產前產後

跳至

首頁
1

尾頁
   0


民房

積分: 7


發表於 04-5-7 15:40 |顯示全部帖子

睇鄧遠釗醫生 = 一肚氣

件事係咁嘅:
因為聽人講呢個醫生幾好,所以我哋喺星期一打電話去Book星期四睇,嗰一刻個護士話"5點好多人喎,4點半啦!不過嚟到都要等!"
咁於是我哋星期四4點半去到登記,佢就話"好多人,你預45分鐘啦!" 我心諗45分鐘可接受啦。 於是一路等到5點半,見非常多人出出入入 ,就問啲姑娘要等多幾耐,佢話仲有6個啫,於是又坐喺到等到6點45分,又眼見十幾二十個出出入入,我又再問要等幾耐,我哋嘅對答全收錄如下:

我: 請問其實仲要等多幾耐?
姑娘: ......3個啦.....唔計嚟攞药、打針、攞報告、做彩光之 類嗰D。
我: 吓!佢哋睇先?
姑娘: 係呀,嗰D嚟俾佢哋睇先。
我: 咁你就唔好俾我book4點半啦!
姑娘:...............(dub低頭扮做嘢)
我: 你聽唔到呀?
姑娘: (好不滿咁望住我)哦,係你哋D人係都要book咋喎!
我: :-x (見到佢哋D booking list 水蛇春咁長)你哋根本overbook 晒!
姑娘: 呢D係公司嘅政制,唔關我事喎!

總结就係:
醫生好唔好? 唔知,因為我最後無睇,唔想以後浪費時間........等
姑娘好唔好? 可能有D好我唔知,我見嗰個就........ :-x
D人話好平? 以我所知大把婦科同佢一樣價。

所以以我個人意見, 如果你有大把時間浪費(聽過有人試過等3個鐘)而想俾錢佢駛兼受姑娘氣,你就應該去睇佢喇。

以上纯屬個人意見,祝各Mami同BB健健康康!

P.S. 今日book弟二個醫生想book5點, 佢話5點有人,幫你约5點10分好嗎?要準時D喎。 唉.....D態度好好多!


大宅

積分: 3883

醒目開學勳章


發表於 04-5-7 16:01 |顯示全部帖子

Re: 睇鄧遠釗醫生 = 一肚氣

咁!您都算醒目,冇堅持咁等落去。
您最後睇


伯爵府

積分: 15711


發表於 04-5-7 16:07 |顯示全部帖子

Re: 睇鄧遠釗醫生 = 一肚氣

wa. 真係等到媽媽聲 !! 再好既醫生都係甘話 la!又唔係 1 good dr. only in the world.


禁止訪問

積分: 1287


發表於 04-5-7 16:09 |顯示全部帖子

Re: 睇鄧遠釗醫生 = 一肚氣

提示: 作者被禁止或刪除 內容自動屏蔽


民房

積分: 7


發表於 04-5-7 16:09 |顯示全部帖子

Re: 睇鄧遠釗醫生 = 一肚氣

book咗曾醫生, 有朋友睇過話唔錯,唔駛咁等法。
等我睇咗再話俾大家聽


民房

積分: 7


發表於 04-5-7 16:18 |顯示全部帖子

Re: 睇鄧遠釗醫生 = 一肚氣

佢好唔好我不便多講因我根本無睇佢。但平心而論,佢嘅做法太向錢看,務求收得新証有咁多得咁多, 之前有個post話佢因為人多, 同一時間睇緊2個人!


大宅

積分: 3883

醒目開學勳章


發表於 04-5-7 16:31 |顯示全部帖子

Re: 睇鄧遠釗醫生 = 一肚氣

您個朋友(真係夠老友)介紹您睇D個鄧遠釗醫生,慮您一肚氣,不過個醫生冇理由只看眼前,婦產科是靠口碑的,即是如果您看到一個好醫生您都介紹俾朋友,個醫生冇理由自斷米路。個醫生肯定(雲)夠錢快要上岸!


複式洋房

積分: 299


發表於 04-5-7 16:34 |顯示全部帖子

Re: 睇鄧遠釗醫生 = 一肚氣

我曾經陪屋企人睇過佢,等足兩個幾鐘!問左幾次姑娘都話仲有兩三個就到你啦!然後見到成村人出出入入都未輪到,後來我屋企人要同姑娘發火先俾佢入,真係離晒譜!根本個醫生就只顧搵錢overbook晒,話之你等餐死,而且佢又唔係特別好,真係唔明點解咁多人睇佢! :-x :-x


子爵府

積分: 12346

2019新春慶豚圓 醒目開學勳章 畀面勳章 環保接龍勳章 15週年勳章 親子王國15週年勳章 親子王國15週年勳章


發表於 04-5-7 17:31 |顯示全部帖子

Re: 睇鄧遠釗醫生 = 一肚氣

Hello Fire, 我諗我有D估倒妳係邊個, 因我昨日都有去睇. 我book17:00但我16:50就到, 個姑娘都係叫我等45分鐘, 話仲有11個人, 我不嬲都唔信可以咁快, 但四圍都無野行咪照o係上面坐囉, 點知今次離譜到要等三個幾鐘, 八點幾先走得, 係我睇佢六年嚟最誇嘅一次. 因我不嬲都知睇佢要等好耐所以都無咩特別唔滿意, 但昨日我真係等到火都嚟, 我19:20走埋去登記處問o個位短髮四眼老姑娘: 我四點幾嚟時妳話比我聽仲有11個人, 但呢兩個半鐘頭入面出出入入都唔只11個人啦, 點知o個位短髮四眼老姑娘答: 咁中途有D係嚟攞药,打針,攞報告計唔度喎, 無得計, 總之下個就到妳啦. 真係比佢吹漲,
舊時都唔係咁嘅, 定係我昨日真係咁唔好彩, 咁多人嚟攞药,打針,攞報告. 可能因為佢係逢星期三下午休息, D人迫曬去星期四掛. 講真我都有D唔想睇佢, 因實在等得太耐, 但因佢有齊我咁多年嘅病歷無辨法, 費事再搵個另一個醫生由頭再嚟過, 除非我bingo左陀得好辛苦唔想等咁耐就可能會轉睇董曉芳, 佢ok

首頁
1

尾頁

跳至