心聲留言

跳至

首頁

尾頁
   0


男爵府

積分: 8247


發表於 04-5-11 10:33 |顯示全部帖子

講東講西吹水站 8-)

星期六去左做負離子.因為第一次做,所以乜都唔知.我只係幻想做完之後,d頭髮又直又順又滑.未做之前都有聽人講過會幾傷頭髮.但我本身d髮質都唔叫差.所以我未有為意.

星期六收左工.懷住既興奮又開心既心情去做.因為做完之後,我唔駛再日日朝早都要吹頭返工.我一直夢想緊呢一日既來臨.去到髮型屋.一心諗住做$308,全包果隻.因佢鋪面都係show呢個價錢.點知入到佢.個髮型師就比個價錢牌我睇.佢解釋,以我"咁既"髮質,我係要做$508呢個.我當然問佢點解啦.我仲同佢講,我一心都係諗住做$308呢個咋喎.佢就話$308呢個係for d 冇做color既頭髮.而我本身染過.d髮尾好差 所以要做$508.佢話當然你做$308都冇問題.但最好加個$100既焗油啦.咁我心諗.加埋都$408.咁$508都係貴$100.同埋人既心理都會諗,貴d一定好d啦.我考慮左一陣.我就決定左做$508.因我一心真係想整.

好啦.開頭都冇乜野.洗完頭之後,開始做時.仍然係個幫我洗頭滿口大陸音既女子幫我做.(講明我唔係歧視佢呀!!).咁我都知有d鋪頭會係學徒做.咁我都知如果公司一直唔比機會呢d學徒.佢地都唔會有成功既一日.咁我就冇為意啦.

因為第一次做既關係.我就好留心佢點做.開頭見佢都好有心機的.但做完半個頭之後,佢就開始"求其"啦.我個心已經開始覺得"乜佢咁求其架".全都因為我係第一次做.我唔敢批評佢既做法係岩定唔岩.好啦,第一part做完.到師傅來check我個頭時.個師傅話"未得喎.你睇下,你都搽得唔平均" <=呢句係個師傅好細聲同個學徒講,但我都聽到.

來到呢度..我個心開始有d不安.之但係,都洗濕左個頭,我仲可以點呢? :-( 咁我咪一路好小心咁睇住佢點做law.好啦.終於可以到夾直d頭髮果part啦.我見佢都係好求其咁夾.我唔知道點為之夾得好.唔知係咪要夾到尾.(因我一心諗住我d髮尾成日撓起,起碼佢都要夾下,夾直佢嘛. )但佢只係好快咁掠過.咁我又諗,師傅話我d髮尾差嘛,唔通佢會同我剪左佢? 我心裏有好多????,但我都冇出聲.仲有,到佢夾我前面d頭髮時.我大叫左一聲,事關佢夾完d頭髮好熱,但d頭髮好快又去到我塊面.我就同佢講"好熱呀".佢話,"係咁架啦.有成180度.係要受下皮肉之苦喎" 我當時完全比唔到反應佢! :-x

唉.....基本上,我已經開始不滿啦.到個女仔同我吹頭時.佢又好粗魯.係咁拉我d頭髮,其間已經整斷我幾條頭髮.咁我都冇出聲.事關我真係好少去髮型屋. :-( :-(

好啦,終於到個髮型師幫我剪頭髮.我唔係特登話比佢知個女仔d野.係因為當佢同我吹頭時,完全係2回事.我根本都feel唔到佢拉我d頭髮,佢好溫柔.所以當時都係有感而發.但師傅居然同我講"你做乜唔話我知呀.我同你換人嘛!" 咁我真係唔知可以出聲嘛.我好少去髮型屋.同埋呢個髮型師又好有心機同我剪,剪得都好滿意.但做完之後,我都覺得d髮尾有d乾.佢都有同我講係乾少少.就幫我搽d油係髮尾.就咁我就返左屋企啦.係我走出呢間鋪時,我仲係好滿意架.

諗住我既惡夢已去.到左第二日,我都覺得冇問題.但到第三日可以洗頭時.發覺d髮尾有d曲.仲越摸越鞋.心諗都可能係正常.話晒都係落過藥.點知.再問身邊既朋友時.佢地就話根本係電傷左d頭髮.仲要係[size=large]冇得救 果隻................一定要剪. 我真係好唔開心.我知道頭髮可以再生長.但我比佢咁攪一攪,我自己心理上真係好唔開心,多過外表上既傷害.我而家都唔知點算好.剪左去我又唔想.話晒我留左好耐.想keep住長髮.但唔剪見到d曲髮又好


男爵府

積分: 5053


發表於 04-5-11 13:08 |顯示全部帖子

Re: 很後悔做負離子

我前排都做完負離子,出面show個牌話$398,我都入去問過係咪$398,佢地都話係,點知洗完頭個師傅話要$500,我話唔係$398咪,佢話我頭髮過博頭所以要$500,但係我都係個學徒同我做咋!
直明月耀安
極星輝照長


子爵府

積分: 13662

開心吸收勳章 認識瑞士牛牛第二回 貓狗褓姆 畀面勳章


發表於 04-5-11 13:20 |顯示全部帖子

Re: 很後悔做負離子

CPY,

做左負離子真係好方便,但家陣真係好多髮型屋好取巧架! 我覺得尤其係家陣度度都話幾錢幾錢做個負離子, 有d就會長短同一收費可能中途要你加呢樣加果樣,有d冇寫既就有細細粒既字寫住長過膊要幾錢.做個精明既消費者,做之前問定晒要幾錢,中途話加嘜加物都要問清楚,唔好覺得唔好意思,堅持唔要就唔要,記住俾錢果個係自己,有d會死'lor'架! 唔好咁易俾人氹到,態度要堅定d大番果d人,我都試過幾次,but祇要硬淨d 果d人都唔敢再點襟你架! 我做過幾次之後都冇咩問題,條女夾到你咁痛態度又咁差,家陣辣親喎! 我係你我晨早企起身大大聲小小佢喇~ 今時今日咁既服務態度唔得架喇~


子爵府

積分: 13037


發表於 04-5-11 13:34 |顯示全部帖子

Re: 很後悔做負離子

CPY,
你唔係係尚德村(TKO)2/F個間整呀???
佢地用料差,手工差,又無禮貌...
我去過1次做負離子就同自已講:永遠都唔會再去!!!

只要堅持相信神 是愛我,為我捨己
《麥田裏的守望者》為世界貢獻了一個詞語:守望。教育不是管,也不是不管。在管與不管之間,有一個詞語叫“守望“。


男爵府

積分: 8247


發表於 04-5-11 13:54 |顯示全部帖子

Re: 很後悔做負離子

ivy
你都好呀,只不過係貴少少.都叫做ok嘛.我而家係錢又side,頭髮又傷,就連我個心都碎埋tim呀 :-( :-(

penpen
係law,我就係聽人講做左負離子好方便.咁我咪


伯爵府

積分: 17548


發表於 04-5-11 15:17 |顯示全部帖子

Re: 很後悔做負離子

我是唐明宛人,好彩兩間都無去過。近十年都是老公一手包辨,但心思思想整曲髮下半部份,看來要看清楚先得。
Pet Society Email : [email protected]
Login Name : Wensi
Pet Name : Sweet


公爵府

積分: 25777


發表於 04-5-11 15:19 |顯示全部帖子

Re: 很後悔做負離子

CPY

你咪去左髮絲舍?
我都係去個間剪頭髮架


男爵府

積分: 8247


發表於 04-5-11 16:02 |顯示全部帖子

Re: 很後悔做負離子

MrsNg
係呀,咪係呢間law....其實我只係唔滿意個學徒.個師傅d剪功都唔差.

其實我頭先仲有d野未講.等我講埋比大家知.

果日我做負離子.仲有2個女仔都做.我唔識的.呢2個女仔個頭都係d學徒做.但果2個男仔就反而好有心機,逐條逐條咁慢慢做,好有心機咁做.但相反,幫我做果個女仔就..............求其好多好多 :-x :-x 所以我相信今次真係我唔好彩,比呢個女仔攪到我把頭髮咁樣. 我而家只可以咁樣形容自己個頭 ==> 放左把掃把係個頭度 <== 你地話幾咁肉酸呀!!!!! :-x :-x


琥珀宮

積分: 161855

好媽媽勳章 醒目開學勳章 畀面勳章 環保接龍勳章 大廚勳章


發表於 04-5-11 16:14 |顯示全部帖子

Re: 很後悔做負離子

可唔可以投訴佢呀?(雖然都既成事實,但叫佢賠償焗油都好丫),我每半年至8個月都會去做負離子,但好多都做得唔滿意,不過最多唔夠直,但就未試過做傷晒,唔知有邊間真係做得好,而收費又相宜呢??


公爵府

積分: 25777


發表於 04-5-11 16:21 |顯示全部帖子

Re: 很後悔做負離子

CPY

你返去搵Dickie講番你個情況比佢知, 佢係個到既店長, 起碼比佢知道個位staff係唔可以幫人做負離子 & 叫佢送返d treament比你補救下把頭髮ma


男爵府

積分: 8247


發表於 04-5-11 16:24 |顯示全部帖子

Re: 很後悔做負離子

MrsNg
多謝你呀,我仲諗緊點樣知道佢地個老頂係邊個tim....咁你話我係咪應該等埋個師傅係度先去呢?個師傅今日放假

小路
你真係要搵d朋友做過,又掂既師傅至好去呀!!我而家怕怕啦 :-(


公爵府

積分: 25777


發表於 04-5-11 16:29 |顯示全部帖子

Re: 很後悔做負離子

CPY

唔洗客氣.....Dickie逢Friday放假, 你今日去抓佢地晦氣就o岩晒喇


男爵府

積分: 8247


發表於 04-5-11 16:35 |顯示全部帖子

Re: 很後悔做負離子

MrsNg
咁好唔好等埋幫我整果個師傅呢?


琥珀宮

積分: 161855

好媽媽勳章 醒目開學勳章 畀面勳章 環保接龍勳章 大廚勳章


發表於 04-5-11 16:39 |顯示全部帖子

Re: 很後悔做負離子

其實而家做負離子,500蚊應該叫貴


公爵府

積分: 25777


發表於 04-5-11 16:41 |顯示全部帖子

Re: 很後悔做負離子

CPY

咁都好....佢同你熟落d 容易傾ma, 我本來仲想下個week整負離子添 :-P


男爵府

積分: 8247


發表於 04-5-11 16:45 |顯示全部帖子

Re: 很後悔做負離子

MrsNg
其實我同個師傅唔熟架.我係walk in 客.但佢係一手一腳幫我整.咁我諗住同佢對質嘛...但要等多一日...個心就....

小路
我都覺得如果我自己做最cheap果隻..做成咁,我都冇話可說..但而家我唔係喎...所以我覺得好唔抵..好唔忿氣 :-x


王國長老

積分: 55177

2019新春慶豚圓 2019勳章 好媽媽勳章 王國長老


發表於 04-5-11 16:50 |顯示全部帖子

Re: 很後悔做負離子

我的髮型師幫我做負離子比較貴,因我把頭髮又厚又長,次次做都成6個鐘以上。我做左好多次負離子,每次做完D頭髮都會好順好柔軟,自己洗完頭都一樣,從無試過頭髮變壞的。
我記得我髮型師講過,正宗日本出負離子劑是令頭髮順滑的,但好多無良髮型屋會用直髮膏當負離子做,咁把頭髮就唔使要了...因為直髮膏好傷頭髮的,用完D頭髮會變得好"鞋"。


伯爵府

積分: 15534

hashtag影視迷勳章 大廚勳章 畀面勳章 BK Milk勳章


發表於 04-5-11 16:56 |顯示全部帖子

Re: 很後悔做負離子

CPY:

你返去叫佢同你補做啦,做得唔好佢係有責任架,我上次都係去髮X舍,我朋友佢朋友係個度做師傅,話收我平既價錢,俾貴既藥水我囉,到正式做時,我都覺得好有問題,佢搵兩個人同一時間幫我夾,兩個人既手法都唔同,攪到我兩邊頭髮,一邊直,一邊仲有少少曲,開頭係睇唔到架,返屋企隔左兩日後洗頭先覺囉,之前我朋友話佢好掂架嘛,我諗會唔會係我個頭既問題囉,但我後來搵我另一個我整開既朋友幫我整,佢話係佢地D藥水同埋夾得唔好,你可以去嘈佢啦,完住唔掂呀,但我再同帶我去既朋友講返話,你朋友真係唔係好得喎,我係佢度做完負離子,只KEEP到兩日囉,佢竟然話係架,佢不嬲都唔多掂架啦!!死未....但佢都叫我返去話佢,叫佢攪返掂佢,但我就唔想,因為佢話收平我,我費事人地話我收平左你,係咁上下啦!!不過俾我知道,我係以後都唔會去個度整頭囉!!另外一間係叫新偶x,係旺角,又係完全唔掂,我去剪頭髮,叫佢幫我偷薄,佢竟然冇偷話就話剪完囉,佢唔偷既理由係,已經偷冇可偷喎!!
眾裡尋他千百度,驀然回首,那人卻在燈火闌珊處!!
生死有命,富貴由天


公爵府

積分: 25777


發表於 04-5-11 17:05 |顯示全部帖子

Re: 很後悔做負離子

CPY

放心...Dickie好好人


禁止訪問

積分: 30004


發表於 04-5-11 17:28 |顯示全部帖子

Re: 很後悔做負離子

提示: 作者被禁止或刪除 內容自動屏蔽

首頁

尾頁

跳至