吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有無人會同夫家的人相處融洽?

婆媳關係今日: 0|主題: 27782

收藏本版

發帖

返回列表

跳至頁

查看: 4309 | 回覆: 36

有無人會同夫家的人相處融洽? [複製鏈接]

evonpig

大宅

積分: 1143

1^#

發表於 08-5-25 23:41 |只看該作者 |倒序瀏覽 |打印

看了大部份文章都是講與夫家不和，　其實有無人真的可以和夫家的人相處融洽？　　
我自問好好彩，

　因為C６係最細，全家都錫佢（六兄弟姐妹，和最大的相差１８年）他們因此對我都好好. C6話因為我屋企，工作，同學歷都好，６２９９好錫我．佢哋全家都係基督徒，不過都無介意我係天主教徒（有啲偏激的基督徒會覺得我信了）

就算我是有咗BB先結婚，佢哋更加無說任何壞話，而家過節都會一起食飯．如果我哋有事無人湊仔（平日我阿媽湊），　我９９同大嫂會幫我．

我唔係想晒命，只想借呢個平台多謝佢哋

（因為C6有時也會來看的）
Thanks God for everything.

0 0 0

私人傳訊

8C9

大宅

積分: 1078

2^#

發表於 08-5-26 12:10 |只看該作者

我除左唔係好鍾意我62之外, 都可謂相處得好融洽. 我99好惜我同d女. 我細女下星期生日, 佢話已經買左成千蚊禮物俾兩個. 次次佢是但一個生日, 佢都係買兩份禮物, 生日個個重手d架咋. 佢話驚一個有, 一個冇, 冇個個會唔開心喎. 其實佢地都開始大, 已經識分, 唔會唔開心架啦.
我d姑仔姑奶都ok架, 我同佢地有計傾架. 大伯大嫂移左民, 好少見, 見到就客客氣氣, 佢地都好好人. 我兩個女一見到d堂家姐就即刻好friend, 佢地真係當堂家姐好似自己家姐咁架. 我c6成日都話做得埋一家人都係有緣份. 咁我地又真係好夾. 好多時冇約定都會撞到.

私人傳訊

bobo_bo99

大宅

積分: 4947

3^#

發表於 08-5-26 13:18 |只看該作者

我冇甘既忍耐能, 都唔可以當借左既錢係趺左, 所以我一定唔可以同夫家既人相處融洽

私人傳訊

mimikitty28

侯爵府

積分: 21825

2024年龍年勳章牛年勳章畀面勳章環保接龍勳章

4^#

發表於 08-5-26 14:34 |只看該作者

我都算好彩, 佢0個便d人個個都好林善, 我同佢地相處一d問題都無, 不過老實講, 都會有一d睇唔過眼的事, 不過都唔算嚴重, 所以都算係ok

私人傳訊

8C9

大宅

積分: 1078

5^#

發表於 08-5-26 14:38 |只看該作者

我好細個daddy已經教我唔好隨便借錢俾人. 有時你借俾人唔係幫佢反而害佢, 如果真係有需要, 而又覺得應該借, 借左就唔好諗住佢會還, 所以筆錢一定係跌左都唔怕既先好借.

咁耐以來, 淨係三次試過有人問我借錢, 第一次有個朋友借錢度日, 身邊所有朋友都俾佢借過, 其他朋友一知道佢搵我, 即刻warn我, 我冇借俾佢, 因為借俾佢, 佢個問題就解決唔到.

第二個係細佬借錢找卡數, 我又係冇借, 因為借俾佢係害佢, 後來佢自己攪掂左, 佢知我性格, 亦冇嬲我. 之後再冇聽聞佢有經濟問題.

第三個係一個朋友, 唔係識好耐, 借錢俾佢救命, 我預有機會收唔返, 因唔係好熟. 不過佢幾年後還清俾我.

講錢真係傷感情, 所以愈親愈唔好隨便借錢.

原文章由 bobo_bo99 於 08-5-26 13:18 發表
我冇甘既忍耐能, 都唔可以當借左既錢係趺左, 所以我一定唔可以同夫家既人相處融洽

私人傳訊

yy25

子爵府

積分: 13211

好媽媽勳章醒目開學勳章

6^#

發表於 08-5-26 16:29 |只看該作者

我老公排最大,係屋企都話晒事,所以同6299姑仔叔仔都冇乜嘢,尋日先一齊BBQ

係99長氣0的..

62就好好我.c6星期日放假去街6299就嚟幫我地睇住2個囡.

私人傳訊

笑嘻嘻

男爵府

積分: 5393

好媽媽勳章

7^#

發表於 08-5-26 17:10 |只看該作者

過時過節.老爺奶奶生日.父親節.母親節.先返去食飯或出街時，一年都係見這些日子，通常早少少返去同兩個姑仔.99打下麻雀，大伯同大嫂今年先結婚，相處都好好無問題！

私人傳訊

bobo_bo99

大宅

積分: 4947

8^#

發表於 08-5-26 17:22 |只看該作者

8c9

我都好同意你既講法. 不過問我c6借左我地d錢係我99, 因為條pk大伯唔生性去賭, 又跪又喊, 我當然唔會借. 係我c6借仲要係我不知情之下借左. 借個陣99口口聲聲講會還. 不過之後就冇左件事, 到我老公出左事, 男家d人一d野都冇講. 從此d錢由我管, 本來係聯名戶口變左個人戶口.

原文章由 8C9 於 08-5-26 14:38 發表
我好細個daddy已經教我唔好隨便借錢俾人. 有時你借俾人唔係幫佢反而害佢, 如果真係有需要, 而又覺得應該借, 借左就唔好諗住佢會還, 所以筆錢一定係跌左都唔怕既先好借.

咁耐以來, 淨係三次試過有人問我借錢, 第一 ...

私人傳訊

小小太陽

大宅

積分: 2301

9^#

發表於 08-5-27 11:19 |只看該作者

我同６２９９相處OK
係老公家姐有問題

62對我好好, 老公都話我好勁可以TUM 到62 咁開心

99 都好好, 有咩我應該做又冇做佢都唔會單打或者黑面而係會平心靜氣同我講, 教返我點點點, 似媽咪教女咁, 我都好多謝佢地

佢地有我地屋企鎖匙, 有時會無啦啦返到屋企發現多左煲湯, 雪櫃多左生果

我食榴槤我老公唔食, 佢地都會有時放D 榴槤係雪櫃比我....果次好感動架

因為我根本唔會expecｔ人地阿媽會對我咁好

私人傳訊

54heima

水晶宮

積分: 55644

10^#

發表於 08-5-27 15:51 |只看該作者

系哩个版睇下...或着环望身边朋友...觉得自己算系幸运...矛盾一定有...但大致算关系融洽...

私人傳訊

ChuChu0808

子爵府

積分: 14116

11^#

發表於 08-5-27 16:10 |只看該作者

我都算同夫家相處融洽. 只係間中有d野睇唔過眼, 但都係d少事, 隔一陣就算.

私人傳訊

8C9

大宅

積分: 1078

12^#

發表於 08-5-27 17:49 |只看該作者

其實邊個都係一樣, 99口口聲聲講會還你都要當係撥出去既水. 你當個筆錢係買個藉口以後唔再借錢俾男家d人囉, 雖然肉赤, 但有時做人都係好多無奈既野.

我自己唔係貪錢, 但好緊張有錢帶黎既尊嚴同自由. 係公司, 你有錢, 上司就少左一個金剛cool, 我唔怕炒, 就鍾意點做就憑良心做. 係屋企, 唔駛靠c6, 佢乜野都會同你商量, 想大男人都大唔出樣, 聽唔聽佢話係基於我有幾愛佢. 所以我一定會保持財政獨立.

個筆錢係你同c6共同資產, 佢有權借出去. 而家你接管財政做當家, 過去既事咪忘記佢囉. 成日揹住呢d歷史做人好辛苦. 而且你99可能都係好無奈呢, 佢可能冇乜學識, 個仔唔生性, 唔通睇住佢死咩, 佢識得既唯一方法就係問你地借囉. 如果呢件事係你同你99之間唯一阻隔, 你試下擺低佢, 可能會覺得開朗d.

原文章由 bobo_bo99 於 08-5-26 17:22 發表
8c9

我都好同意你既講法. 不過問我c6借左我地d錢係我99, 因為條pk大伯唔生性去賭, 又跪又喊, 我當然唔會借. 係我c6借仲要係我不知情之下借左. 借個陣99口口聲聲講會還. 不過之後就冇左件事, 到我老公出左事, 男 ...

私人傳訊

偉森媽咪

別墅

積分: 689

13^#

發表於 08-5-27 18:00 |只看該作者

其實, 好多時大家相處會有好多大大小小的事發生。主要係睇當事人, 自己會唔會忍......如果忍到, 大家咪相處融洽!!!

永遠都係個句「一支竹打唔響,幾支竹燒炮仗」

我抱住呢句話做人

私人傳訊

ElainAiolia

大宅

積分: 2215

14^#

發表於 08-5-28 00:23 |只看該作者

我好感激有人開呢個topic出o黎，因我怕D人以為我晒命，好彩原來都有好多同夫家相處融洽的人o既。

我C6屋企得佢一粒仔，對上有2個家姐 (已婚) 及1個阿妹，全家人關係好密切o架。我o地經常見面，唔計節日 (我通常預正日同佢o地慶祝)，每逢星期日都會出o黎飲茶 (除有特別事外，仲要唔比我埋單)，我覺得好似真真正正o既一家人咁，大家都係有果句講果句，包括99 (除62外)，可能我父母關係唔好 (好在我同自己o既家姐及阿妹都好friend)，我好細個已經好想有一個咁樣o既family。

佢家姐及阿妹同我差不多年紀，都好o岩傾，仲成日買o野都會買埋我果份，有時都搞到我有D唔好意思 (因佢o地唔肯收番我錢，我買番o野比佢o地，佢o地又一定要比番錢我)。

我62同99關係就差少少，但係我面前都盡量遷就大家。我99真係乜都同我講，連62去滾及賭果D野都講我知o 架，有時又教我要睇實C6 D錢，以免佢心軟借比人，一去無回頭。又同我講自從C6同我拍拖後，佢好似有番個仔咁，以前佢拍拖成日唔“痴”家，但同我拍拖後成日係屋企食飯，又多o左出席家庭聚會。仲話C6同佢講，如果我問佢剪o左個新髮型好唔好睇，就算佢覺得唔好睇，都要答好睇或者唔好出聲，千祈唔準答話唔好睇o咼。

另外，就係當初我知道有o左 (62、99第一個孫，因C6家姐未有小朋友)，都擔心過如果係女唔知62、99仲唔仲意，係以一路都無講，直至confirm係仔先同佢o地講，點知我99話我傻，係仔係女都怪得我，呢D野係男人o既問題，再加上佢自己以前都有試過比自己99 (即C6嫲嫲) 講說話佢聽，佢好明白果種心情，所以佢無乜所謂。佢亦無爭住話湊B，佢話由得我o地後生自己搞，佢只係得閒先上o黎同個孫玩，佢覺得咁樣先夠free。

所以我都有教個仔要孝順老人家、錫佢o地多D。我亦想係呢度祝62、99長命百歲，我o地全家人繼續開心、快樂地生活落去。

私人傳訊

evashao

大宅

積分: 2165

15^#

發表於 08-5-28 07:52 |只看該作者

除左我99咩都就晒d仔(兩個仔)同d孫(兩個孫),搞到佢地自以為是不知所謂之外,基本上我同叔仔一家人相處都ok,同嬸仔都算幾多野傾(佢成日過嚟搵我吹水),同叔仔就客客氣氣

私人傳訊

wmpl

大宅

積分: 3000

16^#

發表於 08-5-28 08:17 |只看該作者

原文章由 ElainAiolia 於 08-5-28 00:23 發表
我好感激有人開呢個topic出o黎，因我怕D人以為我晒命，好彩原來都有好多同夫家相處融洽的人o既。

我C6屋企得佢一粒仔，對上有2個家姐 (已婚) 及1個阿妹，全家人關係好密切o架。我o地經常見面，唔計節日 (我通常預正日同佢o地 ...

恭喜你!!

你正正常常有個好嘅6299怕咩曬啫?
咁樣係正面同鼓勵人哋公平待人吖嘛,又唔係話人唔啱??
你曬命係你嘅事只要係事實咪得lor!!
正所謂河水不犯井水,你將夫家好嘅嘢俾人知,
同人哋講佢夫家嘅衰嘢又有d咩衝突?

好似我咁,我同c6一家上上下下都冇問題仲幾好,
但除咗佢阿媽之外....,咁又點?係事實又怕咩講?

私人傳訊

a776170

大宅

積分: 1600

17^#

發表於 08-5-28 09:24 |只看該作者

我同6299相處ok架...佢地好support我地...無論有咩事出句聲...佢地永無托手爭...我自己亞媽就衰拉...近2日我知佢成日打電話俾我99...所謂吐苦水其實就抹黑我...你話呀....邊有亞媽傻到&衰到打電話俾親家唱自己個女不是架?仲要我99都話佢真係好煩兼唔識做人...真係佢唔醜我都醜

私人傳訊

A.C.C.

大宅

積分: 3786

18^#

發表於 08-5-28 10:51 |只看該作者

原文章由 bobo_bo99 於 08-5-26 17:22 發表
8c9

我都好同意你既講法. 不過問我c6借左我地d錢係我99, 因為條pk大伯唔生性去賭, 又跪又喊, 我當然唔會借. 係我c6借仲要係我不知情之下借左. 借個陣99口口聲聲講會還. 不過之後就冇左件事, 到我老公出左事, 男 ...

忍不住要搭咀~~~

我都係有個咁嘅大伯，借完又借，呃完又呃，最後老公唔想借，大伯衰到話唔借，就攬住個仔去跳樓，奶奶喊晒咁叫我老公救佢嘅寶貝孫仔。結果差不多6年啦，一毫子都未還過。大伯最近仲豪到去買隻金勞戴俾我地睇。而我個位讀過書又做過大事嘅奶奶，仲成日覺得我地幫唔夠，最好就俾晒我地兩公婆份糧佢分配，實行"社會主義"，養埋大伯大嫂甥仔叔仔......

唯一得益係老公終於對佢地成家人暫時死心，不過我都唔知佢可以撐幾耐唔出手幫？

私人傳訊

cathy29

伯爵府

積分: 19743

19^#

發表於 08-5-28 11:31 |只看該作者

我62就衰到冇人有. 成日認屎認屁(因為佢以前當差, 仲要你舊個D, 佢今年58),講就冇敵, 做做梗加唔洗講, 個頭佢撩你講, 轉頭就係外人面前唱衰你(樓上D師奶), 自己仔女都係咁話. 所以99一向都唔采佢, 你入屋我出去個隻, 由佢同99結婚之後一直係度混女未停過, 99都費事理佢, 因為起初第1,2次同佢嘈, 佢都已經聲大夾惡媽番係轉頭, 話同佢離婚佢孜唔滯...自始之後, 99都冇再理佢, 因為已經覺得冇意思, 總之就係賤人一名...而家仲衰到同左大陸婆生左個仔...個大陸婆細過我, 唔緊要; 個仔仲至不過係我個細仔幾個月...唉....總之就好賤..雖然呢D係唔關我事, 當然之前唱我個D我未講啦....

至於99同我都OK既...周不時都傾電話, 出去行下, 有咩唔掂, 佢都會幫手, 同我講野同多過我C6...我地最鍾意就係講62既衰野..因為我真係好叉憎佢.....

另外仲有1個69, 專門攪事非, 冇返工, 一日到黑淨係講電話, 係你面前講一句, 但同其他人講番又係另一回事...基本上同62一模一樣; 成日少少野就同99嘈, 所以99同佢都係冇乜野講, 3句唔理即炒大鑊...成日幫住個老豆, EVEN 62對佢點, 佢都係咁...仲要同人講99對佢唔好; 對我同C6就冇乜野, 背後就

總之就係愛生事家庭啦...........