| ||
日前有周刊報道指CY女梁齊昕接受咗佢哋訪問，話特首爸爸梁振英同媽媽對於個女要拍戲並唔反對，但就對於參演新片《男極探射燈》導演劉俊輝曾拍三級片頗有微言，又唔鍾意陳惠敏演「老竇」一角，想買回合約。
報道指梁齊昕喺訪問都表示，唔擔心要賠幾多錢俾片方，但就話自己都想拍，有意同李逸朗演對手戲，不過強調唔會拍露點戲，如果係露背及床戲都得。
奇就奇在，噚日梁齊昕否認曾接受該周刊訪問，仲鬧雜誌老屈。更奇嘅係，今日《男極探射燈》導演劉俊輝突然喺尖沙嘴突然吹雞開記招，鬧爆梁齊昕，仲發咗一篇好長好長、有成1,940字嘅聲明，
篇聲明咁長，重點如下:
1.部戲正式落實名為《男極探射燈》
2.導演劉俊輝表示，佢作為呢部電影嘅投資人兼導演，代表全體劇組人員及演員等，講出佢哋忍耐咗好耐嘅心聲，就係「我們好困擾」，就係「我們受夠了」。
3.「困擾」嘅原因係，自從決定開拍本片後，因為「梁小姐」嘅種種問題致波折重重。第一次記者會已稱病失場，「令情況完全失控，我哋電影公司亦大失預算無所適從」。劉又稱曾聯絡梁齊昕，但對方答案模棱兩可，亦未再出席電影籌備會議，令該片無法如期於本月8日開鏡。
4.劉俊輝於聲明指出，令其困擾嘅，仲包括梁齊盺雖然缺席電影籌備會議，但又會出席電影男主角李逸朗嘅音樂會，音樂會後更要求逸朗相約時間排戲。劉表示對於梁齊昕此舉感難以理解。
5.之後劇組成功聯絡到梁齊昕，但對方拒談任何關於部戲嘅事。劉俊輝於聲明中寫道:「始終拍一套電影，全體劇組演員加埋有幾十人，劇組，演員，機器早就book哂期落晒訂，依家因為呢個問題，全部人嘅預算打亂晒，我哋電影公司亦損失達七位數字嘅金額。」而戲中眾演員檔期本身亦相當緊密，如今因為梁齊昕一人而全被打亂。
6.劉俊輝表示，一方面梁齊昕拒談是否拍攝《男極》呢部戲，但另一邊廂，佢哋竟然透過傳媒，先至知道「梁齊昕小姐因為種種問題決定唔怕，亦有報道特首俾錢買番梁小姐嘅合約。」 
 導演血壓好似上升咗... |  上次記者會，齊昕都冇出現過。(資料圖片) |  之前李逸逸朗嘅音樂會，齊昕又有去喎。(資料圖片) |
發表於 
返回列表
