意見反饋
義工

親子旅遊 今日: 221|主題: 149987

查看: 1506 | 回覆: 14
請問以下這三個團,邊一個比較適合同22個月既BB去呢~~請指教


大宅

國民生產總值:1949


發表於 04-5-4 10:20 |顯示全部帖子

請問以下這三個團,邊一個比較適合同22個月既BB去呢~~請指教

因為想2歲前同囝囝去日本玩,我諗住五月尾左右去的,睇左東瀛遊有以下3個團,自己比較想跟的,但係一係就SHOPPING多(SHOPPING太多,又怕囝囝辛苦,事實上會唔會辛苦呢),一係就去樂園多(我老公又話唔好咁多樂園),一係就睇景多(但我驚悶喎),真係唔知點選好,如果你係我,會覺邊一個團比較適合同22個月既BB去呢,或者你地跟過邊一個團好,可否介紹一下呢,因為本人真係唔知點選好,唔該各位幫助~~~


1) 東京嘆世界、三晚露天溫泉、新宿高級酒店、台場都市靚景、昇仙峽、鬼押熔岩奇景、輕井澤、拉麵博物館 5天團(JTY05)

行程安排
第一天 香港~東京~千葉南總房溫泉

第二天 東京灣展望台~螢火虫大橋~橫濱~拉麵博物館~台場彩虹橋現代靚景~台場懷舊商店街~SONY 未來高科技家居城~富士山河口湖

第三天 甲府武田神社~昇仙峽大自然美景~諏訪湖~WASABI 園~長野權堂商店街~溫泉酒店

第四天 酒店~善光寺~志賀高原~淺間山~鬼押出園~輕井澤 OUTLET~新宿自由活動

第五天 皇居~二重橋~銀座自由購物(FANCL 美顏大樓、BLUE LABEL 時裝店、玩具博品館)~機場~香港





2) 2004 年全新版、東京、火樹銀花迪士尼、原宿、新宿、池袋、橫濱八景島、溫泉、得意雪糕城 開心歡樂 5天團 (JTC)

行程安排
第一天 香港~東京~台場懷舊商店街~皮蛋城電子世界~SONY 未來高科技家居城~可口可樂精品店~彩虹橋夜景

第二天 原宿時髦街~明治神宮~新宿自由購物(0101 百貨店、電器城、伊勢丹百貨店)~火樹銀花迪士尼

第三天 橫濱八景島遊樂購物城~箱根平和庭園~御殿場 FACTORY OUTLET~富士山山中湖

第四天 富士山資料館~東京巨蛋娛樂城~池袋太陽廣場(NAMJA 趣緻城、得意雪糕屋、日本餃子博物城、豐田汽車會館~池袋 60 通大道

第五天 皇居~二重橋~銀座自由購物(FANCL 美顏大樓、玩具博品館、HELLO KITTY 專門店、BLUE LABEL 時裝店)~機場~香港








3) 東京迪士尼樂園、HELLO KITTY LAND、富士急樂園、御殿場 OUTLET、溫泉 開心歡樂 5天團 (JTG05)

行程安排
第一天 香港~東京~PALETTE TOWN~維納詩天幕購物城~豐田汽車會館~彩虹大橋~酒店

第二天 東京迪士尼樂園 或 迪士尼海洋樂園

第三天 淺草雷門~仲見世商店街~HELLO KITTY LAND~富士山山中湖或河口湖

第四天 富士急樂園~御殿場 OUTLET~箱根平和庭園~東京~池袋 60 通大道

第五天 田崎真珠~銀座自由購物(FANCL 美顏大樓、BLUE LABEL 時裝店、玩具博品館)~機場~香港




THANK YOU VERY MUCH~~


男爵府

國民生產總值:6451

2018勳章


發表於 04-5-4 10:57 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender

I'm not sure which one is the best but we will join the tour JTG05. We will go to Japan on May 9th and will advise later.


別墅

國民生產總值:602


發表於 04-5-4 11:02 |顯示全部帖子

Re: 請問以下這三個團,邊一個比較適合同22個月既BB去呢~~請指教

hello!!
以下只係本人少少意見!希望幫到你..
如果我係你,我會join第三團,因為同埋小朋友去我主要為小朋友諗先所以比較合適..小朋友可以去迪士尼樂園&富士急樂園同小朋友影相同玩,而大人又有得去 Outlet Shopping同浸溫泉....
其他兩團主要For大人去,留返下次你兩公婆去喇...
希望幫到你


大宅

國民生產總值:3340

畀面勳章


發表於 04-5-4 11:17 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender :

如果係我,我會join JTG05, 因為我都會以囝囝為先,呢個團又有Disney 同hellokitty land,細路會鍾意多啲,但你又有得shopping, 你老公又有得睇豐田汽車會館,都唔錯!


伯爵府

國民生產總值:16977


發表於 04-5-4 11:27 |顯示全部帖子

Re: 請問以下這三個團,邊一個比較適合同22個月既BB去呢~~請指教

我都有睇過d團,首選 JTG05. :-P 我仲諗過第5日早上唔join團,可以自己去雷門寺,跟住係機場join番佢地. :-P


複式洋房

國民生產總值:298


發表於 04-5-4 11:32 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender,
我4月中先同囝囝(22個月)去左東京,都可以比d意見你,

1) 東京嘆世界、三晚露天溫泉、新宿高級酒店、台場都市靚景、昇仙峽、鬼押熔岩奇景、輕井澤、拉麵博物館 5天團(JTY05)
你打唔打算同囝囝去溫泉?我就無同囝囝去,因為驚太熱囝囝會驚,我同老公都無去,因為帶住阿囝,同佢早d訓好過,行街街你地有無特別野要買?我有去銀座同池袋,不過無野買,因為無減價,貴過香港買,行街時間多但又無野買又要等齊人先走得,會好辛苦呀!

2) 2004 年全新版、東京、火樹銀花迪士尼、原宿、新宿、池袋、橫濱八景島、溫泉、得意雪糕城 開心歡樂 5天團 (JTC)
火樹銀花迪士尼係旁晚6點後入場,同小朋友去玩全日會開心d,又可以影多d相。橫濱八景島,同小朋友去好好,囝囝細可以唔入水族館(要20,000日元/大人),有好多入$車仔坐,唔入$淨影相都ok,有d機動遊戲囝囝都可以玩。

3) 東京迪士尼樂園、HELLO KITTY LAND、富士急樂園、御殿場 OUTLET、溫泉 開心歡樂 5天團 (JTG05)
迪士尼可以玩全日,正!HELLO KITTY LAND玩半日其實唔夠,記住要去坐船仔,我囝囝坐左兩次,好開心。富士急樂園小朋友唔適合,太激啦!

其實你可以考慮JTJ05,我就係參加這個團,實得3日玩,但我覺得夠啦,下午3點機去,1點集合,唔需要太早出機埸,帶住小朋友好d,我10點機日本返,返到屋企都4點,如果我下午機返,可能要12點先返到屋企,而且日本多出的時間係買野,帶住小朋友買野唔方便,好多人,每日早出晚返,好辛苦,不過玩得好開心,當然囝囝都好開人啦!

Iris


大宅

國民生產總值:1949


發表於 04-5-4 12:17 |顯示全部帖子

Re: 請問以下這三個團,邊一個比較適合同22個月既BB去呢~~請指教

JASMINEBB,

你5月9 日就去玩la~~希望你一家人可以玩得開心d la~我等你返黎話比我知JTG05 lee個團既長程係點架la~~唔該晒你先~ :-P


大宅

國民生產總值:1949


發表於 04-5-4 12:34 |顯示全部帖子

Re: 請問以下這三個團,邊一個比較適合同22個月既BB去呢~~請指教

HENRY, BB頭maimimi, 小BMom & IrisChow

多謝你地既意見,其實初初我都係對JTG05 lee個團最有興趣,但又唔知啱唔啱囝囝,所以未問一下邊個團適合BB去law~等我再同老公傾下先~~不過,我預左今次一定好辛苦架la~~希望辛苦得黎囝囝happy就得架la~


IrisChow,

我想問你Disney去全日你囝囝有冇好辛苦呀~~我驚小朋友全日在戶外晒會好辛苦呀~~仲有佢地安排幾點入至幾點走架~~


男爵府

國民生產總值:5103


發表於 04-5-4 13:40 |顯示全部帖子

Re: 請問以下這三個團,邊一個比較適合同22個月既BB去呢~~請指教

我係你就o吾帯2歳小朋友去、我岩岩去完旅行、團友又帯2歳小朋友去、因為睡眠不足、日日夜睡早起、行来行去(even有車仔)、食物又又o吾同香港、無大便、又無食欲、成日喊、坐飛機又有気壓、。團友已経好好、2個老人家一齊去、幫下手。
2歳小朋友太少啦、o吾好令他太辛苦啦


別墅

國民生產總值:949


發表於 04-5-4 15:08 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender:

你落實去日本呢!預先祝你地一家玩得開開心心! :-P :-P

我又講下我果陣d情況
曉雪入disneyland果日,係早上九時係酒店出發,入場時差不多十時,果晚我係睇完燈光巡遊及放煙花先走,係差不多九時,返到酒店係晚上十時。
入場後記得租車仔!(1000yen)

過程曉雪見到d卡通人物,又坐船仔,佢好開心,其實小朋友「支力」自然會訓,對佢呢講,我就覺得又唔會好辛苦,但大人咁成日戶外,又要照顧小朋友,大人反而係會辛苦d! :-x :-x 但你見倒佢開心,會覺得抵返晒!

不過就真係要預左旅程中,小朋友生活起居點都會同係香港有小小唔同,緊有小小扭計!




大宅

國民生產總值:1949


發表於 04-5-4 15:47 |顯示全部帖子

Re: 請問以下這三個團,邊一個比較適合同22個月既BB去呢~~請指教

KAREN,

多謝你既分享,入到去disneyland可以租車仔(1000 yen)係未for全日架~~仲有野想問下你,你除左帶奶奶比囡囡飲外,d正餐(即係粥仔)係未比佢跟你地食大人野食呢~~thx~~ :-P


複式洋房

國民生產總值:298


發表於 04-5-4 16:22 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender,
我係早上8點3開車,去到都9點幾先至入到場,我自己帶車仔,我知係可以租車,但係租的類似士的車,唔可以平訓,而且去其他地方都可以比囝囝坐車仔,所以我都有帶車,我跟個團有40人,bb車都有5架。你要留意,通常跟團去disneyland果日,如果個團包晚餐,會係6點走的,如果唔包餐,就8點幾走,我果日係可以睇到燈光巡遊(7:30)及放煙花(8:30),8:45走人,真係玩足全日。囝囝自己會找時間訓,佢下午巡遊都無睇,訓到隻豬咁,但晚上燈光巡遊就有睇,重自己跳舞不知幾enjoy。

食野方面,我囝囝係食飯的,去日本就無問題,佢地好多時都有飯食,加d汁or湯or蒸蛋就ok,囝囝不知幾開胃,早餐會食自助餐,bb早起身唔慣,你食早餐時取1-2片面包走,係車上面再比囝囝食。不過我個囝去左幾日日本,每朝都係起身食完奶+早餐後,一上車就訓,要落車就醒,各樣都算ok,所以我同老公打算每年都帶囝囝一齊去旅行,好開心架。

Iris


別墅

國民生產總值:949


發表於 04-5-4 16:53 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender:
係,架車仔係for全日,因為曉雪只係間中坐車仔,我地租車係當行李車用,所以無自己帶「私家車」。

至於食方面,Irischow囝囝的情況,同曉雪非常相似。因為曉雪已唔食粥仔好耐,佢旅行期間間中食下拉麵,又或者食下飯,間中飲奶+麵包(曉雪非常喜歡食麵包),就係咁樣解決曉雪食的問題。
我心想佢食不「正常」,都係幾日姐,無所謂呢!
:-P :-P 呢個阿媽係唔係好衰呢!


大宅

國民生產總值:2470


發表於 04-5-5 00:03 |顯示全部帖子

Re: 請問以下這三個團,邊一個比較適合同22個月既BB去呢~~請指教

lavender: 我也同你一樣4月帶了22個月的囝囝去日本(想2yrs前)但我係自由行...但看過你的團當然要好帶佢去disney la....咪以為佢地唔記得...我囝囝而家仲成日講佢玩過的Buzz Lightyear's and Winnie Pooh.......辛苦就真係有(少了時間看自己野)但見到小朋友咁開心都覺得到值得∼∼


民房

國民生產總值:86


發表於 04-5-5 17:22 |顯示全部帖子

Re: 請問以下這三個團,邊一個比較適合同22個月既BB去呢~~請指教

Dear lavender,

If I were you, I would choose JTY05.

I remembered when my son was 2 years old. He didn't know how to play in the amusement part but he enjoyed to play in the garden.

I think DISNEYLAND & HELLO KITTY LAND are too many people. It is more excited for around 5 years old children.

For me, I will choose the tour that you can stay in one hotel at least two days. Then you have not to pack many thing every night.

BY the way, I have been some place in the tour JTY05. It's quite nice.

It's only my opinion. I hope it is useful.

YHYMOTHER


  • 搜 尋
  • APP
  • 網 站
© Baby-Kingdom.com Limited. All rights reserved.