可能我會快樂一點。
發表於 
返回列表
